കലവൂര്‍, ആര്യാട് ബ്ലോക്ക് പഞ്ചായ പഞ്ചായത്ത് ഓഫീസിനു സമീപം പ്രവര്‍ത്തിക്കുന്ന എസ്.ബി.ഐ യുടെ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ ആറ് ദിവസത്തെ നൈറ്റി സ്റ്റിച്ചിങ് (പ്ലീറ്റഡ്, എംബ്രോയിഡറി, ചുരിദാര്‍, ഫ്രോക്ക്) പരിശീലനം സംഘടിപ്പിക്കുന്നു. താൽപര്യമുള്ള 18 നും 49 നും ഇടയില്‍ പ്രായമുള്ള യുവതികള്‍ ഒക്ടോബര്‍ 27 നു രാവിലെ 10.30 നു ആര്യാട് ബ്ലോക്ക് പഞ്ചായത്തില്‍ ഉള്ള എസ്.ബി.ഐ ആര്‍സെറ്റി പരിശീലന കേന്ദ്രത്തില്‍ അഭിമുഖത്തിന് ഹാജരാക്കണം. തയ്യല്‍ അറിഞ്ഞിരിക്കണം. താമസത്തിനും ഭക്ഷണത്തിനുമുള്ള സൗകര്യങ്ങള്‍ പരിശീലന കേന്ദ്രത്തില്‍ ഉണ്ട്.

പരമ്പരാഗത കൈത്തറി വസ്ത്രങ്ങളുടെ പ്രചരാണാർത്ഥം കൈത്തറി വസ്ത്ര ഡയറക്ടറേറ്റും ജില്ലാ വ്യവസായ കേന്ദ്രവും സംയുക്തമായി ജില്ലയിലെ എൽ.പി. യു.പി, ഹൈസ്കൂൾ കുട്ടികൾക്കായി ചിത്രരചന മത്സരം സംഘടിപ്പിച്ചു. മീനങ്ങാടി ഗ്രാമപഞ്ചായത്ത് കമ്യൂണിറ്റി ഹാളിൽ നടന്ന മത്സരത്തിൽ എൽ.പി, യു.പി, ഹൈസ്ക്കൂൾ വിഭാഗങ്ങളിലായി വിവിധ സ്ക്കൂളുകളിൽ നിന്ന് ഇരുന്നൂറോളം വിദ്യാർത്ഥികൾ പങ്കെടുത്തു. മീനങ്ങാടി ഗ്രാമ പഞ്ചായത്ത് പ്രസിഡൻറ് കെ.ഇ വിനയൻ ഉദ്ഘാടനവും സമ്മാനദാനവും നിർവഹിച്ചു.

ചമ്പക്കുളം ഐസിഡിഎസിലെ അങ്കണവാടി സന്ദര്‍ശനങ്ങള്‍ക്കായി 2025-26 വര്‍ഷത്തില്‍ കോണ്‍ട്രാക്റ്റ് വാഹനം വാടകയ്ക്ക് നല്‍കുന്നതിന് ടെൻഡർ ക്ഷണിച്ചു. സ്വീകരിക്കുന്ന അവസാന തീയതി നവംബര്‍ 11 ന് ഉച്ചയ്ക്ക് 12 മണി. ഫോണ്‍: 938857763, 0477-2707843.

ആലപ്പുഴ ഗവ റ്റി.ഡി. മെഡിക്കല്‍ കോളേജിലെ എമര്‍ജന്‍സി മെഡിസിന്‍ വിഭാഗത്തില്‍ സീനിയര്‍ റസിഡന്റ് തസ്തികയിലെ രണ്ട് ഒഴിവിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നു. യോഗ്യത ഡി എൻ ബി / എം ഡി എമർജൻസി മെഡിസിൻ.  അഭിമുഖം  നവംബര്‍ അഞ്ച്  രാവിലെ 11 മണിയ്ക്ക് നടക്കും. താൽപര്യമുള്ളവർ  ജനനതീയതി, മേല്‍വിലാസം, വിദ്യാഭ്യാസ യോഗ്യത, മുൻപരിചയം  എന്നിവ തെളിയിക്കുന്ന അസ്സല്‍ രേഖകളും ഒരു സെറ്റ് സാക്ഷ്യപ്പെടുത്തിയ പകര്‍പ്പുകളും സഹിതം ഹാജരാകണം.

ആലപ്പുഴ ജില്ലയില്‍ മോട്ടോര്‍ ട്രാന്‍സ്‌പോര്‍ട്ടേഴ്സ് വര്‍ക്കേഴ്സ് ആക്ട് പ്രകാരം രജിസ്റ്റര്‍ ചെയ്തിട്ടുള്ള എല്ലാ അണ്ടര്‍ടേക്കിംഗ്/വാഹനങ്ങളുടെ 2026 വര്‍ഷത്തേക്കുള്ള രജിസ്‌ട്രേഷന്‍ പുതുക്കല്‍ ഫൈനില്ലാതെ ഓണ്‍ലൈനായി ഒക്ടോബര്‍ 31 ന് മുമ്പായി ചെയ്യാം.

*എം എസ് അരുൺകുമാർ എംഎൽഎ ഉദ്ഘാടനം ചെയ്യും

പാലമേൽ ഗ്രാമപഞ്ചായത്ത് വികസന സദസ്സ് ഇന്ന് (ഒക്ടോബർ 25) എം എസ് അരുൺകുമാർ എംഎൽഎ ഉദ്ഘാടനം ചെയ്യും. രാവിലെ ഒമ്പത് മണിക്ക് നൂറനാട് എസ് എൻ വിവേക് വിദ്യാമന്ദിർ ഓഡിറ്റോറിയത്തിൽ നടക്കുന്ന ചടങ്ങിൽ പഞ്ചായത്ത് പ്രസിഡന്റ്‌ ബി വിനോദ് അധ്യക്ഷനാകും. ഭരണിക്കാവ് ബ്ലോക്ക്‌ പഞ്ചായത്ത്‌ പ്രസിഡന്റ്‌ എസ് രജനി, പഞ്ചായത്ത്‌ വൈസ് പ്രസിഡന്റ്‌ നദീറ നൗഷാദ്, മറ്റ് ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.

*എം എസ് അരുൺകുമാർ എംഎൽഎ ഉദ്ഘാടനം ചെയ്യും

ചെന്നിത്തല തൃപ്പെരുന്തുറ ഗ്രാമപഞ്ചായത്ത് വികസന സദസ്സ് ഇന്ന് (ഒക്ടോബർ 25) എം എസ് അരുൺകുമാർ എംഎൽഎ ഉദ്ഘാടനം ചെയ്യും. രാവിലെ 10 മണിക്ക് പഞ്ചായത്ത് കമ്മ്യൂണിറ്റി ഹാളിൽ നടക്കുന്ന ചടങ്ങിൽ പഞ്ചായത്ത് പ്രസിഡന്റ് വിജയമ്മ ഫിലേന്ദ്രൻ അധ്യക്ഷയാകും. മാവേലിക്കര ബ്ലോക്ക് പഞ്ചായത്ത് പ്രസിഡന്റ് ഇന്ദിരാദാസ്, പഞ്ചായത്ത് വൈസ് പ്രസിഡന്റ് രവികുമാർ, മറ്റ് ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.

അഖിലേന്ത്യാ സഹകരണ വാരാഘോഷത്തോടനുബന്ധിച്ച് സംസ്ഥാന സഹകരണ യൂണിയന്റെ നെയ്യാർഡാമിലുളള കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റും (കിക്മ), 

*ജർമ്മൻ പങ്കാളിത്തത്തിലൂടെ നിക്ഷേപവും മികച്ച തൊഴിലാവസരങ്ങളും സൃഷ്ടിക്കും

        കേരള സർക്കാർ സ്ഥാപനമായ കെൽട്രോണിൽ കേരള സർക്കാർ അംഗീകൃതവും നോർക്ക റൂട്ട്സ് അറ്റസ്റ്റേഷന് യോഗ്യവുമായ പ്രൊഫഷണൽ ഡിപ്ലോമ ഇൻ ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ് കോഴ്സിലേക്ക് അപേക്ഷ ക്ഷണിച്ചു. ആധുനിക കാലഘട്ടത്തിലെ തൊഴിൽ സാധ്യതകളെ പരമാവധി പ്രയോജനപ്പെടുത്തുന്നതിനായി  രൂപകല്പന ചെയ്തിരിക്കുന്ന ഒരു വർഷം ദൈർഘ്യമുള്ള കോഴ്സിന് പ്ലസ്ടു ആണ് അടിസ്ഥാന യോഗ്യത.