കേരള സന്ദർശനത്തിൻ്റെ ഭാഗമായി കൊച്ചിയിലെത്തിയ രാഷ്ട്രപതി ദ്രൗപദി മുർമുവിനെ നാവിക വിമാനത്താവളത്തിൽ ഗവര്‍ണര്‍ രാജേന്ദ്ര വിശ്വനാഥ് ആര്‍ലേക്കറുടെ നേതൃത്വത്തിൽ സ്വീകരിച്ചു.

ദേവസ്വം വകുപ്പ് മന്ത്രി വി. എൻ.വാസവൻ, കേന്ദ്രമന്ത്രി സുരേഷ് ഗോപി, ദക്ഷിണ നാവിക കമാൻഡ് ചീഫ് ഓഫ് സ്റ്റാഫ് ( ഒഫീഷിയേറ്റിങ്) റിയർ അഡ്മിറൽ വി എസ് എം ഉപുൽ കുണ്ഡു, അഡ്വ ഹാരിസ് ബീരാൻ എം.പി, ജില്ലാ കളക്ടർ ജി. പ്രിയങ്ക, സിറ്റി പോലീസ് കമ്മീഷണർ പുട്ട വിമലാദിത്യ തുടങ്ങിയവരും സ്വീകരിക്കാനെത്തി.

ജില്ലാ ശിശുക്ഷേമ സമിതിയുടെ നേതൃത്വത്തില്‍ ശിശുദിനാഘോഷ പരിപാടികളുടെ ഭാഗമായി 'വര്‍ണോത്സവം 2025' എന്ന പേരില്‍ ശിശുദിന കലോത്സവം സംഘടിപ്പിക്കുന്നു. പരിപാടിയുടെ നടത്തിപ്പിനായി 501 അംഗ സംഘാടക സമിതി രൂപീകരിച്ചു.

മന്ത്രിമാരായ കെ.എന്‍ ബാലഗോപാല്‍, ജെ. ചിഞ്ചുറാണി, കെ.ബി ഗണേഷ്‌കുമാര്‍ എന്നിവരും എന്‍.കെ പ്രേമചന്ദ്രന്‍ എം.പിയുയാണ് മുഖ്യ രക്ഷാധികാരികള്‍. ജില്ലാ കലക്ടര്‍ ചെയര്‍പേഴ്‌സണും ജില്ലാ ശിശുക്ഷേമ സമിതി സെക്രട്ടറി കണ്‍വീനറുമായ സംഘാടക സമിതിയാണ് രൂപീകരിച്ചത്.

ഒരു കോടി രൂപ ചെലവഴിച്ച് ചിതറയിലെ പട്ടികജാതി ഉന്നതി നവീകരിക്കുമെന്ന് മൃഗസംരക്ഷണ- ക്ഷീരവികസന വകുപ്പ് മന്ത്രി ജെ. ചിഞ്ചുറാണി. ചിതറ ഗ്രാമപഞ്ചായത്ത് വികസന സദസ് ടൗണ്‍ഹാളില്‍  ഉദ്ഘാടനം ചെയ്യുകയായിരുന്നു മന്ത്രി. 10.53 കോടി രൂപ വിനിയോഗിച്ച് പാങ്ങോട്- കിഴക്കുംഭാഗം- മുള്ളിക്കാട്- കൊല്ലായില്‍ റോഡ് നിര്‍മാണം പൂര്‍ത്തിയാക്കി.

 ജില്ലാ വ്യവസായ കേന്ദ്രത്തിന്റെ നേതൃത്വത്തില്‍   ആശ്രാമത്തെ  ചെറുകിട വ്യവസായ അസോസിയേഷന്‍ ഹാളില്‍ ഏകദിന എം.എസ്.എം.ഇ ക്ലിനിക്ക് സംഘടിപ്പിച്ചു.   അഡീഷണല്‍ ജില്ലാ മജിസ്‌ട്രേറ്റ്  ജി.നിര്‍മ്മല്‍ കുമാര്‍ ഉദ്ഘാടനം  ചെയ്തു. 'ഡിജിറ്റല്‍ മാര്‍ക്കറ്റിംഗ്’   വിഷയത്തില്‍ ബിസിനസ് ട്രെയിനര്‍ ജസ്റ്റിന്‍ ജോസ്, ‘ജെം പോര്‍ട്ടല്‍’ വിഷയത്തില്‍ ബിസിനസ് ഫെസിലിറ്റേറ്റര്‍ മനേഷ് മോഹന്‍, 'കസ്റ്റം പാക്കേജിംഗ് ഡിസൈന്‍’ സംബന്ധിച്ച്  എഴുകോണിലെ മാക്‌സ് ഓട്ടോമേഷന്‍ പ്രൈവറ്റ് ലിമിറ്റഡ് ഡയറക്ടര്‍ റ്റി.ഒ. സുരേഷ് കുമാര്‍ എന്നിവര്‍ ക്ലാസെടുത്തു. അറുപത് സംരംഭകര്‍ പങ്കെടുത്തു. ജില്ലാ വ്യവസായ കേന്ദ്രം ജനറല്‍ മാനേജര്‍ കെ.എസ്.

ശാസ്താംകോട്ട തടാകത്തിന്റെ പരിധിയിലെ വാര്‍ഡുകളില്‍ അനധികൃത ഖനനവും മണലൂറ്റും പടിഞ്ഞാറേ കല്ലട, മൈനാഗപ്പള്ളി വില്ലേജുകളിലെ മുഴുവന്‍ ഖനന പ്രവര്‍ത്തനങ്ങളും  മണലൂറ്റും  ഒക്ടോബര്‍ 27 മുതല്‍ രണ്ട് മാസത്തേക്ക് നിരോധിച്ച് ജില്ലാ കലക്ടര്‍ ഉത്തരവിട്ടു. ശാസ്താംകോട്ട ഗ്രാമപഞ്ചായത്തിലെ എട്ട്, ഒമ്പത്, 10, 11, 12, 19 എന്നീ വാര്‍ഡുകളിലെ തടാകവും വൃഷ്ടിപ്രദേശങ്ങളും സംരക്ഷിത മേഖലയായും പ്രഖ്യാപിച്ചു. നിരോധനം ലംഘിക്കുന്നവര്‍ക്കെതിരെ കര്‍ശന ശിക്ഷ നടപടികള്‍ സ്വീകരിക്കും.

കുഞ്ഞിമംഗലം പഞ്ചായത്തിലെ പുതിയ പുഴക്കര  ചേനോളിമിൽ റോഡ് മത്സ്യബന്ധന സാംസ്‌കാരിക വകുപ്പ് മന്ത്രി സജി ചെറിയാൻ  ഓൺലൈനായി ഉദ്ഘാടനം ചെയ്തു. എം വിജിൻ എം എൽ എ അധ്യക്ഷത വഹിച്ച് ശിലാഫലകം അനാച്ഛാദനം ചെയ്തു.

സംസ്ഥാന സർക്കാർ ഹാർബർ എഞ്ചിനീയറിംഗ് വകുപ്പ് മുഖേന 65.10 ലക്ഷം രൂപയാണ് പദ്ധതിക്ക് അനുവദിച്ചത്. 698 മീറ്റർ ദൈർഘ്യമുള്ള റോഡ് ഇരുഭാഗവും വീതി കൂട്ടി നാല് മീറ്റർ വീതിയിൽ ഉപരിതലം ടാറിങ്ങ് ചെയ്തിട്ടുണ്ട്. ഇരുഭാഗത്തും ബേം കോൺക്രീറ്റ് ചെയ്തും വെള്ളക്കെട്ട് ഒഴിവാക്കാനായി സൈഡ് ഡ്രയിൻ നൽകിയിട്ടുമുണ്ട്. റോഡ്  സംരക്ഷണത്തിനായി ആവശ്യമായ ഭാഗങ്ങളിൽ സംരക്ഷണ ഭിത്തിയും നിർമ്മിച്ചിട്ടുണ്ട്.  

കേരളപ്പിറവിദിനം ജില്ലയിലെ മുഴുവന്‍ ഗ്രന്ഥശാലകളിലും വിപുലമായി ആഘോഷിക്കാന്‍ ജില്ലാ ലൈബ്രറി കൗണ്‍സില്‍ എക്‌സിക്യൂട്ടീവ് യോഗം തീരുമാനിച്ചു. ആഘോഷത്തിന്റെ ഭാഗമായി ഏഴുപതിറ്റാണ്ടിനിടെ  കേരളം കടന്നുവന്ന വഴികളും സമസ്ത മേഖലകളിലും ആര്‍ജിച്ച നേട്ടങ്ങളും ഉൾക്കൊള്ളുന്ന 'എന്റെ കേരളം; അഭിമാന കേരളം' പ്രഭാഷണം, സ്ലൈഡ് ഷോ, കലാവിഷ്‌കാരങ്ങള്‍ എന്നിവ സംഘടിപ്പിക്കും. 

പ്രമേഹം കാരണമുണ്ടാകുന്ന കാഴ്ചക്കുറവിന് പരിയാരം ഗവ. ആയുര്‍വേദ കോളേജ് ആശുപത്രിയിലെ ശാലക്യതന്ത്ര വിഭാഗത്തില്‍ (ഒ.പി നമ്പര്‍ എട്ട്) ഗവേഷണാടിസ്ഥാനത്തില്‍ സൗജന്യ ചികിത്സ നല്‍കുന്നു. 35 മുതല്‍ 75 വയസ് വരെയുള്ളവര്‍ക്ക് ചികിത്സ പ്രയോജനപ്പെടുത്താം. തിങ്കള്‍ മുതല്‍ ശനിവരെ രാവിലെ എട്ട് മുതല്‍ ഉച്ചയ്ക്ക് ഒരുമണിവരെയാണ് ഒ.പി. ഫോണ്‍: 8606090411

കെല്‍ട്രോണ്‍ തളിപ്പറമ്പ് നോളജ് സെന്ററില്‍ ഒരു വര്‍ഷ പ്രൊഫഷണല്‍ ഡിപ്ലോമ കോഴ്‌സുകളായ ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ്, ഫയര്‍ ആന്‍ഡ് സേഫ്റ്റി, പ്രീ സ്‌കൂള്‍ ടീച്ചേര്‍സ് ട്രെയിനിംഗ് എന്നിവയില്‍ അഡ്മിഷന്‍ തുടരുന്നു. താല്‍പര്യമുള്ളവര്‍ക്ക് തളിപ്പറമ്പ് മുനിസിപ്പാലിറ്റി ബസ്സ്റ്റാന്റ് കോംപ്ലക്‌സിലുള്ള കെല്‍ട്രോണ്‍ നോളജ് സെന്ററുമായി ബന്ധപ്പെടാം. ഫോണ്‍: 04602205474, 0460 2954252

കണ്ണൂർ റീജിയണൽ ട്രാൻസ്‌പോർട് അതോറിറ്റി യോഗം ഒക്ടോബർ 31 നു രാവിലെ 11 മണിക്ക് കലക്ടറേറ്റ് ഓഡിറ്റോറിയത്തിൽ ചേരും.