കുന്നോത്ത്പറമ്പ് ഗ്രാമപഞ്ചായത്തിന് പുതുതായി നിര്‍മിക്കുന്ന കെട്ടിടത്തിന്റെ ശിലാസ്ഥാപനം ഒക്ടോബര്‍ 26ന് രാവിലെ ഒന്‍പത് മണിക്ക് നിയമസഭാ സ്പീക്കര്‍ അഡ്വ. എ.എന്‍ ഷംസീര്‍ നിര്‍വഹിക്കും. കെ.പി മോഹനന്‍ എം.എല്‍.എ അധ്യക്ഷനാകും.

കേരള സ്റ്റേറ്റ് റൂട്രോണിക്‌സ് സര്‍ട്ടിഫിക്കറ്റോടുകൂടി തിരുവനന്തപുരം, ആറ്റിങ്ങല്‍ അംഗീകൃത പഠന കേന്ദ്രങ്ങളിലേക്ക് ഒരു വര്‍ഷം, ആറുമാസം, മൂന്നുമാസം ദൈര്‍ഘ്യമുള്ള ലോജിസ്റ്റിക്‌സിന്റെ വിവിധ കോഴ്‌സുകളിലേക്ക് ഇന്റേണ്‍ഷിപ്പോടുകൂടി റെഗുലര്‍, പാര്‍ട്ട് ടൈം ബാച്ചുകളിലേക്ക് അപേക്ഷ ക്ഷണിച്ചു. ലോജസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ് കോഴ്‌സുകളിലേക്കാണ് അപേക്ഷ ക്ഷണിച്ചത്. എസ്.എസ്.എല്‍.സി, പ്ലസ് ടു, ഡിഗ്രി പാസ്സായവര്‍ക്ക് അപേക്ഷിക്കാം. ഫോണ്‍: 7994926081.

കെ എസ് ആര്‍ ടി സി ബജറ്റ് ടൂറിസം സെല്ലിന്റെ നേതൃത്വത്തില്‍ സംഘടിപ്പിക്കുന്ന ഗവി - കുമളി - കമ്പം പാക്കേജില്‍ സീറ്റുകള്‍ ഒഴിവുണ്ട്. ഒക്ടോബര്‍ 31 ന് വൈകീട്ട് അഞ്ചുമണിക്ക് കണ്ണൂരില്‍ നിന്നും പുറപ്പെട്ട്  ശനിയാഴ്ച രാവിലെ റാന്നിയില്‍ എത്തിയതിനുശേഷം പത്തനംതിട്ടയില്‍ നിന്നും മറ്റൊരു ബസ്സിലാണ് ഗവിയിലേക്ക് പുറപ്പെടുന്നത്. യാത്രാമധ്യേ അടവിയില്‍ കുട്ടവഞ്ചി സഫാരിയും കാനനക്കാഴ്ചകള്‍ കാണാനുള്ള സൗകര്യവുമുണ്ട്. അന്നേദിവസം വൈകീട്ട് അഞ്ചുമണിയോടുകൂടി പരുന്തുംപാറ സന്ദര്‍ശിച്ച് രാത്രി കുമളിയില്‍ താമസിക്കും.

വനിത ശിശു വികസന വകുപ്പിന് കീഴില്‍ പ്രവര്‍ത്തിക്കുന്ന തൃശ്ശൂര്‍ ജില്ലയിലെ പഴയന്നൂര്‍ ഐ.സി.ഡി.എസ് പ്രോജക്ടിന്റെ ഉപയോഗത്തിന് വാഹനം കരാറടിസ്ഥാനത്തില്‍ വാടകയ്ക്ക് നല്‍കുന്നതിന് മത്സര സ്വഭാവത്തില്‍ റീ ടെണ്ടര്‍ ക്ഷണിച്ചു. നവംബര്‍ നാലിന് ഉച്ചയ്ക്ക് രണ്ട് മണി വരെ ടെണ്ടര്‍ സ്വീകരിക്കും. കൂടുതല്‍ വിവരങ്ങള്‍ക്കായി ഫോണ്‍: 04884 250527.

ഇരിവേരി സി എച്ച് സിയുടെ ടാറ്റാ സ്പേഷ്യോ വാഹനം ലേലം ചെയ്ത് വിൽപന നടത്തിയ ശേഷം അഞ്ച് വർഷത്തേക്ക് തിരികെ ആശുപത്രിക്കു തന്നെ വാടകയ്ക്ക് നൽകുന്നതിന് ദർഘാസ് ക്ഷണിച്ചു. സീൽ ചെയ്ത ദർഘാസുകൾ ഒക്ടോബർ 28 ന് രാവിലെ 11 മണിക്കകം മെഡിക്കൽ ഓഫീസർ, സി.എച്ച്.സി ഇരിവേരി, പി ഒ മൗവഞ്ചേരി, ചക്കരക്കൽ എന്ന വിലാസത്തിൽ ലഭിക്കണം. ഫോൺ: 04972851602

കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡില്‍ അംഗങ്ങളായ തൊഴിലാളികളുടെ മക്കള്‍ക്കുള്ള 2025-26 വര്‍ഷത്തെ സ്‌കോളര്‍ഷിപ്പ് അപേക്ഷ സമര്‍പ്പിക്കേണ്ട അവസാന തീയതി ഒക്ടോബര്‍ 31 വരെ നീട്ടിയതായി വെല്‍ഫെയര്‍ ഫണ്ട് ഇന്‍സ്‌പെക്ടര്‍ അറിയിച്ചു.
 

കണ്ണൂർ ഇലക്ട്രിക്കൽ സെക്ഷൻ പരിധിയിലുള്ള എസ് പി സി എ റോഡ്, പഴയ ബസ് സ്റ്റാൻഡ്, കോടതി, മുനിസിപ്പൽ ഓഫീസ്, കെ വി ആർ, ഫാത്തിമ ഹോസ്പിറ്റൽ ഭാഗങ്ങളിൽ ഒക്ടോബർ 25 ന് രാവിലെ 8.30 മുതൽ 10.30 വരെയും കുനിയിൽ പീടിക, യതീം ഖാന, കക്കാട് ഭാഗങ്ങളിൽ രാവിലെ ഒൻപത് മണി മുതൽ വൈകീട്ട് അഞ്ച് മണി വരെയും വൈദ്യുതി മുടങ്ങും.

അഞ്ചരക്കണ്ടി-പെരളശ്ശേരി അനുബന്ധ പഞ്ചായത്തുകളുടെ കുടിവെള്ള പദ്ധതിയുടെ ഭാഗമായ വെളിയമ്പ്ര ഇൻടേക്ക് വെൽ കം പമ്പ് ഹൗസിൽ അടിയന്തര അറ്റകുറ്റ പണികൾ നടക്കുന്നതിനാൽ ഒക്ടോബർ 25ന് അഞ്ചരക്കണ്ടി, വേങ്ങാട്, പിണറായി, എരഞ്ഞോളി, കതിരൂർ, ചെമ്പിലോട്, പെരളശ്ശേരി, കടമ്പൂർ, മുഴപ്പിലങ്ങാട് പഞ്ചായത്തുകളിലും കണ്ണൂർ കോർപറേഷനിലെ ചേലോറ ഡിവിഷനിലും കുടിവെള്ള വിതരണം പൂർണമായി തടസ്സപ്പെടുമെന്ന് അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.

ജില്ലാ പഞ്ചായത്തിന്റെ ധനസഹായത്തോടെ പട്ടികവർഗ വികസന വകുപ്പ് നടപ്പാക്കുന്ന ബാംഗ്ലൂർ നാഷണൽ സ്‌കിൽ ഡെവലപ്മെന്റ് കോർപറേഷൻ ഏറോ സ്പേസ് ആൻഡ് ഏവിയേഷൻ സെക്ടർ സ്‌കിൽ കൗൺസിലിൽ എയർലൈൻ കസ്റ്റമർ സർവീസ് എക്‌സിക്യൂട്ടീവ് പരിശീലനത്തിന് പട്ടികവർഗ വിഭാഗത്തിൽപ്പെട്ട ബിരുദധാരികൾക്ക് അപേക്ഷിക്കാം. ജില്ലയിലെ ഗ്രാമപഞ്ചായത്തുകളിൽ താമസിക്കുന്ന 20നും 25നും ഇടയിൽ പ്രായമുള്ള പെൺകുട്ടികൾക്കും ആൺകുട്ടികൾക്കും അപേക്ഷ നൽകാം. പരിശീലനം നടത്തുന്ന സ്ഥാപനത്തിന്റെ പ്രവേശന പരീക്ഷ / അഭിമുഖത്തിന്റെ അടിസ്ഥാനത്തിലായിരിക്കും പ്രവേശനം. പ്രവേശനം ലഭിക്കുന്നവർക്ക് താമസം, ഭക്ഷണം ഉൾപ്പെടെ മുഴുവൻ ഫീസും സൗജന്യമായിരിക്കും.