എന്‍ ഊര് ഗോത്ര പൈതൃക ഗ്രാമത്തിലെ ജ്വല്ലറി, കരകൗശലം, തുണിത്തരങ്ങള്‍, പെയിന്റിങ്ങ് തുടങ്ങിയ വിവിധ വിഭാഗങ്ങളിലെ സ്റ്റാളുകള്‍ വാടകയ്ക്ക് എടുത്ത് നടത്താന്‍ താത്പര്യമുള്ള പട്ടികവര്‍ഗ്ഗ വിഭാഗക്കാരായ വ്യക്തികള്‍, സ്വാശ്രയ സംഘങ്ങള്‍, സൊസൈറ്റികളില്‍ നിന്നും  ദര്‍ഘാസ് ക്ഷണിച്ചു. ദര്‍ഘാസുകള്‍ നവംബര്‍ 25 വൈകിട്ട് അഞ്ചിനകം പൂക്കോട്, വെറ്ററിനറി യൂണിവേഴ്സിറ്റിക്ക് സമീപമുള്ള എന്‍ ഊര് ചാരിറ്റബിള്‍ സൊസൈറ്റിയില്‍ നല്‍കണം.  ഫോണ്‍: 6238071371

മാടക്കത്തറ കുടുംബാരോഗ്യ കേന്ദ്രത്തിൻ്റെ ആഭിമുഖ്യത്തിൽ ജീവിതശൈലീ രോഗങ്ങളെക്കുറിച്ച്  ബോധവത്കരണ ക്ലാസ്സും മെഡിക്കൽ ക്യാമ്പും സംഘടിപ്പിച്ചു. മാടക്കത്തറ ഗ്രാമപഞ്ചായത്ത് പ്രസിഡൻ്റ് ഇന്ദിര മോഹൻ മെഡിക്കൽ ക്യാമ്പും ബോധവത്കരണ ക്ലാസ്സും ഉദ്ഘാടനം ചെയ്തു. കേരള കാർഷിക സർവകലാശാല കശുമാവ് ഗവേഷണ കേന്ദ്രം മേധാവി ഡോ. ജലജ എസ്. മേനോൻ അധ്യക്ഷത വഹിച്ചു. ജൂനിയർ ഹെൽത്ത് ഇൻസ്പെക്ടർ അന്നാ റോസ്, മിഡ് ലെവൽ സർവ്വീസ് പ്രൊവൈഡർമാരായ സിജി ജസ്റ്റിൻ, ബിൻസി തോമസ് എന്നിവർ കേരള കാർഷിക സർവ്വകലാശാല കശുമാവ് ഗവേഷണ കേന്ദ്രത്തിൽ നടന്ന ക്യാമ്പിന് നേത്യത്വം നൽകി. ഡോ. ആശിഷ് ഐ. എടക്കളത്തൂർ സ്വാഗതവും ഡോ. സീന ആർ. സുഭഗൻ നന്ദിയും പറഞ്ഞു.

കാലവര്‍ഷത്തില്‍ ജില്ലയില്‍ നടപ്പിലാക്കിയ ദുരന്ത പ്രതിരോധ, അപകടരഹിത മണ്‍സൂണ്‍ പ്രതിരോധ പ്രവര്‍ത്തനങ്ങള്‍ പഠിക്കാന്‍ താത്പര്യമറിയിച്ച് ഹിമാചല്‍പ്രദേശ് സര്‍ക്കാര്‍. പ്രകൃതി ദുരന്തങ്ങള്‍ പ്രതിരോധിക്കാന്‍ സംസ്ഥാന സര്‍ക്കാര്‍, ജില്ലാ ഭരണകൂടം, ദുരന്ത നിവാരണ അതോറിറ്റി എന്നിവരുടെ സംയുക്താഭിമുഖ്യത്തില്‍ ദീര്‍ഘവീക്ഷണത്തോടെ നടപ്പാക്കിയ മുന്‍കരുതല്‍, പ്രതിരോധ പ്രവര്‍ത്തനങ്ങള്‍, അപകട മരണങ്ങളില്ലാത്ത മഴക്കാല പ്രവര്‍ത്തനങ്ങള്‍ പഠിക്കുകയാണ് ലക്ഷ്യം.

കേരളത്തിലെ ജനങ്ങൾക്ക് അന്തസ്സായി ജീവിക്കാനുള്ള സൗകര്യമൊരുക്കാനാണ് സംസ്ഥാന സർക്കാർ ലക്ഷ്യമിടുന്നതെന്ന് തദ്ദേശ സ്വയംഭരണ, എക്‌സൈസ് വകുപ്പ് മന്ത്രി എം.ബി.രാജേഷ് പറഞ്ഞു. ഉദയഗിരി ഗ്രാമപഞ്ചായത്ത് ലൈഫ് ഭവന പദ്ധതിയിൽ ഉൾപ്പെടുത്തി പൂർത്തിയാക്കിയ 218 വീടുകളുടെ താക്കോൽ കൈമാറ്റവും ഭവന പുനരുദ്ധാരണ പദ്ധതിയുടെ ആദ്യ ഗഡു വിതരണ ചടങ്ങിന്റെയും ഉദ്ഘാടനം നിർവഹിക്കുകയായിരുന്നു അദ്ദേഹം. കേരളത്തിൽ ചേരികൾ ഉണ്ടാകാതിരിക്കാൻ ഫ്‌ളാറ്റുകൾ നിർമ്മിച്ച് അസാധ്യമായതൊക്കെ സാധ്യമാക്കി രാജ്യത്തിന് തന്നെ മാതൃകയാവുകയാണെന്ന് അദ്ദേഹം പറഞ്ഞു.

കേരളം സാമ്പത്തികമായി ഞെരുക്കം നേരിടുന്ന സാഹചര്യത്തിലും വികസന പ്രവർത്തനങ്ങൾ നടക്കുന്നത് കേരളത്തിന്റെ തനത് വരുമാനം വർദ്ധിപ്പിച്ചതിനാലാണെന്ന് തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് പറഞ്ഞു. കടന്നപ്പള്ളി പാണപ്പുഴ ഗ്രാമപഞ്ചായത്തിലെ ചന്തപ്പുരയിൽ നിർമ്മാണം പൂർത്തിയാക്കിയ ഓഡിറ്റോറിയം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. തദ്ദേശ സ്ഥാപനങ്ങൾ വൈവിധ്യമാർന്ന പദ്ധതികൾ കൊണ്ടുവന്ന് തനത് വരുമാനം വർദ്ധിപ്പിക്കാനുള്ള ശ്രമങ്ങൾ നടത്തണമെന്നും അദ്ദേഹം പറഞ്ഞു. ഓഡിറ്റോറിയങ്ങൾ പഞ്ചായത്തിന്റെ തനത് വരുമാന മാർഗമാണെന്നും മന്ത്രി പറഞ്ഞു.

കെ.ആർ.നാരായണൻ  ഇൻസ്റ്റിറ്റ്യൂട്ട്  ഓഫ്  വിഷ്വൽ  സയൻസ് & ആർട്സ്   ഇൻസ്റ്റിട്യൂട്ടിന്റെ  അടിസ്‌ഥാന  വികസന വികസനത്തിന്  26,58,53,104 രൂപയുടെ പ്രൊപോസൽ ക്യാബിനറ്റ്  അംഗീകാരമായതായി ഉന്നതവിദ്യാഭ്യാസ സാമൂഹ്യനീതി വകുപ്പ് മന്ത്രി  ഡോ:ആർ.ബിന്ദു അറിയിച്ചു.

ജില്ലാ പഞ്ചായത്ത്‌, ഏഴോം ഗ്രാമപഞ്ചായത്തിൽ 24 പട്ടികജാതി കുടുംബങ്ങൾക്കായി നിർമ്മിച്ച ഫ്ലാറ്റുകളുടെ താക്കോൽ തദ്ദേശസ്വയംഭരണ, എക്സൈസ് വകുപ്പ് മന്ത്രി എം. ബി. രാജേഷ് കൈമാറി. ജില്ലാ പഞ്ചായത്തിന്റെയും പട്ടികജാതി വകുപ്പിന്റെയും സമാനതകളില്ലാത്ത പദ്ധതിയാണ്  ഏഴോം ഭവനസമുച്ചയമെന്ന് മന്ത്രി പറഞ്ഞു.

 തൃശ്ശൂര്‍ വനിത പ്രൊട്ടക്ഷന്‍ ഓഫീസിന്റെ ഔദ്യോഗിക ആവശ്യങ്ങള്‍ക്കായി ഒരു വര്‍ഷത്തേക്ക് വാഹനം കരാര്‍ അടിസ്ഥാനത്തില്‍ വാടകയ്ക്ക് നല്‍കാന്‍ താല്‍പര്യമുള്ളവരില്‍ നിന്നും അപേക്ഷ ക്ഷണിച്ചു. ഒക്ടോബര്‍ 31 ന് ഉച്ചയ്ക്ക് ഒരുമണിവരെ ടെണ്ടര്‍ ഫോമുകള്‍ വില്‍പ്പന ചെയ്യും. ടെണ്ടറുകള്‍ ഒക്ടോബര്‍ 31 ന് ഉച്ചയ്ക്ക് രണ്ടുവരെ സ്വീകരിക്കും. കൂടുതല്‍ വിവരങ്ങള്‍ക്കായി 0487 2367100 എന്ന നമ്പറില്‍ ബന്ധപ്പെടുക.