കഴിഞ്ഞ അഞ്ചു വർഷത്തെ വികസന നേട്ടങ്ങൾ അവലോകനം ചെയ്യുന്നതിനും ഭാവി പ്രവർത്തനങ്ങൾ ചർച്ച ചെയ്യുന്നതിനുമായി കോട്ടപ്പടി ഗ്രാമപഞ്ചായത്തിൽ വികസന സദസ്സ് സംഘടിപ്പിച്ചു. വികസന സദസ്സ്

ആന്റണി ജോൺ എം.എൽ.എ ഉദ്ഘാടനം ചെയ്തു. കോട്ടപ്പടി ക്ലബ് ഓഡിറ്റോറിയത്തിൽ സംഘടിപ്പിച്ച വികസന സദസ്സിൽ  

പഞ്ചായത്ത് പ്രസിഡന്റ് മിനി ഗോപി അധ്യക്ഷയായി. 

തിരുവല്ല  കുന്നന്താനം അസാപ്പ്  കമ്യൂണിറ്റി സ്‌കില്‍പാര്‍ക്കില്‍ വിജ്ഞാനകേരളം പദ്ധതിയുടെ ഭാഗമായി ഒക്ടോബര്‍ 26 ന് സൗജന്യ തൊഴില്‍മേള സംഘടിപ്പിക്കും. ഫോണ്‍:  9495999688, 9496085912.  
 

കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്പ്‌മെന്റ് സ്റ്റാര്‍ട്ടപ്പ് ഒക്ടോബര്‍ 28 മുതല്‍ 30 വരെ കളമശ്ശേരി കീഡ് ക്യാമ്പസില്‍ ബൂട്ട് ക്യാമ്പ് വര്‍ക്ക്‌ഷോപ്പ് സംഘടിപ്പിക്കും. ജനറല്‍/ ഒ.ബി.സി വിഭാഗത്തിന് 2950 രൂപയും  താമസസൗകര്യംകൂടാതെ 1500 രൂപയും  എസ്.സി/ എസ്.ടി വിഭാഗത്തിന് 1800 രൂപയും താമസസൗകര്യമില്ലാതെ 800 രൂപയുമാണ് ഫീസ്. 35 പേരെയാണ് തിരഞ്ഞെടുക്കുക.  ഒക്ടോബര്‍ 24 നകം അപേക്ഷിക്കണം. വിവരങ്ങള്‍ക്ക്: www.keid.info    ഫോണ്‍: 0484 2532890, 2560322, 9188922785.
 
 

  എക്‌സൈസ് ആന്‍ഡ് പ്രൊഹിബിഷന്‍ വകുപ്പില്‍ സിവില്‍ എക്‌സൈസ് ഓഫീസര്‍ (ട്രെയിനി) ( പാര്‍ട്ട് ഒന്ന്- നേരിട്ടുള്ള നിയമനം) ( കാറ്റഗറി നം. 743/2024) തസ്തികയുടെ സാധ്യതപട്ടിക പ്രസിദ്ധപ്പെടുത്തി.
 
 

  ആരോഗ്യവകുപ്പിന്റെ അധീനതയിലുള്ള ടാറ്റാ സ്പാസിയോ ഡീസല്‍ പാസഞ്ചര്‍ വാഹനങ്ങളടെ ലേലം  ഒക്‌ടോബര്‍ 30 വൈകിട്ട് നാലിന് കലക്‌ട്രേറ്റ് കോണ്‍ഫറന്‍സ് ഹാളില്‍ നടത്തും. 28 വരെയുള്ള പ്രവൃത്തിദിവസങ്ങളില്‍  ജില്ലാ മെഡിക്കല്‍ ഓഫീസറുടെ അനുമതിയോടെ വാഹനങ്ങള്‍ പരിശോധിക്കാം.  ഫോണ്‍ 0474 2795017.
 

കൊല്ലം താലൂക്കിലെ ശക്തികുളങ്ങര വില്ലേജില്‍ ബ്ലോക്ക് നമ്പര്‍ ഒന്നിലെ  52515 തണ്ടപ്പേര്‍ സര്‍വേ നമ്പര്‍ 291/17/3 ല്‍ പ്പെട്ട 01.15 ആര്‍സ് പുരയിടം നവംബര്‍ 10  രാവിലെ 11ന് ശക്തികുളങ്ങര വില്ലേജ് ഓഫീസില്‍ ലേലം ചെയ്യും.  ഫോണ്‍: 0474 2953736.
 

  പുനലൂര്‍ ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ സ്വകാര്യസ്ഥാപനങ്ങളിലെ ഒഴിവുകളിലേക്ക് ഒക്‌ടോബര്‍ 23 രാവിലെ 10 മുതല്‍ അഭിമുഖം നടത്തും.  പ്ലസ് ടു കഴിഞ്ഞ 18 നും 35 നും ഇടയില്‍ പ്രായമുള്ളവര്‍ ആധാര്‍ കാര്‍ഡും, മൂന്ന് ബയോഡേറ്റയുമായി കൊല്ലം  എംപ്ലോയ്‌മെന്റ് എക്‌സ്‌ചേഞ്ചില്‍ എത്തണം. ഫോണ്‍: 8281359930, 8304852968, 7012853504.
  

ബീച്ചിലെ വെന്റിംഗ് മാർക്കറ്റ് കം ഫുഡ് സ്ട്രീറ്റ് മന്ത്രി ഉദ്ഘാടനം ചെയ്തു

മാലിന്യം അലക്ഷ്യമായി വലിച്ചെറിയുന്നതും കൈകാര്യം ചെയ്യുന്നതും സമൂഹത്തോട് ചെയ്യുന്ന ഗൗരവമേറിയ കുറ്റകൃത്യമാണെന്ന് തദ്ദേശസ്വയംഭരണ വകുപ്പ് മന്ത്രി എം ബി രാജേഷ്. കഴിഞ്ഞ അഞ്ച് മാസം പെതുഇടത്തിൽ മാലിന്യം വലിച്ചെറിഞ്ഞതിൻ്റെ പിഴയായി വകുപ്പ് ഈടാക്കിയത് കൊണ്ട് 8.55 കോടി രൂപയാണെന്നും കോഴിക്കോട് ബീച്ച് വെന്റിംഗ് മാർക്കറ്റ് കം ഫുഡ് സ്ട്രീറ്റ് ഉദ്ഘാടനം ചെയ്തുകൊണ്ട് മന്ത്രി പറഞ്ഞു.

കൊല്ലം/ആലപ്പുഴ ജില്ലകളിലെ പ്രൊമോട്ടര്‍/ഹെല്‍ത്ത്‌പ്രൊമോട്ടര്‍മാരുടെ  ഒഴുവുകളിലേക്ക് പട്ടികവര്‍ഗ വിഭാഗത്തില്‍പ്പെട്ടവര്‍ക്ക് അപേക്ഷിക്കാം.    യോഗ്യത: പത്താം ക്ലാസ്.  പി.വി.റ്റി.ജി/അടിയ/പണിയ/മലപണ്ടാരം വിഭാഗങ്ങള്‍ക്ക് എട്ടാം ക്ലാസ്. പ്രായപരിധി: 20-40 വയസ്. നഴ്സിംഗ്, പാരാമെഡിക്കല്‍ കോഴ്‌സുകള്‍,  ആയുര്‍വേദം/പാരമ്പര്യവൈദ്യം എന്നിവയില്‍ പ്രാവീണ്യം നേടിയവര്‍ക്ക് മുന്‍ഗണന.

ചെങ്ങന്നൂര്‍ ഗവ. ഐ ടി ഐ യിലെ മെക്കാനിക്ക് റഫ്രിജറേഷന്‍ ആന്‍ഡ് എയര്‍ കണ്ടീഷനിംഗ് ട്രേഡില്‍ നിലവിലുളള രണ്ട് ഇന്‍സ്ട്രക്ടര്‍ തസ്തികയില്‍ ഗസ്റ്റ് ഇന്‍സ്ട്രക്ടറെ നിയമിക്കും.

ഒന്നാമത്തെ ഒഴിവിലേക്ക് പ്രയോറിറ്റി/നോണ്‍ പ്രയോറിറ്റി വിഭാഗത്തില്‍ നിന്നും രണ്ടാമത്തെ ഒഴിവിലേക്ക് ഇ/ബി/റ്റി വിഭാഗത്തില്‍ നിന്നും നിശ്ചിത യോഗ്യതയുള്ള ഉദ്യോഗാര്‍ഥികൾക്ക്  പങ്കെടുക്കാം.

അഭിമുഖം ഒക്ടോബര്‍ 27 ഉച്ചയ്ക്ക്  രണ്ട് മണിക്ക് ചെങ്ങന്നൂര്‍ ഗവ. ഐ ടി ഐ യില്‍  നടക്കും. ഫോണ്‍: 0479-2953150, 0479- 2452210