കഴിഞ്ഞ അഞ്ചുവർഷത്തെ വികസന നേട്ടങ്ങൾ ചർച്ചചെയ്ത് വെങ്ങോല ഗ്രാമപഞ്ചായത്തിൽ വികസന സദസ്സ് സംഘടിപ്പിച്ചു. വെങ്ങോല ഇഎംഎസ് കമ്മ്യൂണിറ്റി ഹാളിൽ നടന്ന സദസ്സ് വാഴക്കുളം ബ്ലോക്ക് പഞ്ചായത്ത് പ്രസിഡൻറ് കെ എം അൻവർ അലി ഉദ്ഘാടനം ചെയ്തു. 

 ഗ്രാമപഞ്ചായത്ത് സെക്രട്ടറി എൽ ശ്രീകുമാരി തദ്ദേശ സ്ഥാപന തല റിപ്പോർട്ട് അവതരണം നിർവഹിച്ചു.

*പരിഹരിച്ചത് രണ്ട് പതിറ്റാണ്ടിലേറെ നീണ്ട തടസം; റോഡ് നിർമ്മാണം ഉടൻ ആരംഭിക്കും:പി.രാജീവ്*

എറണാകുളം സർക്കാർ മെഡിക്കൽ കോളജ് ആശുപത്രി വികസന സമിതിയുടെ കീഴിൽ ജനറൽ മെഡിസിൻ വിഭാഗത്തിലേക്ക് ഇ സി ജി ടെക്നിഷ്യൻ തസ്തികയിലേക്ക്  ദിവസ വേതനാടിസ്ഥാനത്തിൽ താത്കാലിക നിയമനം നടത്തുന്നു.  യോഗ്യത - കാർഡിയോ വാസ്കുലർ ടെക്നോളജിയിൽ ഡിപ്ലോമ/ കാർഡിയോ വാസ്കുലർ ടെക്നോളജിയിൽ ബാച്ചിലർ/ ഇസിജി ടെക്നീഷ്യൻ തസ്തികയിൽ പരിചയസമ്പത്തുള്ള വിഎച്ച്എസ്ഇ കോഴ്സ്. പ്രായപരിധി 35 വയസ് വരെ.

മയ്യനാട് ഗ്രാമപഞ്ചായത്തിനെ അതിദാരിദ്ര്യമുക്തമായി പ്രഖ്യാപിച്ചുകൊണ്ടുള്ള 'വികസന സദസ്സ്' ഇരവിപുരം എം.എല്‍.എ. എം. നൗഷാദ് ഉദ്ഘാടനം ചെയ്തു. അതിദാരിദ്ര്യനിര്‍മ്മാര്‍ജ്ജനത്തിലും ഡിജിറ്റല്‍ സാക്ഷരതയിലും ക്ഷേമപ്രവര്‍ത്തനങ്ങളിലും പഞ്ചായത്ത് കൈവരിച്ച നേട്ടങ്ങള്‍ പ്രഖ്യാപിച്ചു. മയ്യനാട് ഗ്രാമപഞ്ചായത്ത് പ്രസിഡന്റ് ജെ. ഷാഹിദ അധ്യക്ഷയായി.  

കരുനാഗപ്പള്ളി നഗരസഭ വികസനസദസ് നഗരസഭഅങ്കണത്തില്‍ ഡോ.സുജിത് വിജയന്‍പിള്ള എംഎല്‍എ ഉദ്ഘാടനം ചെയ്തു. വികസനരേഖയും പ്രകാശനംചെയ്തു. ഹരിതകര്‍മ്മസേനാംഗങ്ങളെയും, വികസനപ്രവര്‍ത്തനത്തിന്പങ്കാളികളായവരെയും, അംഗനവാടി നിര്‍മ്മാണത്തിനായി സ്ഥലം നല്‍കിയവരെയും, മറ്റ്പ്രതിഭകളെയും എംഎല്‍എ ആദരിച്ചു. നഗരസഭ ചെയര്‍മാന്‍ പടിപ്പുര ലത്തീഫ് അധ്യക്ഷനായി.

ഡയപ്പർ ഉൾപ്പെടെയുള്ള സാനിറ്ററി മാലിന്യം ശാസ്ത്രീയമായി ശേഖരിക്കുന്നതിനായി 'ആക്രി' എന്ന ഏജൻസിയുമായി ചേർന്ന് പുതിയ പദ്ധതിക്ക് തുടക്കം കുറിച്ച് മരട് നഗരസഭ. നഗരസഭയിലെ എല്ലാ വീടുകളിൽ നിന്നും സ്ഥാപനങ്ങളിൽ നിന്നും നാപ്കിൻ, ഡയപ്പർ, ഗ്ലൗസ്, യൂറിൻ ബാഗുകൾ, കാലഹരണപ്പെട്ട മരുന്നുകൾ തുടങ്ങിയ ബയോമെഡിക്കൽ മാലിന്യങ്ങൾ ഇനി മുതൽ ശേഖരിക്കും.

തദ്ദേശ സ്വയംഭരണ തിരഞ്ഞെടുപ്പിന് മുന്നോടിയായി ജില്ലാ പഞ്ചായത്ത് സംവരണ വാർഡുകളിലേക്കുള്ള നറുക്കെടുപ്പ് നടന്നു.

ജില്ലാ കളക്ടർ ജി. പ്രിയങ്കയുടെയും ഇലക്ഷൻ ഡെപ്യൂട്ടി കളക്ടർ സുനിൽ മാത്യുവിന്റെയും നേതൃത്വത്തിൽ കളക്ടറേറ്റ് കോൺഫറൻസ് ഹാളിലായിരുന്നു നറുക്കെടുപ്പ്.

*പട്ടികജാതി വനിതാ സംവരണ വാർഡുകൾ*

* 5 - കാലടി

* 15 - ഉദയംപേരൂർ

*പട്ടികജാതി സംവരണ വാർഡ്*

* 13 - പാമ്പാക്കുട

*വനിതാ സംവരണ വാർഡുകൾ*

* 2 - മൂത്തകുന്നം

* 6 - കോടനാട്

* 9 - നേര്യമംഗലം

* 11 - ആവോലി

*ആലങ്ങാട് - കരിങ്ങാതുരുത്ത് കെ എസ് ആർ ടി സി ബസ് ഫ്ലാഗ് ഓഫ് ചെയ്തു 

കെ എസ് ആർ ടി സി ബസിന്റെ പുതിയ സർവീസ് വരുന്നതോടെ ആലങ്ങാട് കുടുംബാരോഗ്യ കേന്ദ്രത്തിലേക്ക് പൊതുജനങ്ങൾക്ക് എത്തുന്നതിലുള്ള യാത്രക്ലേശമാണ് പരിഹരിക്കപ്പെടുന്നതെന്ന് വ്യവസായ വകുപ്പ് മന്ത്രി പി രാജീവ്.

ആലങ്ങാട് - കരിങ്ങാതുരുത്ത് പുതിയ കെ എസ് ആർ ടി സി ബസിന്റെ ഫ്ലാഗ് ഓഫ് കർമ്മം നിർവഹിക്കുകയായിരുന്നു അദ്ദേഹം.യാത്രാക്ലേശം പരിഹരിക്കുന്നതിനായി ഗതാഗത വകുപ്പുമായി ചേർന്ന് നടത്തിയ യോഗത്തിലാണ് പുതിയ സർവീസ് ആരംഭിക്കാൻ അനുമതി ലഭിച്ചത്.

വൈപ്പിൻ മണ്ഡലത്തിലെ മുളവുകാട് ഗ്രാമപഞ്ചായത്തിൽ റോഡ് നിർമ്മാണ പ്രവർത്തനങ്ങൾക്ക് തുടക്കമായി. എംഎൽഎയുടെ ആസ്തി വികസന ഫണ്ടിൽ നിന്ന് 31 ലക്ഷം രൂപ വിനിയോഗിച്ചുള്ള രണ്ട് പ്രധാന റോഡുകളുടെ നിർമ്മാണോദ്ഘാടനം കെ.എൻ. ഉണ്ണിക്കൃഷ്ണൻ എംഎൽഎ നിർവഹിച്ചു. ഈ പദ്ധതി പ്രദേശവാസികളുടെ യാത്രാ ദുരിതത്തിന് വലിയ ആശ്വാസമാകും.

പഞ്ചായത്തിലെ അഞ്ചാം വാർഡിലാണ് പുതിയ റോഡുകൾ നിർമ്മിക്കുന്നത്. ഇതിൽ പാപ്പൂഞ്ഞിക്കടവ് റോഡിന് 14,50,000 രൂപയും, ഇല്ലത്തുപറമ്പ് ഇന്ദിരാജി റോഡിന് 16,50,000 രൂപയുമാണ് ചെലവ്.