രാമനാട്ടുകര നഗരസഭയുടെ പുതിയ കെട്ടിട സമുച്ചയം മുഖ്യമന്ത്രി പിണറായി വിജയൻ ഇന്ന് (21) ഉച്ച 12 മണിക്ക് നാടിന് സമർപ്പിക്കും. തദ്ദേശസ്വയംഭരണ വകുപ്പ് മന്ത്രി എം ബി രാജേഷ് അദ്ധ്യക്ഷത വഹിക്കും. പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ്, എം കെ രാഘവന്‍ എംപി, ജില്ലാ കളക്ടർ സ്നേഹിൽ കുമാർ സിംഗ്, തദ്ദേശസ്വയംഭരണ വകുപ്പ് പ്രിൻസിപ്പൽ ഡയറക്ടർ ജെറോമിക് ജോർജ്,  ഡയറക്ടർ സൂരജ് ഷാജി തുടങ്ങിയവർ പങ്കെടുക്കും. സംസ്ഥാന സർക്കാർ കിഫ്ബി ഫണ്ടിൽ നിന്നും 15.44 കോടി രൂപയും നഗരസഭ തനതു ഫണ്ടിൽ നിന്നും 2.50 കോടി രൂപയും ചെലവഴിച്ചാണ് കെട്ടിടം നിർമിച്ചത്. 

കേരളത്തിൽ ഒറ്റപ്പെട്ടയിടങ്ങളിൽ ഇന്ന്  (21/10/2025) മുതൽ 25/10/2025 വരെ ഇടിമിന്നലോടുകൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ജാഗ്രതാ നിർദേശങ്ങൾ

സംസ്ഥാന സര്‍ക്കാറിന്റെയും ഗ്രാമപഞ്ചായത്തിന്റെയും വികസന നേട്ടങ്ങള്‍ അവതരിപ്പിച്ചും ഭാവി വികസന കാഴ്ചപ്പാടുകള്‍ പങ്കുവെച്ചും പേരാമ്പ്ര ഗ്രാമപഞ്ചായത്ത് വികസന സദസ്സ്. വി വി ദക്ഷിണാമൂര്‍ത്തി ടൗണ്‍ഹാളില്‍ നടന്ന പരിപാടി ടി പി രാമകൃഷ്ണന്‍ എംഎല്‍എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് വി കെ പ്രമോദ് അധ്യക്ഷനായി. ജില്ലാ പഞ്ചായത്ത് പ്രസിഡന്റ് ഷീജ ശശി മുഖ്യാതിഥിയായി. 

സംസ്ഥാന സര്‍ക്കാറിന്റെയും ഗ്രാമപഞ്ചായത്തിന്റെയും വികസന നേട്ടങ്ങളുടെ അവതരണം, ചര്‍ച്ച, തൊഴില്‍ മേള, ഹരിത കര്‍മ സേന അംഗങ്ങളെ ആദരിക്കലും യൂണിഫോം വിതരണവും എന്നിവ വികസന സദസ്സിനോടനുബന്ധിച്ച് നടന്നു.

മണ്ണഞ്ചേരി ഗ്രാമ പഞ്ചായത്തിലെ ജൈവവൈവിധ്യ പരിപാലന സമിതി തയ്യാറാക്കിയ ജനകീയ ജൈവവൈവിധ്യ രജിസ്റ്റര്‍ (രണ്ടാം ഭാഗം) പ്രകാശനം നടത്തി. പഞ്ചായത്തിലെ മുഴുവന്‍ ജൈവ വിഭവങ്ങളുടെയും പരമ്പരാഗത അറിവുകളുടെയും സമഗ്ര രേഖയാണ് ഈ രജിസ്റ്റര്‍. ഗവ. ഹയര്‍ സെക്കന്‍ഡറി സ്‌കൂള്‍, കലവൂരില്‍ നടന്ന വികസന സദസ്സിലാണ് പി.പി. ചിത്തരഞ്ജന്‍ എം എൽ എ യാണ് പ്രകാശന കര്‍മ്മം നിര്‍വഹിച്ചത്. സംസ്ഥാന ജൈവവൈവിധ്യ ബോര്‍ഡിനെ പ്രതിനിധീകരിച്ച് ജില്ലാ കോര്‍ഡിനേറ്റര്‍ ശ്രുതി ജോസ് ജൈവവൈവിധ്യ രജിസ്റ്റര്‍ ഏറ്റുവാങ്ങി. പഞ്ചായത്ത് പ്രസിഡൻ്റ്   അഡ്വ. റ്റി.വി അജിത് കുമാര്‍, വൈസ് പ്രസിഡന്റ് പി.എ. ജൂമൈലത്, ബി.എം.സി കണ്‍വീനര്‍ പ്രൊഫ. വി.

ആലപ്പുഴ ഗവ. ടി.ഡി. മെഡിക്കല്‍ കോളേജിലെ ജനറല്‍ മെഡിസിന്‍ വിഭാഗത്തിലേക്ക് ക്ലിനിക്കല്‍ ഡെമോണ്‍സ്‌ട്രേഷന്‍ ടേബിള്‍ (2 എണ്ണം) വാങ്ങുന്നതിന് ക്വട്ടേഷന്‍ ക്ഷണിച്ചു. സ്വീകരിക്കുന്ന അവസാന തീയതി ഒക്ടോബര്‍ 25 ഉച്ചയ്ക്ക് 12 മണി. ഫോണ്‍: 0477-2282015

ആലപ്പുഴ ഗവ. ടി.ഡി മെഡിക്കല്‍ കോളേജിലെ ട്രാന്‍സ്ഫ്യൂഷന്‍ മെഡിസിന്‍ വിഭാഗത്തിലേക്ക് ആന്റിസെറാ വാങ്ങുന്നതിന് ക്വട്ടേഷന്‍ ക്ഷണിച്ചു. സ്വീകരിക്കുന്ന അവസാന തീയതി ഒക്ടോബര്‍ 29 ഉച്ചയ്ക്ക് ഒരു മണി. ഫോണ്‍: 0477-2282611

ആലപ്പുഴ ഗവ. ടി.ഡി. മെഡിക്കല്‍ കോളേജിലെ ന്യൂറോളജി വിഭാഗത്തിലേക്ക് ഇ.ഇ.ജി പേസ്റ്റ് വാങ്ങുന്നതിന് ക്വട്ടേഷന്‍ ക്ഷണിച്ചു. സ്വീകരിക്കുന്ന അവസാന തീയതി ഒക്ടോബര്‍ 29 ഉച്ചയ്ക്ക് 12 മണി. ഫോണ്‍: 0477-2282611.

അറ്റകുറ്റപ്പണികൾക്കായി അടച്ചിട്ടിരുന്ന തുറവൂര്‍ - ചേര്‍ത്തല റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 29 (പുതിയകാവ് ഗേറ്റ്) തുറക്കുന്നത് ഒക്ടോബര് 25 ന് വൈകിട്ട് ആറ് മണി വരെ നീട്ടി. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 30 (സി.എം.എസ് ഗേറ്റ്) വഴി പോകണം.

തുറവൂര്‍ - ചേര്‍ത്തല റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 24 (പുത്തന്‍ചന്ത ഗേറ്റ്) ഒക്ടോബര്‍ 22 രാവിലെ എട്ട് മണി മുതല്‍ വൈകിട്ട് ആറ് മണി വരെ അറ്റകുറ്റ പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 25 (വയലാര്‍ ഗേറ്റ്) വഴി പോകണം.

ഹീറ്റ് ആക്ഷൻ പദ്ധതി രേഖ മന്ത്രി എം ബി രാജേഷ് ഇന്ന് (21) പ്രകാശനം ചെയ്യും