കെ സ്മാർട്ട് സേവനങ്ങൾ വിരൽ തുമ്പിൽ ലഭ്യമാക്കി പ്രാദേശിക ഭരണകൂടങ്ങൾ പൊതു ജനങ്ങളുമായി അടുത്തിരിക്കുകയാണെന്ന് തദ്ദേശ സ്വയംഭരണ - എക്സൈസ് വകുപ്പ് മന്ത്രി എം. ബി രാജേഷ്. വെങ്ങപ്പള്ളി
ഗ്രാമപഞ്ചായത്തിൽ  നിർമ്മിച്ച വി.എസ് അച്യുതാനന്ദൻ സ്മാരക ഹാൾ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.

ദുരന്ത ബാധിതരായ ജനതയുടെ ജീവിതം പുനർനിർമ്മിക്കാൻ സമാനതകളില്ലാത്ത ഇടപെടലാണ് സർക്കാരിന്റെ നേതൃത്വത്തിൽ കുടുംബശ്രീ നിറവേറ്റുന്നതെന്ന് തദ്ദേശ സ്വയംഭരണ - എക്സൈസ്- പാർലമെന്ററി കാര്യാ വകുപ്പ് മന്ത്രി എം.ബി രാജേഷ്. ഉപജീവനമാർഗം നഷ്ടപ്പെട്ട മുണ്ടക്കൈ - ചൂരൽമല ദുരന്തബാധിതർക്ക് സംസ്ഥാന സർക്കാർ കുടുംബശ്രീ മുഖേന  നൽകുന്ന ഉപജീവന സംരംഭങ്ങളുടെ ധനസഹായം വിതരണം ചെയ്ത് കൽപ്പറ്റ ചന്ദ്രഗിരി ഓഡിറ്റോറിയത്തിൽ നടന്ന പരിപാടിയിൽ സംസാരിക്കുകയായിരുന്നു മന്ത്രി.

അഞ്ച് വർഷത്തെ പ്രവർത്തനങ്ങൾ പൊതു ജനങ്ങളുടെ മികച്ച അഭിപ്രായം നേടി വെങ്ങപ്പള്ളി ഗ്രാമപഞ്ചായത്തിൻ്റെ
വികസന സദസ്സ്. വി.എസ് അച്യുതാനന്ദൻ സ്മാരക ഹാളിൽ നടന്ന പരിപാടി ജില്ലാ പഞ്ചായത്ത് അംഗം പി പ്രസാദ് ഉദ്ഘാടനം ചെയ്തു. പൊതുജനങ്ങളുടെ അഭിപ്രായങ്ങളും നിർദ്ദേശങ്ങളും പുതിയ ആശയങ്ങളും വികസന സദസിൽ പങ്കുവെയ്ക്കപ്പെട്ടു.
വെങ്ങപ്പള്ളിയെ അതിദാരിദ്ര്യം നിർമാർജനം ചെയ്യപ്പെട്ട പഞ്ചായത്തായി പ്രസിഡൻ്റ് ഇ.കെ രേണുക പ്രഖ്യാപിച്ചു.

*അതിദാരിദ്ര്യ മുക്ത പഞ്ചായത്തായി വെള്ളമുണ്ട*

കർശന ഗുണനിലവാര പരിശോധനയാണ് വയനാട് ടൌൺഷിപ്പ് നിർമ്മാണത്തിന്റെ ഓരോഘട്ടത്തിലും നടക്കുന്നത്. നിർമ്മാണ സ്ഥലത്തെ മണ്ണ് മുതൽ കമ്പി, സിമൻറ്, മണൽ മുതലായ മുഴുവൻ സാധന സാമഗ്രികളും പരിശോധിച്ച് ഗുണമേന്മ ഉറപ്പ് വരുത്തിയതിന് ശേഷമാണ് ഉപയോഗിക്കുന്നത്. ഇതിനായി നിർമ്മാണ സ്ഥലത്തുതന്നെ പൂർണ്ണ സജ്ജമായ ലാബ് പ്രവർത്തിക്കുന്നുണ്ട്.

*ജില്ലയ്ക്ക് നാലാം സ്ഥാനം*

*ജില്ലയ്ക്ക് നാലാം സ്ഥാനം*

മാനന്തവാടി നഗരസഭ വിജ്ഞാന കേരളം പദ്ധതിയുടെ  ഭാഗമായി മെഗാ ജോബ്‌ഫെസ്റ്റ് സംഘടിപ്പിച്ചു. നഗരസഭാ ചെയർപേഴ്സൺ സി.കെ രത്നവല്ലി തൊഴിൽ മേള ഉദ്ഘാടനം ചെയ്തു. വയനാട് സ്കിൽ പാർക്കിൻ്റെ സഹകരണത്തോടെ നടന്ന തൊഴിൽ മേളയിൽ രാജ്യത്തിനകത്തും പുറത്തുമുള്ള അറുപതിലധികം കമ്പനികളും നാന്നൂറിലധികം ഉദ്യോഗാർത്ഥികളും പങ്കെടുത്തു. വിവിധ കമ്പനികളിലേക്ക് നൂറിലധികം ആളുകളെ ഷോർട്ട് ലിസ്റ്റ് ചെയ്തു.

വിജ്ഞാന കേരളം പദ്ധതിയുടെ ഭാഗമായി മാനന്തവാടി ബ്ലോക്ക് പഞ്ചായത്ത് തൊഴിൽമേള സംഘടിപ്പിച്ചു. സി-ഡിറ്റ്, അസാപ് എന്നിവയുമായി ചേർന്ന് മാനന്തവാടി ലിറ്റിൽ ഫ്ലവർ സ്കൂളിൽ സംഘടിച്ച മേള പട്ടികജാതി - പട്ടികവർഗ്ഗ - പിന്നാക്കക്ഷേമ വകുപ്പ് മന്ത്രി ഒ.ആർ കേളു ഉദ്ഘാടനം ചെയ്തു. എൽ.ഐ.സി,ടാറ്റ ലൈഫ്, ഫുഡ്സോവ, ടെസ്‌ല ഗ്രൂപ്പ്, അമാന ടൊയോട്ട, സുസുകി, എച്ച്.ഡി.എഫ്.സി ബാങ്ക്, ആക്സിസ് ബാങ്ക്, മലബാർ ഗോൾഡ്, കല്യാൺ ജ്വല്ലേഴ്‌സ്, സ്വെഞ്ചറി ഫാഷൻ സിറ്റി, ഫ്ലിപ്കാർട്ട് തുടങ്ങി 44 പ്രമുഖ സ്ഥാപനങ്ങളുടെ
പങ്കാളിത്തമുണ്ടായി മേളയിൽ.