വയനാടിന് ആധിപത്യം;*എം ആർ എസ് കണിയാമ്പറ്റ മുന്നിൽ

മോഡൽ റെസിഡൻഷ്യൽ സ്‌കൂളുകളിലെയും പ്രീമെട്രിക് പോസ്റ്റ് മെട്രിക് ഹോസ്റ്റലുകളിലെയും വിദ്യാർത്ഥികളുടെ സംസ്ഥാനതല കായിക മേള   കളിക്കളം 2025ന് ഇന്ന് സമാപനം.

എട്ടാമത് കളിക്കളം കായികമേള രണ്ടാം ദിനം പൂർത്തിയാവുമ്പോൾ 56 മത്സര ഇനങ്ങളിൽ നിന്നായി 8 സ്വർണവും  6 വെള്ളിയും 2 വെങ്കലവുമായി  60 പോയിന്റോടെ കണിയാമ്പറ്റ എം ആർ എസ് ഒന്നാം സ്ഥാനത്തെത്തി.

7 സ്വർണവും 3 വെള്ളിയും 5 വെങ്കലവും കരസ്ഥമാക്കി 54 പോയിൻ്റോടെ എംആർഎസ് കണ്ണൂർ  തൊട്ട് പിന്നിലുണ്ട്.

വികസന നേട്ടങ്ങൾ ജനങ്ങൾക്ക് മുമ്പിൽ പങ്കുവയ്ച്ചും ഭാവി വികസന പ്രവർത്തനങ്ങൾക്കായി ജനങ്ങളുടെ നിർദേശങ്ങൾ സ്വീകരിച്ചും നഗരൂർ ഗ്രാമപഞ്ചായത്തിൽ വികസന സദസ്സ് സംഘടിപ്പിച്ചു.

അതി ദാരിദ്ര്യരെ കണ്ടെത്തി അവർക്ക് ഭക്ഷണവും പാർപ്പിടവും ഒരുക്കി നൽകുന്ന സർക്കാർ രാജ്യത്തിന് മാതൃകയാണെന്ന് ഒ.എസ് അംബിക എം.എൽ.എ പറഞ്ഞു. നഗരൂർ ഗ്രാമപഞ്ചായത്തിലെ വികസന സദസ്സ് ഉദ്ഘാടനം നിർവഹിച്ചു സംസാരിക്കുകയായിരുന്നു എം എൽ എ. അതോടൊപ്പം ഗ്രാമപഞ്ചായത്തിനെ അതി ദാരിദ്ര്യമുക്ത പഞ്ചായത്തായി പ്രഖ്യാപിച്ചു.

ലോക മാനസികാരോഗ്യ ദിനാചരണത്തിന്റെ ഭാഗമായി  ജില്ലാ പഞ്ചായത്തും വനിതാ ശിശുവികസന വകുപ്പും സംയുക്തമായി മാനസം 2025  സംഘടിപ്പിച്ചു. ജില്ല പഞ്ചായത്ത് ഹാളിൽ നടത്തിയ പരിപാടി പഞ്ചായത്ത്‌ പ്രസിഡന്റ് ഡി സുരേഷ് കുമാർ ഉദ്ഘാടനം ചെയ്തു.

മാനസികാരോഗ്യ ബോധവൽക്കരണവും മാനസിക ശാന്തിയും പ്രോത്സാഹിപ്പിക്കുക എന്നതാണ് പരിപാടിയുടെ ലക്ഷ്യം. ജില്ലയിലെ സ്കൂൾ കൗൺസിലർമാർ  തയ്യാറാക്കുന്ന സുവനീർ  'ഹർഷ'ത്തിന്റെ കവർ പേജ്  കളക്ടർ അനു കുമാരി ഐസിഡിഎസ് പ്രോഗ്രാം ഓഫീസർ കവിതാറാണിക്ക് നൽകി പ്രകാശനം ചെയ്തു.

എട്ടാമത് കളിക്കളം കായികമേളയിൽ നീന്തൽ മത്സരങ്ങളിൽ തിളങ്ങി കണ്ണൂർ മോഡൽ റെസിഡൻഷ്യൽ സ്കൂൾ. സീനിയർ വിഭാഗം ആൺകുട്ടികളുടെ ഫ്രീസ്‌റ്റൈൽ റിലേയിൽ ഒന്നാംസ്ഥാനം, സീനിയർ ആൺകുട്ടികളിലൂടെ 50മീറ്റർ ഫ്രീസ്‌റ്റൈൽ, ജൂനിയർ വിഭാഗം ആൺകുട്ടികളുടെ 50 മീറ്റർ ഫ്രീസ്‌റ്റൈൽ, ജൂനിയർ ആൺകുട്ടികളുടെ വിഭാഗത്തിൽ 100 മീറ്റർ ഫ്രീസ്‌റ്റൈൽ,  അടക്കം നീന്തലിൽ 4 സ്വർണമെഡലുകളാണ് അവർ സ്വന്തമാക്കിയത്.

ആർച്ചറി 40 മീറ്റർ -സീനിയർ ബോയ്സ്

സ്വർണ്ണം -അജിൽ ജയൻ-  ഏകലവ്യ മോഡൽ റസിഡൻഷ്യൽ സ്കൂൾ, പൂക്കോട്

വെള്ളി - നിശാൽ കെ- ഡോ. അംബേദ്കർ മെമ്മോറിയൽ എംആർഎസ് നല്ലൂർ നാട്

വെങ്കലം -അശ്വിൻ ബാബു - ട്രൈബൽ ഡെവലപ്മെന്റ് ഓഫീസ്, മാനന്തവാടി

ആർച്ചറി 40 മീറ്റർ -സീനിയർ ഗേൾസ്

സ്വർണ്ണം -അഭിരാമി എം വി -എം ആർ എസ് കണിയാമ്പറ്റ

വെള്ളി - ദയ ജോൺസൺ - അംബേദ്കർ വിദ്യാനികേതൻ എംആർഎസ് ഞാറനീലി

വെങ്കലം- അനുജ വി ജെ - എം ആർ എസ് കട്ടേല

50 മീറ്റർ ഫ്രീ സ്റ്റൈൽ സ്വിമ്മിംഗ്

ജൂനിയർ വിഭാഗം പെൺകുട്ടികൾ

കളിക്കളം 2025ൽ മിന്നും പ്രകടനങ്ങളുമായി മേളയിൽ  താരങ്ങളായി മാറിയിരിക്കുകയാണ് മൂന്നു സഹോദരങ്ങൾ. വയനാട് വെള്ളമുണ്ട നാരോകടവ് ഉന്നതിയിലെ നിഖിൽ, സുധീഷ്, നിധീഷ് എന്നീ സഹോദരങ്ങളാണ് മേളയുടെ ശ്രദ്ധ പിടിച്ചു പറ്റിയത്. കാട്ടിക്കുളം ഗവ. എച്ച്.എസ് എസ് പ്രീ മെട്രിക് ഹോസ്റ്റലിലെ വിദ്യാർത്ഥികളാണ് മൂവരും. സുധീഷ് പത്താം ക്ലാസിലും നിധീഷ് ഒൻപതിലുമാണ് പഠിക്കുന്നത്. പ്ലസ് വൺ വിദ്യാർത്ഥിയാണ് നിഖിൽ.

ട്രാക്കിലും ഫീൽഡിലും തങ്ങളുടെ സാന്നിധ്യം അറിയിച്ച മൂവരും 100 മീറ്റർ, 200 മീറ്റർ, 4x100,4x400 മീറ്റർ റിലേ, ലോങ്ങ് ജംപ്, ഹൈ ജംപ്, ജാവലിൻ ത്രോ എന്നീ ഇനങ്ങളിലാണ് മത്സരത്തിനിറങ്ങിയത്.

അമ്പെയ്ത്തിൽ ഇക്കുറിയും താരമായി വയനാടുകാരൻ അജിൽ ജയൻ.  30 മീറ്റർ, 40 മീറ്റർ സീനിയർ ബോയ്സ്  വിഭാഗത്തിൽ ഗോൾഡ് മെഡൽ ജേതാവാണ് അജിൽ. അമ്പെയ്ത്തിൽ വർഷങ്ങളായുള്ള അഭിനിവേശവും മുടങ്ങാത്ത  പരിശീലനവുമാണ് ഈ നേട്ടത്തിലേക്ക് എത്തിച്ചതെന്ന് അജിൽ പറഞ്ഞു.

കഴിഞ്ഞ തവണ 20, 30 മീറ്റർ അമ്പെയ്ത്തിലും ഗോൾഡ് മെഡൽ ജേതാവായിരുന്നു പൂക്കോട് ഏകലവ്യ മോഡൽ റെസിഡൻഷ്യൽ സ്കൂളിലെ പത്താം ക്ലാസ്സ് വിദ്യാർത്ഥിയായ അജിൽ. നാഷണൽ മീറ്റിലേക്കുള്ള സെലക്ഷൻ  മത്സരത്തിൽ പങ്കെടുക്കാനുള്ള പരിശീലനത്തിലാണിപ്പോൾ.

എട്ടാമത് കളിക്കളം കായികമേളയുടെ 100 മീറ്റർ ഓട്ട മത്സരത്തിൽ മികച്ച വിജയം  നേടി ഇവർ മേളയുടെ വേഗമേറിയ താരങ്ങളായി. ജൂനിയർ ബോയ്സ് വിഭാഗത്തിൽ 11.57 സെക്കൻഡിൽ 100 മീറ്റർ ഓടിയെത്തി സ്വർണ്ണം കരസ്ഥ മാക്കിയ  കുളത്തൂപ്പുഴ എംആർ എസിലെ കൃഷ്ണനുണ്ണി സീനിയർ ബോയ്സ് 100 മീറ്ററിൽ ഒന്നാ മതെത്തിയ അനൂപ് പി എസിനെക്കാൾ(11.18) മൈക്രോ സെക്കൻഡു കൾ മാത്രം വ്യത്യാസത്തിലാണ് ഓടിയെത്തിയത്.

എട്ടാമത് കളിക്കളം കായികമേളയിലും സജീവ സാന്നിധ്യമായി മുൻ ഇന്ത്യൻ ഫുട്ബോൾ ടീം ക്യാപ്റ്റൻ കെ.വി ധനേഷ്. നിലവിൽ കരിന്തളം ഏകലവ്യ മോഡൽ റെസിഡൻഷ്യൽ സ്പോർട്സ് സ്കൂളിലെ ടെക്നിക്കൽ ഡയറക്ടറായി പ്രവർത്തിക്കുകയാണ് അദ്ദേഹം.

1995 മുതൽ 2003 വരെ ഇന്ത്യൻ ഫുട്ബോൾ ടീമിന്റെ ഭാഗമായിരുന്നു. 2000, 2003 വർഷങ്ങളിൽ ഇന്ത്യൻ ഫുട്ബോൾ ടീം ക്യാപ്റ്റനായും പ്രവർത്തിച്ചിട്ടുണ്ട്. 1997 നാഷണൽ ഗെയിംസിൽ കേരളത്തിനായി സ്വർണം നേടിയ ടീമിലും സന്തോഷ് ട്രോഫിയിൽ കേരള, പഞ്ചാബ്, കർണാടക ടീമുകളെ പ്രതിനിധീകരിച്ചും പങ്കെടുത്തിട്ടുണ്ട്.