പറപ്പറ്റ പാലം മന്ത്രി നാടിന് സമര്‍പ്പിച്ചു

*ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി ഉദ്ഘാടനം ചെയ്യും

വെൺമണി ഗ്രാമപഞ്ചായത്ത് വികസന സദസ്സ് ഇന്ന് (ഒക്ടോബർ 22) ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി ഉദ്ഘാടനം ചെയ്യും. രാവിലെ 10 മണിക്ക് കല്യാത്ര മാർത്തോമ്മ പാരിഷ് ഹാളിൽ നടക്കുന്ന ചടങ്ങിൽ പഞ്ചായത്ത് പ്രസിഡന്റ് റ്റി സി സുനിമോൾ അധ്യക്ഷയാകും. ആസൂത്രണ സമിതി ഉപാധ്യക്ഷൻ പ്രൊഫ. ആർ രാജഗോപാലൻ പ്രോഗ്രസ് റിപ്പോർട്ട് ഏറ്റുവാങ്ങും. ബ്ലോക്ക് പഞ്ചായത്ത് പ്രസിഡന്റ് കെ എം സലിം പഞ്ചായത്തിനെ പൂർണ്ണ പ്രകാശഗ്രാമമായി പ്രഖ്യാപിക്കും. ജില്ലാ പഞ്ചായത്തംഗം മഞ്ജുളാദേവി പഞ്ചായത്തിനെ അതിദാരിദ്ര്യമുക്തമായി പ്രഖ്യാപിക്കും.

ഒക്ടോബർ 21ന്  നടത്താൻ നിശ്ചയിച്ചിരുന്ന യോഗ ഡെമോണ്‍സ്‌ട്രേറ്ററിന്റെ അഭിമുഖം ഒക്ടോബര്‍ 25 ലേക്ക്  മാറ്റിയതായി  നാഷണല്‍ ആയുഷ് മിഷന്‍ ജില്ലാ പ്രോഗ്രാം മാനേജര്‍ അറിയിച്ചു. യോഗ്യരായവർ 25ന്  രാവിലെ 10.30 ന്  നാഷണല്‍ ആയുഷ് മിഷന്‍  ആലപ്പുഴ ജില്ലാ പ്രോഗ്രാം മാനേജര്‍ ആന്‍ഡ് സപ്പോര്‍ട്ടീവ്  യൂണിറ്റിൽ (ഡിസ്ട്രിക്ട്  ഹോമിയോ  ഹോസ്പിറ്റൽ ബിൽഡിംഗ്, ബസാർ  പി ഒ , ആലപ്പുഴ) എത്തിച്ചേരണം. വിശദവിവരങ്ങള്‍ക്ക്  https://nam.kerala.gov.in  എന്ന സൈറ്റ് സന്ദര്‍ശിക്കുക. ഫോൺ: 0477-2991481
 

നന്മണ്ട ഗ്രാമപഞ്ചായത്തിലെ ചീക്കിലോട് അങ്ങാടി സൗന്ദര്യവത്കരണത്തിന്റെയും വഴിയോര വിശ്രമ കേന്ദ്രത്തിന്റെയും ഉദ്ഘാടനം വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രന്‍ നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് കൃഷ്ണവേണി മാണിക്കോത്ത് അധ്യക്ഷയായി. 

വിദ്യാർഥികൾക്ക്  കൺസഷൻ  ലഭിക്കുന്നതിന് എം.വി.ഡി. ലീഡ്സ് ആപ്പ് മുഖേന അപേക്ഷ സമർപ്പിക്കാം. ഈ  ആപ്പ്  പ്ലേ സ്റ്റോറില്‍ നിന്നും ഡൗണ്‍ലോഡ് ചെയ്യാവുന്നതാണ്  എന്ന് റീജിയണല്‍ ട്രാന്‍സ്‌പോര്‍ട്ട് ഓഫീസര്‍ ജി എസ് സജി പ്രസാദ് അറിയിച്ചു.

കാക്കൂര്‍ ഗ്രാമപഞ്ചായത്ത് വികസന സദസ്സ് മന്ത്രി ഉദ്ഘാടനം ചെയ്തു

പ്രകടന പത്രികയിലെ വാഗ്ദാനങ്ങളെല്ലാം സര്‍ക്കാര്‍ നടപ്പാക്കുകയാണെന്ന് വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രന്‍. കാക്കൂര്‍ ഗ്രാമപഞ്ചായത്ത് വികസന സദസ്സ് ഉദ്ഘാടനം ചെയ്യുകയായിരുന്നു മന്ത്രി. മുഴുവന്‍ ജനങ്ങളെയും ഉള്‍ക്കൊള്ളിച്ചുള്ള സര്‍വതല സ്പര്‍ശിയായ വികസനമാണ് സര്‍ക്കാറും തദ്ദേശ സ്ഥാപനങ്ങളും നടത്തുന്നതെന്നും മന്ത്രി കൂട്ടിച്ചേര്‍ത്തു. ഗ്രാമപഞ്ചായത്ത് പ്രസിഡന്റ് സി എം ഷാജി അധ്യക്ഷനായി. ചേളന്നൂര്‍ ബ്ലോക്ക് പഞ്ചായത്ത് പ്രസിഡന്റ് കെ പി സുനില്‍കുമാര്‍ മുഖ്യാതിഥിയായി. 

ജില്ലാ ശിശുക്ഷേമ സമിതി ശിശുദിനത്തിൻ്റെ ഭാഗമായി സംഘടിപ്പിക്കുന്ന വർണ്ണോത്സവം-2025 ജില്ലാതല ഉദ്ഘാടനം നാളെ ഒക്ടോബര്‍ 23ന് രാവിലെ 10 ന് ജവഹർ ബാലഭവനിൽ ജില്ലാ കളക്ടർ അലക്സ് വർഗീസ് ഉദ്ഘാടനം ചെയ്യും.  തുടർന്ന് പ്രസംഗ മത്സരം നടക്കും. എൽ.പി. വിഭാഗത്തിന് മധുരം മലയാളം, പരിസര ശുചീകരണത്തിൽ വിദ്യാഥികളുടെ പങ്ക്, യു.പി. വിഭാഗത്തിൽ ലഹരി വിമുക്ത കേരളം, സമ്മതിദാനവിനിയോഗം, നവകേരളം ഇതിൽ നിന്ന് ഒരു വിഷയമായിരിക്കും പ്രസംഗമത്സരത്തിന് ലഭിക്കുക. എച്ച്.എസ്, എച്ച്.എസ്.എസ് വിഭാഗങ്ങള്‍ക്ക് വേദിയില്‍ വെച്ചാണ് വിഷയം നൽകുക. 

അരുവിക്കര നിയോജക മണ്ഡലത്തിലെ മന്തിക്കളം ലൂഥറൻ എൽ.പി സ്കൂളിലെ പുതിയ ഡൈനിംഗ് ഹാളിന്റെയും ശിശു സൗഹൃദ ടോയ്ലറ്റ് ബ്ലോക്കിന്റെയും ഉദ്ഘാടനം ജി. സ്റ്റീഫൻ എം.എൽ.എ  നിർവഹിച്ചു. പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി സർക്കാർ സ്കൂളുകളിൽ മികച്ച അടിസ്ഥാന സൗകര്യങ്ങളാണ് ഒരുക്കിയിരിക്കുന്നതെന്നും പൊതുവിദ്യാഭ്യാസ മേഖലയ്ക്കായി 5000 കോടി രൂപ സർക്കാർ വിനിയോഗിച്ചുവെന്നും എം.എൽ.എ പറഞ്ഞു.

കേരള -  കർണാടക - ലക്ഷദ്വീപ് തീരങ്ങളിൽ ഇന്ന് (21/10/2025) മുതൽ 25/10/2025 വരെ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.

തെക്കൻ ബംഗാൾ ഉൾക്കടൽ, അതിനോട് ചേർന്ന മധ്യ പടിഞ്ഞാറൻ ബംഗാൾ ഉൾക്കടൽ എന്നിവിടങ്ങളിൽ ആഴക്കടലിൽ മത്സ്യബന്ധനം നടത്തുന്നവർ എത്രയും വേഗം തന്നെ ഏറ്റവും അടുത്തുള്ള തീരത്തേക്ക് മടങ്ങണമെന്ന് നിർദേശിക്കുന്നു.

ദീര്‍ഘവീക്ഷണത്തോടെയുള്ള വികസന പ്രതീക്ഷകള്‍ പങ്കുവെച്ച് കോട്ടൂര്‍ ഗ്രാമപഞ്ചായത്ത് വികസന സദസ്സ്. കൂട്ടാലിടയില്‍ നടന്ന ചടങ്ങ് കെ എം സച്ചിന്‍ ദേവ് എംഎല്‍എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് സി എച്ച് സുരേഷ് അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് വി കെ അനിത മുഖ്യാതിഥിയായി.