മലപ്പുറം ജില്ലയിൽ തൂതപ്പുഴ സംരക്ഷണവുമായി ബന്ധപ്പെട്ട് ഫിഷറീസ് വകുപ്പ് നടപ്പാക്കുന്ന ഇന്റഗ്രേറ്റഡ് ഫിഷറി റിസോഴ്‌സ് മാനേജ്‌മെന്റ് ഇന്‍ലാന്‍ഡ് അക്വാട്ടിക് ഇക്കോ സിസ്റ്റം പ്രൊജക്ട്-2025-26 ന്റെ നിര്‍വ്വഹണത്തിനായി ദിവസവേതനാടിസ്ഥാനത്തില്‍ പ്രൊജക്ട് കോര്‍ഡിനേറ്ററെ നിയമിക്കുന്നു. 35 വയസ്സ് കവിയാത്ത അംഗീകൃത സര്‍വ്വകലാശാലയില്‍ നിന്നും ഫിഷറീസ് സയന്‍സ് ബിരുദമോ അല്ലെങ്കില്‍ ഫിഷറീസ്/അക്വാകള്‍ച്ചര്‍ വിഭാഗത്തില്‍ ബിരുദാനന്തര ബിരുദമോ ഉള്ളവര്‍ക്ക് അപേക്ഷിക്കാം.

എടപ്പാള്‍ ഗവ. ഐ.ടി.ഐയില്‍ ജൂനിയര്‍ ഇന്‍സ്ട്രക്ടര്‍ -ആര്‍ട്ടിഫിഷ്യല്‍ ഇന്റലിജന്‍സ് പ്രോഗ്രാമിംഗ് അസിസ്റ്റന്റ് തസ്തികയിലേക്ക് എസ്.സി വിഭാഗത്തില്‍ നിന്നും, ജൂനിയര്‍ ഇന്‍സ്ട്രക്ടര്‍ - സോളാര്‍ ടെക്നിഷ്യന്‍ (ഇലക്ട്രിക്കല്‍) തസ്തികയിലേക്ക് മുസ്ലിം വിഭാഗത്തില്‍ നിന്നും അപേക്ഷ ക്ഷണിച്ചു.

കാസര്‍ഗോഡ്, കണ്ണൂര്‍, കോഴിക്കോട്, മലപ്പുറം, പാലക്കാട്, തൃശൂര്‍ ജില്ലകളിലെ പട്ടികജാതി വികസന വകുപ്പിന് കീഴിലുള്ള 23 ഗവ. ഐ.ടി.ഐകളില്‍ 2025-26 അദ്ധ്യയന വര്‍ഷത്തേക്ക് 'എംപ്ലോയബിലിറ്റി സ്‌കില്‍സ്' പഠിപ്പിക്കുന്നതിന് ഗസ്റ്റ് ഇന്‍സ്ട്രക്ടര്‍മാരെ നിയമിക്കുന്നു.

മഞ്ചേരി ഗവ. മെഡിക്കല്‍ കോളേജില്‍ എച്ച്.ഡി.എസ്/കെ.എ.എസ്.പിന് കീഴില്‍ താത്ക്കാലികാടിസ്ഥാനത്തില്‍ സ്റ്റാഫ് നഴ്‌സിനെ നിയമിക്കുന്നു. ഒക്ടോബര്‍ 16ന് രാവിലെ 10.30ന് ആശുപത്രി സൂപ്രണ്ട് ഓഫീസിലാണ് അഭിമുഖം. ഗവ. അംഗീകൃത ജി.എന്‍.എം/ബി.എസ്.സി നഴ്‌സിങ് കോഴ്‌സ് പാസായിരിക്കണം, കേരള നഴ്‌സിങ് കൗണ്‍സിലിന്റെ രജിസ്‌ട്രേഷന്‍ എന്നിവയാണ് യോഗ്യത.  ഉദ്യോഗാര്‍ഥികള്‍ എല്ലാ അസല്‍ സര്‍ട്ടിഫിക്കറ്റുകളും സാക്ഷ്യപ്പെടുത്തിയ പകര്‍പ്പുകളും പാസ്‌പോര്‍ട്ട് സൈസ് ഫോട്ടോ, ആധാര്‍ എന്നിവ സഹിതം അരമണിക്കൂര്‍ മുമ്പായി എത്തണം. ഫോണ്‍- 0483-2766 425.

മലമ്പുഴ ഗവ. മൃഗസംരക്ഷണ പരിശീലന കേന്ദ്രത്തില്‍ 'ഇറച്ചിക്കോഴി വളര്‍ത്തല്‍ ' എന്ന വിഷയത്തില്‍ ഒക്ടോബര്‍ 15ന് രാവിലെ പത്ത് മുതല്‍ അഞ്ച് വരെ സൗജന്യ പരിശീലനം സംഘടിപ്പിക്കുന്നു. പരിശീലനത്തില്‍ പങ്കെടുക്കുന്നവര്‍ 0491- 2815454 എന്ന നമ്പറില്‍ വിളിച്ച് മുന്‍കൂട്ടി രജിസ്റ്റര്‍ ചെയ്യണം. ആധാര്‍ കാര്‍ഡിന്റെ പകര്‍പ്പും കൊണ്ടുവരണം.

മലപ്പുറം പെരിന്തല്‍മണ്ണ ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ സ്‌കില്‍ ഡവലപ്പ്‌മെന്റ് സെന്ററിലെ ജനറല്‍ ഫിറ്റ്നസ് ട്രെയിനര്‍ ലാബിലേക്ക് ലാബ് ഉപകരണങ്ങള്‍ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. വിതരണം ചെയ്യേണ്ട ലാബ് ഉപകരണങ്ങളുടെ വിശദമായ പട്ടിക സ്‌കൂള്‍ നോട്ടീസ് ബോര്‍ഡില്‍ പ്രദര്‍ശിപ്പിച്ചിട്ടുണ്ട്.

സംസ്ഥാന ന്യൂനപക്ഷ കമ്മീഷന്റെ മലപ്പുറം ജില്ലാതല സിറ്റിംഗ് ഒക്ടോബര്‍ 15 ബുധനാഴ്ച രാവിലെ 10.30 മുതല്‍ തിരൂര്‍ പി.ഡബ്ല്യു.ഡി റസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും. കമ്മീഷന്‍ ചെയര്‍മാന്‍ അഡ്വ. എ.എ. റഷീദ് ഹര്‍ജികള്‍ പരിഗണിക്കും. സിറ്റിംഗില്‍ നിലവിലുള്ള പരാതികള്‍ പരിഗണിക്കുന്നതോടൊപ്പം പുതിയ പരാതികളും സ്വീകരിക്കും. ന്യൂനപക്ഷങ്ങളായ മുസ്ലീം, ക്രിസ്ത്യന്‍, ബുദ്ധ, സിഖ്, ജൈന, പാഴ്‌സി വിഭാഗങ്ങളില്‍പ്പെട്ടവര്‍ക്ക് പരാതികള്‍ക്ക് പരിഹാരം കാണാന്‍ കമ്മീഷനെ സമീപിക്കാം.

തിരൂര്‍ താലൂക്ക് ഓഫീസില്‍ സൂക്ഷിച്ചിട്ടുള്ള മണല്‍ 2,31569 രൂപ അടിസ്ഥാന വിലയായി നിശ്ചയിച്ച് ഒക്ടോബര്‍ 16ന് രാവിലെ 11.30 ന് താലൂക്ക് ഓഫീസ് കോണ്‍ഫറന്‍സ് ഹാളില്‍ വെച്ച് ലേലം ചെയ്യുമെന്ന് തിരൂര്‍ തഹസില്‍ദാര്‍ അറിയിച്ചു. ഫോണ്‍- 0494 2422238

ജില്ലാ പഞ്ചായത്തിന്റെ 2025-26 വാര്‍ഷിക പദ്ധതിയില്‍ ഉള്‍പ്പെടുത്തി നല്‍കുന്ന സൈഡ് വീല്‍ ഘടിപ്പിച്ച സ്‌കൂട്ടറുകളുടെ വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് എം.കെ. റഫീഖ നിര്‍വഹിച്ചു. 10,9000  രൂപ ചെലവ് വരുന്ന സ്‌കൂട്ടര്‍ ഇന്ന് നടന്ന ചടങ്ങില്‍ 19 പേര്‍ ഏറ്റുവാങ്ങി. പഞ്ചായത്ത് തല ഗുണഭോക്തൃ ലിസ്റ്റില്‍ ഉള്‍പ്പെട്ട 80 ഭിന്ന ശേഷിക്കര്‍ക്കാണ് സ്‌കൂട്ടറുകള്‍ വിതരണം ചെയ്യുന്നത്. കഴിഞ്ഞ മാസം 43 വാഹനങ്ങള്‍ വിതരണം ചെയ്തിരുന്നു. അന്ന് രജിസ്‌ട്രേഷന്‍ പൂര്‍ത്തിയാവാത്ത 37 വാഹനങ്ങളിലെ രജിസ്‌ട്രേഷന്‍ പൂര്‍ത്തിയാക്കിയ 19 വാഹനങ്ങളാണ് വിതരണം ചെയ്തത്. ഇതുവരെ 62 പേര്‍ക്ക് വിതരണം പൂര്‍ത്തിയായി.

2031-ല്‍ കേരള സംസ്ഥാനം 75 വര്‍ഷം പൂര്‍ത്തിയാക്കുന്ന സാഹചര്യത്തില്‍, സംസ്ഥാനത്തിന്റെ സമഗ്ര വികസന ലക്ഷ്യങ്ങള്‍ രൂപപ്പെടുത്തുന്നതിന്റെ ഭാഗമായി വനിതാ-ശിശു വികസന വകുപ്പിന്റെ സംസ്ഥാനതല 'വിഷന്‍ 2031' സെമിനാര്‍ ഒക്ടോബര്‍ 16ന് തിരൂരില്‍ നടക്കും. തിരൂര്‍ ബിയാന്‍ കോ കാസിൽ ഓഡിറ്റോറിയത്തിൽ  രാവിലെ 9.30 ന്  സെമിനാര്‍ ആരംഭിക്കും.