മലപ്പുറം ജില്ലാ പോലീസ് ഓഫീസ് കെട്ടിടത്തിന്റെ മേല്‍ക്കൂരയില്‍ നിന്നും നീക്കം ചെയ്ത ആസ്ബറ്റോസ് ഷീറ്റുകള്‍ ഒക്ടോബര്‍ 22ന് രാവിലെ 11 ന് ജില്ലാ പോലീസ് ഓഫീസ് പരിസരത്ത് വെച്ച് ലേലം ചെയ്യും. ഫോണ്‍- 0483 2734983.

വനിതാ ശിശുവികസന വകുപ്പിന് കീഴില്‍ പ്രവര്‍ത്തിക്കുന്ന ഒറ്റപ്പാലം ഐ.സി.ഡി.എസ് ഓഫീസിലെ ഔദ്യോഗിക ആവശ്യങ്ങള്‍ക്കായി കരാര്‍ അടിസ്ഥാനത്തില്‍ വാഹനങ്ങള്‍ (കാര്‍/ജീപ്പ്) ലഭ്യമാക്കുന്നതിന് പുനര്‍ ദര്‍ഘാസ് ക്ഷണിച്ചു. ഒക്ടോബര്‍ മൂന്നിന് ഉച്ചയ്ക്ക് രണ്ടു മണി വരെ ദര്‍ഘാസുകള്‍ സമര്‍പ്പിക്കാം. കൂടുതല്‍ വിവരങ്ങളും ദര്‍ഘാസ് ഫോറവും ഒറ്റപ്പാലം ശിശു വികസന ഓഫീസില്‍ പ്രവൃത്തി ദിവസങ്ങളില്‍ ലഭിക്കും. ഫോണ്‍: 0466 2245627, 9745887617.

ലോക ഭക്ഷ്യദിനത്തോടനുബന്ധിച്ച് ജില്ലാ ഭക്ഷ്യ സുരക്ഷാ വകുപ്പ് ജില്ലയിലെ കോളേജ് വിദ്യാര്‍ഥികള്‍ക്കായി സംഘടിപ്പിക്കുന്ന ക്വിസ് മത്സരം, പോസ്റ്റര്‍ നിര്‍മാണ മത്സരം എന്നിവ ഒക്ടോബര്‍ 16ന് രാവിലെ 10ന് കോട്ടക്കുന്ന് ഡി.ടി.പി.സി ഹാളില്‍ നടക്കും. ഭക്ഷ്യ സുരക്ഷ, ആരോഗ്യകരമായ ഭക്ഷണം, അനുബന്ധ വിഷയങ്ങള്‍ എന്നിവയെ ആസ്പദമാക്കിയാണ് മത്സരങ്ങള്‍. പങ്കെടുക്കാന്‍ താത്പര്യമുള്ള വിദ്യാര്‍ത്ഥികള്‍ ഒക്ടോബര്‍ 15ന്  വൈകുന്നേരം അഞ്ചിന് മുന്‍പായി പേര് രജിസ്റ്റര്‍ ചെയ്യണം. ഫോണ്‍- 8943330125.

ചേളാരി 110കെവി സബ്‌സ്റ്റേഷനില്‍ നിന്നും കുന്നുംപുറം സബ്‌സ്റ്റേഷന്‍ വരെ നിര്‍മ്മിച്ച പുതിയ 33 കെ.വി. ലൈന്‍ വഴി നാളെ (ബുധനാഴ്ച) രാവിലെ 10നു ശേഷം 33000 വോള്‍ട്ടേജില്‍ വൈദ്യുതി പ്രവഹിക്കുമെന്ന് കെ.എസ്.ഇ.ബി.മുന്നറിയിപ്പ്. ചൂലിപ്പുറം ബഞ്ച്, ആലിപ്പറമ്പ്, മദീന ജംഗ്ഷന്‍, കുമ്മിണിപ്പറമ്പ്, തറയിട്ടാല്‍, കരുവാങ്കല്ല്, തോട്ടശ്ശേരിയറ, വട്ടപൊന്ത പ്രദേശങ്ങളിലൂടെയാണ് പുതിയ ലൈന്‍ കടന്നുപോകുന്നത്.

കര്‍ഷക തൊഴിലാളി ക്ഷേമനിധി ബോര്‍ഡിന്റെ 2024-25 അധ്യയന വര്‍ഷത്തെ വിദ്യാഭ്യാസ അവാര്‍ഡ് വിതരണത്തിന്റെ ജില്ലാതല ഉദ്ഘാടനം ഒക്ടോബര്‍ 17ന് മലപ്പുറത്ത് നടക്കും. രാവിലെ 10.30ന് മലപ്പുറം കെ.എസ്.ടി.എ ഹാളില്‍ നടക്കുന്ന പരിപാടി കായിക വകുപ്പ് മന്ത്രി വി. അബ്ദുറഹ്‌മാന്‍ ഉദ്ഘാടനം ചെയ്യും. പി. ഉബൈദുള്ള എം.എല്‍.എ. അധ്യക്ഷത വഹിക്കും.

മാറഞ്ചേരി ഗവ. ഐ.ടി.ഐയില്‍ ഡി.ടി.പി.ഒ ട്രേഡില്‍ ഒഴിവുള്ള സീറ്റില്‍ പ്രവേശനം ആഗ്രഹിക്കുന്നവര്‍ ഒക്ടോബര്‍ 17ന് മുമ്പായി അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം ഓഫീസില്‍ നേരിട്ടെത്തി അപേക്ഷിക്കണം. ഫോണ്‍-9633218102.

നോര്‍ക്ക ഇന്‍സ്റ്റിറ്റ്യൂട്ട് ഓഫ് ഫോറിന്‍ ലാംഗ്വേജസിന്റെ (എന്‍.ഐ.എഫ്.എല്‍) കോഴിക്കോട് സെന്ററില്‍ 2025 ഒക്ടോബറില്‍ ആരംഭിക്കുന്ന ഐ.ഇ.എല്‍.ടി.എസ്, ഒ.ഇ.ടി (ഓഫ്‌ലൈന്‍, ഓണ്‍ലൈന്‍) ജര്‍മ്മന്‍ (എ1, എ2, ബി1, ബി2-ഓഫ്‌ലൈന്‍)  ബാച്ചുകളിലേയ്ക്ക് അപേക്ഷ ക്ഷണിച്ചു. ബി.പി.എല്‍/എസ്.സി/എസ്.ടി വിഭാഗങ്ങളില്‍ ഉള്‍പ്പെടുന്നവര്‍ക്ക് ഐ.ഇ.എല്‍.ടി.എസ്, ഒ.ഇ.ടി ഓഫ്‌ലൈന്‍ കോഴ്സുകളില്‍ ഫീസില്ല. മറ്റുളളവര്‍ക്ക് ജി.എസ്.ടി ഉള്‍പ്പെടെ 4425 രൂപയാണ് ഫീസ് (ലിസണിംഗ്, റീഡിംഗ്, സ്പീക്കിംഗ്, റൈറ്റിംഗ് എന്നീ നാലു മോഡ്യൂളുകള്‍).

സ്റ്റേറ്റ് ലൈബ്രറി കൗണ്‍സില്‍ സംഘടിപ്പിച്ച ഹൈസ്‌കൂള്‍ വിദ്യാര്‍ത്ഥികളുടെയും, രണ്ട് വിഭാഗങ്ങളിലായി സംഘടിപ്പിച്ച മുതിര്‍ന്നവരുടെയും ജില്ലാതല വായന  മത്സരങ്ങള്‍ മലപ്പുറം ബോയ്സ് ഹയര്‍സെക്കന്‍ഡറി സ്‌കൂളില്‍ നടന്നു. സ്റ്റേറ്റ് ലൈബ്രറി കൗണ്‍സില്‍ എക്സിക്യൂട്ടീവ് കമ്മിറ്റിയംഗം എന്‍. പ്രമോദ് ദാസ് പരിപാടി ഉദ്ഘാടനം ചെയ്തു.

ജില്ലാ ലൈബ്രറി കൗണ്‍സില്‍ പ്രസിഡന്റ് സി. ജയപ്രകാശ് അധ്യക്ഷത വഹിച്ചു. ജില്ലാ വൈസ് പ്രസിഡന്റ് കെ. മൊയ്തീന്‍ കോയ, കെ.പി. സോമനാഥന്‍, എന്‍.ടി. ഫാറൂഖ് എന്നിവര്‍ സംസാരിച്ചു. ജില്ലാ സെക്രട്ടറി കെ.പി. ശങ്കരന്‍ സ്വാഗതവും ജോ.സെക്രട്ടറി കെ.ആര്‍. നാന്‍സി നന്ദിയും പറഞ്ഞു.

നിലമ്പൂര്‍, വണ്ടൂര്‍, മലപ്പുറം, വേങ്ങര ബ്ലോക്കുകളിലെ സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി

തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പുമായി ബന്ധപ്പെട്ട് നിലമ്പൂര്‍, വണ്ടൂര്‍, മലപ്പുറം, വേങ്ങര ബ്ലോക്കുകളിലെ സംവരണ വാര്‍ഡുകളുടെ നറുക്കെടുപ്പ് പൂര്‍ത്തിയായി. ഒക്ടോബര്‍ 14, 15 തീയതികളിലും മറ്റു ബ്ലോക്കുകളിലെ സംവരണ വാര്‍ഡുകളുടെ നറുക്കെടുപ്പ്  കലക്ട്രേറ്റ് കോണ്‍ഫറന്‍സ് ഹാളില്‍ നടക്കും.

നിലമ്പൂര്‍ ബ്ലോക്കിന് കീഴിലെ പഞ്ചായത്തുകളും സംവരണ വാര്‍ഡുകളും താഴെ നല്‍കുന്നു.

*നിലമ്പൂര്‍ ബ്ലോക്കിന് കീഴിലെ പഞ്ചായത്തുകളും സംവരണ വാര്‍ഡുകളും താഴെ നല്‍കുന്നു.

        കേരള സംസ്ഥാന സർവവിജ്ഞാനകോശം ഇൻസ്റ്റിറ്റ്യൂട്ടിന്റെ ഓൺലൈൻ എഡിഷനിലേക്ക് എഡിറ്റോറിൽ അസിസ്റ്റന്റ് തസ്തികയിൽ (1 ഒഴിവ്) നിയമിക്കുന്നതിന് യോഗ്യരായ വ്യക്തികളിൽ നിന്നും അപേക്ഷ ക്ഷണിച്ചു. എഴുത്തു പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം.