സമഗ്ര മേഖലയിലെയും വികസനവും അഭിമാന പദ്ധതികളും ജനങ്ങള്‍ക്ക് മുന്നില്‍ തുറന്നുകാണിച്ച് താനാളൂര്‍ ഗ്രാമപഞ്ചായത്തിന്റെ വികസന സദസ്സ് ഏവരെയും ആകര്‍ഷിച്ചു. വികസന തുടര്‍ച്ചയുടെ അഞ്ചുവര്‍ഷങ്ങളില്‍ അടിസ്ഥാന സൗകര്യ വികസനം, ആരോഗ്യം, വിദ്യാഭ്യാസം,കാര്‍ഷികം തുടങ്ങി സര്‍വ്വ മേഖലകളിലും വലിയ മാറ്റങ്ങള്‍ കൊണ്ടുവരാന്‍ സാധിച്ചു.

ജില്ലാ സ്പോര്‍ട്സ് കൗണ്‍സില്‍ പ്രസിഡന്റായി പി. ഹൃഷികേഷ് കുമാര്‍, വൈസ് പ്രസിഡന്റ് എം. നാരായണന്‍ സംസ്ഥാന സ്പോര്‍ട്സ് കൗണ്‍സിലിലേക്കുള്ള ജില്ലാ സ്പോര്‍ട്സ് കൗണ്‍സില്‍ നോമിനിയായി എ. ശ്രീകുമാര്‍ എന്നിവരെ എതിരില്ലാതെ തിരഞ്ഞെടുത്തു. ജില്ലാ പ്ലാനിങ് ഓഫീസില്‍ വച്ച് നടന്ന തെരഞ്ഞെടുപ്പ് നടപടികള്‍ റിട്ടേണിംഗ് ഓഫീസര്‍ വി.വി. അസ്ലം നിയന്ത്രിച്ചു.

മനുഷ്യ-വന്യജീവി സംഘര്‍ഷം ലഘൂകരികരിക്കുന്നതിന്റെ ഭാഗമായി സൗരോര്‍ജ്ജ വേലികള്‍ സ്ഥാപിക്കുന്നത് ആരെങ്കിലും തടസ്സപ്പെടുത്തിയാല്‍ കര്‍ശനമായ നിയമനടപടികള്‍ സ്വീകരിക്കുമെന്ന് ജില്ലാ കളക്ടര്‍ വി.ആര്‍ വിനോദ്.  മനുഷ്യ-വന്യജീവി സംഘര്‍ഷം കുറയ്ക്കുന്നതിന്റെ ഭാഗമായി വനം വകുപ്പിന്റെ നേതൃത്വത്തില്‍ നടക്കുന്ന 45 ദിവസത്തെ തീവ്രയജ്ഞ പരിപാടിയുടെ ഭാഗമായി ജില്ലാ കളക്ടറുടെ അധ്യക്ഷതയില്‍ ചേര്‍ന്ന നിലമ്പൂര്‍ നോര്‍ത്ത് ഡിവിഷന്‍ ഫോറസ്റ്റ് ഉദ്യോഗസ്ഥരുടെയും വിവിധ വകുപ്പ് ഉദ്യോഗസ്ഥരുടെയും സംയുക്ത യോഗത്തിലാണ് കളക്ടറുടെ നിര്‍ദേശം. നിലമ്പൂര്‍ നോര്‍ത്ത് ഡി.എഫ്.ഒ പി.

ചിറ്റൂര്‍ ഗവ: ഹയര്‍ സെക്കന്‍ഡറി സ്‌കൂള്‍ സ്റ്റേഡിയം നിര്‍മ്മാണോദ്ഘാടനം മന്ത്രി കെ കൃഷ്ണന്‍കുട്ടി നിര്‍വഹിച്ചു

കേരള സംസ്ഥാന രൂപീകരണത്തിന് 75 വര്‍ഷം പൂര്‍ത്തിയാകുന്ന 2031നെ മുന്നില്‍ കണ്ട് സംസ്ഥാനത്തിന്റെ കഴിഞ്ഞകാല വളര്‍ച്ചയും ഭാവി വികസന ലക്ഷ്യങ്ങളും വിലയിരുത്തുന്നതിനായി സര്‍ക്കാര്‍ ആരംഭിച്ച 'വിഷന്‍ 2031' പദ്ധതിയുടെ ഭാഗമായി വനിതാ ശിശു വികസന വകുപ്പ് സംഘടിപ്പിക്കുന്ന സംസ്ഥാനതല സെമിനാര്‍ ഒക്ടോബര്‍ 16ന് രാവിലെ 9.30 മുതല്‍ തിരൂരിലെ ബിയാന്‍കോ കാസില്‍ ഹാളില്‍ ആരോഗ്യ, വനിതാ, ശിശു വികസന വകുപ്പ് മന്ത്രി വീണാ ജോര്‍ജ് ഉദ്ഘാടനം ചെയ്യും. കായിക വകുപ്പ് മന്ത്രി വി.അബ്ദുറഹ്‌മാന്‍ അധ്യക്ഷത വഹിക്കും. എം എല്‍ എമാര്‍, വിവിധ ജനപ്രതിനിധികള്‍, പ്രത്യേക ക്ഷണിതാക്കള്‍ തുടങ്ങിയവരുള്‍പ്പെടെ ആയിരത്തോളം പങ്കെടുക്കും.

സ്വയംതൊഴില്‍ പദ്ധതി പ്രകാരം വിമുക്ത ഭടനോ, വിമുക്ത ഭടന്റെ വിധവയോ നടത്തുന്ന സംരംഭങ്ങളില്‍ വിവിധ ബാങ്കുകള്‍, കേന്ദ്ര സംസ്ഥാന ഏജന്‍സികള്‍ എന്നിവയില്‍ നിന്ന് സ്വീകരിച്ചിട്ടുള്ള ലോണില്‍ വായ്പാ സബ്സിഡി ലഭ്യമാക്കുന്നതിന്  അപേക്ഷ ക്ഷണിച്ചു. കൂടുതല്‍ വിവരങ്ങള്‍ക്ക് ജില്ലാ സൈനിക ക്ഷേമ ഓഫീസുമായി ബന്ധപ്പെടുക. ഫോണ്‍-0483 2734932

കുടുംബശ്രീ ജില്ലാ മിഷന്‍ നിലമ്പൂര്‍ പട്ടികവര്‍ഗ പ്രത്യേക പദ്ധതിയിലേക്ക് കരാര്‍ അടിസ്ഥാനത്തില്‍ അക്കൗണ്ടന്റിനെ നിയമിക്കുന്നു. ബി.കോം ബിരുദവും ടാലിയും രണ്ട് വര്‍ഷത്തില്‍ കുറയാത്ത അക്കൗണ്ടിങ് പ്രവൃത്തി പരിചയവും മലയാളം ടൈപ്പിങും അറിയുന്നവര്‍ക്ക് അപേക്ഷിക്കാം.

നിലമ്പൂര്‍ നോര്‍ത്ത് ഡിവിഷന്  കീഴിലെ നിലമ്പൂര്‍ വന വികസന ഏജന്‍സിയിലേക്ക് ദിവസവേതനാടിസ്ഥാനത്തില്‍ കണ്‍സര്‍വേഷന്‍ ബയോളജിസ്റ്റിനെ നിയമിക്കുന്നു.

ചട്ടിപ്പറമ്പ് ഫിസിയോതെറാപ്പി ആന്‍ഡ് റീഹാബിലിറ്റേഷന്‍ സെന്ററിലേക്ക് ദിവസവേതനാടിസ്ഥാനത്തില്‍ ഫിസിയോതെറാപ്പിസ്റ്റിനെ നിയമിക്കുന്നു. ബി പി ടി /എം പി ടി യോഗ്യതയുള്ള ജില്ലയിലെ സ്ഥിരതാമസക്കാര്‍ക്ക് അപേക്ഷിക്കാം. താത്പര്യമുള്ളവര്‍ വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി ഒക്ടോബര്‍ 18 ന് രാവിലെ 11ന്  ജില്ലാപഞ്ചായത്ത് കാര്യാലയത്തില്‍ നടക്കുന്ന വാക്ക്-ഇന്‍ ഇന്റര്‍വ്യൂവില്‍ പങ്കെടുക്കണം. ഫോണ്‍- 0483 2734933.

കുടിശ്ശികയായ 3,45,000 രൂപ ഈടാക്കുന്നതിനായി തിരൂരങ്ങാടി താലൂക്കിലെ തിരൂരങ്ങാടി വില്ലേജിലെ ബ്ലോക്ക് 05 ല്‍ റീ സര്‍വ്വേ 178/8 ലെ 1.37 ആര്‍സ് വസ്തു നവംബര്‍ 18ന് രാവിലെ 11 ന് തിരൂരങ്ങാടി വില്ലേജ് ഓഫീസില്‍ ലേലം ചെയ്യും