ഓങ്ങല്ലൂര്‍ ഗ്രാമപഞ്ചായത്തില്‍ നിര്‍മ്മിച്ച ഗ്രാമപഞ്ചായത്ത് കണ്‍വെന്‍ഷന്‍ സെന്ററിന്റെ ഉദ്ഘാടനം ഇന്ന് (ഒക്ടോബര്‍ 17) വൈകിട്ട് നാലിന് ഭക്ഷ്യ - സിവില്‍ സപ്ലൈസ് വകുപ്പ് മന്ത്രി ജി. ആര്‍ അനില്‍ നിര്‍വഹിക്കും. മുഹമ്മദ് മുഹ്‌സിന്‍ എംഎല്‍എ അധ്യക്ഷനാകുന്ന പരിപാടിയില്‍ ഓങ്ങല്ലൂര്‍ ഗ്രാമപഞ്ചായത്ത് പ്രസിഡന്റ് രതി ഗോപാലകൃഷ്ണന്‍, ഗ്രാമ പഞ്ചായത്ത് വൈസ് പ്രസിഡന്റ് ടി.പി രജീഷ്, ജില്ലാ പഞ്ചായത്ത് അംഗം എ. എന്‍ നീരജ്, സ്റ്റാന്‍ഡിങ് കമ്മിറ്റി അധ്യക്ഷന്മാര്‍,   വകുപ്പ് ഉദ്യോഗസ്ഥന്മാര്‍, വിവിധ രാഷ്ട്രീയ പാര്‍ട്ടി പ്രതിനിധികള്‍, ജനപ്രതിനിധികള്‍ തുടങ്ങിയവര്‍ പങ്കെടുക്കും.

പട്ടാമ്പി കിഴായൂര്‍ സെന്റര്‍ അങ്കണവാടി കെട്ടിട ഉദ്ഘാടനം ഇന്ന് (ഒക്ടോബര്‍ 17) വൈകീട്ട് അഞ്ചിന് ഭക്ഷ്യ സിവില്‍ സപ്ലൈസ് വകുപ്പു മന്ത്രി ജി.ആര്‍ അനില്‍ നിര്‍വഹിക്കും.  എം.എല്‍.എയുടെ ആസ്തിവികസന ഫണ്ടില്‍ നിന്നും 30 ലക്ഷം രൂപ ചെലവിലാണ് അങ്കണവാടി കെട്ടിടം നിര്‍മ്മിച്ചത്. മുഹമ്മദ് മുഹ്‌സിന്‍ എം.എല്‍. എ അധ്യക്ഷനാകുന്ന പരിപാടിയില്‍ പട്ടാമ്പി നഗരസഭാ ചെയര്‍ പേഴ്‌സണ്‍ ഒ. ലക്ഷ്മികുട്ടി, വൈസ് ചെയര്‍ പേഴ്‌സണ്‍ ടി.പി ഷാജി, വിവിധ സ്റ്റാന്റിങ് കമ്മിറ്റി അധ്യക്ഷന്മാര്‍, വിവിധ വകുപ്പ് ഉദ്യോഗസ്ഥര്‍, ജനപ്രതിനിധികള്‍, വിവിധ രാഷ്ട്രീയ പാര്‍ട്ടി പ്രതിനിധികള്‍ തുടങ്ങിയവര്‍ പങ്കെടുക്കും.

കോട്ടയം: ശബരിമല തീർത്ഥാടനം സുഗമമാക്കുന്നതിനായി വിവിധ സർക്കാർ വകുപ്പുകൾ ഏർപ്പെടുത്തുന്ന ക്രമീകരണങ്ങൾ  ജില്ലാ കളക്ടർ ചേതൻകുമാർ മീണയുടെ അധ്യക്ഷതയിൽ ചേർന്ന യോഗം വിലയിരുത്തി.

തീർത്ഥാടകർക്ക് ആവശ്യമായ സൗകര്യങ്ങൾ ഉറപ്പാക്കുന്നതിന്  എല്ലാ വകുപ്പുകളും ജാഗ്രത പുലർത്തണമെന്ന് കളക്ടർ നിർദേശിച്ചു. തീർഥാടകരുടെ സുരക്ഷ ഉറപ്പു വരുത്തുന്നതിനും ഗതാഗതം സുഗമമാക്കുന്നതിനും അറുനൂറിലധികം പോലീസുകാരെ ജില്ലയിലെ പ്രധാന കേന്ദ്രങ്ങളിൽ നിയോഗിക്കും.

ചുണ്ടമ്പറ്റ ഗവണ്‍മെന്റ് ഹയര്‍ സെക്കണ്ടറി സ്‌കൂള്‍ കെട്ടിട ഉദ്ഘാടനം ഇന്ന് ( ഒക്ടോബര്‍ 17 ന്) വൈകീട്ട് മൂന്നിന് ഭക്ഷ്യ സിവില്‍ സപ്ലൈസ് വകുപ്പു മന്ത്രി ജി.ആര്‍ അനില്‍ നിര്‍വഹിക്കും. വിദ്യാകിരണം പദ്ധതിയുടെ ഭാഗമായി 2024 -25 സാമ്പത്തിക വര്‍ഷത്തില്‍ കിഎഫ്ബി ഫണ്ടില്‍ നിന്നും മൂന്നുകോടി 90 ലക്ഷം രൂപ ചെലവഴിച്ചാണ് കെട്ടിടം നിര്‍മ്മിച്ചത്. 12 ക്ലാസ് മുറികളാണ് നിര്‍മ്മിച്ചിട്ടുള്ളത്.

വൈദ്യുതി വകുപ്പ് മന്ത്രി കെ കൃഷ്ണന്‍കുട്ടി ഉദ്ഘാടനം ചെയ്യും

പെരുമാട്ടി ഗ്രാമപഞ്ചായത്ത് ഇന്‍ഡോര്‍ സ്റ്റേഡിയം നിര്‍മ്മാണാദ്ഘാടനം ഇന്ന് ( ഒക്ടോബര്‍ 17  ).രണ്ട് കോടി രൂപ വിനിയോഗിച്ചുകൊണ്ടുള്ള ഇന്‍ഡോര്‍ സ്റ്റേഡിയത്തിന്റെ നിര്‍മാണോദ്ഘാടനം രാവിലെ 11 മണിക്ക് വൈദ്യുതിവകുപ്പ് മന്ത്രി കെ കൃഷ്ണന്‍കുട്ടി ഉദ്ഘാടനം ചെയ്യും. ജില്ലാ സ്‌പോര്‍ട്സ് കൗണ്‍സില്‍ പ്രസിഡന്റ്  കെ. പ്രേംകുമാര്‍ എം.എല്‍.എ,  കെ.എസ്. ഇ. ബി  സ്വതന്ത്ര ഡയറക്ടര്‍ അഡ്വ. വി. മുരുകദാസ് എന്നിവര്‍ മുഖ്യാതിഥിയാവും.
പെരുമാട്ടി ഗ്രാമപഞ്ചായത്ത് പ്രസിഡന്റ്  ഷീബാ രാധാകൃഷ്ണന്‍ അധ്യക്ഷത വഹിക്കും.

സംസ്ഥാന സര്‍ക്കാറിന്റെ ആഭിമുഖ്യത്തില്‍ തദ്ദേശ സ്വയംഭരണ വകുപ്പും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും സംയുക്തമായി  സംഘടിപ്പിക്കുന്ന വികസന സദസ് കൊഴിഞ്ഞാമ്പാറ ഗ്രാമപഞ്ചായത്തില്‍ വൈദ്യുതി വകുപ്പ് മന്ത്രി കെ. കൃഷ്ണന്‍ കുട്ടി ഉദ്ഘാടനം ചെയ്തു. പ്രാദേശികതലത്തില്‍ വികസന ആശയങ്ങള്‍ അവതരിപ്പിക്കുന്നതിനും പൊതുജനാഭിപ്രായം ഉള്‍ക്കൊള്ളുന്നതിനുമായാണ് വികസന സദസ് സംഘടിപ്പിക്കുന്നത്. ഗ്രാമപഞ്ചായത്ത്, നഗരസഭ, കോര്‍പ്പറേഷന്‍ തലങ്ങളിലാണ് വികസന സദസുകള്‍ നടക്കുന്നത്.

കോട്ടയം: കേരള സർക്കാർ സ്ഥാപനമായ കേരള സ്റ്റേറ്റ് റൂട്രോണിക്‌സ് സർട്ടിഫിക്കറ്റോട് കൂടി ഹോസ്പിറ്റൽ അഡ്മിനിസ്ട്രേഷൻ കോഴ്സിലേക്ക് അപേക്ഷ ക്ഷണിച്ചു. തിരുവനന്തപുരം ആറ്റിങ്ങൽ അംഗീകൃത പഠന കേന്ദ്രങ്ങളിലേക്ക് ഒരുവർഷം ദൈർഘ്യമുള്ള പ്രൊഫഷണൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ കോഴ്സിലേക്കാണ് അപേക്ഷ ക്ഷണിച്ചത്. യോഗ്യത പ്ലസ്ടു. വിശദവിവരത്തിന് ഫോൺ: 7994926081.

കോട്ടയം: മാലിന്യമുക്ത നവകേരളം തുടർപ്രവർത്തനങ്ങളുടെ ഭാഗമായി ഹരിതകർമ സേനാംഗങ്ങൾക്ക് ജില്ലാ തലത്തിൽ പരിശീലനം നടത്തുന്നു. ഹരിതകർമ സേനകളുടെ കാര്യശേഷി വികസനം, സംരംഭകത്വം, സേവനനിലവാരം എന്നിവ മെച്ചപ്പെടുത്തുന്നതിനായി രണ്ടു ദിവസത്തെ പരിശീലനമാണ് നടത്തുക. ഒക്ടോബർ 17,18,21,22 എന്നീ തീയതികളിൽ രാവിലെ 9.30 മുതൽ വൈകിട്ട് അഞ്ചു വരെ തെള്ളകം ചൈതന്യ പാസ്റ്ററൽ സെന്റർ, ഇടമറ്റം ഓശാനാ മൗണ്ട് എന്നിവിടങ്ങളിലാണ് പരിശീലനം.

കോട്ടയം: കടപ്ലാമറ്റം കുറവിലങ്ങാട് മീനച്ച് ഗ്രാമപഞ്ചായത്തുകളുടെ വികസന സദസ്സ് വെള്ളിയാഴ്ച (ഒക്ടോബർ 17 )നടക്കും. കടപ്ലാമറ്റം ഗ്രാമപഞ്ചായത്തിലെ വികസനസദസ് രാവിലെ 9.30 ന് സർക്കാർ ചീഫ് വിപ്പ് ഡോ. എൻ  ജയരാജ് ഉദ്ഘാടനം ചെയ്യും.  ഗ്രാമപഞ്ചായത്ത് കമ്മ്യൂണിറ്റി ഹാളിൽ നടക്കുന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് മത്തായി മാത്യു അധ്യക്ഷത വഹിക്കും.

മീനച്ചിൽ ഗ്രാമപഞ്ചായത്തിലെ വികസനസദസ് ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ രാവിലെ 10-30 ന് ഉദ്ഘാടനം ചെയ്യും. ഇടമറ്റം സെന്റ്. മൈക്കിൾസ് പാരിഷ് ഹാളിൽ നടക്കുന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് സാജൻ തൊടുകയിൽ അധ്യക്ഷത വഹിക്കും.