കോട്ടയം: തീക്കോയി ഗ്രാമപഞ്ചായത്തിലെ വികസന സദസ് അഡ്വ. സെബാസ്റ്റ്യൻ  കുളത്തുങ്കൽ എം. എൽ. എ. ഉദ്ഘാടനം ചെയ്തു. ഗ്രാമപഞ്ചായത്ത് ഓഡിറ്റോറിയത്തിൽ നടന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് കെ.സി. ജെയിംസ് അധ്യക്ഷത വഹിച്ചു.

സംസ്ഥാന സർക്കാരിന്റെ  വികസന നേട്ടങ്ങൾ വികസന സദസ്സ് റിസോഴ്സ് പേഴ്സൺ എം. ഷെമീം അവതരിപ്പിച്ചു. ഗ്രാമപഞ്ചായത്ത് സെക്രട്ടറി കെ.കെ. സിന്ധുമോൾ പഞ്ചായത്തുതല വികസന പ്രവർത്തനങ്ങളുടെ അവതരണം നടത്തി.

പഞ്ചായത്തിൽ ബൃഹത്തായ കുടിവെളളപദ്ധതി നടപ്പിലാക്കണം, ലൈഫ് പദ്ധതിയുടെ തുക 10 ലക്ഷം ആക്കി വർധിപ്പിക്കണം എന്നീ ആവശ്യങ്ങൾ തുറന്ന ചർച്ചയിൽ ഉയർന്നുവന്നു.

കോട്ടയം: പാറത്തോട് ഗ്രാമപഞ്ചായത്തിലെ വികസന സദസ് അഡ്വ. സെബാസ്റ്റ്യൻ കുളത്തുങ്കൽ എം.എൽ.എ ഉദ്ഘാടനം ചെയ്തു. പൊടിമറ്റം സെന്റ് മേരീസ് പാരിഷ് ഹാളിൽ നടന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് കെ.കെ. ശശികുമാർ അധ്യക്ഷത വഹിച്ചു.

സംസ്ഥാന സർക്കാരിന്റെ വികസന പ്രവർത്തനങ്ങൾ റിസോഴ്സ് പേഴ്സൺ എസ്. സജീഷും ഗ്രാമപഞ്ചായത്തിന്റെ വികസന നേട്ടങ്ങൾ ഗ്രാമപഞ്ചായത്ത് സെക്രട്ടറി എസ്. റാണിയും അവതരിപ്പിച്ചു.

തോടുകൾ മാലിന്യമുക്തമാക്കുക, മിനി സിവിൽ സ്റ്റേഷൻ നിർമ്മിക്കുക, വയോജനങ്ങൾക്ക് പകൽവീട് നിർമ്മിക്കുക എന്നീ ആവശ്യങ്ങൾ ചർച്ചയിൽ ഉയർന്നു.

കോട്ടയം: പായിപ്പാട് ഗ്രാമപഞ്ചായത്തിലെ വികസനസദസ്സ്  അഡ്വ. ജോബ് മൈക്കിൾ എം.എൽ.എ.  ഉദ്ഘാടനം ചെയ്തു.  വിവിധ റോഡുകൾ, കെട്ടിടങ്ങൾ എന്നിവയ്ക്കായി എം.എൽ.എ. ഫണ്ടിൽനിന്നും തുക ലഭ്യമാക്കി പായിപ്പാട് ഗ്രാമപഞ്ചായത്തിൽ വികസനം നടപ്പാക്കാൻ സാധിച്ചുവെന്ന് അദ്ദേഹം പറഞ്ഞു.

നാലുകോടി സെന്റ് തോമസ് ചർച്ച് ഹാളിൽ നടന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് കെ.ഡി. മോഹനൻ അധ്യക്ഷത വഹിച്ചു. ജില്ലാ പഞ്ചായത്ത് വികസനകാര്യ സ്ഥിരം സമിതി അധ്യക്ഷ മഞ്ജു സുജിത്ത് മുഖ്യപ്രഭാഷണം നിർവഹിച്ചു.

തദ്ദേശ സ്വയംഭരണ തെരഞ്ഞെടുപ്പിനു ​മുന്നോടിയായി കോട്ടയം ജില്ലയിലെ ഗ്രാമപഞ്ചായത്തുകളിലെയും നഗരസഭകളിലെയും സംവരണ വാര്‍ഡുകള്‍ നിര്‍ണയം പൂര്‍ത്തിയായി.  വാഴൂര്‍, കാഞ്ഞിരപ്പള്ളി, പള്ളം ബ്ലോക്കുകളില്‍ വരുന്ന ഗ്രാമപഞ്ചായത്തുകളിലെ സംവരണ വാര്‍ഡുകള്‍ ജില്ലാ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ വ്യാഴാഴ്ച്ച നറുക്കെടുപ്പിലൂടെ തീരുമാനിച്ചു.  

വിതുര ഗവ. യു.പി.എസില്‍ പുതുതായി നിര്‍മിക്കുന്ന ബഹുനില കെട്ടിടത്തിന്റെ നിര്‍മാണ ഉദ്ഘാടനം ജി.സ്റ്റീഫന്‍ എം.എല്‍.എ നിര്‍വഹിച്ചു. കേരളത്തിലെ വിദ്യാഭ്യാസ മേഖലയിലുണ്ടായ മാറ്റങ്ങള്‍ രാജ്യത്തിനാകെ മാതൃകയാണെന്നും, സമൂഹത്തിന്റെ ഉണര്‍വിനും വികസനത്തിനും സാമൂഹിക നീതിക്കുമുള്ള അടിത്തറയാണ് വിദ്യാഭ്യാസമെന്നും എംഎല്‍എ പറഞ്ഞു.

പഞ്ചായത്ത് തലത്തിൽ സർക്കാർ നടപ്പിലാക്കിയ വികസന പ്രവർത്തനങ്ങൾ ജനങ്ങൾക്ക് മുന്നിൽ അവതരിപ്പിച്ചുക്കൊണ്ട് ആര്യങ്കോട് ഗ്രാമപഞ്ചായത്ത് വികസന സദസ്സ് സംഘടിപ്പിച്ചു.  സി.കെ ഹരീന്ദ്രൻ എംഎൽഎ വികസന സദസ്സ് ഉദ്ഘാടനം ചെയ്തു.  ഒരു പുതിയ  ലോകക്രമം രൂപം കൊണ്ടിരിക്കുകയാണ്. അതിൻ്റെ സാധ്യതകൾ ഉപയോഗിച്ചുകൊണ്ട് നാട്ടിൽ മാറ്റങ്ങൾ കൊണ്ടുവരാൻ ഗ്രാമപഞ്ചായത്തുകൾക്ക് കഴിയും. ഗ്രാമപഞ്ചായത്തുകൾ നൂതന വികസന മാർഗങ്ങൾ ആവിഷ്കരിച്ച് പുതിയ ധനാഗമന മാർഗങ്ങൾ കണ്ടെത്തണമെന്നും അദ്ദേഹം പറഞ്ഞു.

തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് മുന്നോടിയായി വിവിധ പഞ്ചായത്തുകളുടെ സംവരണ വാർഡുകളുടെ നറുക്കെടുപ്പ് കളക്ടറേറ്റ് കോൺഫറൻസ് ഹാളിൽ  സംഘടിപ്പിച്ചു.

പഞ്ചായത്തുകളും സംവരണ വാർഡുകളും താഴെ ചേർക്കുന്നു

തൊളിക്കോട് ഗ്രാമപഞ്ചായത്ത്

പട്ടികവര്‍ഗ്ഗ സ്ത്രീ സംവരണം - 11 കണിയാരംകോട്

പട്ടികജാതി സംവരണം- 16 പാമ്പാടി

പട്ടികവര്‍ഗ്ഗ സംവരണം - 3 ചായം

സ്ത്രീ സംവരണം - 1 പുളിച്ചാമല, 2 പരപ്പാറ, 4 ആനപ്പെട്ടി, 5 തോട്ടുമുക്ക്, 8 വിനോബനികേതന്‍, 10 ചെട്ടിയാംപാറ, 14 തച്ചന്‍കോട്, 18 തുരുത്തി

സംസ്ഥാനത്തിന്റെ ഭാവി വികസന കാഴ്ചപ്പാട് രൂപീകരിക്കുന്നതിനായി ആവിഷ്കരിച്ചിട്ടുള്ള 'വിഷൻ 2031' പരിപാടിയുടെ ഭാഗമായി സർവേയും ഭൂരേഖയും വകുപ്പ് സംഘടിപ്പിക്കുന്ന സംസ്ഥാന സെമിനാർ ഇന്ന്‌ (ഒക്ടോബർ 17) എറണാകുളത്ത് നടക്കും. 

റവന്യൂ വകുപ്പ് മന്ത്രി കെ.രാജൻ്റെ അധ്യക്ഷതയിൽ രാവിലെ 9ന് കളമശ്ശേരി കേരള സ്റ്റാർട്ടപ് മിഷൻ ഡിജിറ്റൽ ഹബ്ബിലാണ് സെമിനാർ.

കുമ്പളങ്ങി കെൽട്രോൺ ഫെറി പാലം നാടിൻ്റെ സമഗ്ര വികസനത്തിനുള്ള പദ്ധതിയാണെന്ന് പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ്. പഴങ്ങാട് സെൻറ് ജോർജ് പള്ളി പാരിഷ് ഹാളിൽ പാലത്തിൻ്റെ നിർമ്മാണോദ്ഘാടനം നിർവഹിക്കുകയായിരുന്നു അദ്ദേഹം.

രണ്ട് ജില്ലകളെയും രണ്ട് നിയോജക മണ്ഡലങ്ങളെയും തമ്മിൽ ബന്ധിപ്പിക്കുന്ന പാലം കുമ്പളങ്ങി, പെരുമ്പടപ്പ് റോഡുകളെ ദേശീയപാത 66-മായി യോജിപ്പിക്കും. ആരോഗ്യ, വിദ്യാഭ്യാസ മേഖലക്കൊപ്പം ടൂറിസം മേഖലക്കും പദ്ധതി ഏറെ ഗുണകരമാകും. പാലത്തിൻ്റെ നിർമ്മാണ പുരോഗതി പൊതുമരാമത്ത് വകുപ്പ് മന്ത്രിയുടെ ഓഫീസ് സമയബന്ധിതമായി നേരിട്ട് പരിശോധിക്കും.

ന്യൂനപക്ഷ അവകാശ സംരക്ഷണത്തിനും ക്ഷേമത്തിനും പുതിയ ചർച്ചകൾക്കും ആശയങ്ങൾക്കും വഴിതുറന്ന് വിഷൻ 2031- നവ കേരളവും ന്യൂനപക്ഷ ക്ഷേമവും സെമിനാർ. സംസ്ഥാന ന്യൂനപക്ഷ ക്ഷേമ വകുപ്പിന്റെ നേതൃത്വത്തിൽ ഫോർട്ട് കൊച്ചി വെളി ഗ്രൗണ്ടിൽ നടന്ന സെമിനാർ നവീന ആശയങ്ങളാൽ സമ്പന്നമായി.