മാലിന്യനിര്‍മാര്‍ജ്ജന രംഗത്ത് കോഡൂര്‍ പഞ്ചായത്ത് കൈവരിച്ച നേട്ടങ്ങളും പ്രവര്‍ത്തനങ്ങളും ഉയര്‍ത്തിക്കാട്ടി പഞ്ചായത്ത് വികസന സദസ്സ് സംഘടിപ്പിച്ചു. ഭരണസമിതിയുടെ അഞ്ചുവര്‍ഷകാലയളവില്‍ പഞ്ചായത്തിന്റെ സമഗ്ര മേഖലകളിലും ലഭ്യമായ ഫണ്ടുകള്‍ ഉപയോഗിച്ച് വികസന പ്രവര്‍ത്തനങ്ങള്‍ എത്തിക്കാന്‍ കഴിഞ്ഞതായി ഉദ്ഘാടന പ്രസംഗത്തില്‍ പഞ്ചായത്ത് പ്രസിഡന്റ് റാബിയ ചോലക്കല്‍ പറഞ്ഞു. പഞ്ചായത്ത് ക്ഷേമകാര്യ സ്ഥിരം സമിതി അംഗം ഷിഹാബ് അരീക്കത്ത് അധ്യക്ഷനായി. പഞ്ചായത്തിന്റെ സമഗ്ര വികസനങ്ങള്‍ അടങ്ങിയ വികസനരേഖ പരിപാടിയില്‍ പ്രകാശനം ചെയ്തു.

സംസ്ഥാന സര്‍ക്കാരിന്റെയും തദ്ദേശ സ്വയംഭരണ സ്ഥാപനത്തിന്റെയും അഞ്ച് വര്‍ഷത്തെ വികസന പ്രവര്‍ത്തനങ്ങള്‍ ഉള്‍കൊള്ളിച്ച് പാണ്ടിക്കാട് ഗ്രാമപഞ്ചായത്ത് വികസന സദസ് സംഘടിപ്പിച്ചു. പാണ്ടിക്കാട് ഐശ്വര്യ ഓഡിറ്റോറിയത്തില്‍ നടന്ന പരിപാടി ഏറനാട് താലൂക്ക് വികസന സമിതി അംഗവും മുന്‍ പഞ്ചായത്ത് പ്രസിഡന്റുമായ  പി.രാധാകൃഷ്ണന്‍ ഉദ്ഘാടനം ചെയ്തു. റെയില്‍വെ, ആരോഗ്യം, വിദ്യാഭ്യാസം, പൊതുവിതരണം, കൃഷി തുടങ്ങി എല്ലാ മേഖലയിലും നിരവധി വികസന പ്രവര്‍ത്തനങ്ങള്‍ നടപ്പിലാക്കാന്‍ സര്‍ക്കാരിന് സാധിച്ചിട്ടുണ്ട് എന്ന് അദ്ദേഹം പറഞ്ഞു. പഞ്ചായത്ത് അസിസ്റ്റന്റ് സെക്രട്ടറി ഷാജി ജോണ്‍ വികസന റിപ്പോര്‍ട്ട് അവതരിപ്പിച്ചു.

വിഷന്‍ 2031ന്റെ ഭാഗമായുള്ള സംസ്ഥാന വനിതാ ശിശുവികസന വകുപ്പിന്റെ സെമിനാര്‍ ഒക്ടോബര്‍ 16ന് രാവിലെ 9.30 മണി മുതല്‍ മലപ്പുറം ജില്ലയിലെ തിരുരിലുള്ള ബിയാന്‍കോ കാസില്‍ ഹാളില്‍ വച്ച് സംഘടിപ്പിക്കുന്നു. വിഷന്‍ 2031 അവതരണം ആരോഗ്യ വനിത ശിശുവികസന വകുപ്പ് മന്ത്രി വീണാ ജോര്‍ജ് നിര്‍വഹിക്കും. കുറുക്കോളി മൊയ്തീന്‍ എംഎല്‍എ സ്വാഗതം ആശംസിക്കുന്ന ചടങ്ങില്‍ വനിത ശിശുവികസന വകുപ്പ് പ്രിന്‍സിപ്പല്‍ സെക്രട്ടറി ഡോ. ഷര്‍മിള മേരി ജോസഫ് വകുപ്പിന്റെ കഴിഞ്ഞ ദശകത്തിലെ നേട്ടങ്ങള്‍ അവതരിപ്പിക്കും.

അരീക്കോട് ബ്ലോക്ക് പഞ്ചായത്തിന് കീഴിലുള്ള എടവണ്ണ ബ്ലോക്ക് കുടുംബാരോഗ്യ കേന്ദ്രത്തിന് പതിനഞ്ചാം ധനകാര്യ കമ്മീഷന്‍ ഹെല്‍ത്ത് ഗ്രാന്‍ഡില്‍ ഉള്‍പ്പെടുത്തി 5.75 കോടി രൂപ ചെലവില്‍ നിര്‍മ്മിക്കുന്ന പുതിയ കെട്ടിടത്തിന്റെ ശിലാസ്ഥാപനം ആരോഗ്യ വനിതാ ശിശു വികസനവും വകുപ്പ് മന്ത്രി വീണാ ജോര്‍ജ് നിര്‍വ്വഹിക്കും. നാളെ (വ്യാഴം) വൈകുന്നേരം 5.30ന് ആശുപത്രി പരിസരത്ത് നടക്കുന്ന ചടങ്ങില്‍. പി.കെ. ബഷീര്‍ എംഎല്‍.എ അധ്യക്ഷത വഹിക്കും. പ്രിയങ്ക ഗാന്ധി എം.പി. മുഖ്യാതിഥിയാവും. മലപ്പുറം ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. ആര്‍ രേണുക മുഖ്യപ്രഭാഷണം നടത്തും. ആരോഗ്യ കേരളം ജില്ല പ്രോഗ്രാം മാനേജര്‍ ഡോ. ടി.എന്‍.

കോട്ടയ്ക്കല്‍ വി.പി.എസ്.വി ആയുര്‍വേദ കോളേജ് ആശുപത്രിയിലെ ബയോഗ്യാസ് പ്ലാന്റ് നവീകരണം, ജനറല്‍ വാര്‍ഡിലെ ബാത്‌റൂം ബ്ലോക്കുകളുടെ നവീകരണം, ആയുര്‍വേദ കോളേജിലെ ഫാക്കല്‍റ്റികള്‍ക്ക് പ്രത്യേക കാബിന്‍ നിര്‍മ്മാണം എന്നീ പ്രവൃത്തികള്‍ ചെയ്യുന്നതിന് അംഗീകൃത കരാറുകാരില്‍ നിന്നും ഇ-ടെൻഡര്‍ ക്ഷണിച്ചു. ഒക്ടോബര്‍ 23ന് വൈകിട്ട് നാലര വരെ ഇ-ടെൻഡറുകള്‍ സമര്‍പ്പിക്കാം. ടെന്‍ഡര്‍ ഫോറവും ഷെഡ്യൂളും മറ്റു വിവരങ്ങളും https://etenders.kerala.gov.in ല്‍ ലഭിക്കും.
ഫോണ്‍-0483 2751874, 2751571

സംസ്ഥാന വനിതാ കമ്മീഷന്‍ മെഗാ അദാലത്ത് ഒക്ടോബര്‍ 21ന് രാവിലെ 10 മുതല്‍ മലപ്പുറം ജില്ലാ പഞ്ചായത്ത് ഹാളില്‍ നടക്കും.

കുടിശ്ശികയായ 12150446 രൂപ ഈടാക്കുന്നതിനായി ഏറനാട് താലൂക്കില്‍ മേല്‍മുറി വില്ലേജിലെ സര്‍വ്വേ നമ്പര്‍ 1065 ല്‍ സബ് ഡിവിഷന്‍ നമ്പര്‍ 211 ലെ 0 ഹെക്ടര്‍ 96 ആര്‍ 76.00 സ്ക്വ.മീ ഭൂമി നവംബര്‍ 20ന് രാവിലെ 11ന് മേല്‍മുറി വില്ലേജ് ഓഫീസിൽ വച്ച് ലേലം ചെയ്യും.

കുടുംബശ്രീ ജില്ലാ മിഷന് കീഴില്‍ ഒക്ടോബര്‍ 28ന് വേങ്ങര സബാഹ് സ്‌ക്വയറില്‍ വച്ച് നടക്കുന്ന ബഡ്സ് ജില്ലാ തല കായിക മത്സരത്തില്‍ പങ്കെടുക്കുന്നവര്‍ക്ക് പ്രാതല്‍, ഉച്ചഭക്ഷണം, ചായ സ്നാക്സ്, ലൈം ജ്യൂസ് എന്നിവ 1000 പേര്‍ക്ക് തയ്യാറാക്കി നല്‍കുന്നതിന് താത്പര്യമുള്ളവരില്‍ നിന്ന് ക്വട്ടേഷന്‍ ക്ഷണിച്ചു. (കുടുംബശ്രീ യൂണിറ്റുകള്‍ക്ക് മുന്‍ഗണന) ഒക്ടോബര്‍ 21ന് ഉച്ചയ്ക്ക് രണ്ടുവരെ ടെന്‍ഡര്‍ സ്വീകരിക്കും. ഫോണ്‍-0483-733470.

മഞ്ചേരി എല്‍.ബി.എസ്. സെന്ററില്‍ ഡിപ്ലോമ ഇന്‍ കംപ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിങ്, ഇന്റഗ്രേറ്റഡ് ഡിപ്ലോമ ഇന്‍ കംപ്യൂട്ടര്‍ ഹാര്‍ഡ്‌വേര്‍ ആൻഡ് നെറ്റ് വര്‍ക്ക് മെയിന്റനന്‍സ് എന്നീ കോഴ്‌സുകളില്‍ ഒഴിവുള്ള സീറ്റുകളിലേക്ക് ഓണ്‍ലൈനായി അപേക്ഷ ക്ഷണിച്ചു. താത്പര്യമുള്ളവര്‍ www.lbscentre.kerala.gov.in/services/courses ലൂടെ അപേക്ഷിക്കണം. എസ്.സി/എസ്.ടി/ഒ.ഇ.സി വിദ്യാര്‍ത്ഥികള്‍ക്ക് കോഴ്‌സ് സൗജന്യമാണ്. വിശദവിവരങ്ങള്‍ക്ക് എല്‍.ബി.എസ്. സബ് സെന്റര്‍, ഐ.ജിബി.ടി ബസ്സ്റ്റാന്റ് - കച്ചേരിപ്പടി, എന്ന വിലാസത്തില്‍ ബന്ധപ്പെടുക.

കേരള ഫെഡറേഷന്‍ ഓഫ് ദി ബ്ലൈന്‍ഡ് മലപ്പുറം ജില്ലാ കമ്മിറ്റിയുടെയും ജില്ലാ സാക്ഷരതാ മിഷന്റെയും സംയുക് താഭിമുഖ്യത്തില്‍ അന്താരാഷ്ട്ര വൈറ്റ് കെയിന്‍ ദിനാചരണം നടത്തി.  കോട്ടപ്പടി മുനിസിപ്പല്‍ ബസ് സ്റ്റാന്റ് ഓഡിറ്റോറിയത്തില്‍ നടന്ന ചടങ്ങിന്റെയും വൈറ്റ് കെയിന്‍ വിതരണത്തിന്റെയും ഉദ്ഘാടനം നഗരസഭ വികസന കാര്യ സ്ഥിരം സമിതി അദ്ധ്യക്ഷ മറിയുമ്മ ശരീഫ് നിര്‍വ്വഹിച്ചു. കെ.എഫ്.ബി സ്റ്റേറ്റ് എക്‌സിക്യൂട്ടീവ് കമ്മിറ്റി മെമ്പര്‍ ഇ.വി. ഈസക്കോയ അദ്ധ്യക്ഷത വഹിച്ചു.