സിവിൽ സ്റ്റേഷൻ പരിസരത്ത് കഫെറ്റീരിയ രണ്ടു വർഷത്തേക്ക് പാട്ട വ്യവസ്ഥയിൽ ഏറ്റെടുത്തു നടത്തുന്നതിന് കഫെറ്റീരിയ നടത്തിയോ,  ജോലി ചെയ്തോ മുൻപരിചയമുള്ള വ്യക്തികളിൽ അല്ലെങ്കിൽ സ്ഥാപനങ്ങളിൽ നിന്നും മത്സര അടിസ്ഥാനത്തിലുള്ള ക്വട്ടേഷനുകൾ ക്ഷണിക്കുന്നു. സിവിൽ സ്റ്റേഷൻ പരിസരത്ത് നിർദ്ദിഷ്ട സ്ഥലത്ത് താൽക്കാലിക സ്വഭാവമുള്ള നിർമ്മാണ പ്രവൃത്തി നടത്തിയാണ് കഫെറ്റീരിയ പ്രവർത്തിക്കേണ്ടത്.

42,677 ഗുണഭോക്താക്കള്‍ക്കാണ് പദ്ധതിയില്‍ വീട് അനുവദിച്ചത്

സംസ്ഥാന സര്‍ക്കാറിന്റെ സമ്പൂര്‍ണ പാര്‍പ്പിട പദ്ധതിയായ ലൈഫ് മിഷനില്‍ ജില്ലയില്‍ ഇതുവരെ വീട് അനുവദിച്ചത് 42,677 ഗുണഭോക്താക്കള്‍ക്ക്. ഇതില്‍ 34,723 വീടുകളുടെ നിര്‍മാണം പൂര്‍ത്തിയായി. 8,032 വീടുകളുടെ നിര്‍മാണം പുരോഗതിയിലാണ്. ലൈഫ് പദ്ധതിയില്‍ ജില്ലയില്‍ ധനസഹായം അനുവദിക്കാന്‍ സംസ്ഥാന സര്‍ക്കാര്‍ 522.67 കോടി രൂപയാണ് ഇതുവരെ ചെലവിട്ടത്.

സംസ്ഥാന സർക്കാർ ഉന്നതവിദ്യാഭ്യാസ വകുപ്പിന് കീഴിലുള്ള അഡീഷണൽ സ്കിൽ അക്വിസിഷൻ പ്രോഗ്രാം (അസാപ് കേരള) സംഘടിപ്പിക്കുന്ന ഡ്രോൺ പൈലറ്റ് പരിശീലനത്തിന് അപേക്ഷ ക്ഷണിച്ചു. സർക്കാർ അംഗീകൃത സർട്ടിഫിക്കറ്റോടെ പരിശീലനം നൽകും. അഞ്ച് ദിവസം ദൈർഘ്യമുള്ള പരിശീലനത്തിൽ  ഡ്രോൺ ഓപ്പറേഷൻ, സുരക്ഷാനിയമങ്ങൾ, പരിപാലനം, എയർ മാപ്പിംഗ്, പ്രായോഗിക സെഷനുകൾ തുടങ്ങിയ വിഷയങ്ങൾ ഉൾപ്പെടും. പ്ലസ് ടു പാസായ 18 വയസ്സിന് മുകളിലുള്ള ആർക്കും അപേക്ഷിക്കാം. പരിശീലനം പൂർത്തിയാക്കുന്നവർക്ക് ഫോട്ടോഗ്രാഫി, മീഡിയ, കാർഷികം, ദുരന്തനിവാരണ, സർവേയിങ് എന്നീ മേഖലകളിൽ തൊഴിൽ അവസരങ്ങൾ ഉറപ്പാക്കാനാകും.

സർദാർ വല്ലഭായ് പട്ടേലിന്റെ 150-ാം  ജന്മവാർഷികാഘോഷങ്ങളുടെ ഭാഗമായി  യുവജനകാര്യ കായിക മന്ത്രാലയത്തിന് കീഴിലുള്ള മേരാ യുവഭാരത് രാജ്യമെമ്പാടും വിപുലമായ പരിപാടികൾ സംഘടിപ്പിക്കുന്നു.

ഒക്ടോബർ 31 മുതൽ നവംബർ 16 വരെ എല്ലാ ജില്ലകളിലും പദയാത്രകൾ -യൂണിറ്റി മാർച്ച് സംഘടിപ്പിക്കും ഏക ഭാരതം ശ്രേഷ്ഠ ഭാരതം എന്ന സന്ദേശവുമായി സർദാർ പട്ടേലിന്റെ ചിന്തകൾ യുവ ഹൃദയങ്ങളിലേക്ക് എത്തിക്കുകയാണ് പദയാത്രകളുടെ ലക്ഷ്യം.

തളിക്കുളം ബ്ലോക്ക് പഞ്ചായത്ത് ജനകീയാസൂത്രണം 2025-26 പ്രകാരം കൃഷി സമൃദ്ധി വനിതാ ഗ്രൂപ്പ് പച്ചക്കറി കൃഷി പദ്ധതിയുടെ ഭാഗമായി ഒരു ലക്ഷം പച്ചക്കറി തൈകൾ വിതരണം ചെയ്തു. തളിക്കുളം ബ്ലോക്ക് പഞ്ചായത്ത്‌ പ്രസിഡന്റ് കെ.സി പ്രസാദ് ചടങ്ങ് ഉദ്ഘാടനം ചെയ്തു. തളിക്കുളം ബ്ലോക്ക് പരിധിയിലെ അഞ്ച് പഞ്ചായത്തുകളിലായി നൂറോളം വനിതാ ഗ്രൂപ്പുകൾക്കാണ് പച്ചക്കറി തൈകൾ വിതരണം ചെയ്തത്. പച്ചക്കറി തൈകളും കൃഷി ചെലവും ഉൾപ്പെടെ ആറ് ലക്ഷം രൂപ ചെലവഴിച്ചാണ് ബ്ലോക്ക് പഞ്ചായത്ത് പദ്ധതി നടപ്പിലാക്കിയത്.

പശ്ചാത്തല വികസന രംഗത്തെ സുസ്ഥിര, സമാര്‍ട്ട് രീതികള്‍ ചര്‍ച്ചയാവും

പട്ടികജാതി വിദ്യാര്‍ഥികള്‍ക്ക് സ്പെഷ്യല്‍ ഇന്‍സന്റീവ്

കേരള സർക്കാർ പൊതുമേഖലാ സ്ഥാപനമായ കെൽട്രോൺ നടത്തുന്ന മാധ്യമ കോഴ്സുകളുടെ 2025-26 വർഷത്തെ ബാച്ചുകളിൽ തിരുവനന്തപുരം, കോഴിക്കോട്, പാലക്കാട് കേന്ദ്രങ്ങളിൽ സീറ്റുകൾ ഒഴിവുണ്ട്. ഡിഗ്രി അല്ലെങ്കിൽ പ്ലസ് ടു യോഗ്യത ഉള്ളവർക്ക് കെൽട്രോൺ കേന്ദ്രങ്ങളിൽ നേരിട്ടെത്തി അഡ്മിഷൻ എടുക്കാം. പഠനകാലയളവിൽ വിദ്യാർത്ഥികൾക്ക് മാധ്യമ സ്ഥാപനങ്ങളിൽ പരിശീലനം നൽകുന്നതോടൊപ്പം ഇന്റേൺഷിപ്പ്, പ്ലേസ്മെന്റ് സപ്പോർട്ട് എന്നിവയും നിബന്ധനകൾക്ക് വിധേയമായി ലഭിക്കും.