*അരൂക്കുറ്റി പഞ്ചായത്ത് വികസന സദസ്സ് എംഎല്‍എ ഉദ്ഘാടനം ചെയ്തു  

അരൂർ മണ്ഡലത്തിൽ  പത്തുവർഷംകൊണ്ട് പത്ത് പാലങ്ങൾ നിർമ്മിക്കാൻ സാധിച്ചു. അതിൽ 100 കോടി മുടക്കി നിർമ്മിക്കുന്ന സംസ്ഥാനത്തെ ഏറ്റവും വലിയ പാലമായ പെരുമ്പളവും ഉൾപ്പെടുന്നുവെന്നത് അഭിമാനകരമായ കാര്യമാണെന്ന് ദലീമ ജോജോ എംഎൽഎ പറഞ്ഞു. അരൂക്കുറ്റി ഗ്രാമപഞ്ചായത്തിൽ സംഘടിപ്പിച്ച വികസന സദസ്സ് വടുതല അബ്റാര്‍ ഓഡിറ്റോറിയത്തിൽ ഉദ്ഘാടനം ചെയ്തു സംസാരിക്കുകയായിരുന്നു എംഎൽഎ. 

കൃഷി കർഷക ക്ഷേമ വകുപ്പിന്റെ ഒമ്പത്  വർഷത്തെ പ്രവർത്തനങ്ങൾ വിലയിരുത്തുന്നതിനും അടുത്ത അഞ്ചു വർഷത്തെ  ലക്ഷ്യങ്ങൾ രൂപീകരിക്കുന്നതിനുമായി കൃഷിവകുപ്പ് സംഘടിപ്പിക്കുന്ന സംസ്ഥാനതല സെമിനാർ ഒക്ടോബർ 25ന് ആലപ്പുഴ എസ് കെ ഓഡിറ്റോറിയത്തിൽ സംഘടിപ്പിക്കും. കൃഷി മേഖലയിലെ വിഷയവിദഗ്ധർ,വിവിധ ജില്ലകളിൽ നിന്നുള്ള കർഷകർ എന്നിവരെ പങ്കെടുപ്പിച്ചുകൊണ്ടാണ് സെമിനാർ നടക്കുക. കാലാവസ്ഥാ വ്യതിയാനം,കർഷക തൊഴിലാളികൾ,പുതിയ കൃഷി രീതി,അനുബന്ധ വിഷയങ്ങൾ,കൃഷി വിപണി, വായ്പ , സ്റ്റാർട്ടപ്പുകൾ തുടങ്ങി വിവിധ മേഖലകളിൽ വൈദഗ്ത്യം നേടിയവർ സെമിനാറിൽ പങ്കെടുക്കും.

കുമ്പളം-തുറവൂര്‍ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 11  (കെല്‍ട്രോണ്‍ ഗേറ്റ്) ഒക്ടോബര്‍ 16 ന് രാവിലെ എട്ട് മണി മുതല്‍  വൈകിട്ട് ആറ് മണി വരെ അടിയന്തര അറ്റകുറ്റപ്പണികള്‍ക്കായി അടച്ചിടും. വാഹനങ്ങള്‍ ലെവല്‍ ക്രോസ് നമ്പര്‍ 12 (വാഴത്തോപ്പില്‍ ഗേറ്റ്) വഴി പോകണം.
 

ഭാവി വികസന-ക്ഷേമ പ്രവർത്തനങ്ങൾ സംബന്ധിച്ച പൊതുജനാഭിപ്രായം സമാഹരിക്കുന്നതിന് തദ്ദേശസ്ഥാപനങ്ങളിൽ സംഘടിപ്പിക്കുന്ന വികസന സദസ്സുകളിൽ വയലാർ ഗ്രാമപഞ്ചായത്തിലെ സദസ്സ് ഇന്ന് (ഒക്ടോബർ 16 ന്) കൃഷിവകുപ്പ് മന്ത്രി പി പ്രസാദ് ഉദ്ഘാടനം ചെയ്യും. ഉച്ചയ്ക്ക് രണ്ടുമണിക്ക് കൊല്ലപ്പള്ളി ക്ഷേത്ര മൈതാനത്ത് നടക്കുന്ന ചടങ്ങിൽ വയലാർ പഞ്ചായത്ത് പ്രസിഡന്റ് ഓമന ബാനർജി അധ്യക്ഷയാകും. കെ സി വേണുഗോപാൽ എം പി മുഖ്യാതിഥിയാകും. ജില്ലാ പഞ്ചായത്ത് വൈസ് പ്രസിഡൻ്റ് എൻ എസ് ശിവപ്രസാദ് മുഖ്യപ്രഭാഷണം നടത്തും. പട്ടണക്കാട് ബ്ലോക്ക് പഞ്ചായത്ത് പ്രസിഡന്റ് മേരി ടെൽഷ്യ, മറ്റു ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.
 

*കാഡ്കോ ആർട്ടിസാൻസ് സംഗമം-2025 മന്ത്രി ഉദ്ഘാടനം ചെയ്തു

*മന്ത്രി കെ രാജൻ ഉദ്ഘാടനം നിർവഹിക്കും

കുമ്പളങ്ങി ഗ്രാമപഞ്ചായത്തിലെ രണ്ടാം വാർഡിൽ കോൺവെന്റ് ബൈലൈൻ റോഡ് തുറന്നു.കെ ജെ മാക്സി എം എൽ എ ഉദ്ഘാടനം ചെയ്തു.ഹാർബർ എഞ്ചിനീയറിംഗ് ഫണ്ടിന്റെ 58 ലക്ഷം രൂപ വിനിയോഗിച്ചാണ് റോഡ് നിർമ്മാണം പൂർത്തീകരിച്ചത്.എം എൽ എ ഫണ്ടിൽ നിന്ന് 49.20 ലക്ഷം രൂപ ചെലവഴിച്ച് നിർമ്മിക്കുന്ന സെന്റ് ജോസഫ് കോൺവെന്റ് റോഡിന്റെ നിർമ്മാണോദ്ഘാടനവും എം എൽ എ നിർവഹിച്ചു.

ചടങ്ങിൽ കുമ്പളങ്ങി ഗ്രാമപഞ്ചായത്ത് പ്രസിഡന്റ് സൂസൻ ജോസഫ് അധ്യക്ഷയായി. 

വികസന നേട്ടങ്ങളും ഭാവി പദ്ധതികളും ജനങ്ങളുമായി നേരിട്ട് പങ്കുവെച്ച് ഉദയംപേരൂർ പഞ്ചായത്ത് വികസന സദസ്സ്. പഞ്ചായത്ത് കമ്മ്യൂണിറ്റി ഹാളിൽ ചേർന്ന സദസ്സ് പ്രസിഡൻ്റ് സജിത മുരളി ഉദ്ഘാടനം ചെയ്തു. 

പഞ്ചായത്തിന്റെ വികസന വഴിയിൽ പുതുചരിത്രം സൃഷ്ടിച്ച് കഴിഞ്ഞ അഞ്ചു വർഷക്കാലം നടപ്പിലാക്കിയ വികസന പദ്ധതികളും കോവിഡ് പ്രതിരോധ പ്രവർത്തനങ്ങളും തുടർ ക്ഷേമ പ്രവർത്തനങ്ങൾക്കുള്ള സദസ്സിൽ ചർച്ച ചെയ്തു. 

1970 കളിൽ ആരംഭിച്ച കടമക്കുടി ഗവൺമെൻ്റ് ആയുർവേദ ആശുപത്രിക്ക് പുതിയ കെട്ടിടം നിർമ്മിക്കുന്നതിനായി പൊതുമരാമത്ത് വകുപ്പിൽ നിന്ന് 4.71 കോടി രൂപ 

 അനുവദിച്ചതായി കെ എൻ ഉണ്ണികൃഷ്ണൻ എംഎൽഎ അറിയിച്ചു. 

ഗ്രാമപഞ്ചായത്തിലെ 13-ാം വാർഡിൽ സ്ഥിതി ചെയ്യുന്ന ആശുപത്രി, സാമൂഹിക പ്രവർത്തകനായ സർവോദയം കുര്യനും കൂട്ടരും സംഭാവന നൽകിയ സ്ഥലത്താണ് പ്രവർത്തിക്കുന്നത്. ദിവസേന അമ്പതോളം പേർ ചികിത്സ തേടുന്ന ഇവിടെ പുരുഷ-വനിത വാർഡുകളിലായി അഞ്ചു വീതം കിടക്കകൾ മാത്രമാണുള്ളത്.

ആരോഗ്യകരമായ ഒരു തലമുറയെ വാർത്തെടുക്കുക എന്ന ലക്ഷ്യത്തോടെ മരട് നഗരസഭയും വനിതാ ശിശു വികസന വകുപ്പ് ഐ.സി.ഡി.എസ് കൊച്ചി അർബൺ-3യും സംയുക്തമായി 'പോഷൺ മാ 2025' സംഘടിപ്പിച്ചു. പരിപാടിയുടെ ഭാഗമായി നഗരസഭയിലെ അങ്കണവാടി ജീവനക്കാരുടെ നേതൃത്വത്തിൽ പോഷകാഹാര പ്രദർശനവും ഹെൽത്ത് സ്ക്രീനിങ്ങും സംഘടിപ്പിച്ചു.

നഗരസഭാ ചെയർപേഴ്സൺ ആന്റണി ആശാംപറമ്പിൽ പരിപാടി ഉദ്ഘാടനം ചെയ്തു. ആരോഗ്യകരമായ ജീവിതശൈലി പ്രോത്സാഹിപ്പിക്കുന്ന ഇത്തരം പരിപാടികൾക്ക് സമൂഹത്തിൽ ഏറെ പ്രാധാന്യമുണ്ടെന്ന് അദ്ദേഹം അഭിപ്രായപ്പെട്ടു.