കോട്ടയം: അന്താരാഷ്ട്ര ദുരന്തലഘൂകരണ ദിനാചരണവുമായി ബന്ധപ്പെട്ട് കോട്ടയം കളക്ടറേറ്റിൽ ഒക്ടോബർ 16 വ്യാഴാഴ്ച അഗ്‌നി സുരക്ഷാ മോക്ഡ്രിൽ നടത്തും. രാവിലെ 10.30 മുതൽ 11.30 വരെയാണ് ജില്ലാ ദുരന്ത നിവാരണ അതോറിറ്റിയുടെ നേതൃത്വത്തിലുള്ള മോക്ഡ്രിൽ.

തീപിടിത്തമുണ്ടായാൽ സ്വീകരിക്കേണ്ട അടിയന്തര ദുരന്ത പ്രതികരണ നടപടികൾ സംബന്ധിച്ച് ഉദ്യോഗസ്ഥരെയും പൊതുജനങ്ങളെയും ബോധവത്കരിക്കുകയാണ് ലക്ഷ്യം.  

കളക്ടറേറ്റിലെ രണ്ടാംനിലയിലെ ഒരു ഭാഗത്ത് തീപിടിത്തമുണ്ടാകുന്നതും തുടർന്നുള്ള രക്ഷാപ്രവർത്തനങ്ങളുമാണ് മോക് ഡ്രില്ലിൽ ഉൾപ്പെടുത്തിയിരിക്കുന്നത്.

ഗ്രാമപഞ്ചായത്തുകളിലെ സംവരണ വാര്‍ഡുകള്‍; നറുക്കെടുപ്പ് വ്യാഴാഴ്ച പൂര്‍ത്തിയാകും

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ ഗ്രാമപഞ്ചായത്തുകളിലെ സംവരണ വാര്‍ഡുകള്‍ നിശ്ചയിക്കുന്നതിനുള്ള  നറുക്കെടുപ്പ് വ്യാഴാഴ്ച(ഒക്ടോബര്‍ 16) പൂര്‍ത്തിയാകും. ബുധനാഴ്ച 16 ഗ്രാമപഞ്ചായത്തുകളിലെ  നറുക്കെടുപ്പ് നടന്നു.

കോട്ടയം: സംസ്ഥാന സര്‍ക്കാര്‍ കിഫ്ബി വഴി 16.89 കോടി രൂപ ചെലവഴിച്ചു നിര്‍മിച്ച വൈക്കം അക്കരപ്പാടം പാലം   പൊതുമരാമത്ത് -ടൂറിസം വകുപ്പ് മന്ത്രി അഡ്വ.പി.എ. മുഹമ്മദ് റിയാസ് നാടിന് സമര്‍പ്പിച്ചു.   അഞ്ചുവര്‍ഷം കൊണ്ട് നൂറ് പാലങ്ങള്‍ എന്നതായിരിയുന്നു സര്‍ക്കാരിന്റെ പ്രഖ്യാപിത ലക്ഷ്യമെന്നും എന്നാല്‍  150 പാലങ്ങളുടെ നിര്‍മ്മാണം പൂര്‍ത്തിയാക്കാൻ കഴിഞ്ഞെന്നും ഓൺലൈനിൽ പരിപാടിയിൽ പങ്കെടുത്ത മന്ത്രി പറഞ്ഞു.

കോട്ടയം: പെൻഷൻ വാഗ്ദാനം ചെയ്ത് പ്രവാസികളിൽനിന്നു വ്യാപക പണപ്പിരവു നടത്തിയ അനധികൃത സംഘടനയ്ക്കെതിരെ കർശന നടപടിക്ക് ശുപാർശ ചെയ്യുമെന്ന് സംസ്ഥാന പ്രവാസി കമ്മീഷൻ അറിയിച്ചു.  കോട്ടയം ആസ്ഥാനമായുള്ള പ്രവാസി മലയാളി വെൽഫെയർ അസോസിയേഷൻ ഇന്ത്യ  അംഗത്വ ഫീസ്, അംശദായം എന്നീയിനങ്ങളിലാണ് പണം വാങ്ങിയത്  ഇരുപത്തയ്യായിരത്തോളം പേർ അംഗത്വമെടുത്തതയാണ് കമ്മീഷന് ലഭിച്ച വിവരം. ഇവർക്ക് അംഗത്വ കാർഡ് നൽകുകയും ചെയ്തു.

കോട്ടയം: ജില്ലാ സ്പോർട്സ് കൗൺസിൽ പ്രസിഡന്റായി ഡോ. ബൈജു വർഗീസ് ഗുരുക്കൾ, വൈസ് പ്രസിഡന്റായി രമേശ് ബി വെട്ടിമറ്റം,സംസ്ഥാന സ്പോർട്സ് കൗൺസിൽ പ്രതിനിധിയായി കെ. സന്തോഷ് എന്നിവർ എതിരില്ലാതെ തെരഞ്ഞെടുക്കപ്പെട്ടു. കോട്ടയം ഇൻഡോർ സ്റ്റേഡിയം കോൺഫറൻസ് ഹാളിൽ നടന്ന തെരഞ്ഞെടുപ്പിൽ ടി. ബൾക്കീസ് (അസിസ്റ്റന്റ്‌രജിസ്ട്രാർ എസ്.സി / എസ്.റ്റി ജോയിന്റ് രജിസ്ട്രാർ ആഫീസ്, കോട്ടയം) വരണാധികാരി ആയിരുന്നു.

കോട്ടയം: കോട്ടയം റവന്യൂ ജില്ലാ സ്‌കൂൾ കായികമേള ഇന്നുമുതൽ (ഒക്ടോബർ 15) 17 വരെ പാലാ മുനിസിപ്പൽ സിന്തറ്റിക് സ്റ്റേഡിയത്തിൽ നടക്കും. ബുധനാഴ്ച രാവിലെ 10ന് കെ. ഫ്രാൻസിസ് ജോർജ് എം.പി കായികമേള ഉദ്ഘാടനം ചെയ്യും. മാണി സി. കാപ്പൻ എം.എൽ.എ അധ്യക്ഷത വഹിക്കും.രാവിലെ 9.45ന് വിദ്യാഭ്യാസ ഉപഡയറക്ടർ ഹണി ജി. അലക്സാണ്ടർ പതാക ഉയർത്തും. തുടർന്ന് ലോഗോ ഡിസൈനിംഗ് മത്സരത്തിന്റെ സമ്മാനദാനം തിരുവഞ്ചൂർ രാധാകൃഷ്ണൻ എം.എൽ.എ നിർവഹിക്കും.  സമാപന സമ്മേളനം വെള്ളിയാഴ്ച (ഒക്ടോബർ 17) വൈകുന്നേരം നാലിനു സഹകരണം-ദേവസ്വം- തുറമുഖം വകുപ്പ് മന്ത്രി വി.എൻ. വാസവൻ ഉദ്ഘാടനം ചെയ്യും. ജോസ് കെ. മാണി എം.പി അധ്യക്ഷത വഹിക്കും.

കോട്ടയം : വെച്ചൂർ ഗ്രാമപഞ്ചായത്തിലെ വികസനസദസ്  അംബിക മാർക്കറ്റിന് സമീപമുള്ള സെന്റ്.മേരീസ് പാരീഷ് ഹാളിൽ ബുധനാഴ്ച നടക്കും. രാവിലെ10 ന് സി.കെ. ആശ എം.എൽ.എ ഉദ്ഘാടനം ചെയ്യും.
ഗ്രാമപഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷ എസ്. ബീന അധ്യക്ഷത വഹിക്കും. ബ്ലോക്ക് പഞ്ചായത്ത് പ്രസിഡന്റ് എസ്. ബിജു, ജില്ലാ പഞ്ചായത്ത് പൊതുമരാമത്ത് സ്ഥിരംസമിതി അധ്യക്ഷ ഹൈമി ബോബി, ബ്ളോക്ക് പഞ്ചായത്ത് അംഗം വീണ, ഗ്രാമപഞ്ചായത്ത് അംഗങ്ങളായ ഗീത സോമൻ, മിനിമോൾ കോട്ടയ്ക്കൽ, ശാന്തിനി,എൻ.സഞ്ജയൻ, എൻ. സുരേഷ് കുമാർ, അസിസ്റ്റന്റ് സെക്രട്ടറി എം.വി. റംല, സി.ഡി.എസ് ചെയർപേഴ്സൺ മിനി സരസൻ എന്നിവർ പങ്കെടുക്കും.

കോട്ടയം: പാലാ നഗരസഭയിലും മരങ്ങാട്ടുപിള്ളി ഗ്രാമപഞ്ചായത്തിലു വികസന സദസ് ബുധനാഴ്ച (ഒക്ടോബർ 15) നടക്കും.

മരങ്ങാട്ടുപിളളി ഗ്രാമപഞ്ചായത്തിലെ വികസന സദസ് ജോസ് കെ. മാണി എം.പി ഉദ്ഘാടനം ചെയ്യും. ഗ്രാമപഞ്ചായത്ത് ഹാളിൽ ഉച്ചകഴിഞ്ഞ് രണ്ടിന് നടക്കുന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് ബെൽജി ഇമ്മാനുവൽ അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ മുഖ്യപ്രഭാഷണം നടത്തും.

ജനങ്ങളുടെ പങ്കാളിത്തമാണ് പൊതുവിദ്യാഭ്യാസത്തിന്റെ ശക്തിയെന്ന് പൊതുവിദ്യാഭ്യാസവും തൊഴിലും വകുപ്പ് മന്ത്രി വി.ശിവന്‍കുട്ടി. ചെറുന്നിയൂര്‍ ഗവ.ഹയര്‍സെക്കന്‍ഡറി സ്‌കൂളിലെ ബഹുനില കെട്ടിടത്തിന്റെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു മന്ത്രി.

കോട്ടയം: ലോകം അറിയപ്പെടുന്ന ടൂറിസം മേഖലയാക്കി പൂഞ്ഞാർ തെക്കേക്കരയെ വളർത്തിക്കൊണ്ടു വരുമെന്ന് അഡ്വ. സെബാസ്റ്റ്യൻ കുളത്തുങ്കൽ എം.എൽ.എ. പറഞ്ഞു. പൂഞ്ഞാർ തെക്കേക്കരയിലെ വികസന സദസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഗ്രാമപഞ്ചായത്ത് ഹാളിൽ നടന്ന പരിപാടിയിൽ  ഗ്രാമപഞ്ചായത്ത് പ്രസിഡന്റ് ജോർജ് മാത്യു അത്യാലിൽ അധ്യക്ഷത വഹിച്ചു. ബ്ലോക്ക് പഞ്ചായത്തംഗം അഡ്വ. അക്ഷയ് ഹരി ഗ്രാമപഞ്ചായത്ത് പ്രോഗ്രസ് റിപ്പോർട്ട് പ്രകാശനം ചെയ്തു. ഗ്രാമപഞ്ചായത്ത് സെക്രട്ടറി റ്റിജി തോമസ് പഞ്ചായത്തുതല വികസന പ്രവർത്തനങ്ങളുടെ അവതരണവും കെ. ആർ. സുരേഷ് സംസ്ഥാന സർക്കാരിന്റെ വികസന പ്രവർത്തനങ്ങളുടെ അവതരണവും നടത്തി.