കുറുമാത്തൂര്‍ ഗവ. ഐ.ടി.ഐയില്‍ ഇലക്ട്രോണിക്സ് മെക്കാനിക്ക് ട്രേഡില്‍ താല്‍ക്കാലികാടിസ്ഥാനത്തില്‍ ജൂനിയര്‍ ഇന്‍സ്ട്രക്ടറെ നിയമിക്കുന്നു. ഇലക്ട്രോണിക്സ്/ഇലക്ട്രോണിക്സ് ആന്‍ഡ് ടെലികമ്മ്യൂണിക്കേഷന്‍ എഞ്ചിനീയറിംഗ് ഡിഗ്രി, ഒപ്പം ഒരു വര്‍ഷ പ്രവൃത്തി പരിചയം/ഡിപ്ലോമയും രണ്ട് വര്‍ഷത്തെ പ്രവൃത്തി പരിചയം /ബന്ധപ്പെട്ട ട്രേഡിലെ എന്‍ ടി സി/എന്‍ എ സിയും മൂന്ന് വര്‍ഷത്തെ പ്രവൃത്തിപരിചയം എന്നിവയാണ് യോഗ്യത. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഒക്ടോബര്‍ 17 ന് രാവിലെ 11 മണിക്ക് കൂനത്ത് പ്രവര്‍ത്തിക്കുന്ന ഐ.ടി.ഐ ഓഫീസില്‍ അഭിമുഖത്തിന് എത്തണം. ഫോണ്‍: 04602225450, 9061762960

മുണ്ടയാട് കോഴിവളര്‍ത്തല്‍ കേന്ദ്രത്തില്‍ ഒക്ടോബര്‍ 17, 18 തീയതികളില്‍ ഒന്നരവര്‍ഷം ഉല്‍പാദന കാലാവധി കഴിയാറായ ഗ്രാമശ്രീ മുട്ടക്കോഴികള്‍ കിലോ 100 രൂപ നിരക്കില്‍ വിതരണം ചെയ്യുന്നു. ആവശ്യമുള്ളവര്‍ക്ക് ഒക്ടോബര്‍ 16 ന് രാവിലെ 10 മണി മുതല്‍ 0497 2721168 നമ്പറില്‍ ബുക്ക് ചെയ്യാം.
 

അസാപ് കേരള കണ്ണൂര്‍ കമ്മ്യൂണിറ്റി സ്‌കില്‍ പാര്‍ക്കില്‍ വിജ്ഞാന കേരളം പദ്ധതിയുടെ ഭാഗമായി ഒക്ടോബര്‍ 18ന് രാവിലെ 9.30 മുതല്‍ തൊഴില്‍ മേള സംഘടിപ്പിക്കുന്നു. താല്‍പര്യമുള്ളവര്‍ ബയോഡേറ്റയും അനുബന്ധ സര്‍ട്ടിഫിക്കറ്റുകളുമായി പാലയാട് കമ്മ്യൂണിറ്റി സ്‌കില്‍ പാര്‍ക്കില്‍
എത്തണം. https://forms.gle/yKdA8LLMaRyhc-gHX8 ലിങ്കിലൂടെയോ 9495999712 എന്ന നമ്പര്‍ വഴിയോ സൗജന്യ രജിസ്ട്രേഷന്‍ ചെയ്യാം. 
 

കണ്ണൂര്‍ സിറ്റി ജില്ലയില്‍ ജെന്‍ഡര്‍ അവെയര്‍നസ് സ്റ്റേറ്റ് പ്ലാന്‍ സ്‌കീം പ്രകാരം താല്‍ക്കാലികാടിസ്ഥാനത്തില്‍ ഫാമിലി കൗണ്‍സിലര്‍മാരെ നിയമിക്കുന്നു. സൈക്കോളജിയില്‍ ബിരുദാനന്തര ബിരുദവും രണ്ട് വര്‍ഷത്തെ കൗണ്‍സിലിംഗ് യോഗ്യതയുമുള്ള സ്ത്രീകള്‍ക്ക് അപേക്ഷിക്കാം. യോഗ്യരായ ഉദ്യോഗാര്‍ഥികള്‍ ബയോഡാറ്റ, യോഗ്യത സര്‍ട്ടിഫിക്കറ്റിന്റെ കോപ്പി എന്നിവ സഹിതം ഒക്ടോബര്‍ 25നകം കണ്ണൂര്‍ സിറ്റി ഡി എച്ച് ക്യു കോമ്പൗണ്ടില്‍ പ്രവര്‍ത്തിക്കുന്ന സി ബ്രാഞ്ച് അസിസ്റ്റന്റ് പോലീസ് കമ്മീഷണറുടെ ഓഫീസില്‍ എത്തിക്കണം.

യുവജനങ്ങളുടെ ജീവിതശൈലിയിലെ പുത്തന്‍ പ്രവണതകളും മാനസികാരോഗ്യവും ശാസ്ത്രീയ പഠനമാക്കുന്നതിന്റെ ഭാഗമായി സംസ്ഥാന യുവജന കമ്മീഷന്‍ വിദ്യാര്‍ഥികളെ ക്ഷണിക്കുന്നു. പ്രവൃത്തി പരിചയമുള്ള സൈക്കോളജി/ സോഷ്യല്‍ വര്‍ക്ക് പി.ജി വിദ്യാര്‍ഥികള്‍ക്ക് ഒക്ടോബര്‍ 25 നകം https://hper.in/LjKo-f89 ലിങ്ക് വഴി അപേക്ഷിക്കാം. ഫോണ്‍: 0471 2308630

വനിതാ ശിശു വികസന വകുപ്പിന്റെ ആഭിമുഖ്യത്തില്‍ പോഷണ്‍ അഭിയാന്‍ 2.0 പദ്ധതിയുടെ ഭാഗമായുള്ള  പോഷന്‍ മാഹ് ജില്ലാതല സെമിനാര്‍ ഒക്ടോബര്‍ 16 വ്യാഴാഴ്ച രാവിലെ 10.30 ന് അസിസ്റ്റന്റ് കലക്ടര്‍ എഹ്തെദ മുഫസിര്‍ ഉദ്ഘാടനം ചെയ്യും. കണ്ണൂര്‍ റെയിന്‍ബോ സ്യൂട്ടില്‍ നടക്കുന്ന പരിപാടിയില്‍ ജില്ലാ ശിശു വികസന ഓഫീസര്‍ ഡീന ഭരതന്‍ അധ്യക്ഷയാകും.
 

അടൂര്‍ ഭാരത് ഹിന്ദി പ്രചാരകേന്ദ്രത്തില്‍ രണ്ട് വര്‍ഷ റഗുലര്‍ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സില്‍ ഒഴിവുള്ള സീറ്റുകളിലേക്ക് അപേക്ഷിക്കാം. ഹിന്ദി രണ്ടാം ഭാഷയായി തെരഞ്ഞെടുത്ത് 50 ശതമാനം മാര്‍ക്കോടെ  പ്ലസ് ടു, ഡിഗ്രി,പാസ്സായവർക്കും എം.എ യോഗ്യതയുള്ളവർക്കും  അപേക്ഷിക്കാം. പ്രായപരിധി  17 നും 35 നും ഇടയിൽ. പട്ടികജാതി പിന്നോക്ക വിഭാഗത്തിന് ഫീസിളവ് ലഭിക്കും. താല്പര്യമുള്ളവർക്ക് അസ്സല്‍ സര്‍ട്ടിഫിക്കറ്റുകള്‍ സഹിതം ഒക്‌ടോബര്‍ 31 ന് വൈകീട്ട് അഞ്ച് മണിവരെ അടൂര്‍ ഭാരത്ഹിന്ദി പ്രചാരകേന്ദ്രത്തില്‍ എത്തി  പ്രവേശനം നേടാം. ഫോണ്‍: 8547126028, 04734 296496

2025 -26 വര്‍ഷത്തില്‍ കെല്‍ട്രോണ്‍ നടത്തുന്ന മാധ്യമ കോഴ്‌സുകൾക്ക് ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. പത്രപ്രവര്‍ത്തനം, ടെലിവിഷന്‍ ജേര്‍ണലിസം, ഓണ്‍ലൈന്‍ ജേര്‍ണലിസം, ആര്‍ട്ടിഫിഷ്യല്‍ ഇന്റലിജന്‍സ് അധിഷ്ഠിത മാധ്യമ പ്രവര്‍ത്തനം, വാര്‍ത്താ അവതരണം, ആങ്കറിങ്ങ്, പബ്ലിക് റിലേഷന്‍സ്, അഡ്വെര്‍ടൈസിംഗ്, വീഡിയോഗ്രാഫി, വീഡിയോ എഡിറ്റിംഗ് എന്നിവയാണ് പാഠ്യവിഷയം. കെൽട്രോണിന്റെ    തിരുവനന്തപുരം, കോഴിക്കോട്, പാലക്കാട് കേന്ദ്രങ്ങളില്‍ ഒഴിവുള്ള സീറ്റുകളിൽ ഡിഗ്രി / പ്ലസ് ടു യോഗ്യതയുള്ളവര്‍ക്ക് നേരിട്ടെത്തി പ്രവേശനം നേടാം.

കണ്ണൂര്‍ ഗവ. ഐ.ടി.ഐയില്‍ സര്‍ട്ടിഫിക്കേഷന്‍ ഇന്‍ സൈബര്‍ സെക്യൂരിറ്റി, ഡിപ്ലോമ ഇന്‍ പ്രൊഫഷണല്‍ അക്കൗണ്ടിംഗ്, ടാലി, ജി എസ് ടി ഫയലിംഗ്, ഡിപ്ലോമ ഇന്‍ മൊബൈല്‍ ഫോണ്‍ ടെക്‌നോളജി, സി സി ടി വി ടെക്‌നോളജി എന്നീ ഹ്രസ്വകാല കോഴ്‌സിലേക്ക് അപേക്ഷ ക്ഷണിച്ചു. ഫോണ്‍: 9745479354 

അസാപ് കേരള പാലയാട് കമ്മ്യൂണിറ്റി സ്‌കില്‍ പാര്‍ക്കില്‍ ജനറല്‍ ഫിറ്റ്നസ് ട്രെയിനര്‍ കോഴ്സിലേക്ക് എസ് എസ് എല്‍ സി പാസായവര്‍ക്ക് അപേക്ഷിക്കാം. ഫോണ്‍: 9495999712