വാടാനപ്പള്ളി ഗ്രാമപഞ്ചായത്തിന്‍റെ ദീര്‍ഘകാല സ്വപ്നമായിരുന്ന ബസ് ബേ യാഥാർഥ്യമാവുന്നു. ബസ് ബേയുടെ നിര്‍മ്മാണോദ്ഘാടനം തളിക്കുളം ബ്ലോക്ക് പഞ്ചായത്ത് പ്രസിഡന്റ് കെ.സി പ്രസാദ്  നിര്‍വ്വഹിച്ചു.

ജനകീയാസൂത്രണം 2025-26 വാര്‍ഷിക പദ്ധതിയില്‍ ഉള്‍പ്പെടുത്തി പഞ്ചായത്തിന്റെ 11.50 ലക്ഷം രൂപയും തളിക്കുളം ബ്ലോക്ക് പഞ്ചായത്തിന്റെ പത്ത് ലക്ഷം രൂപയും വകയിരുത്തിയാണ് പദ്ധതി നടപ്പിലാക്കുന്നത്. തൃശൂർ, ഗുരുവായൂർ, കൊടുങ്ങല്ലൂർ, എറണാകുളം എന്നിവിടങ്ങളിലേക്കുളള യാത്രക്കാർക്ക് ബസ് ബേ ഉപകാരപ്രദമാകും.

തൃശൂർ: വിവിധ പത്രപ്രവർത്തക / പത്രപ്രവർത്തകേതര ക്ഷേമ പെൻഷൻ കൈപ്പറ്റുന്ന  ഗുണഭോക്താക്കൾ 2025 നവംബർ 30നകം  ലൈഫ് സർട്ടിഫിക്കറ്റ് ഹാജരാക്കണം. ജീവൻ പ്രമാൺ പോർട്ടൽ വഴിയുള്ള ഡിജിറ്റൽ ലൈഫ് സർട്ടിഫിക്കറ്റിന്റെ (നവംബറിലെ തിയതിയിലുള്ളത്.) സ്വയം സാക്ഷ്യപ്പെടുത്തിയ പകർപ്പ് അല്ലെങ്കിൽ ഗസറ്റഡ് ഓഫീസർ നവംബർ മാസത്തിൽ സാക്ഷ്യപ്പെടുത്തിയ ലൈഫ് സർട്ടിഫിക്കറ്റ്  മേഖലാ ഡെപ്യൂട്ടി ഡയറക്ടർ ഓഫീസിൽ നൽകണം. മറ്റൊരാൾ മുഖേന സമർപ്പിക്കുന്നവർ ഫോട്ടോപതിച്ച അംഗീകൃത തിരിച്ചറിയൽ രേഖയുടെ സ്വയം സാക്ഷ്യപ്പെടുത്തിയ പകർപ്പും നൽകണം. ലൈഫ് സർട്ടിഫിക്കറ്റ് മാതൃക ഐപിആർഡി വെബ് സൈറ്റിൽ ലഭിക്കും.

എംപ്ലോയബിലിറ്റി സെന്റര്‍ മുഖേന നിയമനം

ആലപ്പുഴ എപ്ലോയബിലിറ്റി സെന്റര്‍ മുഖേന സ്വകാര്യസ്ഥാപനങ്ങളിലേക്ക് നിയമനം. അഭിമുഖം ഒക്ടോബര്‍ 17  രാവിലെ 10ന് മാവേലിക്കര ടൗൺ എംപ്ലോയ്‌മെന്റ് എക്‌സ്‌ചേഞ്ചില്‍ നടക്കും.

മാവേലിക്കരയില്‍ പ്രവര്‍ത്തിക്കുന്ന പ്രമുഖ സ്വകാര്യ സ്ഥാപനങ്ങളിലേക്കാണ് നിയമനം. ബിരുദം, എഞ്ചിനിയറിംഗ് (സിവില്‍/മെക്കാനിക്കല്‍/ഓട്ടോമോബല്‍), ടൂവിലര്‍ ലൈസന്‍സ്  യോഗ്യതയുള്ള എംപ്ലോയബിലിറ്റി സെന്ററില്‍ രജിസ്റ്റര്‍ ചെയ്തതും അല്ലാത്തതുമായ 21 നും 35 നും ഇടയില്‍ പ്രായമുള്ള ഉദ്യോഗാര്‍ഥികൾക്ക് പങ്കെടുക്കാം. സ്‌പോട്ട് രജിസ്‌ട്രേഷനും ചെയ്യാം.  ഫോൺ: 0477-2230624, 8304057735, 0479 2344301.

കോട്ടയം: പ്രതിസന്ധികളിൽനിന്ന് വികസനം സാധ്യമാക്കിയ സർക്കാരാണ് കേരളത്തിലേതെന്ന് സി.കെ. ആശ എം.എൽ.എ. പറഞ്ഞു. ചെമ്പ് ഗ്രാമ പഞ്ചായത്തിലെ വികസനസദസ് കാട്ടിക്കുന്ന് നാസ് ഓഡിറ്റോറിയത്തിൽ ഉദ്ഘാടനം ചെയ്തു സംസാരിക്കുകയായിരുന്നു അവർ. വൈക്കം നിയോജക മണ്ഡലത്തിലടക്കം  അടിസ്ഥാന സൗകര്യങ്ങളിൽ മാറ്റം വരുത്തി. കാട്ടിക്കുന്ന് തുരുത്ത് പാലം യാഥാർത്ഥ്യമാക്കി. പഞ്ചായത്ത് പരിധിയിൽ 88 റോഡുകൾ നിർമിച്ചു.

കോട്ടയം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിൽ  ഉഴവൂർ,ളാലം, മാടപ്പള്ളി ബ്ലോക്കുകളിൽ ഉൾപ്പെടുന്ന ഗ്രാമപഞ്ചായത്തുകളിലെ വാർഡുകളുടെ സംവരണ ക്രമം നിശ്ചയിക്കുന്നതിനുള്ള നറുക്കെടുപ്പ് ചൊവ്വാഴ്ച്ച(ഒക്ടോബർ 14) നടക്കും. കോട്ടയം കളക്ടറേറ്റിലെ വിപഞ്ചിക ഹാളിൽ രാവിലെ പത്തു മുതലാണ് നറുക്കെടുപ്പ്.

തദ്ദേശ പൊതുതിരഞ്ഞെടുപ്പിന് മുന്നോടിയായി സംസ്ഥാനത്തെ തദ്ദേശ സ്ഥാപനങ്ങളിലെ സംവരണവാര്‍ഡുകള്‍ നിശ്ചയിക്കുന്നതിനുള്ള നറുക്കെടുപ്പിന് ജില്ലയില്‍ തുടക്കമായി. ത്രിതലപഞ്ചായത്തുകളുടെ വാര്‍ഡ് സംവരണം നിശ്ചയിക്കുന്നതിനു ചുമതലപെട്ട ജില്ലാ കളക്ടര്‍ സ്നേഹില്‍ കുമാര്‍ സിംഗ് അഴിയൂര്‍, ചോറോട്, ഏറാമല, ഒഞ്ചിയം, ചെക്യാട്, പുറമേരി, തൂണേരി, വളയം, വാണിമേല്‍, എടച്ചേരി, നാദാപുരം, കുന്നുമ്മല്‍, വേളം, കായക്കൊടി, കാവിലും പാറ, കുറ്റ്യാടി, മരുതോങ്കര, നരിപ്പറ്റ എന്നെ ഗ്രാമപഞ്ചായത്തുകളിലെ സംവരണ സീറ്റുകള്‍  നറുക്കെടുപ്പിലൂടെ തെരഞ്ഞെടുത്തു. 

കൊയിലാണ്ടി നഗരസഭ നോര്‍ത്ത് സിഡിഎസ് കൃഷിവകുപ്പുമായി സഹകരിച്ച് കുറ്റിമുല്ല പൂ കൃഷി പരിശീലന ക്ലാസ് സംഘടിപ്പിച്ചു. സിഡിഎസ് ഹാളില്‍ നടന്ന പരിപാടി നഗരസഭ ചെയര്‍പേഴ്‌സണ്‍ സുധ കിഴക്കേപാട്ട് ഉദ്ഘാടനം ചെയ്തു. വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഇന്ദിര ടീച്ചര്‍ അധ്യക്ഷയായി. ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഷിജു മാസ്റ്റര്‍, എന്‍യുഎല്‍എം സിറ്റി മിഷന്‍ മാനേജര്‍ തുഷാര, സിഡിഎസ് ചെയര്‍പേഴ്‌സണ്‍ ഇന്ദുലേഖ, എന്‍യുഎല്‍എം കോഓഡിനേറ്റര്‍ മിനി എന്നിവര്‍ സംസാരിച്ചു. കൃഷി അസി. ഓഫീസര്‍ രജീഷ് ക്ലാസെടുത്തു.

കേന്ദ്ര നൈപുണ്യ വികസന മന്ത്രാലയത്തിന്റെയും സംസ്ഥാന വ്യാവസായിക പരിശീലന വകുപ്പിന്റെയും ആഭിമുഖ്യത്തില്‍  കോഴിക്കോട് ആര്‍.ഐ സെന്ററിന്റെ നേതൃത്വത്തില്‍ കോഴിക്കാട് ഗവ. വനിതാ ഐ.ടി.ഐയില്‍ പ്രധാനമന്ത്രി നാഷണല്‍ അപ്രന്റീസ്ഷിപ്പ് മേള സംഘടിപ്പിച്ചു. കോര്‍പ്പറേഷന്‍ വാര്‍ഡ് കൗണ്‍സിലര്‍ പി പി നിഖില്‍ ഉദ്ഘാടനം ചെയ്തു.   

സ്മാര്‍ട്ട് കൃഷിഭവനായി ഉയര്‍ത്തിയ മാവൂര്‍ ഗ്രാമപഞ്ചായത്ത് കൃഷിഭവന്റെ ഉദ്ഘാടനം ഇന്ന് (ഒക്‌ടോബര്‍ 14) വൈകീട്ട് മൂന്നിന് കൃഷിവകുപ്പ് മന്ത്രി പി പ്രസാദ് നിര്‍വഹിക്കും. പിടിഎ റഹീം എംഎല്‍എ അധ്യക്ഷനാകും. കാര്‍ഷിക വികസന-കര്‍ഷക ക്ഷേമ വകുപ്പ് മുഖേന അനുവദിച്ച 22 ലക്ഷം രൂപയും ഗ്രാമപഞ്ചായത്തിന്റെ 8 ലക്ഷം രൂപയും വിനിയോഗിച്ചാണ് കൃഷിഭവന്റെ നവീകരണം പൂര്‍ത്തിയാക്കിയത്.