വിഷന്‍ 2031 ന്റെ ഭാഗമായി 'ഗതാഗത വകുപ്പിന്റെ വികസന ലക്ഷ്യങ്ങള്‍' എന്ന പേരില്‍ സംഘടിപ്പിക്കുന്ന സംസ്ഥാനതല സെമിനാര്‍  ഒക്ടോബര്‍ 15 ന്  രാവിലെ 8.30 മുതല്‍ തിരുവല്ല ബിലിവേഴ്സ് കണ്‍വെന്‍ഷന്‍ സെന്ററില്‍ നടക്കും. ഗതാഗതവകുപ്പ് മന്ത്രി കെ ബി ഗണേഷ് കുമാര്‍ 'വിഷന്‍ 2031' അവതരിപ്പിക്കും. ഗതാഗത വകുപ്പ് സ്പെഷ്യല്‍ സെക്രട്ടറി പി ബി നൂഹ് വകുപ്പിന്റെ നേട്ടങ്ങള്‍ വിവരിക്കും. ആരോഗ്യ വകുപ്പ് മന്ത്രി വീണാ ജോര്‍ജ് മുഖ്യാതിഥിയാകും.

'കേരളത്തിന്റെ ആരോഗ്യ മേഖല വിഷന്‍ 2031' നയരേഖ ഒക്ടോബര്‍ 14 ന് പത്തനംതിട്ട തിരുവല്ല ബിലിവേഴ്‌സ് കണ്‍വെന്‍ഷന്‍ സെന്ററില്‍ ആരോഗ്യ വകുപ്പ് മന്ത്രി വീണാ ജോര്‍ജ് അവതരിപ്പിക്കും. രാവിലെ 9.30ന് ആരംഭിക്കുന്ന ചടങ്ങില്‍ അഡ്വ. മാത്യു ടി തോമസ് എംഎല്‍എ സ്വാഗതം ആശംസിക്കും. ആരോഗ്യ രംഗത്തെ കഴിഞ്ഞ ദശകത്തിലെ നേട്ടത്തെ കുറിച്ച് ആരോഗ്യ വകുപ്പ് അഡീഷണല്‍ ചീഫ് സെക്രട്ടറി ഡോ. രാജന്‍ എന്‍ ഖോബ്രഗഡെ വിശദീകരിക്കും.

ആലപ്പുഴ ഗവ. ടി.ഡി മെഡിക്കൽ കോളേജിലെ ട്രാൻസ്ഫ്യൂഷൻ മെഡിസിൻ വിഭാഗത്തിലേക്ക് ഇഡിറ്റിഎ വാക്വം റ്റൂബ്സ് വാങ്ങുന്നതിന് ക്വട്ടേഷൻ ക്ഷണിച്ചു. സ്വീകരിക്കുന്ന അവസാന തീയതി ഒക്ടോബർ 22 ഉച്ചയ്ക്ക് ഒരു മണി. ഫോൺ - 0477-2282611

പട്ടികജാതി പിന്നാക്ക വികസന വകുപ്പ് നടത്തിയ ഐക്യദാർഢ്യ പക്ഷാചരണത്തിന്റെ ജില്ലാതല ഉദ്ഘാടനം പുന്നപ്ര ഡോ. അംബേദ്കർ മെമ്മോറിയൽ റെസിഡൻഷ്യൽ സ്‌കൂൾ ഓഡിറ്റോറിയത്തിൽ ജില്ലാ പഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷൻ അഡ്വ. ടി എസ് താഹ നിർവഹിച്ചു. 

ഏഴോം ഗ്രാമപഞ്ചായത്ത് വികസന സദസ്സ്

അഴീക്കോട് പഞ്ചായത്ത് നവീകരിച്ച വാഗ്ഭടാനന്ദ ലൈബ്രറി  കെ വി സുമേഷ് എം എൽ എ ഉദ്ഘാടനം ചെയ്തു. ലഹരിക്കെതിരായുള്ള ബോധവൽക്കരണ പ്രവർത്തനങ്ങൾ, കുട്ടികളുടെ ലഹരി വിരുദ്ധ ചിത്രരനാമത്സരങ്ങൾ, സൈബർ ബോധവൽക്കരണ പ്രഭാഷണം എന്നിവ ഉൾപ്പെടെയുള്ള സാമൂഹ്യ ഇടപെടലുകളിലൂടെ നാടിന്റെ സാംസ്‌കാരിക മുന്നേറ്റത്തിന്റെ കേന്ദ്രമാകാൻ ലൈബ്രറിക്ക് സാധിച്ചുവെന്ന് കെ. വി. സുമേഷ് എം. എൽ. എ പറഞ്ഞു. 

ദേശീയ സിനിമ അവാർഡ് ജേതാക്കളായ  ഉർവശിയും വിജയരാഘവനും തലശ്ശേരിയിൽ എത്തും

കരിവെള്ളൂർ-പെരളം ഗ്രാമപഞ്ചായത്ത് വികസന സദസ്സ്

 സമസ്ത മേഖലകളിലും നാട് കൈവരിച്ച നേട്ടങ്ങൾ ജനങ്ങൾക്ക് അനുഭവിച്ചറിയാനാവുന്നതാണ് സർക്കാരിനെ സംബന്ധിച്ച വലിയ കാര്യമെന്ന് ടി.ഐ മധുസൂദനൻ എംഎൽഎ പറഞ്ഞു.
എ.വി സ്മാരക ഗവ. ഹയർ സെക്കൻഡറി സ്കൂളിൽ കരിവെള്ളൂർ-പെരളം ഗ്രാമപഞ്ചായത്ത് വികസന സദസ്സ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഓരോ മേഖലയിലും സംസ്ഥാനം  ലോകത്തിന് തന്നെ മാതൃകയാണെന്നും അദ്ദേഹം പറഞ്ഞു.

കണ്ണപുരം പഞ്ചായത്ത് വികസന സദസ്സ്

അടിസ്ഥാന വികസന മേഖലയിലും പശ്ചാത്തല വികസന മേഖലയിലും മികച്ച നേട്ടം കൈവരിച്ച് പത്ത് വർഷംകൊണ്ട് നവകേരളമെന്ന ലക്ഷ്യത്തിലേക്ക് സംസ്ഥാനം അടുക്കുകയാണെന്ന് എം വിജിൻ എംഎൽഎ പറഞ്ഞു. കണ്ണപുരം ഗ്രാമപഞ്ചായത്ത് വികസന സദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമ്പൂർണ കുടിവെള്ള മണ്ഡലം, ജൈവ കാർഷിക മണ്ഡലം, ക്യാൻസർ വിമുക്ത ഗ്രാമം, ഹരിത റെയിൽവേ സ്റ്റേഷൻ  തുടങ്ങിയ മികവാർന്ന വികസന പ്രവർത്തനങ്ങൾ കാഴ്ചവെച്ച മണ്ഡലമാണ് കല്ല്യാശ്ശേരിയെന്നും എഎൽഎ പറഞ്ഞു.

കേരള പുരാവസ്തു, പുരാരേഖ, മ്യൂസിയം വകുപ്പുകളുടെ സംയുക്ത ആഭിമുഖ്യത്തിൽ ഒക്ടോബർ 15 മുതൽ 27 വരെ കണ്ണൂരിൽ സംഘടിപ്പിക്കുന്ന പൈതൃകോത്സവത്തിന്റെ ലോഗോ പ്രകാശനം രജിസ്ട്രേഷൻ, പുരാവസ്തു, പുരാരേഖ, മ്യൂസിയം വകുപ്പു മന്ത്രി രാമചന്ദ്രൻ കടന്നപ്പള്ളി തിരുവനന്തപുരത്ത് നിർവ്വഹിച്ചു. ചടങ്ങിൽ മ്യൂസിയം മൃഗശാലാ വകുപ്പ് ഡയറക്ടർ പി.എസ്. മഞ്ജുളാദേവി, പുരാരേഖ വകുപ്പ് ഡയറക്ടർ എസ്. പാർവ്വതി, പുരാവസ്തു വകുപ്പ് ഡയറക്ടർ ഇ. ദിനേശൻ, മന്ത്രിയുടെ പ്രൈവറ്റ് സെക്രട്ടറി കെ. കെ. ദിവാകരൻ, രജിസ്ട്രേഷൻ ജോയിന്റ് ഇൻസ്പെക്ടർ ജനറൽ സാജൻ കുമാർ എന്നിവർ പങ്കെടുത്തു.