വികസന സദസ്സിനു മുന്നോടിയായി ചെറുകുന്ന് ഗ്രാമപഞ്ചായത്ത് 'കരുതൽ' ഭിന്നശേഷി കലാമേള സംഘടിപ്പിച്ചു. 
ഭിന്നശേഷി കുട്ടികളുടെ വിവിധ കലാ പരിപാടികളും ചിത്രരചന മത്സരവും കലാമേളയിൽ അരങ്ങേറി. പങ്കെടുത്ത മുഴുവൻ കുട്ടികൾക്കും സമ്മാനം നൽകി. ചെറുകുന്ന് ഗ്രാമപഞ്ചായത്ത് ഹാളിൽ നടന്ന പരിപാടി പഞ്ചായത്ത് പ്രസിഡന്റ് ടി നിഷ ഉദ്ഘാടനം ചെയ്തു. സ്ഥിരം സമിതി ചെയർമാൻ സി എച്ച് പ്രദീപ്കുമാർ അധ്യക്ഷനായി. വൈസ് പ്രസിഡന്റ് പി.വി സജീവൻ, സ്ഥിരം സമിതി അംഗം കെ അനിത, പഞ്ചായത്തംഗങ്ങളായ ടി പ്രീത, പി.ഐ ബേബി, ഐസിഡിഎസ് സൂപ്പർവൈസർ എലീന വർക്കി എന്നിവർ സംസാരിച്ചു.

ചെറുതാഴം ഗ്രാമപഞ്ചായത്ത് വികസന സദസ്

തദ്ദേശ സ്ഥാപനങ്ങളുടെ ഭാവി വികസന കാഴ്ചപ്പാടുകളാണ് വികസന സദസുകളെന്ന് എം വിജിൻ എം എൽ എ പറഞ്ഞു. ചെറുതാഴം ഗ്രാമപഞ്ചായത്ത് വികസന സദസ് ഉദ്ഘാടനം ചെയ്യുകയായിരുന്നു അദ്ദേഹം. നാല് വർഷംകൊണ്ട് 52 കോടിയുടെ വികസന നേട്ടമാണ് ചെറുതാഴം ഗ്രാമ പഞ്ചായത്ത് കൈവരിച്ചത്. പിലാത്തറ ടൗൺ സൗന്ദര്യവൽകരണം, പഴയങ്ങാടി അണ്ടർ പാസ്സേജ്, പുതിയ പഴയങ്ങാടി പാലം എന്നിവ  ഉടൻ നടപ്പിലാകുമെന്നും എം എൽ എ പറഞ്ഞു.

വിഷൻ 2031ൻ്റെ ഭാഗമായി ടൂറിസം വകുപ്പിന്റെ നേതൃത്വത്തിൽ ഒക്ടോബർ 25 ന് നടക്കുന്ന സെമിനാറിന്റെ സംഘാടനവുമായി ബന്ധപ്പെട്ട് സംഘാടക സമിതിയുടെയും ഉപസമിതികളുടെയും ആലോചനാ യോഗം കുട്ടിക്കാനം മരിയൻ കോളേജിൽ മന്ത്രി റോഷി അഗസ്റ്റിൻ്റെ അധ്യക്ഷതയിൽ ചേർന്നു. 

വിനോദസഞ്ചാര മേഖലയിൽ കേരളം ഇതുവരെ കൈ വരിച്ചിട്ടുള്ള നേട്ടങ്ങൾ നിലനിർത്തുന്നതിനോടൊപ്പം കേരളത്തെ ലോകത്തിലെ മികച്ച ടൂറിസം കേന്ദ്രമാക്കി മാറ്റുന്നതിനുള്ള പദ്ധതികളും പ്രവർത്തനങ്ങളുമാണ് ടൂറിസം വകുപ്പ്  ലക്ഷ്യമിടുന്നത്.

എരമം-കുറ്റൂർ ഗ്രാമപഞ്ചായത്തിലെ കക്കറ പുറവട്ടം പട്ടികവർഗ നഗർ നവീകരിക്കുന്നതിന് അംബേദ്‌കർ സെറ്റിൽമെന്റ് ഗ്രാമം പദ്ധതിയിൽ ഉൾപ്പെടുത്തി ഒരു കോടി രൂപയുടെ ഭരണാനുമതി ലഭിച്ചതായി ടി.ഐ മധുസൂദനൻ എം.എൽ.എ അറിയിച്ചു. 
തദ്ദേശ സ്വയംഭരണ വകുപ്പ് എഞ്ചിനീയറിംഗ് വിഭാഗം തയ്യാറാക്കിയ എസ്റ്റിമേറ്റിനാണ്  ഭരണാനുമതി ലഭിച്ചിരിക്കുന്നത്. നഗറിലേക്കുള്ള റോഡ് മെയിന്റനൻസ്, റീടാറിംഗ്, സാംസ്‌കാരിക നിലയം നവീകരിക്കൽ, ചുറ്റുമതിൽ നിർമ്മാണം, ഡ്രൈനേജ് നിർമ്മാണം എന്നിവ ഉൾപ്പെടുന്നു. സാങ്കേതിക നടപടികൾ പൂർത്തിയാക്കി പ്രവൃത്തി ആരംഭിക്കാൻ ആവശ്യമായ നടപടികൾ സ്വീകരിക്കണമെന്ന് എം.എൽ.എ ബന്ധപ്പെട്ട ഉദ്യോഗസ്ഥർക്ക് നിർദേശം നൽകി.

പയ്യന്നൂരിൽ നിന്ന് തിരുവനന്തപുരത്തേക്ക് പുതിയ സൂപ്പർ ഡീലക്സ് ബസ് സർവീസ് അനുവദിച്ചതായി ടി.ഐ മധുസൂദനൻ എം.എൽ.എ അറിയിച്ചു. കെ എസ് ആർ ടി സി പയ്യന്നൂർ യൂണിറ്റിലെ വിവിധ വിഷയങ്ങൾ ഉന്നയിച്ച് ഗതാഗത വകുപ്പ് മന്ത്രി കെ.ബി ഗണേഷ്‌കുമാറിന് നിവേദനം നൽകിയതിന്റെ അടിസ്ഥാനത്തിലാണ് ബസ് അനുവദിച്ചത്. നിയമസഭയിലും ഈ വിഷയം ഉന്നയിച്ചിരുന്നു. കണ്ണൂർ - കോഴിക്കോട് - തൃശൂർ-എറണാകുളം- ആലപ്പുഴ- കൊല്ലം റൂട്ടിലാണ് പുതിയ സർവ്വീസ്. വൈകുന്നേരം 4.15ന് പയ്യന്നൂരിൽ നിന്നാരംഭിച്ച് പിറ്റേ ദിവസം പുലർച്ചെ 3.30 ന് തിരുവനന്തപുരത്തെത്തുകയും തിരികെ വൈകീട്ട് 5.45ന് പുറപ്പെട്ട് പുലർച്ചെ അഞ്ച് മണിക്ക് പയ്യന്നൂർ എത്തുന്ന വിധത്തിലാണ് സമയക്രമം.

കണ്ണൂർ പൈതൃകോത്സവത്തിൻ്റെ ഭാഗമായി വിദ്യാർഥികൾക്കായി
ക്വിസ് മത്സരം സംഘടിപ്പിക്കുന്നു. കണ്ണൂർ നിയമസഭ മണ്ഡലത്തിലെ എൽ.പി, യു.പി, ഹൈസ്കൂൾ, ഹയർ സെക്കൻഡറി വിദ്യാർഥികൾക്കായാണ് മത്സരം. ഒക്ടോബർ 16 ന് സ്കൂൾതല മത്സരം നടക്കും. തുടർന്ന് തെരെഞ്ഞെടുക്കപ്പെടുന്ന വിദ്യാർഥികൾക്കായി ഒക്ടോബർ 21 ന് കണ്ണൂർ ശിക്ഷക് സദനിൽ മത്സരം നടത്തും. വിജയികൾക്ക് ക്യാഷ് അവാർഡും മെമ്മൻ്റോയും നൽകും.

സമൂഹത്തിന്റെ സമഗ്രവും സമസ്തവുമായ പുരോഗതിലക്ഷ്യമിട്ടുള്ള പ്രവർത്തനമാണ് സർക്കാർ  സംസ്ഥാനത്താകെ നടപ്പാക്കുന്നതെന്ന് ഡോ.വി ശിവദാസൻ എം.പി. പറഞ്ഞു. അഞ്ചരക്കണ്ടി ഗ്രാമപഞ്ചായത്ത് വികസനസദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കിഫ്‌ബി വഴി സ്കൂളുകൾ, ആശുപത്രികൾ, റോഡുകൾ, പാലങ്ങൾ എന്നിങ്ങനെ കഴിഞ്ഞ ഒൻപത് വർഷം കൊണ്ട് സംസ്ഥാനത്തിന്റെ മുഖഛായ മാറ്റുന്ന പ്രവർത്തനങ്ങളാണ് സർക്കാർ നടപ്പാക്കിയതെന്നും എം.പി പറഞ്ഞു

തുടര്‍ നടപടികള്‍ക്കായി വിദഗ്ദ സമിതി രൂപീകരിച്ചു

സ്‌കൂളുകളിലെ പരിശോധന

ആര്‍ത്തവകാല ശുചിത്വത്തിനായി ജില്ലയിലെ വിദ്യാലയങ്ങളില്‍ സ്ഥാപിക്കുന്ന നാപ്കിന്‍ വെന്റിംഗ് മെഷീന്‍, ഇന്‍സിനറേറ്റര്‍ എന്നിവയുടെ ജില്ലാതല ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബിനോയ് കുര്യന്‍ നിര്‍വഹിച്ചു. ജില്ലാ പഞ്ചായത്തിന്റെ വാര്‍ഷിക പദ്ധതിയിലുള്‍പ്പെടുത്തി 2025-26 വര്‍ഷത്തില്‍ ഒരുകോടി രൂപയും 2024-25 വര്‍ഷത്തില്‍ 15 ലക്ഷം രൂപയുമടക്കം 1.15 കോടി രൂപയാണ് പദ്ധതിക്കായി വകയിരുത്തിയത്. ഇന്‍സിനറേറ്റര്‍ യൂണിറ്റിന് 48,000 രൂപ നിരക്കില്‍ 185 എണ്ണവും നാപ്കിന്‍ വെന്റിംഗ് മെഷീന്‍ യൂണിറ്റിന് 18,000 രൂപ നിരക്കില്‍ 143 എണ്ണവുമാണ് സ്ഥാപിച്ചത്.