ജില്ലാ വികസന സമിതി യോഗം ഇന്ന് (സെപ്റ്റംബര്‍ 27) രാവിലെ 10.30 ന് കളക്ടറേറ്റ് കോണ്‍ഫ്രന്‍സ് ഹാളില്‍ ചേരുമെന്ന് ജില്ലാ കളക്ടര്‍ അറിയിച്ചു.

മാത്തൂര്‍ കുടുംബാരോഗ്യ കേന്ദ്രത്തിലേക്ക്  ദിവസവേതനാടിസ്ഥാനത്തില്‍ ഡാറ്റാ എന്‍ട്രി ഓപ്പറേറ്ററെ നിയമിക്കുന്നു. പി.ജി.ഡി.സി.എ/ ഡി.സി.എ / കമ്പ്യൂട്ടര്‍ വേഡ് പ്രൊസസ്സിങ് എന്നിവയില്‍ ഏതെങ്കിലും യോഗ്യത ഉള്ളവര്‍ക്ക് അപേക്ഷിക്കാം. ഇംഗ്ലീഷ്, മലയാളം ടൈപ്പ്‌റൈറ്റിങ് അറിഞ്ഞിരിക്കണം. പ്രായം 2025 ജനുവരി ഒന്നിന് 40 കവിയരുത്. പ്രവൃത്തിപരിചയമുള്ളവര്‍ക്കും, മാത്തൂര്‍ ഗ്രാമപഞ്ചായത്തിലുള്ളവര്‍ക്കും മുന്‍ഗണന ലഭിക്കും. അപേക്ഷകള്‍ ഒക്ടോബര്‍ നാലിന് വൈകീട്ട് അഞ്ച് മണിക്കുള്ളില്‍ കുടുംബാരോഗ്യ കേന്ദ്രം ഓഫീസില്‍ നേരിട്ടോ തപാല്‍ മുഖാന്തിരമോ എത്തിക്കണം.

ചിറ്റൂര്‍ ഗവ. കോളേജില്‍ ജ്യോഗ്രഫി വിഭാഗത്തില്‍ ഗസ്റ്റ് അധ്യാപക നിയമനം നടത്തുന്നു. കൂടിക്കാഴ്ച ഒക്ടോബര്‍ ആറിന് രാവിലെ 10.30 ന് കോളേജില്‍ നടക്കും. കോളേജ് വിദ്യാഭ്യാസ ഡെപ്യൂട്ടി ഡയറക്ടര്‍ ഓഫീസില്‍ പേര് രജിസ്റ്റര്‍ ചെയ്ത, പി.എച്ച്.ഡി/ നെറ്റ് യോഗ്യതയുള്ള ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചയ്ക്ക് എത്തണം. പി.എച്ച്.ഡി/ നെറ്റ് യോഗ്യതയുള്ളവരുടെ അഭാവത്തില്‍ 55ശതമാനം മാര്‍ക്കുള്ളവരെയും പരിഗണിക്കും. കൂടുതല്‍ വിവരങ്ങള്‍ക്ക് ഫോണ്‍: 8078042347.