ഏറ്റവും മികച്ച ധനകാര്യ നിർവഹണമാണ് കഴിഞ്ഞ നാലര വർഷം കേരളത്തിൽ നടന്നതെന്ന് വ്യവസായ വകുപ്പ് മന്ത്രി പി. രാജീവ് പറഞ്ഞു. വിഷൻ 2031 ന്റെ ഭാഗമായി ധനകാര്യവകുപ്പിന്റെ നേട്ടങ്ങളും കാഴ്ചപ്പാടുകളും ചർച്ചചെയ്ത സെമിനാറിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. 

 പ്രതിസന്ധികൾക്കിടയിലും ധനകാര്യമേഖലയെ മികച്ച രീതിയിൽ മുന്നോട്ടു നയിക്കാൻ മന്ത്രി കെ.എൻ ബാലഗോപാലിന് കഴിഞ്ഞു. 

  സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ കരുനാഗപ്പള്ളി ഉപജില്ലാ  ഓഫീസില്‍ കരുനാഗപ്പള്ളി താലൂക്കില്‍ ഒ.ബി.സി/ മതന്യൂനപക്ഷ വിഭാഗത്തില്‍പെട്ടവര്‍ക്ക് വിവിധ വായ്പാ പദ്ധതികള്‍ക്ക് അപേക്ഷിക്കാം. കുടുംബ വാര്‍ഷിക വരുമാനം മൂന്ന് ലക്ഷം രൂപയില്‍ താഴെയായിരിക്കണം.  18 നും 55 നും ഇടയില്‍ പ്രായമുള്ള മുഖ്യ വരുമാനദായകര്‍ക്ക് സംരംഭങ്ങള്‍ ആരംഭിക്കുന്നതിന് മതിയായ ജാമ്യവ്യവസ്ഥയിലാണ് വായ്പ അനുവദിക്കുക.  ഫോണ്‍: 0476 2951037, 6282013846.
 

വിവിധ പരിപാടികൾ കോർത്തിണക്കി അങ്കമാലി നഗരസഭ ഒരുക്കുന്ന അങ്കമാലി ഫെസ്റ്റ് 2025 ൻ്റെ ലോഗോ പ്രകാശനം ചെയ്തു. നഗരസഭ ചെയർപേഴ്സൺ അഡ്വ. ഷിയോ പോൾ പ്രകാശനം നിർവഹിച്ചു. 

ഒക്ടോബർ 17 മുതൽ നവംബർ 9 വരെ ഫെസ്റ്റ് അങ്കമാലി കിങ്ങിണി ഗ്രൗണ്ടിലാണ് ഫെസ്റ്റ്. കേരളോത്സവം, വയോജനോത്സവം, മെഡിക്കൽ ക്യാമ്പ്, ഭിന്നശേഷി കലോത്സവം, അങ്കണവാടി കലോത്സവം, കുടുംബശ്രീ സംഗമം, വിവിധ കലാപരിപാടികൾ, അമ്യൂസ്മെന്റ് പാർക്ക്, റോബോട്ടുകൾ, സൂപ്പർ റിയാലിറ്റി, സ്റ്റാളുകൾ, പെറ്റ് ഷോ എന്നിവ ഉണ്ടായിരിക്കും. പ്രവേശനം സൗജന്യം.

  വെറ്റമുക്ക്-തേവലക്കര-മൈനാഗപ്പള്ളി-അരമത്തുമഠം-ഓച്ചിറ റോഡില്‍ ഒക്‌ടോബര്‍ 14 മുതല്‍ നവംബര്‍ 14 വരെ അറ്റകുറ്റ പണികള്‍ നടക്കുന്നതിനാല്‍ ഗതാഗതം നിരോധനം ഏര്‍പ്പെടുത്തുമെന്ന് കെ.ആര്‍.എഫ്.ബി.പി.എം.യു എക്‌സിക്യൂട്ടീവ് എഞ്ചിനിയര്‍ അറിയിച്ചു.   ഡ്രൈവര്‍മുക്കില്‍ നിന്നും വരുന്നവര്‍ റെയില്‍വേ സ്റ്റേഷന്‍ റോഡ് വഴിയും എ.വി.എച്ച്.എസ്-ല്‍ നിന്നും വരുന്നവര്‍ വെളുത്തമണല്‍ വഴിയും തിരിഞ്ഞ് പോകണം.  
 

എറണാകുളം ജില്ലാ പഞ്ചായത്തിൻ്റെ കീഴിൽ പ്രവർത്തിക്കുന്ന ഫാഷൻ ഇൻസ്റ്റിറ്റ്യൂട്ടിലെ വിദ്യാർത്ഥികളുടെ ഫാഷൻ ഷോയിൽ തിളങ്ങി ജില്ലാ കളക്ടർ ജി. പ്രിയങ്ക. 

കളമശ്ശേരി, തമ്മനം, ഞാറക്കൽ എന്നിവിടങ്ങളിലെ ഫാഷൻ ഇൻസ്റ്റിറ്റ്യൂട്ടിലെ വിദ്യാർത്ഥികളുടെ പ്രവേശനോത്സവവും കോഴ്സ് പൂർത്തിയാക്കിയ വിദ്യാർത്ഥികൾക്കുള്ള സർട്ടിഫിക്കറ്റ് വിതരണവുമായി ബന്ധപ്പെട്ട് നടന്ന ചടങ്ങിലാണ് മുഖ്യാതിഥിയായ ജില്ലാ കളക്ടർ റാംപിൽ ചുവടുവെച്ചത്.

രാഷ്ട്രപതി ദ്രൗപദി മുർമുവിൻ്റെ കൊച്ചി സന്ദർശനത്തിന് മുന്നോടിയായുള്ള ഒരുക്കങ്ങൾ വിലയിരുത്താൻ ജില്ലാ കളക്ടർ ജി പ്രിയങ്കയുടെ നേതൃത്വത്തിൽ പ്രത്യേക യോഗം ചേർന്നു. 

കേരള സന്ദർശനത്തിനെത്തുന്ന രാഷ്ട്രപതി ഒക്ടോബർ 24ന് കൊച്ചിയിലെത്തും. 24 ന് രാവിലെ 11.35 ന് കൊച്ചി നാവികസേന ആസ്ഥാനത്ത് വന്നിറങ്ങുന്ന രാഷ്ട്രപതി എറണാകുളം സെൻ്റ് തെരേസാസ് കോളേജിന്റെ ശതാബ്ദി ആഘോഷങ്ങളിൽ മുഖ്യാതിഥിയായി പങ്കെടുക്കും. തുടർന്ന് ബോൾഗാട്ടി പാലസിലെ ഉച്ചഭക്ഷണത്തിനുശേഷം വൈകീട്ട് 4.05 ന് അന്താരാഷ്ട്ര വിമാനത്താവളത്തിൽ നിന്നും ഡൽഹിയിലേക്ക് തിരിച്ചുപോകും. 

ആരോഗ്യസൗകര്യ വികസനത്തിന്റെ ഭാഗമായി അയ്യമ്പുഴ ഗ്രാമപഞ്ചായത്തിൽ ഫിസിയോതെറാപ്പി സെന്റർ പ്രവർത്തനമാരംഭിച്ചു. ഗ്രാമപഞ്ചായത്ത് പ്രസിഡന്റ് പി യു ജോമോൻ ഉദ്ഘാടനം നിർവഹിച്ചു.

കേരളത്തിൽ കുടുംബാരോഗ്യകേന്ദ്രത്തിന്റെ കീഴിൽ ഫിസിയോതെറാപ്പി സെന്റർ ആരംഭിക്കുന്ന രണ്ടാമത്തെ പഞ്ചായത്താണ് അയ്യമ്പുഴ. പഞ്ചായത്തിലെ മുതിർന്ന പൗരന്മാർക്കും രോഗമുക്തിക്ക് ചികിത്സ തേടുന്നവർക്കും ഏറെ പ്രയോജനകരമാകുന്ന പദ്ധതിയാണിത്. ജനങ്ങളുടെ ആരോഗ്യം ഉറപ്പാക്കുന്നതിനുള്ള നവീന ഇടപെടലുകളുടെ ഭാഗമായാണ് ഫിസിയോതെറാപ്പി സെന്റർ ആരംഭിച്ചതെന്ന് പഞ്ചായത്ത് പ്രസിഡന്റ് പി യു ജോമോൻ പറഞ്ഞു.

 വികസന സദസ്സ് സംഘടിപ്പിച്ചു

വികസന മുന്നേറ്റങ്ങൾ അടയാളപ്പെടുത്തി മുളവുകാട് ഗ്രാമപഞ്ചായത്തിന്റെ വികസന സദസ്സ് ശ്രദ്ധേയമായി. മുളവുകാട് ഡോ.അംബേദ്കർ എസ് സി കമ്യൂണിറ്റി ഹാളിൽ ചേർന്ന യോഗം കെ.എൻ ഉണ്ണികൃഷ്ണൻ എം.എൽ.എ ഉദ്ഘാടനം ചെയ്തു. സംസ്ഥാനതല വികസന അവതരണവും പഞ്ചായത്തുതല വികസന പ്രോഗ്രാം റിപ്പോർട്ട് അവതരണവും സെക്രട്ടറി സി.പി ദീപ്കർ നിർവഹിച്ചു .

2020-25 കാലയളവിൽ 81,91,37,862 രൂപയുടെ പ്രവർത്തനങ്ങളാണ് മുളവുകാട് ഗ്രാമപഞ്ചായത്തിൽ നടപ്പിലാക്കിയത്.

 കരുനാഗപ്പള്ളി സര്‍ക്കാര്‍ ആയുര്‍വേദ ആശുപത്രിയിലേക്ക് ഫിസിയോ തെറാപിസ്റ്റിനെ  ദിവസവേതനാടിസ്ഥാനത്തില്‍  നിയമിക്കും. യോഗ്യത:   ഫിസിയോതെറാപ്പിയിലുള്ള അംഗീകൃത  സര്‍വകലാശാല ബിരുദം/ ബിരുദാനന്തരബിരുദം.  ഒക്‌ടോബര്‍ 17 രാവിലെ 10ന് നടത്തുന്ന വോക്ക് ഇന്‍ ഇന്റര്‍വ്യൂവില്‍ പങ്കെടുക്കണം. ഫോണ്‍: 0476 2629949.