ഏറ്റുമാനൂർ ഗവൺമെന്റ് ഐ.ടി.ഐയിൽ അപ്‌ഹോൾസ്റ്റർ ട്രേഡിലേയ്ക്ക് ഇൻസ്ട്രക്ടർമാരെ നിയമിക്കുന്നു. അപ്‌ഹോൾസ്റ്ററർ ട്രേഡിൽ എൻ.ടി.സിയും മൂന്നുവർഷത്തെ പ്രവൃത്തിപരിചയവുമാണ് യോഗ്യത. താൽപര്യമുള്ളവർ  സെപ്റ്റംബർ 27 ന് രാവിലെ 10.00 മണിയ്ക്ക്  അസ്സൽ സർട്ടിഫിക്കറ്റുകളുമായി പ്രിൻസിപ്പൽ ഓഫീസിൽ എത്തിച്ചേരണം. ഫോൺ: 04812535562.

തൃശ്ശൂർ ജില്ലാ ക്ഷീര സംഗമത്തോടനുബന്ധിച്ച് വെള്ളാങ്ങല്ലൂർ ഫെഡറൽ ബാങ്ക് പരിസരത്തു നിന്ന് വെള്ളാങ്ങല്ലൂർ പി സി കെ ഓഡിറ്റോറിയം വരെ ക്ഷീര തരംഗം സാംസ്കാരിക ഘോഷയാത്ര സംഘടിപ്പിച്ചു. വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡൻറ് സുധ ദിലീപ് ഫ്ലാഗ് ഓഫ് ചെയ്തു.  

ചെറുവത്തൂര്‍ ഗ്രാമപഞ്ചായത്തിന്റെ കീഴില്‍  പതിക്കാലില്‍ പുതുതായി നിര്‍മ്മിക്കുന്ന തുരുത്തി പതിക്കാല്‍ ജനകീയ ആരോഗ്യ കേന്ദ്രത്തിന്റെ ശില സ്ഥാപനം എം.രാജഗോപാലന്‍എംഎല്‍എ നിര്‍വഹിച്ചു. ചെറുവത്തൂര്‍ ഗ്രാമ പഞ്ചായത്ത് പ്രസിഡന്റ് സി.വി പ്രമീള അധ്യക്ഷത വഹിച്ചു. ദേശീയ ആരോഗ്യ ദൗത്യം 55 ലക്ഷം രൂപ വിനിയോഗിച്ചാണ് പുതിയ കെട്ടിടം നിര്‍മ്മാണം പൂര്‍ത്തിയാക്കുന്നത്. പുതുതായി നിര്‍മ്മിക്കുന്ന ജനകീയ ആരോഗ്യ കേന്ദ്രത്തില്‍ കണ്‍സള്‍ട്ടേഷന്‍ റൂം, കാത്തിരിപ്പ് സ്ഥലം, ലാബ്  സൗകര്യം, ഇമ്മ്യൂണൈസേഷന്‍  റൂം, മുലയൂട്ടുന്നതിനുള്ള റൂം, ഓഫീസ് എന്നിവ സജ്ജീകരിക്കും.

ദേശമംഗലം ഗവ. ഐ.ടി.ഐയില്‍ ഡ്രാഫ്റ്റ്‌സ്മാന്‍ സിവില്‍ ട്രേഡില്‍ ഗസ്റ്റ് ഇന്‍സ്ട്രക്ടറുടെ ഒഴിവിലേക്ക് ഓപ്പണ്‍ (ഒ സി) വിഭാഗത്തില്‍പ്പെട്ടവര്‍ക്കായി അഭിമുഖം നടത്തും. ബന്ധപ്പെട്ട വിഷയത്തില്‍ എന്‍ ടി സി/എന്‍ എ സിയും മൂന്ന് വര്‍ഷത്തെ പ്രവൃത്തി പരിചയവും അല്ലെങ്കില്‍ എഞ്ചിനീയറിംഗ് ഡിപ്ലോമയും രണ്ട് വര്‍ഷത്തെ പ്രവൃത്തി പരിചയവും അല്ലെങ്കില്‍ എഞ്ചിനീയറിംഗ് ഡിഗ്രിയും ഒരു വര്‍ഷത്തെ പ്രവൃത്തി പരിചയവുമാണ് യോഗ്യത. ഉദ്യോഗാര്‍ത്ഥികള്‍ സര്‍ട്ടിഫിക്കറ്റുകളുടെ ഒറിജിനലും രണ്ട് കോപ്പികളും സഹിതം ഐ.ടി.ഐ ഒഫീസില്‍ സെപ്റ്റംബര്‍ 29 ന് രാവിലെ 11 ന് നടക്കുന്ന അഭിമുഖത്തില്‍ പങ്കെടുക്കുന്നതിന് എത്തിച്ചേരണം.

കാസര്‍കോട് ഗവണ്‍മെന്റ് മെഡിക്കല്‍ കോളേജിലെ ഗേള്‍സ് ഹോസ്റ്റലിലെ എം.ഇ.പി വര്‍ക്കിന്റെയും ടീച്ചിംഗ് ക്വാര്‍ട്ടേഴ്‌സിലേയും സബ്‌സ്റ്റേഷനിലേയും സിവില്‍ ജോലികളുടെയും നെഗോസിഷേയനിലൂടെ ക്വാട്ട് ചെയ്ത 7,29,19,206 രൂപയുടെ ടെണ്ടര്‍ മന്ത്രിസഭാ യോഗം അംഗീകരിച്ചു.
 

 പീച്ചിയിലെ 20 എം എൽ ഡി ജലശുദ്ധീകരണശാലയിൽ അറ്റകുറ്റപ്പണി നടക്കുന്നതിനാൽ തൃശ്ശൂർ നഗരസഭ പ്രദേശത്ത് സെപ്റ്റംബർ 27 ശനിയാഴ്ച ശുദ്ധജലവിതരണം പൂർണ്ണമായും തടസ്സപ്പെടുന്നതാണ്. ഉപഭോക്താക്കൾ ആവശ്യമുള്ള ശുദ്ധജലം വരുംദിവസങ്ങളിൽ ശേഖരിച്ചു വയ്ക്കേണ്ടതാണെന്ന് അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.

മാലിന്യമുക്ത നവകേരളം ക്യാമ്പയിനിന്റെ ഭാഗമായി ജൈവമാലിന്യങ്ങൾ ഉറവിടത്തിൽ തന്നെ സംസ്കരിക്കുന്നതിനായി സുൽത്താൻ ബത്തേരി നഗരസഭ വാർഷിക പദ്ധതിയിൽ ഉൾപ്പെടുത്തി 500 കുടുംബങ്ങൾക്ക് ബൊക്കാഷി ബക്കറ്റ് വിതരണം നടത്തി. ഉറവിട മാലിന്യ സംസ്കരണത്തിന് പുതിയ മാതൃക അവതരിപ്പിക്കുന്ന പദ്ധതിയുടെ രണ്ടാംഘട്ട പ്രവർത്തനങ്ങളുടെ ഭാഗമായാണ് വിതരണം നടന്നത്.
വിതരണത്തിന്റെ ഉദ്ഘാടനം നഗരസഭ ചെയർപേഴ്സൺ ടി കെ രമേശ് നിർവഹിച്ചു.