പുതുക്കാട് നിയോജക മണ്ഡലത്തിലെ നെന്മണിക്കര, വല്ലച്ചിറ എന്നീ പഞ്ചായത്തുകളെ തമ്മിൽ ബന്ധിപ്പിക്കുന്ന പാലക്കടവ് പാലത്തിൻ്റെ പുനർനിർമ്മണത്തിന് സാങ്കേതികാനുമതി ലഭിച്ചതായി കെ. കെ രാമചന്ദ്രൻ എം.എൽ.എ പറഞ്ഞു. 7.24 കോടി രൂപയുടെ എസ്റ്റിമേറ്റിനുള്ള  അനുമതിയാണ് ലഭിച്ചത്. പാലത്തിൻ്റെ ടെൻഡർ നടപടികൾ പൂർത്തീകരിച്ചു വരുന്നതായും എം.എൽ.എ അറിയിച്ചു. പുതുക്കാട്-ഊരകം റോഡിൽ മണലിപ്പുഴയുടെ കുറുകെയാണ്
പാലക്കടവ് പാലം സ്ഥിതി ചെയ്യുന്നത്.

 തൃശ്ശൂർ ജില്ലയിലെ ഡെപ്യൂട്ടി ഡയറക്ടർ ഓഫ് പ്രോസിക്യൂഷന്റെ ഓഫീസ് ആവശ്യത്തിനായി കരാർ അടിസ്ഥാനത്തിൽ ഡ്രൈവർ ഉൾപ്പെടെ കാർ ലഭ്യമാക്കുന്നതിന് മുദ്രവച്ച ക്വട്ടേഷനുകൾ ക്ഷണിച്ചു.  ക്വട്ടേഷൻ നോട്ടീസും ഫോമിന്റെ മാതൃകയും ഡെപ്യൂട്ടി ഡയറക്ടർ ഓഫ് പ്രോസിക്യൂഷൻ കാര്യാലയത്തിലെ നോട്ടീസ് ബോർഡിൽ പ്രദർശിപ്പിച്ചിട്ടുണ്ട്. നിബന്ധനകൾക്ക് വിധേയമായി വാടക വ്യവസ്ഥയിൽ വാഹനം നൽകുവാൻ ആഗ്രഹിക്കുന്ന വ്യക്തികൾ, സ്ഥാപനങ്ങൾ തയ്യാറാക്കിയ ക്വട്ടേഷനുകൾ തൃശ്ശൂർ ഡെപ്യൂട്ടി ഡയറക്ടർ ഓഫ് പ്രോസിക്യൂഷന്റെ കാര്യാലയത്തിൽ ഒക്ടോബർ എട്ടിന് മുൻപായി സമർപ്പിക്കണം. കൂടുതൽ വിവരങ്ങൾക്ക് ഫോൺ: 0487 2990134,9633940182,9446043808.

ബഡ്സ് സ്കൂൾ വിദ്യാർത്ഥി അശ്വിൻ ശ്രീകുമാറിന്റെ വലിയൊരു സ്വപ്നമായിരുന്നു താൻ വരച്ച ചിത്രം ജില്ലാ കളക്ടർക്ക് നേരിട്ട് സമ്മാനിക്കണമെന്നത്. ആ ആഗ്രഹം ഇന്നലെ യാഥാർഥ്യമായി. നിറഞ്ഞ സന്തോഷത്തോടെ കളക്ടറുടെ മുന്നിലെത്തിയ അശ്വിൻ, തൻ്റെ സ്വന്തം കൈകളാൽ വരച്ച മനോഹരമായ ഛായാചിത്രം കളക്ടർക്ക് സമ്മാനിച്ചു.

കേരള പുരാവസ്തു വകുപ്പിന്റെ അധീനതയിലുള്ള സംരക്ഷിത സ്മാരകമായ കാസര്‍കോട് ചന്ദ്രഗിരി കോട്ടയുടെ നടത്തിപ്പ് അവകാശം ജില്ലാ ടൂറിസം പ്രമോഷന്‍ കൗണ്‍സിലിന് മൂന്നുവര്‍ഷത്തേക്ക് കേരള പുരാവസ്തു വകുപ്പ് കൈമാറും. ധാരണപത്രം ഒപ്പുവെക്കുന്നതിന്  പുരാവസ്തു വകുപ്പ് ഡയറക്ടറെ ചുമതലപ്പെടുത്തി സര്‍ക്കാര്‍  ഉത്തരവായി. കോട്ടയില്‍ കൂടുതല്‍ സന്ദര്‍ശകരെ ആകര്‍ഷിക്കുന്ന രീതിയില്‍ വികസിപ്പിക്കുന്നതിനാണ് ജില്ലാ ടൂറിസം പ്രമോഷന്‍ കൗണ്‍സിലിന് കൈമാറുന്നത്.

ജില്ലയിൽ ചാവക്കാട് താലൂക്കിലെ ചാവക്കാട് നഗരസഭയിലെ അഞ്ച്, ആറ് വാർഡുകളിലായുള്ള പുന്ന എന്ന പ്രദേശത്ത് അനുവദിച്ച പുതിയ റേഷൻകടയ്ക്ക് ലൈസൻസിയെ നിയമിക്കുന്നതിന് പൊതുവിഭാഗത്തിൽ നിന്നും അപേക്ഷകൾ ക്ഷണിച്ചു.

അപേക്ഷാ ഫോറം ജില്ലാ സപ്ലൈ ഓഫീസ്, താലൂക്ക് സപ്ലൈ ഓഫീസ് എന്നിവിടങ്ങളിലും സിവിൽ സപ്ലൈസ് വകുപ്പിൻ്റെ ഔദ്യോഗിക വെബ് സൈറ്റിലും (www.civilsupplieskerala.gov.in) ലഭ്യമാണ്. അപേക്ഷകൾ  ഒക്ടോബർ 24-ാം തീയതി രാവിലെ 11മണി വരെ ജില്ലാ സപ്ലൈ ഓഫീസിൽ നേരിട്ടു സ്വീകരിക്കും. കൂടുതൽ വിവരങ്ങൾക്ക് 04872502525, 04872360046 എന്ന നമ്പറിൽ ബന്ധപ്പെടുക.

തോളൂർ ഗ്രാമപഞ്ചായത്ത് മുട്ടക്കോഴി വിതരണം നടത്തി. മുട്ടക്കോഴി വിതരണോദ്ഘാടനം പഞ്ചായത്ത് പ്രസിഡൻ്റ് ശ്രീകല കുഞ്ഞുണ്ണി നിർവഹിച്ചു. വികസനകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ ഷീന വിൽസൺ അധ്യക്ഷത വഹിച്ചു.

 തൃശ്ശൂര്‍ ജില്ലയിലെ റിവര്‍ മാനേജ്‌മെന്റ് ഫണ്ട് അക്കൗണ്ടിന്റെ 2015 മുതലുള്ള കണക്കുകള്‍ ഓഡിറ്റ് ചെയ്യുന്നതിന് അംഗീകൃത ചാര്‍ട്ടേഡ് എക്കൗണ്ടന്റുമാരില്‍ നിന്നും ക്വട്ടേഷന്‍ ക്ഷണിച്ചു. 2015 മുതല്‍ ജില്ലയില്‍ മണല്‍ ഖനനം നിലവിലില്ലാത്തതിനാല്‍ തുടര്‍ന്നുള്ള വര്‍ഷങ്ങളിലെ വരവ് ചിലവ് കണക്കുകള്‍ നാമമാത്രമായിരിക്കും. ഒക്ടോബര്‍ എട്ടിന് ഉച്ചകഴിഞ്ഞ് മൂന്നിന് മുന്‍പായി ദുരന്തനിവാരണം ഡെപ്യൂട്ടി കളക്ടര്‍, കളക്ടറേറ്റ് തൃശ്ശൂര്‍ എന്ന വിലാസത്തില്‍ നേരിട്ടോ തപാല്‍ മുഖേനയോ അപേക്ഷ സമര്‍പ്പിക്കണം.

 പിന്നോക്ക വിഭാഗ വികസന വകുപ്പ് ഒ.ബി.സി ഉദ്യോഗാര്‍ത്ഥികള്‍ക്ക് സൗജന്യ ഓട്ടോമൊബൈല്‍ മേഖലയില്‍ പരിശീലനം നല്‍കുന്നു. ഓട്ടോമൊബൈല്‍, മെക്കാനിക്കല്‍, ഇലക്ട്രിക്കല്‍, എം.എം.വി, ഫിറ്റര്‍, ഡീസല്‍ മെക്കാനിക്ക് എന്നീ കോഴ്‌സുകളില്‍ ഐ.ടി.ഐ, ഡിപ്ലോമ, ബി.ടെക് പാസ്സായവര്‍ക്ക് അപേക്ഷിക്കാം. തൃശ്ശൂര്‍ കുറ്റൂക്കാരന്‍ ഇന്‍സ്റ്റിറ്റ്യൂട്ടിലാണ് പരിശീലനം നല്‍കുന്നത്. പത്തുമാസ കാലയളവിലുള്ള പരിശീലനം വിജയകരമായി പൂര്‍ത്തിയാക്കുന്നവര്‍ക്ക് തൊഴില്‍ ഉറപ്പാക്കും. പ്രതിമാസം 4000 രൂപ വീതം സ്റ്റൈപന്റ് ലഭിക്കും. ഉദ്യോഗാര്‍ത്ഥികള്‍ രണ്ട് ലക്ഷത്തില്‍ താഴെ വാര്‍ഷിക വരുമാനം ഉള്ളവരായിരിക്കണം.