കേരള സര്‍ക്കാര്‍ ഉന്നത വിദ്യാഭ്യാസ വകുപ്പിന് കീഴില്‍ പ്രവര്‍ത്തിക്കുന്ന പത്തനംതിട്ട അസാപ് കേരള കമ്മ്യൂണിറ്റി സ്‌കില്‍ പാര്‍ക്കില്‍ ഇലക്ട്രിക് വെഹിക്കിള്‍ സര്‍വ്വീസ് ടെക്‌നീഷ്യന്‍ കോഴ്‌സിലേക്ക് കരാര്‍ അടിസ്ഥാനത്തില്‍ ട്രെയിനര്‍മാരെ നിയമിക്കും. പത്തനംതിട്ടയിലെ തിരുവല്ല കുന്നന്താനം കമ്മ്യൂണിറ്റി സ്‌കില്‍ പാര്‍ക്കില്‍ സെപ്റ്റംബര്‍ 27 ന് നടത്തുന്ന തൊഴില്‍മേള മുഖേനയാണ് നിയമനം. ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനീയറിംഗില്‍ ബി.ഇ/ ബി.ടെക്. ബന്ധപ്പെട്ട വിഷയത്തിലുള്ള എം.ടെക് അഭികാമ്യം. കുറഞ്ഞത് മൂന്നുവര്‍ഷം ബന്ധപ്പെട്ട മേഖലയിലുള്ള പ്രവര്‍ത്തിപരിചയം എന്നിവയാണ് യോഗ്യത.

 കേരള പബ്ലിക് സര്‍വീസ് കമ്മീഷന്‍ അസിസ്റ്റന്റ്/ ഓഡിറ്റര്‍ (ഗവ. സെക്രട്ടറിയേറ്റ്, കെ.പി.എസ്.സി, എ.ജി.എസ് ഓഫീസ്, സ്റ്റേറ്റ് ഓഡിറ്റ്, വിജിലന്‍സ് ട്രൈബൂണല്‍) (കാറ്റഗറി നമ്പര്‍: 567/2024, 577/2024) തസ്തികയിലേക്ക് 2025 സെപ്റ്റംബര്‍ 27 ന് രാവിലെ 10 മുതല്‍ 11.50 വരെ (പേപ്പര്‍ ഒന്ന്), ഉച്ചയ്ക്ക് 1.30 മുതല്‍ 3.20 വരെ (പേപ്പര്‍ രണ്ട്) തൃശ്ശൂര്‍ ജില്ലയില്‍ നടത്താന്‍ നിശ്ചയിച്ചിട്ടുള്ള ഒ.എം.ആര്‍ എഴുത്ത് പരീക്ഷയ്ക്ക് ഗവ. എച്ച്.എസ് ഫോര്‍ ഗേള്‍സ്, തൃശ്ശൂര്‍ ( സെന്റര്‍  നമ്പര്‍.

കാത്തിരിപ്പിന് വിരാമമിട്ട് പുത്തൂര്‍ സുവോളജിക്കല്‍ പാര്‍ക്ക് ഉദ്ഘാടനത്തിന് ഒരുങ്ങിയതായി റവന്യൂ മന്ത്രി കെ. രാജന്‍ അറിയിച്ചു. ഒക്ടോബര്‍ 28 ന് മുഖ്യമന്ത്രി പിണറായി വിജയന്‍ പാര്‍ക്ക് നാടിന് സമര്‍പ്പിക്കും. ഓസ്‌ട്രേലിയന്‍ സു ഡിസൈനറായ ജോണ്‍ കോ യുടെ ഡിസൈനിലുള്ള നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായിക്കഴിഞ്ഞു. ഈ സര്‍ക്കാര്‍ അധികാരത്തില്‍ വന്നതിന് ശേഷമാണ് സുവോളജിക്കല്‍ പാര്‍ക്കിന്റെ നിര്‍മ്മാണ പ്രവര്‍ത്തനങ്ങള്‍ക്ക് തുടക്കം കുറിച്ചത്.

വടക്കാഞ്ചേരി ബ്ലോക്ക് പഞ്ചായത്ത് സാമൂഹ്യ ആരോഗ്യ കേന്ദ്രത്തിന്റെ പുതിയ കെട്ടിടത്തിന്റെ ഉദ്ഘാടനവും അവണൂര്‍ ഗ്രാമപഞ്ചായത്തിന്റെ കുടുംബാരോഗ്യ കേന്ദ്രത്തിന്റെ കെട്ടിട ഉദ്ഘാടനവും ഇന്ന് (സെപ്റ്റംബര്‍ 25) നടക്കും. എരുമപ്പെട്ടി ആരോഗ്യ കേന്ദ്രം വൈകീട്ട് 4.30 നും അവണൂര്‍ ആരോഗ്യ കേന്ദ്രം 5.30 നും ആരോഗ്യ, വനിതാ ശിശു വികസന വകുപ്പ് മന്ത്രി വീണാ ജോര്‍ജ് ഉദ്ഘാടനം നിര്‍വ്വഹിക്കും. എ.സി മൊയ്തീന്‍ എം.എല്‍.എ എരുമപ്പെട്ടിയിലും സേവ്യര്‍ ചിറ്റിലപ്പള്ളി എം.എല്‍.എ ഉദ്ഘാടന ചടങ്ങിന് അധ്യക്ഷത വഹിക്കും. കെ. രാധാകൃഷ്ണന്‍ എം.പി മുഖ്യാതിഥിയാകും.  

 ഗാന്ധിജയന്തിയോടനുബന്ധിച്ച് ജില്ലാ ഖാദി ഗ്രാമ വ്യവസായ ഓഫീസിന്റെ  ആഭിമുഖ്യത്തിൽ കോട്ടയം ബി.സി.എം. കോളജിലെ ചരിത്രവിഭാഗവുമായി ചേർന്ന് ജില്ലാ തല ക്വിസ് മത്സരവും ഖാദി  പ്രദർശന വിപണനമേളയും സംഘടിപ്പിച്ചു. കോട്ടയം ബി.സി.എം. കോളജിൽ സംഘടിപ്പിച്ച ക്വിസ് മത്സരത്തിൽ ചങ്ങനാശേരി സെന്റ് ജോസഫ്സ് എച്ച്എസ്എസ് ഫോർ ഗേൾസ് സ്‌കൂളിലെ അശ്വതി സി. ജോൺ  ഒന്നാം സ്ഥാനവും, മലകുന്നം ഇത്തിത്താനം  എച്ച്എസ്എസ്  സ്‌കൂളിലെ ജിസ തോമസ്, ഗൗരി കൃഷ്ണ എന്നിവർ രണ്ടാം സ്ഥാനവും, കോട്ടയം സെന്റ് ആനീസ് എച്ച്എസ്എസിലെ ആദിത്യ സത്യനാഥൻ, എസ്. തേജ എന്നിവർ മൂന്നാം സ്ഥാനവും നേടി. ജില്ലയിലെ  21 സ്‌കൂളുകളിൽ നിന്നായി 40 കുട്ടികൾ പങ്കെടുത്തു.

 മനുഷ്യ-വന്യജീവി സംഘർഷം ലഘൂകരിക്കുന്നതിനായി വനംവകുപ്പ്് സംഘടിപ്പിച്ച തീവ്രയജ്ഞ പരിപാടിയിൽ ഹൈറേഞ്ച് സർക്കിളിന്റെ ഭാഗമായ  കോട്ടയം ജില്ലയിൽ ലഭിച്ച 45 പരാതികളിൽ 10 എണ്ണം തീർപ്പാക്കി. ഹൈറേഞ്ച് സർക്കിളിൽ ഇടുക്കിയിൽ 212 പരാതികളും എറണാകുളത്ത് 69 പരാതികളുമാണ് ലഭിച്ചത്. ഇടുക്കിയിലെ 27 എണ്ണത്തിന് പരിഹാരമായി.
 ഹൈറേഞ്ച് സർക്കിളിലെ 32 പഞ്ചായത്തുകളിൽ വനംവകുപ്പിന്റെ പഞ്ചായത്ത് തല യോഗങ്ങളും സംഘടിപ്പിച്ചു. എറണാകുളം, കോട്ടയം ജില്ലകളിലെ മനുഷ്യ - വന്യജീവി സംഘർഷം രൂക്ഷമായ മുഴുവൻ പഞ്ചായത്തുകളിലെയും യോഗവും പൂർത്തിയായെന്നു കോട്ടയം സോഷ്യൽ ഫോറസ്ട്രി ഡിവിഷൻ അസിസ്റ്റന്റ് ഫോറസ്റ്റ് കൺസർവേറ്റർ അറിയിച്ചു.

 മെഡിക്കൽ കോളജ് ആശുപത്രിയിൽ കെട്ടിട ഭാഗമിടിഞ്ഞുണ്ടായ അപകടത്തിൽ മരിച്ച ബിന്ദുവിന്റെ കുടുംബത്തിന് സംസ്ഥാന സർക്കാർ ഉറപ്പുനൽകിയ വാസയോഗ്യമായ വീട് യാഥാർഥ്യമായി. നവീകരിച്ച വീട് 'സ്‌നേഹവീടി'ന്റെ താക്കോൽകൈമാറൽ വെള്ളിയാഴ്ച (സെപ്റ്റംബർ 26) വൈകിട്ട് 6.30ന് തലയോലപ്പറമ്പ് ഉമ്മാൻകുന്നിൽ നടക്കുന്ന ചടങ്ങിൽ ഉന്നത വിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആർ ബിന്ദു നിർവഹിക്കും. സഹകരണം, തുറമുഖം, ദേവസ്വം വകുപ്പ് മന്ത്രി വി.എൻ വാസവൻ ചടങ്ങിൽ ആധ്യക്ഷം വഹിക്കും. സി.കെ ആശ എം.എൽ.എ മുഖ്യാതിഥിയാകും.

 ഏറ്റുമാനൂർ അഡീഷണൽ ശിശുവികസന പദ്ധതി ഓഫീസിന്റെ ഔദ്യോഗിക ആവശ്യത്തിനായി ജീപ്പ് / കാർ മാസ വാടകയ്ക്ക് നൽകുവാൻ തയ്യാറുള്ള വ്യക്തികൾ, സ്ഥാപനങ്ങൾ എന്നിവയിൽ നിന്ന് റീടെൻഡർ ക്ഷണിച്ചു. താൽപര്യമുള്ളവർ ഒക്ടോബർ മൂന്ന് രണ്ട് മണിയ്ക്ക് മുൻപായി ടെൻഡർ നൽകണം. അന്നേ ദിവസം ഉച്ചകഴിഞ്ഞ് മൂന്ന് മണിയ്ക്ക് ടെൻഡർ തുറക്കും.  ഫോൺ: 0481-2380175​  

എംപ്ലോയ്‌മെൻറ് എക്‌സ്‌ചേഞ്ചിൽ പേര് രജിസ്റ്റർ ചെയ്തിട്ടില്ലാത്ത ജില്ലയിലെ അധ്യാപക/ അനധ്യാപക യോഗ്യതയുളള ഭിന്നശേഷി ഉദ്യോഗാർത്ഥികൾക്കായി എംപ്ലോയ്‌മെന്റ് വകുപ്പും സാമൂഹ്യ നീതി വകുപ്പും സംയുക്തമായി രജിസ്‌ട്രേഷൻ ക്യാമ്പ് നടത്തുന്നു. യോഗ്യരായ ഭിന്നശേഷി വിഭാഗത്തിൽപ്പെട്ട ഉദ്യോഗാർത്ഥികൾ ബന്ധപ്പെട്ട രേഖകളുടെ അസ്സൽ സർട്ടിഫിക്കറ്റും പകർപ്പും സഹിതം ഒക്‌ടോബർ ഏഴ് രാവിലെ 10.30 മുതൽ ഏറ്റുമാനൂർ സാൻജോസ് വിദ്യാലയത്തിൽ എത്തിച്ചേരണം. വിശദവിവരങ്ങൾക്ക്  ഫോൺ: 0481-2304608.​  

 ചങ്ങനാശേരി താലൂക്കിൽ പാചക വാതകവുമായി ബന്ധപ്പെട്ട പരാതികൾ ഒക്ടോബർ 27 വൈകുന്നേരം മൂന്ന് മണി വരെ താലൂക്ക് സപ്ലൈ ഓഫീസിൽ സ്വീകരിക്കുമെന്ന് താലൂക്ക് സപ്ലൈ ഓഫീസർ അറിയിച്ചു.​