എടപ്പാള്‍ ഐ.ടി.ഐയിലെ 'ഫാഷന്‍ ഡിസൈന്‍ ആന്‍ഡ് ടെക്നോളജി' ട്രേഡില്‍ ഒഴിവുള്ള സീറ്റുകളിലേക്ക് സെപ്റ്റംബര്‍ 30 വരെ സ്പോട്ട് അഡ്മിഷന്‍ നടക്കും. അപേക്ഷകള്‍ എല്ലാ ദിവസവും ഉച്ചയ്ക്ക് 12.30 വരെ സ്വീകരിക്കും. പ്രവേശനം നേടാന്‍ ആഗ്രഹിക്കുന്നവര്‍ ടി.സിയും അസല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം മാറഞ്ചേരി ഗവ. ഐ.ടി.ഐ ഓഫീസില്‍ അപേക്ഷ ലഭ്യമാക്കണം. ഫോണ്‍: 7558852185.

സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ നടപ്പിലാക്കുന്ന വിവിധ വായ്പ പദ്ധതികളില്‍ ജാമ്യമായി സ്വീകരിക്കുന്ന വസ്തുവിന്റെ വില നിര്‍ണയം നടത്തുന്നതിന് റവന്യൂ സര്‍വീസില്‍ നിന്നും വിരമിച്ച വില്ലേജ് ഓഫീസര്‍, ഡെപ്യൂട്ടി തഹസില്‍ദാര്‍, തഹസില്‍ദാര്‍ എന്നിവരില്‍ നിന്നും അപേക്ഷ ക്ഷണിച്ചു. അപേക്ഷകര്‍ ബയോഡാറ്റ, ആധാര്‍ കാര്‍ഡ്, സര്‍വീസ് സര്‍ട്ടിഫിക്കറ്റ് എന്നിവ സഹിതം പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്റെ മലപ്പുറം ജില്ലാ കാര്യാലയവുമായി ബന്ധപ്പെടണം. ഫോണ്‍- 0483 2731496, 9400068510.

ചെന്നീര്‍ക്കര സര്‍ക്കാര്‍ ഐടിഐയില്‍ ജൂനിയര്‍ ഇന്‍സ്ട്രക്ടര്‍ (ഇലക്ട്രോണിക് മെക്കാനിക്) തസ്തികയിലെ ഒരു ഒഴിവിലേക്ക് ജനറല്‍ വിഭാഗത്തില്‍ നിന്ന് നിയമനം നടത്തുന്നു.

മലപ്പുറം എംപ്ലോയ്മെന്റ് എക്സേഞ്ച്/എംപ്ലോയബിലിറ്റി സെന്ററില്‍ സെപ്റ്റംബര്‍ 26ന് തൊഴില്‍ മേള നടക്കും. സെയില്‍സ്മാന്‍, സെയില്‍സ് ലേഡി, മാര്‍ക്കറ്റിംഗ് എക്സിക്യൂട്ടീവ്, റെസ്റ്റോറന്റ് ഇന്‍ ചാര്‍ജ്, ചില്ലര്‍ ആന്‍ഡ് ഫ്രീസര്‍ ടെക്നീഷ്യന്‍, ഇലക്ട്രീഷ്യന്‍ കം പ്ലംബര്‍, ഡ്രൈവര്‍, ഫിഷ് കട്ടര്‍ ആന്‍ഡ് ബുച്ചര്‍ തുടങ്ങിയ മേഖലകളില്‍ യോഗ്യതയുള്ളവര്‍ക്ക് പങ്കെടുക്കാം. കുവൈറ്റ്, യു.എ.ഇ., ഒമാന്‍, സൗദി, ഖത്തര്‍ തുടങ്ങിയ രാജ്യങ്ങളിലേക്കും ഒഴിവുകള്‍ റിപ്പോര്‍ട്ട് ചെയ്തിട്ടുണ്ട്്.

പി.എം.എം.എസ്.വൈ. പദ്ധതി പ്രകാരമുള്ള മത്സ്യത്തൊഴിലാളികളുടെ ഭവന പുനരുദ്ധാരണ എഗ്രിമെന്റ് സമര്‍പ്പണവും സുസ്ഥിര മത്സ്യബന്ധന ബോധവത്ക്കരണവും പൊന്നാനി മുനിസിപ്പല്‍ കോണ്‍ഫ്രന്‍സ് ഹാളില്‍ നടന്നു. പി. നന്ദകുമാര്‍ എംഎല്‍എ പരിപാടി ഉദ്ഘാടനം ചെയ്തു. പൊന്നാനി നഗരസഭ ചെയര്‍മാന്‍ ശിവദാസ് ആറ്റുപുറം അധ്യക്ഷത വഹിച്ചു.  പി.എം.എം.എസ്.വൈ.യുടെ കീഴില്‍ 7.2 കോടിയുടെ ഐ.സി.എം.എഫ്.വി (ഇന്റഗ്രേറ്റഡ് കോസ്റ്റല്‍ മോഡേണ്‍ ഫിഷിങ് വില്ലേജ്) പദ്ധതിയില്‍ ഉള്‍പ്പെടുത്തിയാണ് ഭവന പുനരുദ്ധാരണം നടത്തുന്നത്.

അസാപ് കേരള ഇലക്ട്രിക് വെഹിക്കിള്‍ സര്‍വീസ് ടെക്നീഷ്യന്‍ കോഴ്സിലേക്ക് പരിശീലകരെ കരാര്‍ അടിസ്ഥാനത്തില്‍ നിയമിക്കുന്നു. ഇലക്ട്രിക്കല്‍ ആന്‍ഡ് ഇലക്ട്രോണിക്സ് എഞ്ചിനീയറിങ്ങിലുള്ള ബി ഇ അല്ലെങ്കില്‍ ബി ടെക്ക് ആണ്  യോഗ്യത. അപേക്ഷകര്‍ക്ക് കുറഞ്ഞത് മൂന്നുവര്‍ഷത്തെ പ്രവൃത്തി പരിചയം വേണം. സെപ്റ്റംബര്‍ 27ന് കുന്നന്താനം കമ്യൂണിറ്റി സ്‌കില്‍ പാര്‍ക്കില്‍ നടക്കുന്ന തൊഴില്‍മേളയോടൊപ്പം അഭിമുഖം നടക്കും. ഫോണ്‍ :  9495999688, 9496085912.

പട്ടികജാതി വികസന വകുപ്പിന്റെ പന്തളം സര്‍ക്കാര്‍ ഐടിഐയില്‍ പ്ലംബര്‍ എന്‍സിവിറ്റി ട്രേഡില്‍  പട്ടികജാതി/ പട്ടിക വര്‍ഗ/ ജനറല്‍ വിഭാഗത്തില്‍ സീറ്റ് ഒഴിവുണ്ട്. ഹോസ്റ്റല്‍ സൗകര്യം, ഉച്ചഭക്ഷണം, പോഷകാഹാരം, പ്രതിമാസ അലവന്‍സ്, യൂണിഫോം അലവന്‍സ് എന്നിവ ലഭിക്കും. അസല്‍ എസ് എസ് എല്‍ സി, റ്റി.സി, ജാതി സര്‍ട്ടിഫിക്കറ്റ്, മറ്റ് അനുബന്ധ രേഖകള്‍ സഹിതം ഐടിഐയില്‍ സെപ്റ്റംബര്‍ 29 നകം ഹാജരാകണം.  ഫോണ്‍ : 9446444042.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡ് കുടിശിക നിവാരണ കാമ്പയിന്റെ ഭാഗമായുള്ള  വാഹന പ്രചാരണ ജാഥ സ്വകാര്യ ബസ് സ്റ്റാന്‍ഡ് മുതല്‍ ക്ഷേമനിധി ഓഫീസ് വരെ സംഘടിപ്പിച്ചു. ഡയറക്ടര്‍ ബോര്‍ഡ് അംഗം മലയാലപ്പുഴ ജ്യോതിഷ് കുമാര്‍ ഫ്ളാഗ് ഓഫ് നിര്‍വഹിച്ചു. ജില്ലാ ഉപദേശക സമിതി അംഗം ഇ.കെ ബേബി അധ്യക്ഷനായി.
വിവിധ ആനുകൂല്യ വിതരണവും വാഹന പ്രചാരണ യാത്രയില്‍ പങ്കാളിയായവരെ ആദരിക്കുകയും ചെയ്തു. മോട്ടോര്‍ തൊഴിലാളി ക്ഷേമനിധി ബോര്‍ഡ് സംസ്ഥാന വ്യാപകമായി ഒക്ടോബര്‍ മൂന്ന് മുതല്‍ 31 വരെ 200 കേന്ദ്രങ്ങളിലാണ് കുടിശിക നിവാരണ ക്യാമ്പ് നടത്തുന്നത്.

സംസ്ഥാനത്തെ ഒബിസി വിഭാഗത്തില്‍പ്പെട്ട ഉദ്യോഗാര്‍ഥികള്‍ക്കായി പിന്നാക്ക വിഭാഗ വികസന വകുപ്പ് നടപ്പാക്കുന്ന സൗജന്യ ഓട്ടോമൊബൈല്‍ പരിശീലനത്തിന് അപേക്ഷ ക്ഷണിച്ചു. ഒക്ടോബര്‍ നാല് വരെ അപേക്ഷിക്കാം. 10 മാസത്തെ പരിശീലന കാലയളവില്‍ പ്രതിമാസം 4,000 രൂപ സ്‌റ്റൈപ്പന്റായി ലഭിക്കും. തൃശൂരിലെ കുറ്റുക്കാരന്‍ ഇന്‍സ്റ്റിറ്റ്യൂട്ടിലാണ് പരിശീലനം. ഓട്ടോമൊബൈല്‍, മെക്കാനിക്കല്‍, ഇലക്ട്രിക്കല്‍, എം.എം.വി, ഫിറ്റര്‍, ഡീസല്‍ മെക്കാനിക്ക് എന്നീ കോഴ്‌സുകളില്‍ ഐടിഐ, ഡിപ്ലോമ, ബിടെക് എന്നിവ പാസായ, വാര്‍ഷിക വരുമാനം 2 ലക്ഷം രൂപയില്‍ കവിയാത്തവര്‍ക്ക് അപേക്ഷിക്കാം. ഫോണ്‍: 0492-2222335.

പല്ലശ്ശന ഗ്രാമപഞ്ചായത്തിന്റെ 2025- 26 വാര്‍ഷിക പദ്ധതിയില്‍ ഉള്‍പ്പെടുത്തി വിദ്യാര്‍ഥികള്‍ക്ക് ലാപ്‌ടോപ്പും പഠനോപകരണങ്ങളും  വിതരണം ചെയ്തു. വിതരണോദ്ഘാടനം ജില്ലാപഞ്ചായത്ത് പ്രസിഡന്റ് കെ. ബിനുമോള്‍ നിര്‍വ്വഹിച്ചു.  32 പ്രൊഫഷണല്‍  വിദ്യാര്‍ഥികള്‍ക്ക് ലാപ്‌ടോപ്പും, ഏഴാം ക്ലാസ്സില്‍ പഠിക്കുന്ന 65 വിദ്യാര്‍ഥികള്‍ക്ക് മേശയും കസേരയും വിതരണം ചെയ്തു. 15,25,000 രൂപ വകയിരിത്തിയാണ് പദ്ധതി നടപ്പാക്കിയത്.