സംസ്ഥാനത്തെ ഹൈസ്‌കൂൾ അധ്യാപകർക്ക് ബാലാവകാശ കമ്മിഷൻ നൽകുന്ന രണ്ടാം ഘട്ട ഏകദിന പരിശീലനത്തിന്റെ ജില്ലാതല ഉദ്ഘാടനം ഏറ്റുമാനൂർ ചൈതന്യ പാസ്റ്ററൽ സെന്ററിൽ വ്യാഴാഴ്ച (സെപ്റ്റംബർ 25) രാവിലെ 10 മണിക്ക് കമ്മിഷൻ അംഗം കെ.കെ. ഷാജു കോട്ടയം നിർവഹിക്കും.

തേങ്കുറിശ്ശി ഗ്രാമപഞ്ചായത്തില്‍ 'സ്‌നേഹരാമം' ചിത്രശലഭോദ്യാനത്തിന്റെ നിര്‍മ്മാണത്തിന് തുടക്കമായി. നിര്‍മ്മാണോദ്ഘാടനം  ഗ്രാമപഞ്ചായത്ത് പ്രസിഡന്റ് ആര്‍. ഭാര്‍ഗവന്‍ നിര്‍വഹിച്ചു. ശുചിത്വോത്സവത്തിന്റെ ഭാഗമായി ഹരിതാഭമായ തേങ്കുറിശ്ശി എന്ന ലക്ഷ്യത്തോടെ ചിത്രശലഭോദ്യാനം ഒരുങ്ങുന്നത്. ശുചിത്വോത്സവം നവംബര്‍ ഒന്ന് വരെ നീണ്ടുനില്‍ക്കും. ഇതിന്റെ ഭാഗമായി 1500 പൂച്ചെടികള്‍ ഗ്രാമപഞ്ചായത്തിലെ വിവിധ സ്ഥലങ്ങളില്‍ നട്ടുപിടിപ്പിക്കും. ഗ്രാമപഞ്ചായത്തും ഹരിതകര്‍മ്മ സേനയും സംയുക്തമായി ഉദ്യാനത്തിന്റെ സംരക്ഷണചുമതല നിര്‍വഹിക്കും.

ചിറ്റൂര്‍ സര്‍ക്കാര്‍ ടെക്നിക്കല്‍ ഹൈസ്‌കൂളില്‍ ഇലക്ട്രിക്കല്‍ വിഭാഗത്തിലേക്ക് ദിവസവേതന അടിസ്ഥാനത്തില്‍ താല്‍ക്കാലിക നിയമനം നടത്തുന്നു. വര്‍ക്ക് ഷോപ്പ് ഇന്‍സ്ട്രക്ടര്‍,ട്രേഡ്സ്മാന്‍ എന്നീ ഒഴിവുകളിലേക്കാണ് നിയമനം. വര്‍ക്ക് ഷോപ്പ് ഇന്‍സ്ട്രക്ടര്‍ക്ക്  ബന്ധപ്പെട്ട ട്രേഡില്‍ മൂന്നു വര്‍ഷ ഡിപ്ലോമയും പ്രവൃത്തി പരിചയവുമാണ് യോഗ്യത. ട്രേഡ്സ്മാന്‍ തസ്തികയില്‍ ഐടിഐ/കെജിസിഇ/ ടിഎച്ച്എസ്എല്‍സി എന്നിവയും പ്രവൃത്തി പരിചയവുമാണ് യോഗ്യത. താല്‍പര്യമുള്ള ഉദ്യോഗാര്‍ഥികള്‍ 29ന് രാവിലെ 10 ന് സര്‍ട്ടിഫിക്കറ്റുകള്‍ സഹിതം എത്തണമെന്ന് സൂപ്രണ്ട് അറിയിച്ചു. ഫോണ്‍ 04923 222174, 9400006486

കേരള സംസ്ഥാന പട്ടിക ജാതി പട്ടികവര്‍ഗ വികസന കോര്‍പ്പറേഷന്‍ നടപ്പിലാക്കുന്ന വിവിധ വായ്പാ പദ്ധതികളില്‍ ജാമ്യമായി സ്വീകരിക്കുന്ന വസ്തുവിന്റെ വില നിര്‍ണ്ണയം നടത്തുന്നതിലേക്കായി റവന്യൂ സര്‍വീസില്‍ നിന്നും വിരമിച്ച വില്ലേജ് ഓഫീസര്‍, ഡെപ്യൂട്ടി തഹസില്‍ദാര്‍, തഹസില്‍ദാര്‍ എന്നിവരില്‍ നിന്നും അപേക്ഷ ക്ഷണിച്ചു. അപേക്ഷകര്‍ ബയോഡാറ്റ, ആധാര്‍ കാര്‍ഡ്, സര്‍വീസ് സര്‍ട്ടിഫിക്കറ്റ് എന്നിവ സഹിതം പട്ടികജാതി പട്ടിക വര്‍ഗ വികസന കോര്‍പ്പറേഷന്റെ പാലക്കാട് ജില്ലാ ഓഫീസിനെ സമീപിക്കണം. ഫോണ്‍: 0491 2544411, 9400068509.

മോട്ടോര്‍ തൊഴിലാളി ക്ഷേമനിധി ബോര്‍ഡ് ഒക്ടോബര്‍ മൂന്ന് മുതല്‍ 31 വരെ കുടിശ്ശിക നിവാരണ ക്യാംപുകള്‍ സംഘടിപ്പിക്കുന്നതിന്റെ ഭാഗമായുള്ള ബോധവല്‍ക്കരണ വാഹന പ്രചാരണ യാത്ര മലപ്പുറം മുനിസിപ്പല്‍ ബസ്റ്റാന്‍ഡ് പരിസരത്ത് ഹംസ എരിക്കുന്നന്‍ ഫ്ളാഗ് ഓഫ് ചെയ്തു. ജില്ലാ എക്സിക്യൂട്ടീവ് ഓഫീസര്‍ കെ.സി. ലൈല സ്വാഗതം പറഞ്ഞു. ജില്ലാ ലേബര്‍ ഓഫീസര്‍ എന്‍.വി. ഷൈജീഷ് അധ്യക്ഷത വഹിച്ചു. ഉപദേശകസമിതി അംഗങ്ങളായ എന്‍. അറുമുഖന്‍ (സി.ഐ.ടി.യു), കെ. ബാലന്‍ (ഐ.എന്‍.ടി.യു.സി), എം.വി. കോയ(എസ്.ടി.യു), കുഞ്ഞിമുഹമ്മദ് കുഞ്ഞിപ്പ(ആള്‍ കേരള ബസ് ഓപ്പറേറ്റേഴ്സ് അസോസിയേഷന്‍), സി.എച്ച്.

ഹിന്ദി ഡിപ്ലോമ ഇന്‍ എലമെന്ററി എജുക്കേഷന്‍ (ഡി.എല്‍.എഡ്) കോഴ്സിലേക്ക് 2025-27 വര്‍ഷം സ്വാശ്രയ സ്ഥാപനങ്ങളില്‍ പ്രവേശനത്തിന് അപേക്ഷ ക്ഷണിച്ചു. മലബാര്‍ ഹിന്ദി പ്രചാര കേന്ദ്രം കൊണ്ടോട്ടി, പെര്‍ഫെക്റ്റ് ഹിന്ദി ടീച്ചര്‍ ട്രെയിനിങ് ഇന്‍സ്റ്റിറ്റ്യൂട്ട് പെരിന്തല്‍മണ്ണ, ഭാരത് ഹിന്ദി പ്രചാര കേന്ദ്രം അടൂര്‍, പത്തനംതിട്ട എന്നിവയാണ് സെന്ററുകള്‍.

വാഴക്കാട് ഗവ. ഐ.ടി.ഐയിലെ പ്ലംബർ, വെൽഡർ ട്രേഡുകളിൽ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. താത്പര്യമുള്ളവർ അസ്സൽ സർട്ടിഫിക്കറ്റുമായി സെപ്റ്റംബർ 29 ന് മുമ്പ് അപേക്ഷ സമർപ്പിക്കണം. ഫോൺ 0483 2968444

സംസ്ഥാനത്തെ ഒ.ബി.സി വിഭാഗങ്ങളിൽ ഉൾപ്പെട്ട ഉദ്യോഗാർത്ഥികൾക്ക് പിന്നോക്ക വിഭാഗ വികസന വകുപ്പ് ഓട്ടോമൊബൈൽ മേഖലയിൽ സൗജന്യ തൊഴിലധിഷ്ഠിത പരിശീലനം നൽകുന്ന പദ്ധതിയിലേക്ക് അപേക്ഷ ക്ഷണിച്ചു. തൃശ്ശൂർ കുറ്റൂക്കാരൻ ഇൻസ്റ്റിറ്റ്യൂട്ടിൽ നടക്കുന്ന പരിശീലനത്തിൽ ഓട്ടോമൊബൈൽ, മെക്കാനിക്കൽ, ഇലക്ട്രിക്കൽ, എം.എം.വി, ഫിറ്റർ, ഡീസൽ മെക്കാനിക്ക് എന്നീ കോഴ്സു‌കളിൽ ഐ.ടി.ഐ. ഡിപ്ലോമ, ബി ടെക് പാസായവർക്ക് അപേക്ഷിക്കാം. വാർഷിക വരുമാനം രണ്ട് ലക്ഷത്തിൽ താഴെ ആയിരിക്കണം. പത്ത് മാസത്തെ പരിശീലനം പൂർത്തിയാക്കുന്നവർക്ക് തൊഴിൽ ഉറപ്പാക്കും. പ്രതിമാസം 4000 രൂപ വീതം ആകെ 40,000 രൂപ സ്റ്റൈപന്റ് അനുവദിക്കും.