ഫിഷറീസ് ഡെപ്യൂട്ടി ഡയറക്ടർ ആലപ്പുഴയുടെ കീഴിൽ ജില്ലയിലെ വിവിധ ഉൾനാടൻ ജലാശയങ്ങളിലെ ഫിഷ് ക്യാച്ച് അസസ്സ്മെൻറ് സർവ്വേ നടത്തുന്നതിലേയ്ക്കായി  ഇൻലാന്റ് എന്യൂമറേറ്ററെ കരാർ അടിസ്ഥാനത്തിൽ നിയമിക്കുന്നു. ഇതിനായി ആലപ്പുഴ ജില്ലയിലെ താമസക്കാർക്ക് മുൻഗണന നൽകിക്കൊണ്ട്  അപേക്ഷ ക്ഷണിച്ചു. യാത്രബത്ത ഉൾപ്പെടെ പ്രതിമാസം 25,000/രൂപ (ഇരുപത്തി അയ്യായിരം രൂപ മാത്രം) പ്രതിഫല നിരക്കിൽ ഒരു വർഷത്തേയ്ക്ക് കരാർ അടിസ്ഥാനത്തിലാണ് നിയമനം. അപേക്ഷകർ ഫിഷറീസ് സയൻസിൽ ബിരുദമോ          ബിരുദാനന്തര    ബിരുദമോ യോഗ്യതയുള്ളവരായിരിക്കണം.  പ്രായം- 21-36 വയസ്സ്.

കേന്ദ്ര യുവജനകാര്യ കായിക മന്ത്രാലയത്തിന് കീഴിൽ പ്രവർത്തിക്കുന്ന മേരാ യുവ ഭാരത് ആലപ്പുഴ ജില്ലയിൽ സ്ഥിര താമസക്കാരായ 15നും 29 നും മധ്യേ പ്രായമുള്ളവർക്കായി ത്രിദിന സൗജന്യ നേതൃത്വ പരിശീലന ക്യാമ്പ് സംഘടിപ്പിക്കുന്നു. നവംബർ 1, 2, 3 തീയതികളിൽ ആണ് ക്യാമ്പ് സംഘടിപ്പിക്കുന്നത് . പങ്കെടുക്കുവാൻ താല്പര്യമുള്ളവർ ഓഫീസുമായി ബന്ധപ്പെടുക. ഫോൺ: 8714508255, 0477-2236542.

പുറക്കാട് ഗവ ഐ ടി ഐ യിലെ 2025 വർഷത്തെ അഡ്മിഷനോടനുബന്ധിച്ച് ഇന്റീരിയർ ഡിസൈൻ ആൻഡ് ഡെക്കറേഷൻ ട്രേഡിലെ ഒഴിവുള്ള ഏതാനും സീറ്റിലേക്ക് ഒക്ടോബർ 17 വരെ സ്പോട്ട് അഡ്മിഷൻ നടത്തുന്നു. വിദ്യാഭ്യാസ യോഗ്യത: എസ്.എസ്.എൽ.സി പാസ്സ്. താല്പര്യമുള്ള കുട്ടികൾക്ക് ഐ. ടി. ഐ. യിൽ നേരിട്ട് ഹാജരായി അഡ്മിഷൻ എടുക്കാവുന്നതാണ്. അസ്സൽ സർട്ടിഫിക്കറ്റ്, റ്റി.സി, ഫീസ് (ജനറൽ: 1950 രൂപ, എസ്.സി/എസ്.റ്റി: 1010 രൂപ, ഒ.ഇ.സി : 1510 രൂപ) എന്നിവ കൊണ്ടുവരേണ്ടതാണ്. ഫോൺ: 0477-2298118, 7907988374

 സെക്ഷ്വൽ ഹരാസ്മെന്റ് ഓഫ് വിമൻ അറ്റ് വർക്ക് പ്ളേസ് (പ്രിവൻഷൻ, പ്രൊഹിബിഷൻ ആൻഡ് റിഡ്രെസ്സൽ) ആക്ട് 2013 സെക്ഷൻ  4 പ്രകാരം പത്തോ അതിലധികമോ ജീവനക്കാർ ( സ്ഥിരം/താത്കാലികം) ജോലി ചെയ്യുന്ന തൊഴിലിടങ്ങളിലെല്ലാം തൊഴിലുടമ രേഖാമൂലമുള്ള ഉത്തരവിലൂടെ ഇന്റേണൽ കംപ്ലയിന്റ് കമ്മറ്റി രൂപീകരക്കണം എന്ന് നിർബന്ധമുണ്ട്.  കേരളത്തിലെ എല്ലാ സർക്കാർ, സ്വകാര്യ സ്ഥാപനങ്ങൾ വനിത ശിശു വികസന വകുപ്പിലെ ജീവനക്കാരായ അങ്കണവാടി വർക്കർമാർ, ഐ.സി,ഡി.എസ്, സൂപ്പർവൈസർമാർ, ശിശു വികസന പദ്ധതി ഓഫീസർമാർ എന്നിവർ സന്ദർശിച്ച് ഇന്റേണൽ കമ്മറ്റി രൂപീകരണ സർവ്വെ നടത്തിവരുന്നു.

ആലപ്പുഴ ഗവ. ടി.ഡി. മെഡിക്കൽ കോളേജിലെ പീഡിയാട്രിക്സ് വിഭാഗത്തിലേക്ക് സ്റ്റീൽ ടേബിളും കൂടെ ഒരു കബോർഡും ഒരു ഡ്രോവറും, 18 എംഎം ലാമിനേറ്റഡ് ബോർഡ് ടോപ്പ് വാങ്ങുന്നതിന് ക്വട്ടേഷൻ ക്ഷണിച്ചു. സ്വീകരിക്കുന്ന അവസാന തീയതി ഒക്ടോബർ 23 ഉച്ചയ്ക്ക് 12 മണി. ഫോൺ: 0477-2282611.

ആലപ്പുഴ ഗവ. ടി.ഡി മെഡിക്കൽ കോളേജിലെ വിവിധ വിഭാഗങ്ങളിലേക്ക് ഡിസ്പോസബിൾ ഏപ്രൺ, മാസ്‌ക് (ട്രിപ്പിൾ ലെയർ/സർജിക്കൽ), എൻ - 95 മാസ്‌ക് എന്നിവ വാങ്ങുന്നതിന് ക്വട്ടേഷൻ ക്ഷണിച്ചു. സ്വീകരിക്കുന്ന അവസാന തീയതി ഒക്ടോബർ 16 ഉച്ചയ്ക്ക് 12 മണി. ഫോൺ: 0477-2282015

ആലപ്പുഴ ഗവ. ടി.ഡി. മെഡിക്കൽ കോളേജിലെ പീഡിയാട്രിക്സ് വിഭാഗത്തിലേക്ക് മൈനർ എക്വിപ്മെന്റ്സ് ആൻഡ് കൺസൂമബിൾസ് വാങ്ങുന്നതിന് ക്വട്ടേഷൻ ക്ഷണിച്ചു. സ്വീകരിക്കുന്ന അവസാന തീയതി ഒക്ടോബർ 23 ഉച്ചയ്ക്ക് 12 മണി. ഫോൺ: 0477-2282611

ജെന്‍ഡര്‍ ഡെസ്‌കിന്റെ പ്രവര്‍ത്തനങ്ങള്‍ ശക്തിപ്പെടുത്തുന്നതിന് ജില്ലയിലെ സര്‍ക്കാര്‍, എയ്ഡഡ് സ്‌കൂള്‍ അധ്യാപകര്‍ക്കായി സംഘടിപ്പിച്ച ഏകദിന പരിശീലനം കുളനട കുടുംബശ്രീ കഫേ പ്രീമിയം ഹാളില്‍ ജില്ലാ പഞ്ചായത്ത് പ്രസിഡന്റ് ജോര്‍ജ് എബ്രഹാം ഉദ്ഘാടനം ചെയ്തു. ജില്ലാ പഞ്ചായത്ത് ക്ഷേമക്കാര്യ സ്ഥിരം സമിതി ചെയര്‍പേഴ്‌സണ്‍ ജിജി മാത്യു അധ്യക്ഷനായി.  ജില്ലാ പഞ്ചായത്ത് വൈസ് പ്രസിഡന്റും ധനകാര്യ സ്ഥിരം സമിതി അധ്യക്ഷനായ ബീന പ്രഭ മുഖ്യപ്രഭാഷണം നടത്തി. ജില്ലാ പഞ്ചായത്ത് ആസൂത്രണ സമിതി വൈസ് ചെയര്‍പേഴ്‌സണ്‍ ആര്‍. അജിത് കുമാര്‍ വിഷയാവതരണം നടത്തി.

സംസ്ഥാന ദുരന്ത ലഘൂകരണ നിധി (എസ്ഡിഎംഎഫ്) കാര്യക്ഷമമായി ഉപയോഗിക്കുന്നതിന് സംസ്ഥാന, ജില്ലാ ദുരന്ത നിവാരണ അതോറിറ്റി സംയുക്തമായി സംഘടിപ്പിച്ച ശില്‍പശാല ജില്ലാ പഞ്ചായത്ത് ഹാളില്‍ ഡെപ്യൂട്ടി കലക്ടര്‍ ആര്‍ രാജലക്ഷ്മി ഉദ്ഘാടനം ചെയ്തു. ദുരന്തം ഉണ്ടാകുമ്പോള്‍ പ്രതികരിക്കുന്നതിന് പകരം അവ ഒഴിവാക്കാനും നാശനഷ്ടം കുറയ്ക്കാനും സംസ്ഥാന ദുരന്ത ലഘൂകരണ നിധി സംവിധാനം നിര്‍ണായകമാണെന്ന് ഡെപ്യൂട്ടി കലക്ടര്‍ പറഞ്ഞു.

ആലപ്പുഴ ഗവ. ടി.ഡി മെഡിക്കൽ കോളേജിലെ ട്രാൻസ്ഫ്യൂഷൻ മെഡിസിൻ വിഭാഗത്തിലേക്ക് ജെൽ കാർഡ്സ് വാങ്ങുന്നതിന് ക്വട്ടേഷൻ ക്ഷണിച്ചു. സ്വീകരിക്കുന്ന അവസാന തീയതി ഒക്ടോബർ 22 ഉച്ചയ്ക്ക് ഒരു മണി. ഫോൺ: 0477-2282611.