എളവള്ളി ഗ്രാമപഞ്ചായത്തില്‍ നടന്ന വികസന സദസ്സ് മുരളി പെരുനെല്ലി ഉദ്ഘാടനം ചെയ്തു. സംസ്ഥാന സര്‍ക്കാരും ഗ്രാമപഞ്ചായത്തും കഴിഞ്ഞ അഞ്ച് വര്‍ഷങ്ങളില്‍ നടത്തിയ മുന്നേറ്റങ്ങളും വികസനവും ജനങ്ങളില്‍ എത്തിക്കുകയും ഭാവി വികസനത്തിനായുള്ള ആശയ സ്വരൂപീകരണവും സാധ്യമാക്കുകയാണ് വികസന സദസ്സിലൂടെ. എളവള്ളി ഗ്രാമപഞ്ചായത്തിനെ വികസന സദസ്സില്‍ അതിദാരിദ്ര്യമുക്ത ഗ്രാമപഞ്ചായത്തായി പ്രഖ്യാപിച്ചു. ഗ്രാമപഞ്ചായത്തിന്റെ വിവിധ വികസന പ്രവര്‍ത്തനങ്ങള്‍ക്കായി സ്ഥലം വിട്ടു നല്‍കിയവരെ ചടങ്ങില്‍ ആദരിച്ചു. പഞ്ചായത്തിന്റെ വികസന നേട്ടങ്ങളുടെ എക്‌സിബിഷനും കെ സ്മാര്‍ട്ട് ക്ലിനിക്കും വികസന സദസ്സിന്റെ ഭാഗമായി ഒരുക്കിയിരുന്നു.

സംസ്ഥാന സർക്കാരിന്റെ വിജ്ഞാനകേരളം ജനകീയ ക്യാമ്പയിന്റെ ഭാഗമായി തോളൂർ പഞ്ചായത്തിന്റെയും കുടുംബശ്രീയുടെയും സഹകരണത്തോടെ പ്രാദേശിക തൊഴിൽ മേള സംഘടിപ്പിച്ചു.

പഞ്ചായത്ത്  പരിധിയിൽ പ്രവർത്തിക്കുന്ന സ്വകാര്യ സ്ഥാപനങ്ങളിൽ വരുന്ന ഒഴിവുകൾ അതതു പ്രദേശത്തുള്ള തൊഴിലന്വേഷകർക്ക് ലഭ്യമാക്കുക എന്ന ലക്ഷ്യത്തോടെയാണ് പഞ്ചായത്തുതല തൊഴിൽ മേള നടത്തിയത്.  

ഗ്രാമീണ മേഖലയിൽ തൊഴിൽ ഉൽപാദനം ശക്തിപ്പെടുത്തുന്നതിന്റെ ഭാഗമായി കാർഷിക മേഖലയിൽ കൂടുതൽ തൊഴിലവസരങ്ങൾ സൃഷ്ടിക്കുന്നതിനും നാടിന്റെ സാമ്പത്തിക അടിത്തറ വികസിപ്പിക്കുന്നതിനും ഗ്രാമീണ മേഖലയിലെ സ്ത്രീ ശാക്തീകരണം സാധ്യമാക്കുവാനും ഉതകുന്ന രീതിയിലാണ് കൂൺ ഗ്രാമം പദ്ധതി ആവിഷ്കരിച്ചിട്ടുള്ളതെന്ന് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ ബിന്ദു.

ഇന്ത്യയിലെ ഏറ്റവും മികച്ച ഭിന്നശേഷി സൗഹൃദ സംസ്ഥാനമാക്കി കേരളത്തെ മാറ്റുക എന്ന ലക്ഷ്യത്തോടെയാണ് സര്‍ക്കാര്‍ പ്രവര്‍ത്തിക്കുന്നതെന്ന് ഉന്നത വിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു. വെള്ളാങ്ങല്ലൂര്‍ ബ്ലോക്ക് ഭിന്നശേഷി കലോത്സവം 'ചാഞ്ചക്കം ചിഞ്ചക്കം മേളം വന്നേ' ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു മന്ത്രി.

ഒരു നിരാമയ (രോഗമില്ലാത്ത) സമൂഹത്തെ സൃഷ്ടിക്കുക എന്നതാവണം ആരോഗ്യ സംരക്ഷകരുടെ ലക്ഷ്യമെന്ന് ഗവര്‍ണര്‍ രാജേന്ദ്ര വിശ്വനാഥ് അര്‍ലേക്കര്‍. തൃശ്ശൂര്‍ ഗവ. മെഡിക്കല്‍ കോളേജ് അലുമ്‌നി അസോസിയേഷന്‍ ഓഡിറ്റോറിയത്തില്‍ നടന്ന കേരള ആരോഗ്യ ശാസ്ത്ര സര്‍വകലാശാലയുടെ ഇരുപത്തിയൊന്നാമതു ബിരുദദാന ചടങ്ങില്‍ സംസാരിക്കുകയായിരുന്നു ഗവര്‍ണര്‍.

പട്ടികജാതി വികസന വകുപ്പിന്റെ ആഭിമുഖ്യത്തിൽ സംഘടിപ്പിച്ച സാമൂഹ്യ ഐക്യദാർഢ്യ പക്ഷാചരണത്തിന്റെ ഭാഗമായി നടത്തുന്ന  ജില്ലാതല സമ്മേളനത്തിന്റെ ഉദ്ഘാടനം പി ബാലചന്ദ്രൻ എംഎൽഎ നിർവഹിച്ചു.

രാജ ഗോവിന്ദ (65) എന്ന് പേര് മാത്രം അറിവായിട്ടുള്ള മാനസിക വെല്ലുവിളി നേരിടുന്നയാളെ നെടുപുഴ പോലീസ് സ്റ്റേഷൻ പരിധിയിലെ വടൂക്കര എന്ന സ്ഥലത്ത് കാണപ്പെടുകയും തൃശൂർ മാനസികാരോഗ്യകേന്ദ്രത്തിൽ പ്രവേശിപ്പിച്ച് ചികിത്സയിലിരിക്കേ 2025 ഒക്ടോബർ 12 ന്  മരണപ്പെടുകയും ചെയ്തു.ഇയാളുടെ ബന്ധുക്കളെക്കുറിച്ച് എന്തെങ്കിലും വിവരം അറിയാവുന്നവർ തൃശൂർ ടൗൺ വെസ്റ്റ് പോലീസ് സ്റ്റേഷനിൽ അറിയിക്കണം. ഫോൺ: 04872363608, 9497987131, 9497980560.

 പറപ്പൂക്കര ഗ്രാമപഞ്ചായത്തിലെ കഴിഞ്ഞ അഞ്ചുവർഷ കാലയളവിൽ നടപ്പിലാക്കിയ വികസന ക്ഷേമ പ്രവർത്തനങ്ങളുടെ നേർക്കാഴ്ച ഒരുക്കി പറപ്പൂക്കര വികസന സദസ്. വാഗ്ദാനങ്ങൾ  നടപ്പിലാക്കുകയും അത് ജനങ്ങൾക്ക് മുമ്പിൽ അവതരിപ്പിക്കുകയും ഇനി എന്തെല്ലാം നടപ്പാക്കാം എന്ന കൂടിയാലോചനയാണ്  ഓരോ വികസന സദസ്സുമെന്ന് പറപ്പൂക്കര ഗ്രാമപഞ്ചായത്ത് വികസന സദസ്സ് ഉദ്ഘാടനം നിർവഹിച്ചുകൊണ്ട് കെ. രാധാകൃഷ്ണൻ എം.പി പറഞ്ഞു.  

മുള്ളൂർക്കര ഗ്രാമ പഞ്ചായത്ത് വികസന സദസ്സ് യു.ആർ പ്രദീപ് എംഎൽഎ ഉദ്ഘാടനം ചെയ്തു. നാടിൻ്റെ വികസനത്തിൻ്റെ ഗുണഫലങ്ങൾ ജനങ്ങളിലേക്ക് എത്തിക്കാൻ പഞ്ചായത്തുകൾക്ക് കഴിഞ്ഞതായും മുള്ളൂർക്കര റെയിൽവേ മേൽപ്പാലം യാഥാർഥ്യമാക്കാൻ കഴിയുമെന്നും വന്യമൃഗ ശല്യം അടക്കമുള്ള വിഷയങ്ങളിൽ പഞ്ചായത്ത് ഉചിതമായ നടപടികൾ സ്വീകരിച്ചതായും യു.ആർ പ്രദീപ് എം.എൽ.എ പറഞ്ഞു.

ജില്ലാ പഞ്ചായത്തിൻ്റെ വാർഷിക പദ്ധതിയിൽ പെടുത്തി അഞ്ചു ലക്ഷം രൂപ ചെലവഴിച്ച് ഖാദി ബോർഡ് വിയ്യൂർ ജയിലിൽ ആരംഭിച്ച ഖാദി നെയ്ത്ത് യൂണിറ്റിൻ്റെ പ്രവർത്തനോദ്ഘാടനം ജില്ലാ പഞ്ചായത്ത് പ്രസിഡൻ്റ് വി.എസ്. പ്രിൻസ് നിർവഹിച്ചു. ചടങ്ങിൽ ജില്ലാ പഞ്ചായത്ത് വികസന കാര്യ സ്ഥിരം സമിതി ചെയർപേഴ്സൺ മഞ്ജുള അരുണൻ മുഖ്യാതിഥിയായി. ഖാദി ബോർഡ് ഡയറക്ടർ കെ.വി. രാജേഷ് സ്വാഗതം പറഞ്ഞു. പ്രോജക്ട് ഓഫീസർ ധന്യ ദാമോദരൻ റിപ്പോർട്ട് അവതരിപ്പിച്ചു. വിയ്യൂർ സെൻട്രൽ പ്രിസൺ ജോയിൻറ് സൂപ്രണ്ട് നസീം എ. നന്ദി പറഞ്ഞു.