പുത്തൂര്‍ സുവോളജിക്കല്‍ പാര്‍ക്കിലേക്ക് അനുവദിച്ച കെ എസ് ആര്‍ ടി സിയുടെ ഡബിള്‍ ഡെക്കര്‍ ബസിന്‍റെ ട്രയല്‍ റണ്‍ നാളെ നടക്കും.  ഗതാഗത വകുപ്പ് മന്ത്രി കെ ബി ഗണേഷ് കുമാര്‍, റവന്യൂ മന്ത്രി കെ രാജന്‍, തൃശൂര്‍ എംഎല്‍എ പി ബാലചന്ദ്രന്‍, മേയര്‍ എം കെ വര്‍ഗ്ഗീസ്, ജില്ലാ പഞ്ചായത്ത് പ്രസി‍ഡന്‍റ് വി എസ് പ്രിന്‍സ് എന്നിവര്‍ ട്രയല്‍ റണ്‍ യാത്രയില്‍ പങ്കാളിയാകും.
നാളെ രാവിലെ 9.30 ന് തൃശൂര്‍ രാമനിലയത്തില്‍ നിന്നുമാണ് യാത്ര ആരംഭിക്കുക. തൃശൂര്‍ സ്വരാജ് റൗണ്ട് ചുറ്റി മണ്ണുത്തി, കുട്ടനെല്ലൂര്‍ വഴി സുവോളജിക്കല്‍ പാര്‍ക്കിനുള്ളില്‍ ചുറ്റി യാത്ര അവസാനിക്കും.  

---സിനിമ ചരിത്രം പേറുന്ന  നാൽപ്പാലത്തെ സിനിമ ടൂറിസം സങ്കേതങ്ങളുടെ ഭാഗമാക്കും

ദേശീയപാത 66 ആറുവരിയാക്കുന്ന  പ്രവർത്തികളുടെ ഭാഗമായി സംസ്ഥാനത്ത്  444 കിലോമീറ്റർ  പാതയുടെ നിർമ്മാണം പൂർത്തിയാക്കിയതായി
പൊതുമരാമത്ത്, വിനോദസഞ്ചാര വകുപ്പു മന്ത്രി  പി.എ. മുഹമ്മദ് റിയാസ്  പറഞ്ഞു .

 ആലപ്പുഴ , അമ്പലപ്പുഴ നിയോജക മണ്ഡലങ്ങളിലെ വാടക്കനാലിനെയും കൊമേർഷ്യൽ കനാലിനെയും തമ്മിൽ ബന്ധിപ്പിക്കുന്ന പുനർനിർമ്മിച്ച
മുപ്പാലത്തിന്റെ ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി.
 

പ്രവാസിസംരംഭകര്‍ക്കായി നോർക്ക റൂട്ട്സും ഇന്ത്യന്‍ ബാങ്കും സംയുക്തമായി സംഘടിപ്പിക്കുന്ന സംരംഭക വായ്പാ നിര്‍ണ്ണയക്യാമ്പ് ഇന്ന് (ഒക്ടോബര്‍ 16 ന്) ആലപ്പുഴയില്‍.  രണ്ടു വര്‍ഷമെങ്കിലും വിദേശത്ത് ജോലി ചെയ്തശേഷം നാട്ടില്‍ തിരിച്ചെത്തിയ പ്രവാസികളുടെ പുനരധിവാസത്തിനായി സംസ്ഥാന സര്‍ക്കാര്‍ നോര്‍ക്ക റൂട്ട്സ് വഴി നടപ്പിലാക്കിവരുന്ന നോര്‍ക്ക ഡിപ്പാര്‍ട്മെന്റ് പ്രോജക്ട് ഫോര്‍ റിട്ടേണ്‍ഡ് എമിഗ്രന്‍സ് അഥവ എന്‍.ഡി.പി.ആര്‍.ഇ.എം പദ്ധതി പ്രകാരമാണ്  ക്യാമ്പ്. ആലപ്പുഴ മുല്ലക്കൽ അമ്മൻ കോവില്‍  സ്ട്രീറ്റിലെ ഗുരുവിനായഗർ കോവില്‍  ഹാളിലാണ് ക്യാമ്പ്.

അന്യഭാഷ ചലച്ചിത്രങ്ങൾ ഉൾപ്പെടെ നിരവധി സിനിമകളുടെ ഷൂട്ടിംഗ് ചരിത്രം കേറുന്ന മുപ്പാലം  പുനർനിർമ്മാണം നടത്തി നാൽപ്പാലം ആക്കി മാറ്റുമ്പോൾ ഇവിടെ ചിത്രീകരിച്ച സിനിമകളുടെ ചരിത്രം കൂടി ഉൾപ്പെടുത്തി പുതിയൊരു പദ്ധതി ടൂറിസം വകുപ്പ് പരിഗണിക്കുമെന്ന് പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ് പറഞ്ഞു. പുനർ നിർമ്മിച്ച മുപ്പാലത്തിന്റെ ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി റിയാസ്. തിരുവനന്തപുരത്ത് ആവിഷ്കരിച്ച കിരീടം പാലത്തിൻറെ തുടർച്ചയായി ഉള്ള ഒരു പദ്ധതിയാണ് ആലപ്പുഴയ്ക്കും പരിഗണിക്കുക.

 മണ്ഡലത്തിലെ 46 റോഡുകൾ തുറന്നു കൊടുത്തു

മുഴുവൻ റോഡുകളും ബി.എം ആൻഡ് ബി.സി നിലവാരത്തിലുള്ള മണ്ഡലമാണ് അമ്പലപ്പുഴ എന്ന്  പൊതുമരാമത്ത്, വിനോദസഞ്ചാര വകുപ്പു മന്ത്രി  പി.എ. മുഹമ്മദ് റിയാസ്. മണ്ഡലത്തിൽ  33 കോടി രൂപ മുതൽ മുടക്കിൽ നിർമ്മിച്ച 32 ഗ്രാമീണ റോഡുകളുടെയും 14 നഗര റോഡുകളുടെയും ഉദ്ഘാടനം അമ്പലപ്പുഴ മണ്ഡലം വികസന മഹോത്സവത്തിന്റെ ഭാഗമായി നിർവഹിച്ചു സംസാരിക്കുകയായിരുന്നു മന്ത്രി. 

വനിതാ ശിശു വികസന വകുപ്പിന്റെ ആഭിമുഖ്യത്തിൽ ബേട്ടി ബച്ചാവോ ബേട്ടി പഠാവോ പദ്ധതിയുടെ ഭാഗമായി ആലപ്പുഴ മുൻസിപ്പാലിറ്റി ആലപ്പുഴ ഇന്ത്യൻ ഡെന്റൽ അസോസിയേഷനുമായി ചേർന്ന് ആലപ്പുഴ എസ് ഡി വി ഗേൾസ് ഹൈസ്കൂളിൽ ദന്ത പരിശോധന ക്യാമ്പും ലൈഫ് സേവിങ് സ്കിൽ പരിശീലനവും സംഘടിപ്പിച്ചു.

ആലപ്പുഴ നഗരസഭ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ നസീർ പുന്നയ്ക്കൽ ക്യാമ്പ് ഉദ്ഘാടനം ചെയ്തു. പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ എം ആർ പ്രേം അധ്യക്ഷത വഹിച്ചു.  നഗരസഭ ചെയർപേഴ്സൺ കെ  കെ ജയമ്മ ക്യാമ്പ് സന്ദർശിച്ചു.

*ചെട്ടികുളങ്ങര പഞ്ചായത്ത് വികസന സദസ്സ് എംഎൽഎ ഉദ്ഘാടനം ചെയ്തു

വികസന പ്രവർത്തനങ്ങൾ തുടർച്ചയാണെന്നും ഓരോ മണ്ഡലത്തിലും സർക്കാർ പരമാവധി വികസന പ്രവർത്തനങ്ങൾ നടപ്പിലാക്കിയെന്നും യു പ്രതിഭ എം എൽ എ പറഞ്ഞു. ചെട്ടികുളങ്ങര ഗ്രാമപഞ്ചായത്ത് വികസന സദസ്സ് ചെട്ടികുളങ്ങര ദിവ്യ ഓഡിറ്റോറിയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു എംഎൽഎ. 

ചേർത്തല നഗരസഭയിൽ  സംഘടിപ്പിക്കുന്ന വികസന സദസ്സ് ഇന്ന് ( ഒക്ടോബർ 16) കൃഷി വകുപ്പ് മന്ത്രി പി പ്രസാദ് ഉദ്ഘാടനം ചെയ്യും. രാവിലെ 10 മണിക്ക്  നഗരസഭ ടൗൺ ഹാളിൽ സംഘടിപ്പിക്കുന്ന പരിപാടിയിൽ  ചേർത്തല നഗരസഭ ചെയർപേഴ്സൺ  ഷേർളി ഭാർഗവൻ അധ്യക്ഷയാകും. ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും. പരിപാടിയുടെ ഭാഗമായി നഗരസഭയ്ക്ക് വിശിഷ്ട സേവനങ്ങൾ നൽകിയ വ്യക്തികളെ ആദരിക്കൽ, തൊഴിൽ മേള, ഓപ്പൺ ഫോറം തുടങ്ങിയവ സംഘടിപ്പിക്കും.
 

പെരുമ്പളം ഗ്രാമപഞ്ചായത്ത് വികസന സദസ്സ്  ഇന്ന് ( ഒക്ടോബർ 16) പിന്നാക്ക വിഭാഗ വികസന കോർപ്പറേഷൻ ചെയർമാൻ അഡ്വ. കെ പ്രസാദ് ഉദ്ഘാടനം ചെയ്യും.  രാവിലെ 10ന് പ്രസാദം ഓഡിറ്റോറിയത്തിൽ സംഘടിപ്പിക്കുന്ന പരിപാടിയിൽ ഗ്രാമപഞ്ചായത്ത് പ്രസിഡന്റ് വി. വി ആശ  അധ്യക്ഷയാകും.  
 

ഗ്രാമപഞ്ചായത്ത് നടപ്പാക്കിയ വികസന പ്രവർത്തനങ്ങൾ വിലയിരുത്തുന്നതിനും തുടർ പദ്ധതികൾ ആസൂത്രണം ചെയ്യുന്നതിനുമായി ചേർത്തല തെക്ക്  ഗ്രാമപഞ്ചായത്തിൽ സംഘടിപ്പിക്കുന്ന  വികസന സദസ്സ് ഇന്ന് ( ഒക്ടോബർ 16) കൃഷിവകുപ്പ് മന്ത്രി പി പ്രസാദ് ഉദ്ഘാടനം ചെയ്യും. രാവിലെ ഒൻപത് മണിക്ക് അരീപ്പറമ്പ് സുകൃതം കൺവെൻഷൻ സെന്ററിൽ   സംഘടിപ്പിക്കുന്ന പരിപാടിയിൽ   ചേർത്തല തെക്ക് ഗ്രാമപഞ്ചായത്ത് പ്രസിഡന്റ് സിനിമോൾ സാംസൺ   അധ്യക്ഷയാകും.