നല്ലൂർനാട് ക്യാൻസർ സെന്ററിൽ ലക്ഷക്കണക്കിന് രൂപയുടെ ഉപകരണങ്ങൾക്ക് പുതുജീവൻ നൽകി എൻഎസ്എസ് വളണ്ടിയര്‍മാര്‍

സംസ്ഥാന സര്‍ക്കാറിന്റെ ആഭിമുഖ്യത്തില്‍ തദ്ദേശ സ്വയംഭരണ വകുപ്പും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും സംയുക്തമായി സംഘടിപ്പിക്കുന്ന വികസന സദസ് എരിമയൂര്‍ ഗ്രാമപഞ്ചായത്തില്‍ ഇന്ന് ( ഒക്ടോബര്‍ 16) വൈകീട്ട് മൂന്നിന്

നടക്കും. എരിമയൂര്‍ വേട്ടക്കരുമന്‍ ക്ഷേത്രം മൈതാനത്ത് നടക്കുന്ന പരിപാടി

ഗതാഗത വകുപ്പ് മന്ത്രി കെ.ബി.ഗണേഷ്‌കുമാര്‍ ഉദ്ഘാടനം ചെയ്യും.

കെ.ഡി.പ്രസേനന്‍ എം.എല്‍.എ അധ്യക്ഷത വഹിക്കും. കെ. രാധാകൃഷ്ണന്‍ എം.പി മുഖ്യാതിഥിയാവും. പരിപാടിയോടനുബന്ധിച്ച് മൂന്നുദിവസം നീണ്ടുനില്‍ക്കുന്ന ഗ്രാമോത്സവത്തിനും തുടക്കമാകും.

സംസ്ഥാന സര്‍ക്കാറിന്റെ ആഭിമുഖ്യത്തില്‍ തദ്ദേശ സ്വയംഭരണ വകുപ്പും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും സംയുക്തമായി  സംഘടിപ്പിക്കുന്ന വികസന സദസ് കൊഴിഞ്ഞാമ്പാറ ഗ്രാമപഞ്ചായത്തില്‍ ഇന്ന് (ഒക്ടോബര്‍ 16 ) 11ന് നടക്കും.  വൈദ്യുതി വകുപ്പ് മന്ത്രി കെ.കൃഷ്ണന്‍ കുട്ടി ഉദ്ഘാടനം ചെയ്യും. കൊഴിഞ്ഞമ്പാറ ഗ്രാമപഞ്ചായത്ത് ഹാളില്‍ നടക്കുന്ന പരിപാടി ചിറ്റൂര്‍ ബ്ലോക്ക് പഞ്ചായത്ത് പ്രസിഡന്റ്  എ.സുജാത അധ്യക്ഷത വഹിക്കും. കൊഴിഞ്ഞാമ്പാറ ഗ്രാമപഞ്ചായത്ത് പ്രസിഡന്റ് എം.സതീഷ് പങ്കെടുക്കും.

 മേപ്പാടി ഗവ. പോളിടെക്‌നിക് കോളജിലെ എൻഎസ്എസ് വിദ്യാർത്ഥികളുടെ നേതൃത്വത്തിൽ പുനർജ്ജനി ക്യാമ്പ് സംഘടിപ്പിച്ചു. വൈത്തിരി ഗവ. താലൂക്ക് ആശുപത്രിയിൽ നടന്ന  ക്യാമ്പ് വൈത്തിരി ഗ്രാമപഞ്ചായത്ത് പ്രസിഡന്റ്‌ എം വി വിജേഷ് ഉദ്ഘാടനം ചെയ്തു. 80 വളണ്ടിയർമാരാണ് നാല് ദിവസത്തെ ക്യാമ്പിൽ പങ്കെടുത്തത്. ആശുപത്രി  ഉപകരണങ്ങൾ, കട്ടിൽ, കസേര, സ്ട്രച്ചർ, കബോർഡുകൾ, തുടങ്ങിയ തുരുമ്പെടുത്ത  ഉപകരണങ്ങൾ വിദ്യാര്‍ത്ഥികൾ ഉപയോഗയോഗ്യമാക്കി.

കഴിഞ്ഞ അധ്യയന വര്‍ഷം എസ്എസ്എൽസി, പ്ലസ് ടു, വിഎച്ച്എസ്ഇ, ഡിപ്ലോമ, ടിടിസി, പോളിടെക്നിക്, ഡിഗ്രി, പിജി പ്രൊഫഷണൽ കോഴ്സ് എന്നിവയ്ക്ക്   ഫസ്റ്റ് ക്ലാസോ ഡിസ്റ്റിംഗ്ഷനോ അല്ലെങ്കിൽ നിശ്ചിത ഗ്രേഡോ നേടി വിജയിച്ച  പട്ടികജാതി വിഭാഗം വിദ്യാർത്ഥികളിൽ നിന്നും പ്രത്യേക  പ്രോത്സാഹന സമ്മാനത്തിന്  അപേക്ഷ ക്ഷണിച്ചു. ജാതി സർട്ടിഫിക്കറ്റ്,   മാർക്ക് ലിസ്റ്റ്, ആധാർ , ബാങ്ക്  പാസ് ബുക്കിന്റെ പകർപ്പ് എന്നിവ സഹിതം ഇ - ഗ്രാന്റ്സ് 3.0 പോർട്ടൽ മുഖേന ഓൺലൈനായി അപേക്ഷിക്കണം. അപേക്ഷയുടെ  പ്രിന്റ്ഔട്ട്, അനുബന്ധ രേഖകൾ എന്നിവ ബന്ധപ്പെട്ട ബ്ലോക്ക്   പട്ടികജാതി  വികസന ഓഫീസിൽ   സമർപ്പിക്കുകയും വേണം.

വയനാട് പിഎം ശ്രീ സ്കൂൾ ജവഹര്‍ നവോദയ വിദ്യാലയത്തിൽ പിജിടി കെമിസ്ട്രി ഒഴിവുണ്ട്. 50 ശതമാനത്തിൽ കുറയാത്ത മാര്‍ക്കോടെയുള്ള എം എസ് സി കെമിസ്ട്രി അല്ലെങ്കിൽ ബയോകെമിസ്ട്രിയും ബിഎഡുമാണ് യോഗ്യത. ഒറിജിനൽ സര്‍ട്ടിഫിക്കറ്റുകൾ, ഒരു സെറ്റ് പകര്‍പ്പ്, ഒരു പാസ്പോര്‍ട്ട് സൈസ് ഫോട്ടോ എന്നിവയുമായി ഒക്ടോബര്‍ 18 രാവിലെ 10 മണിക്ക് ലക്കിടിയിലുള്ള നവോദയ വിദ്യാലത്തിൽ അഭിമുഖത്തിന് എത്തണം. ഫോൺ: 04936 298550, 298850, 9447620492.

സംസ്ഥാന ഭാഗ്യക്കുറി ക്ഷേമനിധിയിൽ അംഗമായവരുടെ മക്കൾക്കുള്ള ഈ വര്‍ഷത്തെ സ്കോളര്‍ഷിപ്പിന് അപേക്ഷ ക്ഷണിച്ചു. അംഗത്വ പാസ്ബുക്കിന്റെ ആദ്യ പേജ്, സര്‍ട്ടിഫിക്കറ്റിന്റെയും മാര്‍ക്ക് ലിസ്റ്റിന്റെയും പകര്‍പ്പ്, പഠിക്കുന്ന സ്ഥാപന മേലധികാരി നൽകുന്ന കോഴ്സ് സര്‍ട്ടിഫിക്കറ്റ് എന്നിവ സഹിതം നവംബര്‍ 20 നകം അപേക്ഷിക്കണം. കൂടുതൽ വിവരങ്ങൾക്ക് ലോട്ടറി ക്ഷേമനിധി ഓഫീസുമായി ബന്ധപ്പെടാം. ഫോൺ: 04936 203686.

പുൽപ്പള്ളി ഗ്രാമപഞ്ചായത്ത് സംഘടിപ്പിക്കുന്ന കര്‍ഷക സംഗമം ഇന്ന് (ഒക്ടോബര്‍ 16) രാവിലെ 9.30 ന് സംസ്ഥാന മൃഗസംരക്ഷണ - ക്ഷീരവികസന വകുപ്പ് മന്ത്രി ജെ ചിഞ്ചുറാണി ഉദ്ഘാടനം ചെയ്യും. വാര്‍ഷിക പദ്ധതിയിൽ ഉൾപ്പെടുത്തി പുൽപ്പള്ളി ഗ്രാമപഞ്ചായത്ത് നടപ്പാക്കുന്ന കാലിത്തീറ്റ വിതരണ പദ്ധതിയുടെയും  പന്നിപ്പനി മൂലം ജീവനോപാധികൾ നഷ്ടപ്പെട്ട കര്‍ഷകര്‍ക്കുള്ള ധനസഹായ വിതരണത്തിന്റെയും ഉദ്ഘാടനവും മന്ത്രി നിര്‍വഹിക്കും. ഐ സി ബാലകൃഷ്ണൻ എംഎൽഎ, ത്രിതല പഞ്ചായത്ത് ജനപ്രതിനിധികൾ, ഉദ്യോഗസ്ഥര്‍, കര്‍ഷകര്‍ തുടങ്ങിയവര്‍ പങ്കെടുക്കും.

ക്ഷീര വികസന വകുപ്പിന്റെയും ജില്ലയിലെ ക്ഷീര സഹകരണങ്ങളുടെയും സംയുക്താഭിമുഖ്യത്തിൽ സംഘടിപ്പിക്കുന്ന വയനാട് ജില്ലാ ക്ഷീര സംഗമം ഇന്ന് (ഒക്ടോബർ 16) കേണിച്ചിറയിൽ സംസ്ഥാന മൃഗസംരക്ഷണ ക്ഷീരവികസന വകുപ്പ് മന്ത്രി ജെ ചിഞ്ചുറാണി ഉദ്ഘാടനം ചെയ്യും. ത്രിതല പഞ്ചായത്തുകളുടെയും കേരള ഫീഡ്സ്, മിൽമ തുടങ്ങിയ സഹകരണസ്ഥാപനങ്ങളുടെ സഹകരണത്തോടെ  കേണിച്ചിറ സെന്റ് സെബാസ്റ്റ്യൻ ചര്‍ച്ച് ഓഡിറ്റോറിയത്തിൽ രാവിലെ 11 നാണ് പരിപാടി.   പട്ടികജാതി പട്ടികവര്‍ഗ പിന്നോക്ക ക്ഷേമ വകുപ്പ് മന്ത്രി ഒ ആര്‍ കേളു, ഐ സി ബാലകൃഷ്ണൻ എംഎൽഎ, ജനപ്രതിനിധികൾ, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.