ജില്ലാ സ്‌പോര്‍ട്‌സ് കൗണ്‍സില്‍ എക്‌സിക്യൂട്ടീവ് കമ്മിറ്റി തിരഞ്ഞെടുപ്പ്   ഒക്ടോബര്‍ 22 ന് രാവിലെ 10  മുതല്‍ ഉച്ചയ്ക്ക് 12 വരെ  സ്‌പോര്‍ട്സ് കൗണ്‍സില്‍ ഹാളില്‍ നടത്തുമെന്ന് റിട്ടേണിംഗ് ഓഫീസര്‍ അറിയിച്ചു.  
 

സംസ്ഥാന സര്‍ക്കാറിന്റെ ആഭിമുഖ്യത്തില്‍ തദ്ദേശ സ്വയംഭരണ വകുപ്പും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും സംയുക്തമായി സംഘടിപ്പിക്കുന്ന വികസന സദസ്സ് ഷോളയൂര്‍ ഗ്രാമ പഞ്ചായത്തില്‍ നടന്നു. വികസന സദസ്സ് ഗ്രാമ പഞ്ചായത്ത് പ്രസിഡന്റ് പി.രാമമൂര്‍ത്തി ഉദ്ഘാടനം ചെയ്തു.  കഴിഞ്ഞ അഞ്ച് വര്‍ഷത്തില്‍ പഞ്ചായത്ത് നടപ്പിലാക്കിയ സമഗ്ര വികസന പദ്ധതികള്‍ പരിപാടിയില്‍ അവതരിപ്പിച്ചു.  പരിപാടിയില്‍ ദേശീയ അംഗീകാരം നേടിയ  എഫ്.എച്ച്.സികളിലെ ജീവനക്കാര്‍ക്കും,തൊഴിലുറപ്പ്  ജീവനക്കാര്‍, കായകല്പ അവാര്‍ഡ് നേടിയ ഷോളയൂര്‍ ആയുര്‍വേദ ആശുപത്രിയിലെ ജീവനക്കാര്‍ക്കാരെയും ആദരിച്ചു.

പൊതു വിദ്യാഭ്യാസ തൊഴില്‍ വകുപ്പ് മന്ത്രി വി. ശിവന്‍കുട്ടി ഉദ്ഘാടനം ചെയ്യും

ചിറ്റൂര്‍ ജി.വി.എച്ച്.എസ്.എസ്. ബോയ്സ്, വി എച്ച് എസ് ഇ വിഭാഗം പുതിയ കെട്ടിടത്തിന്റെ ഉദ്ഘാടനം ഇന്ന് പൊതു വിദ്യാഭ്യാസ തൊഴില്‍ വകുപ്പ് മന്ത്രി വി. ശിവന്‍കുട്ടി ഉദ്ഘാടനം ചെയ്യും. വൈദ്യുതി വകുപ്പ് മന്ത്രി കെ കൃഷ്ണന്‍കുട്ടി  അധ്യക്ഷത വഹിക്കും. വൈകുന്നേരം 3 മണിക്ക് സ്‌കൂള്‍ അങ്കണത്തില്‍ വെച്ചാണ് പരിപാടി നടക്കുക.
കെ. രാധാകൃഷ്ണന്‍  എം പി, ചിറ്റൂര്‍ തത്തമംഗലം നഗരസഭ ചെയര്‍പേഴ്സണ്‍, കെ. എല്‍. കവിത എന്നിവര്‍ മുഖ്യാതിഥിയാവും.
 

മണ്ണാര്‍ക്കാട് ഐ സി ഡി എസ് പ്രൊജക്ടിന്റെ കീഴില്‍ പ്രവര്‍ത്തിക്കുന്ന അങ്കണവാടികളിലേക്ക് 2025-26 സാമ്പത്തിക വര്‍ഷത്തില്‍ പാല്‍ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ ഫോമുകള്‍ ഒക്ടോബര്‍ 25 ന് ഉച്ചയ്ക്ക് 12 വരെ ലഭിക്കും. അന്നേ ദിവസം ഉച്ചയ്ക്ക് രണ്ട് വരെ പൂരിപ്പിച്ച ഫോമുകള്‍ സ്വീകരിക്കും വൈകീട്ട് മൂന്നിന് ലഭിച്ച ടെന്‍ഡറുകള്‍ തുറക്കുമെന്ന് ശിശു വികസന പദ്ധതി ഓഫീസര്‍ അറിയിച്ചു

്അസാപ് കേരള, ഇറാം ടെക്നോളജീസുമായി ചേര്‍ന്ന് നടത്തുന്ന നാരീചക്ര കോഴ്സിലേക്ക് അപേക്ഷിക്കാം.

പട്ടികജാതി /പട്ടികവര്‍ഗ ജില്ലാതല കമ്മിറ്റി യോഗം ഇന്ന് ( ഒക്ടോബര്‍ 17) രാവിലെ 11 ന് ജില്ലാ പഞ്ചായത്ത് കൗണ്‍സില്‍ ഹാളില്‍ ചേരുമെന്ന് ജില്ലാ കളക്ടര്‍ അറിയിച്ചു.

മലമ്പുഴ സര്‍ക്കാര്‍ മൃഗസംരക്ഷണ പരിശീലന കേന്ദ്രത്തില്‍ ആട് വളര്‍ത്തല്‍ എന്ന വിഷയത്തില്‍ ഒക്ടോബര്‍ 23 ന്  രാവിലെ പത്ത് മുതല്‍ വൈകീട്ട് അഞ്ച് വരെ സൗജന്യ പരിശീലനം നല്‍കുന്നു. പരിശീലനത്തില്‍ പങ്കെടുക്കുന്നവര്‍ 0491 2815454 ല്‍ മുന്‍കൂട്ടി രജിസ്റ്റര്‍ ചെയ്യണമെന്ന് അസി. ഡയറക്ടര്‍ അറിയിച്ചു.