യുവതികളുടെ ശാക്തീകരണവും ഓക്‌സിലറി ഗ്രൂപ്പുകളുടെ വിപുലീകരണവും ലക്ഷ്യമിട്ട് കുടുംബശ്രീ നടത്തുന്ന 'ഓക്‌സെല്ലോ'

പാലക്കാട് ഇന്‍സ്റ്റിറ്റ്യൂട്ട് ഓഫ് ഇന്റഗ്രേറ്റഡ് മെഡിക്കല്‍ സയന്‍സില്‍ (ഗവ മെഡിക്കല്‍ കോളേജ്) സെപ്റ്റംബര്‍ 30ന് നടത്താനിരുന്ന ഓഡിയോളജിസ്റ്റ് തസ്തികയിലേക്കുള്ള അഭിമുഖം ഒക്ടോബര്‍ ഒന്‍പതിന് രാവിലെ 10 ന് നടത്തുമെന്ന് ഡയറക്ടര്‍ അറിയിച്ചു. ഫോണ്‍: 0491 2951010

ജില്ലാ സ്പോര്‍ട്സ് കൗണ്‍സില്‍ പ്രസിഡന്റ്, വൈസ് പ്രസിഡന്റ്, സംസ്ഥാന കൗണ്‍സിലിലേക്കുള്ള ജില്ലാ നോമിനി എന്നീ സ്ഥാനങ്ങളിലേക്കുള്ള തിരഞ്ഞെടുപ്പ് ഒക്ടോബര്‍ 14ന് രാവിലെ 10 മുതല്‍ ഉച്ചയ്ക്ക് 12 വരെ ജില്ലാ സ്പോര്‍ട്സ് കൗണ്‍സില്‍ ഓഫീസില്‍ നടക്കുമെന്ന് ജില്ലാ സ്പോര്‍ട്സ് കൗണ്‍സില്‍ ഇലക്ഷന്‍ റിട്ടേണിങ് ഓഫീസര്‍ അറിയിച്ചു.

അകത്തേത്തറ ഗ്രാമപഞ്ചായത്തില്‍ അങ്കണവാടിക്കായി മൂന്നുസെന്റ് സ്ഥലം ഗ്രാമപഞ്ചായത്തിന് വിട്ടു നല്‍കുന്നതിന് താല്‍പര്യമുള്ളവരില്‍ നിന്ന് അപേക്ഷ ക്ഷണിച്ചു. വാര്‍ഡ് 17 ഉമ്മിനി പ്രദേശത്താണ് അങ്കണവാടി നിര്‍മ്മിക്കുന്നത്. സര്‍ക്കാര്‍ നിശ്ചയിക്കുന്ന നിരക്കിലായിരിക്കണം സ്ഥലം വിട്ടു നല്‍ക്കേണ്ടത്. താല്പര്യമുള്ളവര്‍ സ്ഥലത്തിന്റെ ഭൂനികുതി അടവാക്കിയ രസീതി, കൈവശാവകാശ സര്‍ട്ടിഫിക്കറ്റ്, തണ്ടപ്പേര്‍ സര്‍ട്ടിഫിക്കറ്റ്, കുടിക്കട സര്‍ട്ടിഫിക്കറ്റ്, ഭൂമി നിലമാണെങ്കില്‍ ആയതിന്റെ തരം മാറ്റിയതിന്റെ രേഖകള്‍ എന്നിവ സഹിതം 10 ദിവസത്തിനകം ഗ്രാമപഞ്ചായത്ത് ഓഫീസില്‍ അപേക്ഷ നല്‍കണമെന്ന് സെക്രട്ടറി അറിയിച്ചു.
 

വനിത ശിശുവികസന വകുപ്പിന് കീഴിലെ ഒറ്റപ്പാലം ഐസിഡിഎസ് ഓഫീസിന്റെ ഔദ്യോഗിക ആവശ്യങ്ങള്‍ക്കായി കരാര്‍ അടിസ്ഥാനത്തില്‍ വാഹനങ്ങള്‍ (കാര്‍/ജീപ്പ്) ഉപയോഗിക്കുന്നതിന് ക്വട്ടേഷന്‍ ക്ഷണിച്ചു. പ്രതിമാസം പരമാവധി 1500 കിലോമീറ്ററിന് 35,000 രൂപ എന്ന നിരക്കിലാണ് വാടക. ക്വട്ടേഷന്‍ ഒക്ടോബര്‍ പത്തിന് ഉച്ചയ്ക്ക് രണ്ട് വരെ ഓഫീസില്‍ സ്വീകരിക്കും. അന്നേദിവസം മൂന്നിന് ടെന്‍ഡര്‍ തുറന്ന് പരിശോധിക്കും. ഫോണ്‍: 0466 2245627.

ശ്രീകൃഷ്ണപുരം സര്‍ക്കാര്‍  എഞ്ചിനീയറിങ് കോളേജില്‍ പി ടി എ, സി ജി പി യു എന്നിവയിലേക്ക് ക്ലര്‍ക്കിനെ നിയമിക്കുന്നു. ദിവസ വേതനാടിസ്ഥാനത്തിലാണ് നിയമനം. ഒക്ടോബര്‍ പത്തിന് രാവിലെ പത്തിന് ഓഫീസില്‍ കൂടിക്കാഴ്ച നടക്കും. ബി കോം വിത്ത് കോ ഓപ്പറേഷന്‍, ടാലി, ബന്ധപ്പെട്ട മേഖലയില്‍ പ്രവൃത്തി പരിചയം എന്നിവയാണ് യോഗ്യത. ഫോണ്‍: 0466 2260565, 9400006412.
 

മണ്ണാര്‍ക്കാട് അഡീഷ്ണല്‍ ഐ സി ഡി എസ് പ്രൊജക്ടിലെ കുമരംപുത്തൂര്‍ പഞ്ചായത്തില്‍ പ്രവര്‍ത്തിക്കുന്ന 38 അങ്കണവാടികളിലേക്ക് 2025-26 സാമ്പത്തിക വര്‍ഷത്തില്‍ പാല്‍ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ഒക്ടോബര്‍ ഒന്‍പത് ഉച്ചയ്ക്ക് 12 വരെ ടെന്‍ഡര്‍ ഫോമുകള്‍ ലഭിക്കും. പൂരിപ്പിച്ച ഫോമുകള്‍ അന്നേ ദിവസം ഉച്ചയ്ക്ക് രണ്ട് മണി വരെ സ്വീകരിക്കുമെന്ന് മണ്ണാര്‍ക്കാട് അഡീഷണല്‍ ശിശുവികസന പദ്ധതി ഓഫീസര്‍ അറിയിച്ചു.
 

പാലക്കാട് ജില്ലാ എംപ്ലോയ്‌മെന്റ് എക്‌സ്‌ചേഞ്ച്/ എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ ഒക്ടോബര്‍ 18 ന് കുഴല്‍മന്ദം കോട്ടായി ഐ എച്ച് ആര്‍ ഡി കോളേജില്‍ നിയുക്തി തൊഴില്‍മേള സംഘടിപ്പിക്കുന്നു.  പങ്കെടുക്കാന്‍ താല്പര്യമുള്ളവര്‍ ഒക്ടോബര്‍ 13 ന് മുന്‍പ് പാലക്കാട് ജില്ലാ എംപ്ലോയ്‌മെന്റ് എക്‌സ്‌ചേഞ്ച് / എംപ്ലോയബിലിറ്റി സെന്ററുമായി ബന്ധപ്പെടണം. ഫോണ്‍: 0491 2505435.