അഞ്ച് വയസ്സില്‍ താഴെയുള്ള 4,20,139 കുട്ടികള്‍ക്ക് തുള്ളിമരുന്ന് നല്‍കുക ലക്ഷ്യം

പൾസ് പോളിയോ ദിനമായ ഇന്ന് (ഞായർ) അഞ്ചു വയസിൽ താഴെയുള്ള കുട്ടികൾക്കുള്ള പോളിയോ തുള്ളി മരുന്ന് വിതരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് എം.കെ. റഫീഖ നിർവഹിച്ചു. പെരിന്തൽമണ്ണ ജില്ലാ ആശുപത്രിയിലാണ് ജില്ലാതല ഉദ്ഘാടനം നടന്നത്.

മഞ്ചേരി ബസ് ബേ കം ഷോപ്പിംഗ് കോംപ്ലക്സ് നാടിന് സമര്‍പ്പിച്ചു.

മഞ്ചേരിയുടെ ഹൃദയ ഭാഗത്ത് ചരിത്ര സ്മരണങ്ങള്‍ ഉണര്‍ത്തി ആധുനിക രീതിയില്‍ പുനര്‍നിര്‍മിച്ച ബസ്സ് ബേ കം ഷോപ്പിങ് കോംപ്ലക്സ്  പ്രതിപക്ഷ നേതാവ് വി.ഡി. സതീശന്‍ ഉദ്ഘാടനം ചെയ്തു. മഞ്ചേരി സെന്‍ട്രല്‍ ജംഗ്ഷനില്‍ 9.5 കോടി രൂപ ചിലവിലാണ് ഷോപ്പിംഗ് കോംപ്ലക്സ് നിര്‍മ്മിച്ചത്. യു.എ. ലത്തീഫ് എം.എല്‍.എ അധ്യക്ഷത വഹിച്ചു. ഇത്തരത്തിലുള്ള വികസന പ്രവര്‍ത്തനങ്ങളാണ്് ആധികാരിക വികസനത്തിന് തുടക്കം കുറിക്കുന്നതെന്ന് അദ്ദേഹം പറഞ്ഞു.

കുടുംബശ്രീ ജില്ലാ മിഷന്‍ നിലമ്പൂര്‍ പട്ടികവര്‍ഗ പ്രത്യേക പദ്ധതിയുമായി ബന്ധപ്പെട്ട് അക്കൗണ്ടന്റ് തസ്തികയിലേക്ക് താത്ക്കാലിക നിയമനം നടത്തുന്നതിന് അപേക്ഷ ക്ഷണിച്ചു. യോഗ്യത: ബി.കോം ബിരുദം,ടാലി. രണ്ട് വര്‍ഷത്തില്‍ കുറയാത്ത അക്കൗണ്ടിങ് പ്രവൃത്തി പരിചയവും മലയാളം ടൈപ്പിങ്ങും അറിഞ്ഞിരിക്കണം. നിലമ്പൂര്‍, കാളികാവ്, വണ്ടൂര്‍, അരീക്കോട് ബ്ലോക്ക് പരിധിയിലുള്ള പട്ടിക വര്‍ഗ വിഭാഗത്തിലെ ഉദ്യോഗാര്‍ത്ഥികള്‍ക്ക് മുന്‍ഗണന. പ്രായം 2025 സെപ്റ്റംബര്‍ 30ന് 35 വയസ് കവിയാന്‍ പാടില്ല.

വ്യാജ ജോലി വാഗ്ദാനത്തില്‍ കേരളത്തില്‍ എത്തി ഒറ്റപ്പെട്ടുപോയ അസം സ്വദേശിനിയ്ക്ക് അഭയമായി സഖി വണ്‍ സ്റ്റോപ്പ് സെന്റര്‍. കഴിഞ്ഞ മാസം 28നാണ് അസം സ്വദേശിനിയായ 48 കാരി ജോലി തേടി കേരളത്തില്‍ എത്തിയത്. എന്നാല്‍ തനിക്ക് വാഗ്ദാനം ചെയ്ത ജോലിയല്ല ലഭിച്ചതെന്ന് മനസ്സിലാക്കിയ ഇവര്‍ സംഘത്തിലുള്ളവരുമായി അഭിപ്രായ വ്യത്യാസത്തിലായി. പൊലീസ് ഇടപെട്ടാണ് അവരെ വാടകവീട്ടില്‍ നിന്നും പെരിന്തല്‍മണ്ണയിലെ സഖി വണ്‍ സ്റ്റോപ്പ് സെന്ററില്‍ എത്തിച്ചത്.

എടവണ്ണ ബ്ലോക്ക് കുടുംബാരോഗ്യ കേന്ദ്രത്തിന്റെ പ്രവര്‍ത്തന പരിധിയിലുള്ള സ്ഥലങ്ങളില്‍ നവംബര്‍ ഒന്നു മുതല്‍ 2016 ഒക്ടോബര്‍ 31 വരെ എന്‍.എച്ച്.എം ട്രൈബല്‍ മൊബൈല്‍ യൂണിറ്റ് പ്രോഗ്രാം നടത്തുന്നതിനായി ഫോര്‍വീല്‍ ഡ്രൈവ്  പെട്രോള്‍/ഡീസല്‍ ടാക്‌സി വാഹനം ഡ്രൈവര്‍ സഹിതം പ്രതിമാസ വാടകക്ക് ലഭ്യമാക്കുന്നതിന് ദര്‍ഘാസ് ക്ഷണിച്ചു. 1400 സിസിയില്‍ കുറയാത്ത എഞ്ചിന്‍ കപ്പാസിറ്റിയുള്ള അഞ്ച് വര്‍ഷത്തിനുള്ളില്‍ രജിസ്റ്റര്‍ ചെയ്തിട്ടുള്ള വാഹനമായിരിക്കണം. ദര്‍ഘാസുകള്‍ 23ന് രാവിലെ 11 മണിവരെ എടവണ്ണ ബി.എഫ്.എച്ച്.സി ഓഫീസില്‍ സ്വീകരിക്കും. ഫോണ്‍-0483 2701029.

ലോക മാനസികാരോഗ്യ ദിനാചരണത്തിന്റെ ഭാഗമായി മഹാകവി മോയിന്‍കുട്ടി വൈദ്യര്‍ മാപ്പിള കലാ അക്കാദമിയും, മാനസികാരോഗ്യ പരിചരണ മേഖലയില്‍ പ്രവര്‍ത്തിക്കുന്ന 'ദ ബാനിയന്‍' എന്ന സന്നദ്ധ സംഘടനയും സംയുക്തമായി ത്രിദിന ചലച്ചിത്രോത്സവം സംഘടിപ്പിക്കുന്നു.

കുടുംബശ്രീ ജില്ലാ മിഷന് കീഴിലെ പട്ടികവര്‍ഗ്ഗ സുസ്ഥിര വികസന പദ്ധതിയില്‍ ഒഴിവുള്ള അനിമേറ്റര്‍ കോ-ഓര്‍ഡിനേറ്റര്‍ തസ്തികയിലേക്ക് അപേക്ഷ ക്ഷണിച്ചു. ഡിഗ്രിയും ട്രൈബല്‍ മേഖലയില്‍ മൂന്നു വര്‍ഷത്തെ പ്രവൃത്തി പരിചയവുമാണ് യോഗ്യത. 25നും 40നും മധ്യേയുള്ള (2025 ഒക്ടോബര്‍ 1 ന്) പട്ടിക വര്‍ഗ്ഗ വിഭാഗത്തില്‍പെട്ടവരും മലപ്പുറം ജില്ലയില്‍ താമസിക്കുന്നവരും കുടുംബശ്രീ അയല്‍ക്കൂട്ടത്തിലെ അംഗമോ/കുടുംബാംഗമോ, ഓക്സിലറി ഗ്രൂപ്പ് അംഗമോ ആയവര്‍ക്ക് അപേക്ഷിക്കാം.

അസാപ് കമ്മ്യൂണിറ്റി സ്‌കില്‍ പാര്‍ക്ക് ന്യൂനപക്ഷ വിഭാഗത്തില്‍പ്പെട്ടവര്‍ക്ക് സൗജന്യ തൊഴില്‍ പരിശീലനം നല്‍കുന്നു. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് പവര്‍ ഇലക്ട്രോണിക് സര്‍വീസ് ടെക്നീഷ്യനായി നിയമനം ലഭിക്കും. ഫോണ്‍-9495999658.

പെരിന്തല്‍മണ്ണ ജില്ലാ ആശുപത്രിയില്‍ പഴയ ബ്ലോക്കിലെയും മാതൃശിശു ബ്ലോക്കിലെയും പാര്‍ക്കിങിനായി നിശ്ചയിച്ചിരിക്കുന്ന സ്ഥലത്ത് എച്ച്.എം.സി നിശ്ചയിച്ച പാര്‍ക്കിംങ ഫീസ് ഈടാക്കി വാഹനങ്ങള്‍ പാര്‍ക്ക് ചെയ്യുന്ന പ്രവൃത്തി 2025 നവംബര്‍ ഒന്നുമുതല്‍ 2026 ഒക്ടോബര്‍ 31 വരെയുള്ള കാലയളവിലേക്ക് ഏറ്റെടുത്തു നടത്താന്‍ താത്പര്യമുള്ള അംഗീകൃത ഏജന്‍സികള്‍ വ്യക്തികള്‍ എന്നിവരില്‍ നിന്ന്  ദര്‍ഘാസുകള്‍ ക്ഷണിച്ചു. ദര്‍ഘാസുകള്‍ ഒക്ടോബര്‍ 24ന് ഉച്ചക്ക് മൂന്ന് വരെ സ്വീകരിക്കും.ഫോണ്‍- 9495999304.

കായിക മേഖലയില്‍ മലപ്പുറത്തിന്റെ മുന്നേറ്റത്തിന് കരുത്തേകി ജില്ലാ സ്പോര്‍ട്സ് കൗണ്‍സിലിന് പുതിയ ആസ്ഥാന മന്ദിരം വരുന്നു. കായിക വകുപ്പ് മന്ത്രി വി അബ്ദുറഹിമാന്‍ ഓണ്‍ലൈനായി കെട്ടിടത്തിന്റെ ശിലാസ്ഥാപനം നിര്‍വ്വഹിച്ചു. ആദ്യഘട്ടത്തില്‍ 1.6 കോടി രൂപ ചെലവില്‍ 3048 സ്‌ക്വയര്‍ ഫീറ്റിലാണ് പുതിയ മന്ദിരം നിര്‍മ്മിക്കുക.