അരീക്കോട് ഗവ. ഐ.ടി.ഐയില്‍ ഫിറ്റര്‍, സര്‍വ്വെയര്‍, വുഡ് വര്‍ക്ക് ടെക്നീഷ്യന്‍ എന്നീ ട്രേഡുകളില്‍ ഏതാനും സീറ്റുകള്‍ ഒഴിവുണ്ട്. താല്‍പ്പര്യമുളളവര്‍ ഒക്ടോബര്‍ 15ന് രാവിലെ 10 ന് സ്പോട്ട് അഡ്മിഷന് നേരിട്ട് ഹാജരാകണം. അപേക്ഷ ഫീസ് 100 രൂപ. ഫോണ്‍ 0483 2850238

മലപ്പുറം നാഷണല്‍ ഹെല്‍ത്ത് മിഷന്‍ ഓഫീസിലേക്ക് എട്ട്‌ വാഹനങ്ങള്‍ ഒരുവര്‍ഷത്തേക്ക് പ്രതിമാസ വാടകക്ക് എടുക്കുന്നതിന് ഇ ടെന്‍ഡർ ക്ഷണിച്ചു. ടെന്‍ഡറുകള്‍ http://etenders.kerala.gov.in എന്ന വെബ്‌സൈറ്റ് വഴി ഒക്ടോബര്‍ 17ന് രാവിലെ 11 വരെ സമര്‍പ്പിക്കാം. കൂടുതല്‍ വിവരങ്ങള്‍ക്ക്-7356218029, 9946100464

മലപ്പുറം ജില്ലാ സ്‌പോര്‍ട്‌സ് കൗണ്‍സിലിന്റെ പുതിയ ആസ്ഥാന മന്ദിരത്തിന്റെ ശിലാസ്ഥാപനം ഒക്ടോബര്‍ 13ന് നടക്കും. മലപ്പുറം സിവില്‍ സ്റ്റേഷനില്‍ രാവിലെ പത്തിന് കായിക വകുപ്പ് മന്ത്രി വി. അബ്ദുറഹ്‌മാന്‍ ശിലാസ്ഥാപനം നിര്‍വഹിക്കും.  പി. ഉബൈദുള്ള എം.എൽ എ അധ്യക്ഷത വഹിക്കും. ഒരു കോടി ആറര ലക്ഷം രൂപയാണ് പുതിയ ആസ്ഥാന മന്ദിരത്തിന്റെ നിര്‍മ്മാണത്തിന് സംസ്ഥാന സര്‍ക്കാര്‍ അനുവദിച്ചിരിക്കുന്നത്.

മലപ്പുറം ദേശീയാരോഗ്യദൗത്യത്തിന്റെ കീഴില്‍ ഒരു വര്‍ഷത്തേക്ക് വിവിധ പരിശീലന പരിപാടികള്‍ (താമസ സൗകര്യത്തോടെയും അല്ലാതെയും) നടത്തുന്നതിനായി മികച്ച സൗകര്യമുളള ഹോട്ടലുകള്‍, ട്രെയിനിങ് സെന്ററുകള്‍, റിസോട്ടുകള്‍ എന്നിവയെ എംപാനല്‍ ചെയ്യാന്‍ അപേക്ഷകള്‍ ക്ഷണിച്ചു. ഒക്ടോബര്‍ 20ന് വൈകിട്ട് നാല് വരെ അപേക്ഷ സ്വീകരിക്കും. ഫോണ്‍-8589009577

പൊന്നാനി സ്ത്രീകളുടെയും കുട്ടികളുടെയും ആശുപത്രിയില്‍ ദിവസവേതനാടിസ്ഥാനത്തില്‍ സ്റ്റാഫ് നഴ്‌സിനെ നിയമിക്കുന്നു. പ്ലസ്ടു, ഗവ. അംഗീകൃത ജിഎന്‍എം കോഴ്‌സ്/ബി.എസ്.സി നഴ്‌സിംഗ് കൗണ്‍സില്‍ രജിസ്‌ട്രേഷന്‍, പ്രവൃത്തി പരിചയം എന്നിവയുള്ളവര്‍ക്ക് അപേക്ഷിക്കാം.

യോഗ്യരായ ഉദ്യോഗാര്‍ത്ഥികള്‍ വിദ്യാഭ്യാസ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പും ആധാര്‍ കോപ്പിയുമായി ഒക്ടോബര്‍ 17ന് രാവിലെ 10.30 ന് ആശുപത്രി ഓഫീസില്‍ നടക്കുന്ന വാക്ക് ഇന്‍ ഇന്റര്‍വ്യൂവിന് നേരിട്ട് ഹാജരാകണം.

ഗവ. പോളിടെക്നിക് കോളേജ് മഞ്ചേരിയിലെ കണ്ടിന്യൂയിങ് എഡ്യൂക്കേഷന്‍ സെല്ലില്‍ ക്ലര്‍ക്കിനെ നിയമിക്കുന്നു. താത്പര്യമുള്ള പത്താം ക്ലാസ് വിജയിച്ച കമ്പ്യൂട്ടര്‍ പരിജ്ഞാനമുള്ളവര്‍ ഒക്ടോബര്‍ 14ന് രാവിലെ 10ന് മഞ്ചേരി ഗവ. പോളിടെക്‌നികില്‍  നേരിട്ട് എത്തണം. സമീപവാസികള്‍ക്കും സര്‍ക്കാര്‍ സേവന ക്ലറിക്കല്‍ ജോലിയില്‍ മുന്‍ പരിചയമുള്ളവര്‍ക്കും മുന്‍ഗണന. കൂടുതല്‍ വിവരങ്ങള്‍ക്ക് 9846581939.

ലോക മാനസികാരോഗ്യ ദിനത്തിന്റെ ഭാഗമായി ജില്ലാ തല ഉദ്ഘാടനവും കലാപരിപാടിയും മലപ്പുറം കുന്നുമ്മലില്‍ നടന്നു. ജില്ലാ കലക്ടറുടെ വസതിക്ക് സമീപത്ത് നിന്ന് ആരംഭിച്ച റാലിയോടെയാണ് ചടങ്ങിന് തുടക്കമായത്. ജില്ലാ മെന്റല്‍ ഹെല്‍ത്ത് ലോക മാനസികാരോഗ്യ ദിനം: ജില്ലാ തല ഉദ്ഘാടനവും കലാപരിപാടിയും നടന്നു

കാർഷിക വികസന- കർഷകക്ഷേമ വകുപ്പിന്റെ 'നിറവ് 2025 ' കിസാൻ മേളയ്ക്ക് താനാളൂരിൽ തുടക്കമായി. താനാളൂർ ഗ്രാമപഞ്ചായത്ത് ഓഫീസ് പരിസരത്ത് നടക്കുന്ന പരിപാടി കായിക -ന്യൂനപക്ഷ ക്ഷേമ- വഖഫ് വകുപ്പ് മന്ത്രി വി. അബ്ദുറഹ്മാൻ ഉദ്ഘാടനം ചെയ്തു. കൃഷി വകുപ്പിന്റെ ഭാരതീയ പ്രകൃതി കൃഷി പദ്ധതിയുടെയും അഗ്രികൾച്ചറൽ ടെക്നോളജി മാനേജ്മെന്റ് ഏജൻസി പദ്ധതിയുടെയും ഭാഗമായി കിസാൻ കർഷക ഫീൽഡ് ഡേയും ഉൾചേർത്തുകൊണ്ടുള്ള പരിപാടിയാണ് 'നിറവ് 2025.  

സംസ്ഥാന സർക്കാരിന്റെ കേരള ഖരമാലിന്യ പരിപാലന പദ്ധതി പൂർത്തിയാകുന്ന ആദ്യ നഗരസഭയായി മലപ്പുറം

രാജ്യത്ത് ആദ്യമായി ഗവൺമെൻറ് മേഖലയിൽ സമ്പൂർണ്ണമായി എയർകണ്ടീഷൻ ചെയ്ത മോഡേൺ ഹൈടെക് സ്കൂൾ മലപ്പുറം നഗരസഭയിൽ നിർമ്മാണം പൂർത്തിയായി. മേൽമുറി മുട്ടിപ്പടി ഗവ.എൽ.പി.സ്കൂളിലാണ് സമ്പൂർണമായും എയർ കണ്ടീഷൻ ചെയ്ത പുതിയ കെട്ടിടം നിർമിച്ചത്. കെട്ടിടത്തിന്റെ ഉദ്ഘാടനം ഒക്ടോബർ 19ന് വൈകുന്നേരം നാലിന് ഇ.ടി. മുഹമ്മദ് ബഷീർ എം.പി. നിർവഹിക്കും.