സാമ്പത്തിക വർഷത്തിന്റെ ജൂണിൽ അവസാനിച്ച ഒന്നാം പാദത്തിൽ  ജില്ലയിൽ 9467കോടി രൂപ   വായ്പ നൽകിയതായി ജില്ലാതല ബാങ്കിംഗ് അവലോകന സമിതി യോഗം അറിയിച്ചു.  
കോട്ടയം ലീഡ് ബാങ്ക് എസ്ബിഐയുടെ ആഭിമുഖ്യത്തിൽ  ചേർന്ന  യോഗം  അഡ്വ. കെ. ഫ്രാൻസിസ് ജോർജ് എം.പി. ഉദ്ഘാടനം ചെയ്തു. ജില്ലാ കളക്ടർ ചേതൻ കുമാർ മീണ അധ്യക്ഷത വഹിച്ചു. എസ്ബിഐ കോട്ടയം റീജണൽ മാനേജർ പ്രദീപ് ചന്ദ്രൻ, ലീഡ് ഡിസ്ട്രിക്ട് മാനേജർ രാജു ഫിലിപ്പ് , ആർ.ബി.ഐ എൽ.ഡി.ഒ: എം. മുത്തുകുമാർ., എസ്.ബി.ഐ. ലീഡ് ഡിസ്ട്രിക് ഓഫീസർ ഡി. അനിൽ എന്നിവരും ജില്ലയിലെ വിവിധ ബാങ്കുകളുടെ മേധാവികളും വിവിധ സർക്കാർ വകുപ്പുകളുടെ പ്രതിനിധികളും സംസാരിച്ചു. 
 

കാസര്‍കോട് എംപ്ലോയ്‌മെന്റ് എക്‌സ്‌ചേഞ്ചും എംപ്ലോയിബിലിറ്റി സെന്ററും സംയുക്തമായി മുന്നാട് പീപ്പിള്‍ കോ-ഓപ്പറേറ്റീവ് ആര്‍ട്സ് ആന്‍ഡ് സയന്‍സ് കോളേജില്‍ സെപ്തംബര്‍ 27ന്  രാവിലെ 9.30 മുതല്‍ മിനി ജോബ് ഫെസ്റ്റ് സംഘടിപ്പിക്കും. വിവിധ സ്ഥാപനങ്ങളിലെ വിവിധ ഒഴിവുകളിലേക്കായി 1000ല്‍ അധികം ഒഴിവുകളുണ്ട്. പങ്കെടുക്കുന്നതിന് https://linktr.ee/employabilitycentreksd എന്ന ലിങ്കില്‍  രജിസ്റ്റര്‍ ചെയ്യണം. ഫോണ്‍- 9207155700.
 

വിദ്യാനഗറില്‍ ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയിബിലിറ്റി സെന്ററില്‍ ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയിബിലിറ്റി സെന്ററില്‍ സെപ്തംബര്‍ 20ന് രാവിലെ പത്ത് മുതല്‍ മിനി ജോബ് ഡ്രൈവ് സംഘടിപ്പിക്കും. വിവിധ സ്ഥാപനങ്ങളിലേക്കായി മാര്‍ക്കറ്റിംഗ് മാനേജര്‍, മാര്‍ക്കറ്റിംഗ് എക്സിക്യൂട്ടീവ് , ഭീമ സഖി, മാനേജര്‍, ഫിനാന്‍ഷ്യല്‍ അഡൈ്വസര്‍, ടെലി കോളര്‍ തസ്തികകിള്‍ലക്കായി 50ല്‍ അധികം ഒഴിവുകളുണ്ട്. എംപ്ലോയബിലിറ്റി സെന്ററില്‍ രജിസ്റ്റര്‍ ചെയ്തവര്‍ക്കാണ് അവസരം. രജിസ്റ്റര്‍ ചെയ്യാത്ത ഉദ്യോഗാര്‍ത്ഥികള്‍ അന്നേ ദിവസം രാവിലെ പത്ത് മുതല്‍ രജിസ്റ്റര്‍ ചെയ്യാം. ഫോണ്‍- 9207155700.
 

കോടതി പിഴ ഈടാക്കുന്നതിലേക്കായി ജപ്തി ചെയ്ത മണ്ണാര്‍ക്കാട് താലൂക്കിലെ കാരകുറിശ്ശി വില്ലേജില്‍ 148/1 ബി2-18 സര്‍വെ നമ്പരില്‍ പെട്ട 0.0440 ഹെക്ടര്‍ ഭൂമി ഒക്ടോബര്‍ 22ന് രാവിലെ 11ന് കാരകുറിശ്ശി വില്ലേജ് ഓഫീസില്‍ വെച്ച് ലേലം ചെയ്യുമെന്ന് മണ്ണാര്‍ക്കാട് തഹസില്‍ദാര്‍ അറിയിച്ചു.

കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയില്‍ അംഗങ്ങളായ തൊഴിലാളികളുടെ മക്കള്‍ക്ക് 2025-26 അധ്യയന വര്‍ഷത്തെ വിദ്യാഭ്യാസ ആനൂകൂല്യത്തിന് അപേക്ഷ സമര്‍പ്പിക്കുന്നതിനുള്ള അവസാന തീയതി ഒക്ടോബര്‍ പത്ത് വരെ നീട്ടിയതായി ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍: 0491 2505358

ചെറുവത്തൂര്‍ സാമൂഹികാരോഗ്യ കേന്ദ്രത്തില്‍ ബ്ലോക്ക് പഞ്ചായത്ത് പദ്ധതിയില്‍ ഡോക്ടറെ നിയമിക്കുന്നതിനുള്ള കൂടിക്കാഴ്ച്ച സെപ്തംബര്‍ 20ന് രാവിലെ പത്തിന് ചെറുവത്തൂര്‍ സാമൂഹികാരോഗ്യ കേന്ദ്രത്തില്‍ നടക്കും. യോഗ്യത - എം.ബി.ബി.എസ്, കേരള മെഡിക്കല്‍ കൗണ്‍സില്‍ രജിസ്ട്രേഷന്‍. ഫോണ്‍- 0467 2261270.

എംപ്ലോയീസ് പ്രൊവിഡണ്ട് ഫണ്ട് ഓര്‍ഗനൈസേഷനും സ്റ്റേറ്റ് ഇന്‍ഷുറന്‍സ് കോര്‍പ്പറേഷനും സംയുക്തമായി നടത്തുന്ന നിധി ആപ്കെ നികട്-ജില്ല വ്യാപന പദ്ധതി എന്ന ഗുണഭോക്താക്കള്‍ക്കായുള്ള പ്രതിമാസ പരാതി പരിഹാര സമ്പര്‍ക്ക പരിപാടി  സെപ്തംബര്‍ 29ന് രാവിലെ 9.30 മുതല്‍ നടത്തും. കാസര്‍കോട് കളക്ടറേറ്റ് മെയിന്‍ കോണ്‍ഫറന്‍സ് ഹാളില്‍ നടക്കുന്ന പരിപാടിയില്‍ താല്‍പര്യമുള്ളവര്‍ രേഖകള്‍ സഹിതം ഹാജരാകണം.

ജില്ലാ വികസന സമിതി യോഗം സെപ്റ്റംബർ 27ന് ശനിയാഴ്ച രാവിലെ 10 30 ന് കലക്ടറേറ്റ് കോൺഫറൻസ് ഹാളിൽ ചേരും.