കേരള സംസ്ഥാന യുവജനക്ഷേമ ബോര്‍ഡിന്റെയും പുതുക്കോട് ഗ്രാമപഞ്ചായത്തിന്റെയും നേതൃത്വത്തില്‍ സംഘടിപ്പിക്കുന്ന കേരളോത്സവം 2025-ന് പുതുക്കോട് സര്‍വ്വജന ഹയര്‍ സെക്കന്‍ഡറി സ്‌കൂളില്‍ തുടക്കമായി. ക്രിക്കറ്റ് മത്സരത്തോടെയാണ് ഈ വര്‍ഷത്തെ കായികോത്സവം തുടങ്ങിയത്. ആലത്തൂര്‍ ബ്ലോക്ക് പഞ്ചായത്ത് വൈസ് പ്രസിഡന്റ് കെ.സി. ബിനു കേരളോത്സവം ഉദ്ഘാടനം ചെയ്തു. കേരളോത്സവത്തിന്റെ ഭാഗമായുള്ള കലാമത്സരങ്ങള്‍ സെപ്റ്റംബര്‍ 21 ന് മണപ്പാടം എന്‍.യു.പി.എസില്‍ നടക്കും. അന്നേദിവസം അത്‌ലറ്റിക്, കബഡി, വോളിബോള്‍ എന്നീ മത്സരങ്ങളും 22 ന് ഫൂട്ബോള്‍ മത്സരവും പുതുക്കോട് എസ്.ജെ.എച്ച്.എസ്.എസില്‍ നടക്കും.

പാലക്കാട് റവന്യൂ ജില്ലയിലെ 2025-27 വര്‍ഷത്തെ ഡി.എല്‍.എഡ് പ്രവേശനത്തിനുള്ള അഭിമുഖം സെപ്റ്റംബര്‍ 23നും 24നും പാലക്കാട് കൈറ്റില്‍ (ജി.എല്‍.പി.എസ് സുല്‍ത്താന്‍ പേട്ട) നടക്കും. ഗവ/എയ്ഡഡ്  മലയാളം/തമിഴ് കോഴ്സുകളിലേക്കുള്ള പ്രവേശനത്തിനുള്ള അഭിമുഖമാണ് നടക്കുക.
തിരഞ്ഞെ ലിസ്റ്റ്, സമയക്രമം എന്നിവ ddepalakkad.wordpress.com  ല്‍ ലഭിക്കും. ഫോണ്‍: 0491-2505469
 

പഠനത്തോടൊപ്പം തൊഴില്‍ നൈപുണ്യവും വളര്‍ത്തുകയെന്ന ലക്ഷ്യത്തോടെ അധ്യാപകര്‍ക്കായി പരിശീലന ക്ലാസ് സംഘടിപ്പിച്ചു. കൊല്ലങ്കോട് ഉപജില്ലയിലെ പ്രവൃത്തി പരിചയ അധ്യാപകര്‍ക്കാണ് പരിശീലന ക്ലാസ് നടത്തിയത്. പോട്ടറി പെയിന്റിങ് ഇനത്തിലാണ് പരിശീലനം നല്‍കിയത്. ഈ വര്‍ഷത്തെ പ്രവൃത്തി പരിചയ മത്സരങ്ങളില്‍ ഉള്‍പ്പെടുത്തിയിട്ടുള്ള എട്ട് ഇനങ്ങളില്‍ ഒന്നാണ് മണ്‍പാത്രങ്ങളിലെ പെയിന്റിങ്. മണ്‍പാത്ര പെയിന്റിങ്ങില്‍ സംസ്ഥാനതല പരിശീലനം നേടിയ  അധ്യാപകരാണ് ക്ലാസിന് നേതൃത്വം നല്‍കിയത്.

സംസ്ഥാന വനിതാ കമ്മീഷനില്‍ നിലവില്‍ ഒഴിവുള്ള ഒരു അസിസ്റ്റന്റ് തസ്തികയിലേക്ക്  ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സര്‍വീസില്‍ സമാന തസ്തികയില്‍ ജോലി ചെയ്യുന്നവരില്‍ നിന്നും അപേക്ഷ ക്ഷണിച്ചു. 39,300-83,000  ശമ്പള സ്‌കെയിലില്‍ സേവനമനുഷ്ഠിക്കുന്നവര്‍ക്ക് അപേക്ഷിക്കാം.
നിശ്ചിത ഫോറത്തിലുള്ള അപേക്ഷ, നിരാക്ഷേപപത്രം സഹിതം, മേലധികാരി മുഖേന മെമ്പര്‍ സെക്രട്ടറി, കേരള വനിതാ കമ്മീഷന്‍, പി.എം.ജി, പട്ടം.പി.ഒ, തിരുവനന്തപുരം 695004 എന്ന വിലാസത്തില്‍ സെപ്റ്റംബര്‍ 30 നകം ലഭിക്കേണ്ടതാണ്. ഫോണ്‍: 0471 2303659
 

സംസ്ഥാന വനിതാ കമ്മീഷന്‍ അംഗം വി.ആര്‍ മഹിളാമണിയുടെ നേതൃത്വത്തില്‍ കളക്ടറേറ്റ് കോണ്‍ഫറന്‍സ് ഹാളില്‍ നടന്ന വനിതാ കമ്മീഷന്‍ അദാലത്തില്‍ 36 പരാതികള്‍ പരിഗണിച്ചു. ഒരു പരാതി തീര്‍പ്പാക്കി. ഒരു പരാതിയില്‍ എസ്.പി റിപ്പോര്‍ട്ട് തേടി. രണ്ട് പരാതികള്‍ പൊലീസ് റിപ്പോര്‍ട്ടിനായി നല്‍കി. 32 പരാതികള്‍ അടുത്ത സിറ്റിങ്ങിലേക്ക് മാറ്റിവെച്ചു.

പെരുങ്ങോട്ടുകുറിശ്ശി ഗ്രാമ പഞ്ചായത്തിലെ കേരളോത്സവം സെപ്റ്റംബര്‍ 20 മുതല്‍ നടക്കും. പങ്കെടുക്കുന്ന മത്സരാര്‍ത്ഥികള്‍ സെപ്റ്റംബര്‍ 19 ന് ഉച്ചക്ക് ഒന്നിനകം ഓണ്‍ലൈന്‍ രജിസ്‌ട്രേഷന്‍ പൂര്‍ത്തിയാക്കണമെന്ന് സെക്രട്ടറി അറിയിച്ചു. കൂടുതല്‍ വിവരങ്ങള്‍ക്ക് ഗ്രാമ പഞ്ചായത്ത് ഓഫീസുമായി ബന്ധപ്പെടണം. ഫോണ്‍: 04922 216233.

ജില്ലാ തല ഹിയറിങ്ങില്‍ 27 പരാതികള്‍ തീര്‍പ്പാക്കി

പിന്നാക്ക സമുദായങ്ങളില്‍പ്പെട്ട (ഒ.ബി.സി) ഉദ്യോഗാര്‍ത്ഥികള്‍ക്ക് കേന്ദ്ര- സംസ്ഥാന സര്‍വീസിലും പൊതുമേഖലാ സ്ഥാപനങ്ങളിലും ജോലി ലഭിക്കുന്നതിനുള്ള വിവിധ മത്സര യോഗ്യത പരീക്ഷാ പരിശീലനങ്ങള്‍ക്ക്  പിന്നാക്ക വിഭാഗ വികസന വകുപ്പ് മുഖേന ധനസഹായം നല്‍കുന്ന എംപ്ലോയബിലിറ്റി എന്‍ഹാന്‍സ്മെന്റ് പ്രോഗ്രാം പദ്ധതിയ്ക്ക് അപേക്ഷ ക്ഷണിച്ചു.

കാസര്‍കോട് ജില്ലാ ടി.ബി സെന്ററിലേക്ക് അടിയന്തിര മരുന്നുകള്‍, അടിയന്തിര ലാബ് ഐറ്റംസ്, പ്രിന്റിംഗ് ലാബ് ഫോമുകള്‍, രജിസ്റ്ററുള്‍ എന്നിവ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ലഭിക്കേണ്ട അവസാന തീയതി സെപ്തംബര്‍ 25 ഉച്ചക്ക് 12. ഉച്ചക്ക് 2.30ന് ക്വട്ടേഷന്‍ തുറക്കും. ക്വട്ടേഷന്‍ അയക്കേണ്ട മേല്‍ വിലാസം ജില്ലാ ടി.ബി ഓഫീസര്‍, ജില്ലാ ടിബി സെന്റര്‍, കാസര്‍കോട്. ഫോണ്‍- 04994 222480.
 

മലബാര്‍ ദേവസ്വം ബോര്‍ഡിന്റ കീഴില്‍ കയ്യാര്‍ ശ്രീ ജനാര്‍ദ്ധന ക്ഷേത്രം, വോര്‍ക്കാടി കൂട്ടത്താജെ ശ്രീ ഉള്ളാളത്തി അമ്മനവരു ദൈവസ്ഥാനം, ബായാര്‍  ശ്രീ പഞ്ചലിംഗേശ്വര ക്ഷേത്രം,  ഇച്ചിലങ്കോട്  കോമറു ശ്രീ ചാമുണ്ഡേശ്വരി ക്ഷേത്രം എന്നിവിടങ്ങളില്‍ അഞ്ച് പാരമ്പര്യേതര ട്രസ്റ്റിമാരുടെ ഒഴിവുകളിലേക്ക് അപേക്ഷ ക്ഷണിച്ചു.  അപേക്ഷകള്‍ മലബാര്‍ ദേവസ്വം ബോര്‍ഡ് കാസര്‍കോട് ഡിവിഷന്‍ നീലേശ്വരത്തുള്ള അസിസ്റ്റന്റ് കമ്മീഷണറുടെ ഓഫീസില്‍ സെപ്തംബര്‍ 30നകം ലഭിക്കണം. അപേക്ഷ ഫാറം വെബ് സൈറ്റില്‍ നിന്നും അസിസ്റ്റന്റ് കമ്മീഷണറുടെ ഓഫീസില്‍ നിന്നും ലഭിക്കും.