പാലക്കാട്, മരുതറോഡ് ഗവ.ടെക്നിക്കല്‍ ഹൈസ്‌കൂളിന് കീഴില്‍ പ്രവര്‍ത്തിക്കുന്ന പാലക്കാട്, അഗളി ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ്ങില്‍ ഇംഗ്ലീഷ് അധ്യാപകരെ നിയമിക്കുന്നു. ദിവസവേതനാടിസ്ഥാനത്തില്‍ താല്‍കാലികമായാണ് നിയമനം. എം.എ, ബി.എഡ്, സെറ്റ് എന്നിവയാണ് യോഗ്യത. താല്‍പര്യമുള്ള ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം സെപ്റ്റംബര്‍ 18 രാവിലെ 10.30ന് പാലക്കാട്, മരുതറോഡ് ഗവ ടെക്നിക്കല്‍ ഹൈസ്‌കൂളില്‍ അഭിമുഖത്തിന് എത്തണമെന്ന് സൂപ്രണ്ട് അറിയിച്ചു. ഫോണ്‍: 0491 2572038, 9447522338

2024 ലെ സ്വാമി വിവേകാനന്ദന്‍ യുവപ്രതിഭാ പുരസ്‌കാരത്തിന് നോമിനേഷന്‍ സ്വീകരിക്കുന്നതിനും മികച്ച ക്ലബ്ബുകള്‍ക്കുള്ള അപേക്ഷ സെപ്റ്റംബര്‍ 25 വൈകീട്ട് അഞ്ച് വരെ നല്‍കാമെന്ന് മെമ്പര്‍ സെക്രട്ടറി അറിയിച്ചു.  മാര്‍ഗനിര്‍ദേശങ്ങളും അപേക്ഷ ഫോറവും സംസ്ഥാന യുവജനക്ഷേമ ബോര്‍ഡിന്റെ വെബ്സൈറ്റില്‍ ലഭിക്കും. ഫോണ്‍: 04912505190, 9446108989
 

തിരുമിറ്റക്കോട് പഞ്ചായത്തിലെ വാതക ശ്മശാനത്തിന്റെ ഉദ്ഘാടനം സെപ്റ്റംബര്‍ 21 ന് വൈകീട്ട് മൂന്നിന് തദ്ദേശ സ്വയംഭരണ എക്സൈസ് പാര്‍ലമെന്ററി കാര്യവകുപ്പ് മന്ത്രി എംബി രാജേഷ് നിര്‍വ്വഹിക്കും. ജില്ലാ പഞ്ചായത്ത് ഫണ്ടില്‍ നിന്നും 50 ലക്ഷം രൂപയും ബ്ലോക്ക് പഞ്ചായത്ത് 20 ലക്ഷം, പഞ്ചായത്ത് 35 ലക്ഷം എന്നിങ്ങനെ ആകെ 1.05 കോടി രൂപ വിനിയോഗിച്ചാണ് വാതക ശ്മശാനം നിര്‍മ്മാണം പൂര്‍ത്തീകരിച്ചത്. തിരുമിറ്റക്കോട് 16-ാം വാര്‍ഡില്‍ കിഴക്കേ ചാത്തന്നൂരില്‍ ഒന്നര ഏക്കര്‍ സ്ഥലത്ത് 2015 ലാണ് ശ്മശാനത്തിനു ആവശ്യമായ കെട്ടിട നിര്‍മാണം ആരംഭിച്ചത്.

പാലക്കാട് സര്‍ക്കാര്‍ പോളിടെക്നിക് കോളേജില്‍ കെമിസ്ട്രി, ഇംഗ്ലീഷ് വിഷയങ്ങളില്‍ അസിസ്റ്റന്റ് പ്രൊഫസര്‍ തസ്തികയില്‍ താത്കാലിക നിയമനം നടത്തുന്നു. സെപ്റ്റംബര്‍ 18 രാവിലെ 10നാണ് അഭിമുഖം. ബിരുദാനന്തര ബിരുദം, നെറ്റ് യോഗ്യതയുള്ളവര്‍ക്കാണ് അവസരം. യു.ജി.സി യോഗ്യതയുള്ളവരുടെ അഭാവത്തില്‍ മറ്റുള്ളവരെ പരിഗണിക്കും. താല്‍പര്യമുള്ളവര്‍ സര്‍ട്ടിഫിക്കറ്റുകള്‍ സഹിതം വകുപ്പ് തലവന്‍ മുന്‍പാകെ എത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 0491-2572640

 ജില്ലാ ക്ഷീര സംഗമം 2025 ന്റെ സ്റ്റേജ് ഡെക്കറേഷന്‍ /എല്‍.ഇ.ഡി വാള്‍ എന്നിവയ്ക്കായി വെവ്വേറേ ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ സെപ്റ്റംബര്‍ 24ന് വൈകീട്ട് മൂന്നു വരെ സ്വീകരിക്കും. കൂടുതല്‍ വിവരങ്ങള്‍ പാലക്കാട് സിവില്‍ സ്റ്റേഷനില്‍ പ്രവര്‍ത്തിക്കുന്ന ക്ഷീര വികസന വകുപ്പ് ഡെപ്യൂട്ടി ഡയറക്ടറും ഓഫീസില്‍ ലഭിക്കും. ഫോണ്‍: 9961169261, 9207572070

ക്ഷീരവകുപ്പിന്റെ 2025-26 സാമ്പത്തിക വര്‍ഷത്തിലെ പുല്‍കൃഷി വികസനം, ഡയറി ഫാം ഹൈജീന്‍ മെച്ചപ്പെടുത്തുന്നതിനുള്ള പദ്ധതി, മില്‍ക്ക് ഷെഡ് വികസനം തുടങ്ങിയ പദ്ധതികളിലേക്ക് ഓണ്‍ലൈനായി അപേക്ഷിക്കാം. താല്പര്യമുള്ളവര്‍ക്ക് സെപ്റ്റംബര്‍ 21 വരെ
www.ksheerasree.kerala.gov.in ല്‍ രജിസ്റ്റര്‍ ചെയ്ത് അപേക്ഷ നല്‍കാമെന്ന് ക്ഷീര വികസന വകുപ്പ് ഡയറക്ടര്‍ അറിയിച്ചു. കൂടുതല്‍ വിവരങ്ങള്‍ ബ്ലോക്ക് തലത്തില്‍ പ്രവര്‍ത്തിക്കുന്ന ക്ഷീരവികസന യൂണിറ്റില്‍ നിന്നും ലഭിക്കും. ഫോണ്‍: 0491-2505137

തിരഞ്ഞെടുപ്പ് പ്രക്രിയയില്‍ സമൂഹത്തിന്റെ അടിത്തട്ടിലുള്ളവരും ഭാഗമാകുന്നു എന്ന് ഉറപ്പുവരുത്തുന്നതിന്റെ ഭാഗമായി ചീഫ് ഇലക്ടറല്‍ ഓഫീസര്‍ ഡോ. രത്തന്‍ യു ഖേല്‍ക്കര്‍ ന്റെ നേതൃത്വത്തില്‍  സി ഇ ഒ @ ഉന്നതി എന്ന പദ്ധതിക്ക് അട്ടപ്പാടിയില്‍ ഇന്ന് ( സെപ്റ്റംബര്‍ 16)  തുടക്കമാകും.  എസ്.ഐ.ആർ 2025 (സ്‌പെഷ്യല്‍ ഇന്റന്‍സീവ് റിവിഷന്‍- SIR )  ആരംഭിക്കുന്നതിനു മുന്നോടിയായി ജില്ലാ കളക്ടറുടെ ചേംബറില്‍ ചേര്‍ന്ന മുന്നൊരുക്ക അവലോകന യോഗത്തിലാണ് സി ഇ ഒ പദ്ധതിയെക്കുറിച്ച് സൂചിപ്പിച്ചത്.  അട്ടപ്പാടി ആനവായിലെ ഉന്നതിയില്‍ രാവിലെ 11.30 ന് സി ഇ ഒ നേരിട്ട് സന്ദര്‍ശിച്ചാണ് പദ്ധതി ആരംഭിക്കുന്നത്.

ജില്ലാ ആയുര്‍വേദ ആശുപത്രിയില്‍ എച്ച്.എം.സി ഫണ്ട് മുഖാന്തിരം എക്സറേ ടെക്നിഷ്യന്‍ തസ്തികയില്‍ ദിവസവേതനടിസ്ഥാനത്തില്‍ നിയമനം നടത്തുന്നു. 179 ദിവസത്തേക്കാണ് നിയമനം. യോഗ്യരായ ഉദ്യോഗാര്‍ഥികള്‍ സര്‍ട്ടിഫിക്കറ്റിന്റെ പകര്‍പ്പുകള്‍ സഹിതം സെപ്റ്റംബര്‍ 25 ന് രാവിലെ 11 ന് പാലക്കാട് ജില്ലാ ആയുര്‍വേദ ആശുപത്രിയില്‍ നടത്തുന്ന അഭിമുഖത്തിന് എത്തണമെന്ന് ചീഫ് മെഡിക്കല്‍ ഓഫീസര്‍ അറിയിച്ചു. ഫോണ്‍: 0491 2546260
 

പാലക്കാട് ജില്ലാ ആശുപത്രിയിലെ, ജില്ലാ മാനസിക ആരോഗ്യ പരിപാടിയില്‍(ഡി.എം.എച്ച്.പി) സ്റ്റാഫ് നഴ്സിനെ താത്കാലികാടിസ്ഥാനത്തില്‍ നിയമിക്കുന്നു. ജി.എന്‍.എം/ബി.എസ്.സി നഴ്സിങ്ങാണ് യോഗ്യത. പ്രായപരിധി 40 വയസ്സ്. അപേക്ഷകര്‍ സര്‍ട്ടിഫിക്കറ്റുകള്‍ സഹിതം ജില്ലാ ആശുപത്രി ഓഫീസില്‍ സെപ്റ്റംബര്‍ 29ന് രാവിലെ 10.30 ന് എത്തണമെന്ന് സൂപ്രണ്ട് അറിയിച്ചു. ഫോണ്‍: 0491 2533327