മരട് നഗരസഭയിൽ മാലിന്യ നിർമ്മാർജന പദ്ധതികളുടെ ഭാഗമായി ബോട്ടിൽ ബൂത്തുകൾ സ്ഥാപിച്ചു. ചടങ്ങിന്റെ ഉദ്ഘാടനം നഗരസഭാ ചെയർപേഴ്സൺ ആന്റണി ആശാംപറമ്പിൽ നിർവ്വഹിച്ചു. വൈസ് ചെയർപേഴ്സൺ അഡ്വ. രശ്മി സനിൽ അധ്യക്ഷയായി. 

വിവിധയിടങ്ങളിൽ സ്ഥാപിക്കുന്ന ബോട്ടിൽ ബൂത്തുകൾ വഴി പ്ലാസ്റ്റിക് മാലിന്യങ്ങൾ ശേഖരിച്ച് സംസ്കരിക്കാനാണ് നഗരസഭ ലക്ഷ്യമിടുന്നത്. 

പിറവം നഗരസഭ കക്കാട് പമ്പ് ഹൗസ് റോഡ് കട്ട വിരിക്കൽ ആരംഭിച്ചു

പിറവം നഗരസഭ രണ്ടാം ഡിവിഷൻ കക്കാട് പമ്പ് ഹൗസ് റോഡ് കട്ട വിരിക്കൽ ആരംഭിച്ചു. കാൽ നൂറ്റാണ്ട് കാലമായി യാതൊരു വിധത്തിലുള്ള നവീകരണവും നടത്താതെ കിടന്ന പമ്പ് ഹൗസ് റോഡാണ് നവീകരിക്കുന്നത്. 

നൂറ് കണക്കിന് ആളുകൾ യാത്ര ചെയ്യുകയും അനേകം കുടുംബങ്ങൾ താമസിക്കുകയും ചെയ്യുന്ന റോഡിന് നഗരസഭയുടെ മെയിന്റനൻസ് ഫണ്ടിൽ നിന്നും 30 ലക്ഷം രൂപയും എം.എൽ. എ ഫണ്ടിൽ നിന്നും 20 ലക്ഷം രൂപയും അനുവദിച്ചിരുന്നു. 

കണ്ണമ്പ്ര ഗ്രാമപഞ്ചായത്തില്‍ നിര്‍മാണം പൂര്‍ത്തിയാക്കിയ കൊളയക്കാട് മഞ്ഞപ്ര ആധുനിക വാതക ശ്മശാനം തുറന്നു. ജില്ലാ പഞ്ചായത്ത് പ്രസിഡന്റ് കെ. ബിനുമോള്‍ ശ്മശാനം ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് എം. സുമതി ടീച്ചര്‍ അധ്യക്ഷയായി. ജില്ല, ബ്ലോക്ക്, ഗ്രാമപഞ്ചായത്തുകളുടെ വികസന ഫണ്ടില്‍നിന്ന് 75 ലക്ഷം രൂപ ചെലവഴിച്ചാണ് ആധുനിക ശ്മശാനം നിര്‍മ്മിച്ചത്.

വന്യജീവി വാരാഘോഷത്തിന്റെ ഭാഗമായി ഒക്ടോബര്‍ രണ്ടുമുതല്‍ എട്ടുവരെ വനം വന്യജീവി വകുപ്പ് സ്‌കൂള്‍ കോളജ് വിദ്യാര്‍ഥികള്‍ക്ക് വിവിധ മത്സരങ്ങള്‍ നടത്തുന്നു. ജില്ലാതല മത്സരങ്ങള്‍ കോന്നി റിപ്പബ്ലിക്കന്‍ ഹയര്‍ സെക്കന്‍ഡറി സ്‌കൂളില്‍ ഒക്ടോബര്‍ രണ്ട്, മൂന്ന് തീയതികളില്‍ നടത്തും.

കുലുക്കല്ലൂര്‍ ഗ്രാമപഞ്ചായത്തില്‍ മുട്ടക്കോഴി വിതരണം നടത്തി. ഗ്രാമപഞ്ചായത്തിന്റെ 2025-26 സാമ്പത്തിക വര്‍ഷത്തിലെ പ്ലാന്‍ ഫണ്ടില്‍ നിന്നും 4,309,50 രൂപ വകയിരുത്തിയാണ് പദ്ധതി നടപ്പിലാക്കിയത്. ഗ്രാമപഞ്ചായത്തിലെ 663 കുടുംബങ്ങള്‍ക്ക് അഞ്ച് കോഴികളെ വീതമാണ് വിതരണം ചെയ്തത്. ഗ്രാമസഭകളിലൂടെ ഗുണഭോക്താക്കളെ കണ്ടെത്തി ബി.പി.എല്‍ കുടുംബങ്ങള്‍ക്ക് മുന്‍ഗണന നല്‍കിയാണ് കോഴികളെ വിതരണം ചെയ്തത്.

എറണാകുളം ജില്ലാ എംപ്ലോയ്മെന്റ് എക്സ്ചേഞ്ചിനോടനുബന്ധിച്ച് പ്രവർത്തിക്കുന്ന എംപ്ലോയബിലിറ്റി സെന്ററിന്റെ ആഭിമുഖ്യത്തിൽ സൗജന്യ സോഫ്റ്റ് സ്കിൽ പരിശീലന ക്ലാസ് സംഘടിപ്പിക്കുന്നു.

സെപ്റ്റംബർ 24,25,26 തീയതികളിലായി കാക്കനാട് സിവിൽ സ്റ്റേഷനിൽ പ്രവർത്തിക്കുന്ന ജില്ലാ എംപ്ലോയ്മെന്റ് എക്സ്ചേഞ്ച് കാര്യാലയത്തിലാണ് പരിശീലന പരിപാടി സംഘടിപ്പിക്കുന്നത്.

മൂന്ന് ദിവസങ്ങളിലായി നടക്കുന്ന പരിശീലന പരിപാടികളിൽ 

വ്യവസായ മേഖലയിൽ ആവശ്യമായ വിവിധ വിഷയങ്ങളിൽ പരിശീലനം നൽകും.

പത്തനംതിട്ട ജില്ലയില്‍ അസിസ്റ്റന്റ് സര്‍ജന്‍/ ക്യാഷ്വാലിറ്റി  മെഡിക്കല്‍ ഓഫീസര്‍ തസ്തികയിലേക്ക് അഡ്‌ഹോക്ക് വ്യവസ്ഥയില്‍ ഡോക്ടര്‍മാരെ നിയമിക്കുന്നു. അസല്‍ സര്‍ട്ടിഫിക്കറ്റുകളുമായി  (എംബിബിഎസ് ടിസിഎംസി) സെപ്റ്റംബര്‍ 22 രാവിലെ 11ന് ജില്ലാ മെഡിക്കല്‍ ഓഫീസില്‍ ഹാജരാകണം. ഫോണ്‍ : 0468 2222642. ഇ-മെയില്‍ : dmohpathanamthitta@gmail.com
 

മീനാക്ഷിപുരം ജി.എച്ച്.എസില്‍ 2025-26 അധ്യയനവര്‍ഷം എസ്.എസ്.കെ അനുവദിച്ച യൂണിഫോം ഗ്രാന്‍ഡിന്റെ ഭാഗമായി 205 വിദ്യാര്‍ത്ഥികള്‍ക്ക്(ആണ്‍കുട്ടികള്‍ 90, പെണ്‍കുട്ടികള്‍ 115) യൂണിഫോം തുണി നല്‍കുന്നതിന് ക്വട്ടേഷന്‍ ക്ഷണിച്ചു. പൂരിപ്പിച്ച ക്വട്ടേഷനുകള്‍ സെപ്റ്റംബര്‍ 22 രണ്ട് വരെ സ്വീകരിക്കും. അന്നേദിവസം മൂന്നിന് ക്വട്ടേഷന്‍ തുറന്ന് പരിശോധിക്കുമെന്ന് പ്രധാന അധ്യാപിക അറിയിച്ചു. ഫോണ്‍: 9846240368,  ghsmeenakshipuram@gmail.com

ട്രാന്‍സ്ഗ്രിഡ് 2.0 ശബരി പാക്കേജ് പദ്ധതിയുടെ ഭാഗമായി നടപ്പാക്കിയ പത്തനംതിട്ട 220 കെവി ഗ്യാസ് ഇന്‍സുലേറ്റഡ് സ്വിച്ച് ഗിയര്‍ (ജിഐഎസ്) സബ്സ്റ്റേഷന്‍ ഉദ്ഘാടനം സെപ്റ്റംബര്‍ 19 വൈകിട്ട് നാലിന് പത്തനംതിട്ട മേരിമാത ഫോറോന ചര്‍ച്ച് ഓഡിറ്റോറിയത്തില്‍ വൈദ്യുതി വകുപ്പ് മന്ത്രി കെ കൃഷ്ണന്‍കുട്ടി നിര്‍വഹിക്കും.  ആരോഗ്യവകുപ്പ് മന്ത്രി വീണാ ജോര്‍ജ് അധ്യക്ഷയാകും. ആന്റോ ആന്റണി എം പി മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് ജോര്‍ജ് എബ്രഹാം, ജില്ലാ കലക്ടര്‍ എസ് പ്രേം കൃഷ്ണന്‍, പത്തനംതിട്ട നഗരസഭാ ചെയര്‍പേഴ്സണ്‍ അഡ്വ ടി.