ജില്ലാ മൃഗസംരക്ഷണ വകുപ്പും മിഷന്‍ റാബിസ് എന്‍.ജി.ഒയും സംയുക്താഭിമുഖ്യത്തില്‍ സംഘടിപ്പിക്കുന്ന പേവിഷബാധ നിര്‍മാര്‍ജന ബോധവല്‍ക്കരണ സെമിനാറിന്റെ ജില്ലാതല ഉദ്ഘാടനം വടശേരിക്കര സര്‍ക്കാര്‍ ന്യൂ യുപിഎസ് സ്‌കൂളില്‍ ഗ്രാമപഞ്ചായത്ത് പ്രസിഡന്റ് ലതാ മോഹന്‍ നിര്‍വഹിച്ചു. ജില്ലാ മൃഗസംരക്ഷണ ഓഫീസര്‍ ഡോ. എസ് സന്തോഷ്‌കുമാര്‍ അധ്യക്ഷനായി. മിഷന്‍ റാബിസ് എഡ്യൂക്കേഷന്‍ ഓഫീസര്‍ പ്രവീണ്‍ പി. രാജ് സെമിനാര്‍ അവതരിപ്പിച്ചു. ജില്ലയിലെ സര്‍ക്കാര്‍ യുപി സ്‌കൂളുകളില്‍ 2025 നവംബര്‍ 30 നുള്ളില്‍ ജില്ലാ മൃഗസംരക്ഷണവകുപ്പിന്റെ നേതൃത്വത്തില്‍ പേവിഷബാധ നിര്‍മാര്‍ജന ബോധവല്‍കരണം സംഘടിപ്പിക്കും.
 

നിള ആശുപത്രി-ഷൊര്‍ണൂര്‍ ഐ.പി.ടി. റോഡില്‍ കല്പക കൂള്‍ സിറ്റി മുതല്‍ മേലെ പട്ടാമ്പി സിഗ്‌നല്‍ ജങ്ഷന്‍ വരെ റോഡ് പുനരുദ്ധാരണ പ്രവൃത്തി നടക്കുന്നതിനാല്‍ ഈ റോഡില്‍ ഗതാഗതം നിരോധിച്ചു. സെപ്റ്റംബര്‍ 13 (ശനി) രാത്രി 12 മണി മുതല്‍ സെപ്റ്റംബര്‍ 15 (തിങ്കള്‍) രാത്രി 12 മണി വരെയാണ് ഗതാഗത നിരോധനം.ഈ ദിവസങ്ങളില്‍, പാലക്കാട് നിന്ന് പട്ടാമ്പിയിലേക്ക് പോകേണ്ട വാഹനങ്ങള്‍ കുളപ്പുള്ളിയില്‍ നിന്ന് തിരിഞ്ഞ് വല്ലപ്പുഴ-മുളയങ്കാവ്-കൊപ്പം വഴി മേലെ പട്ടാമ്പി സിഗ്‌നല്‍ ജങ്ഷനിലൂടെ പോകണം.

പത്തനംതിട്ട ഡെഫ് കണ്‍സോര്‍ഷ്യത്തിന്റെ നേതൃത്വത്തില്‍ അന്തര്‍ദേശീയ ആംഗ്യഭാഷാ വാരാചാരണത്തോടനുബന്ധിച്ച് സര്‍ക്കാര്‍ ജീവനക്കാര്‍ക്ക് ആംഗ്യഭാഷ ബോധവല്‍ക്കരണം സംബന്ധിച്ച ക്ലാസ് സെപ്റ്റംബര്‍ 23 രാവിലെ 10.30 ന് കലക്ടറേറ്റ് കോണ്‍ഫറന്‍സ് ഹാളില്‍ നടക്കും.

ജില്ലയിലെ ആരോഗ്യ വകുപ്പ് / മുനിസിപ്പല്‍ കോമണ്‍ സര്‍വീസ് വകുപ്പിലെ ജൂനിയര്‍ പബ്ലിക് ഹെല്‍ത്ത് നഴ്‌സ് ഗ്രേഡ് രണ്ട് (കാറ്റഗറി നമ്പര്‍ 527/2019) തസ്തികയുടെ 2023 ജൂലൈ 10ന് നിലവില്‍ വന്ന റാങ്ക് പട്ടിക ഇല്ലാതായതായി ജില്ലാ പിഎസ്‌സി ഓഫീസര്‍ അറിയിച്ചു. ഫോണ്‍ : 0468 2222665.

തൃത്താല മണ്ഡലത്തില്‍ പരുതൂര്‍ സ്മാര്‍ട്ട് വില്ലേജിന്റെ ഉദ്ഘാടനവും നാഗലശ്ശേരി വില്ലേജ് ഓഫീസിന്റെ നിര്‍മാണോദ്ഘാടനവും സെപ്റ്റംബര്‍ 20 ന് നടക്കും. പരുതൂര്‍ വില്ലേജ് ഓഫീസ് കെട്ടിട ഉദ്ഘാടനം രാവിലെ 10നും നാഗലശ്ശേരി വില്ലേജ് ഓഫീസിന്റെ നിര്‍മാണ ഉദ്ഘാടനം രാവിലെ 11 നും റവന്യൂ വകുപ്പ് മന്ത്രി കെ രാജന്‍ നിര്‍വഹിക്കും.

2024 ലെ വയര്‍മാന്‍ പരീക്ഷ വിജയിച്ചവര്‍ക്ക് വയര്‍മാന്‍ പെര്‍മിറ്റ് ലഭിക്കുന്നതിന് ജില്ലാ  ഇലക്ട്രിക്കല്‍ ഇന്‍സ്‌പെക്ടറേറ്റ് സെപ്റ്റംബര്‍ 30 രാവിലെ 10 മുതല്‍ പത്തനംതിട്ട അഴൂര്‍ സര്‍ക്കാര്‍ ഗസ്റ്റ് ഹൗസില്‍ ഏകദിന പരിശീലനം നടത്തും. ഫോണ്‍ : 0468 2223123. ഇ-മെയില്‍ : eipta2014@gmail.com
 

പാലക്കാട് സര്‍ക്കാര്‍ പോളിടെക്‌നിക് കോളേജില്‍ ഫിസിക്‌സ് അസിസ്റ്റന്റ് പ്രൊഫസര്‍ തസ്തികയില്‍ നിയമനം നടത്തുന്നു. ദിവസവേതനാടിസ്ഥാനത്തിലുള്ള താല്‍ക്കാലിക നിയമനമാണ്. ബിരുദാനന്തര ബിരുദവും നെറ്റുമാണ് യോഗ്യത. യു.ജി.സി യോഗ്യത ഉള്ളവരുടെ അഭാവത്തില്‍ മറ്റുള്ളവരെ പരിഗണിക്കും. താല്‍പര്യമുള്ളവര്‍ വിദ്യാഭ്യാസ യോഗ്യത, പ്രവൃത്തി പരിചയം, മറ്റു യോഗ്യത എന്നിവ തെളിയിക്കുന്ന സര്‍ട്ടിഫിക്കറ്റുകള്‍ സഹിതം സെപ്റ്റംബര്‍ 16ന് രാവിലെ 10ന് വകുപ്പ് തലവന്‍ മുന്‍പാകെ അഭിമുഖത്തിനെത്തണമെന്ന് പ്രിന്‍സിപ്പാള്‍ അറിയിച്ചു.

ഫോണ്‍: 04912572640

ജില്ലാ സാമൂഹികനീതി വകുപ്പിന്റെ ആഭിമുഖ്യത്തില്‍  ജില്ലാ പഞ്ചായത്ത് പദ്ധതി  പ്രകാരം ഭിന്നശേഷിക്കാര്‍ക്ക് (ലോക്കൊമോട്ടോര്‍ ഡിസബിലിറ്റി) സൈഡ് വീല്‍ ഘടിപ്പിച്ച ട്രൈസ്‌കൂട്ടര്‍ വിതരണത്തിന് അപേക്ഷ ക്ഷണിച്ചു. പട്ടികജാതി, ജനറല്‍ വിഭാഗങ്ങള്‍ക്ക് അപേക്ഷിക്കാം.  ഭിന്നശേഷി ഗ്രാമസഭ ലിസ്റ്റില്‍ ഉള്‍പ്പെട്ട അര്‍ഹരായ അപേക്ഷകര്‍ നിശ്ചിത മാതൃകയിലുള്ള അപേക്ഷ, അനുബന്ധ രേഖകള്‍ സഹിതം ഒക്ടോബര്‍ 10 വൈകിട്ട് അഞ്ചിന് മുമ്പായി ജില്ലാ സാമൂഹികനീതി ഓഫീസില്‍ സമര്‍പ്പിക്കണം. ഫോണ്‍:  0468 2325168.
ഫോണ്‍: 04682325168, 8281999004.

കാരമല ചില്‍ഡ്രന്‍സ് ആന്‍ഡ് അഡ്വഞ്ചര്‍ പാര്‍ക്കിന്റെ ഉദ്ഘാടനം ഇന്ന് ( സെപ്റ്റംബര്‍ 13) വൈകീട്ട് നാലിന് പൊതുമരാമത്ത്, ടൂറിസം വകുപ്പ് മന്ത്രി  പി.എ മുഹമ്മദ് റിയാസ് നിര്‍വഹിക്കും.

കോഴഞ്ചേരി പഞ്ചായത്ത് കേരളോത്സവം സെപ്റ്റംബര്‍ 26 മുതല്‍ 28 വരെ നടക്കും. സെപ്റ്റംബര്‍ 24 ന് വൈകിട്ട് അഞ്ച് വരെ അപേക്ഷ പഞ്ചായത്ത് ഓഫീസില്‍ നേരിട്ടോ ഓണ്‍ലൈന്‍ മുഖേനയോ സമര്‍പ്പിക്കാം. http://keralotsavam.com/register  വെബ്‌സൈറ്റില്‍ ഓണ്‍ലൈനായി രജിസ്റ്റര്‍ ചെയ്യാം. ഫോട്ടോ, ആധാര്‍, എസ്.എസ്.എല്‍.സി ബുക്ക് എന്നിവയുടെ പകര്‍പ്പ് അപേക്ഷയോടൊപ്പം ഹാജരാക്കണം. 2025 സെപ്റ്റംബര്‍ ഒന്നിന് 15 വയസ് തികഞ്ഞവര്‍ക്കും 40 വയസ് കഴിയാത്തവര്‍ക്കും അപേക്ഷിക്കാം. ഫോണ്‍  : 9496762655.