വനിത ശിശു വികസന വകുപ്പിന് കീഴില്‍ പ്രവര്‍ത്തിക്കുന്ന തൊടുപുഴ ഐസിഡിഎസ് പ്രോജക്ടിലെ 6 പഞ്ചായത്തുകളിലും ഒരു മുന്‍സിപ്പാലിറ്റിയിലുമായുള്ള 142 അങ്കണവാടികളില്‍ സന്ദര്‍ശനം നടത്തുന്നതിനും മറ്റ് ഓഫീസ് ആവശ്യത്തിനുമായി ഒക്ടോബര്‍ 1 മുതല്‍ 2026 സെപ്തംബര്‍ 30 വരെയുള്ള ഒരു വര്‍ഷത്തേയ്ക്ക് കാര്‍ വാടകയ്ക്ക്  നല്‍കുന്നതിന് തയ്യാറുള്ള വ്യക്തികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സെപ്റ്റംബര്‍ 30 ന് പകല്‍ 1.15 വരെ സ്വീകരിക്കും. തുടര്‍ന്ന് 3 ന് തുറന്ന് പരിശോധിക്കും.

ഡി റ്റി പിയില്‍ രണ്ട് വര്‍ഷത്തില്‍ കുറയാത്ത പ്രവര്‍ത്തന പരിചയമുള്ളതും അഡോബ് ഇന്‍ഡിസൈന്‍, ഫോട്ടോഷോപ്പ്, പേജ് മേക്കര്‍, കോറല്‍ ഡ്രോ എന്നിവയില്‍ പരിജ്ഞാനവുമുള്ള ഉദ്യോഗാര്‍ത്ഥികളെ കരാര്‍ വ്യവസ്ഥയില്‍ ആവശ്യമുണ്ട്. താത്പര്യമുള്ള ഉദ്യോഗാര്‍ഥികള്‍ ജില്ലാ പ്ലാനിംഗ് ഓഫീസര്‍, ജില്ലാ പ്ലാനിംഗ് ഓഫീസ്, ജില്ലാ ആസൂത്രണ സമിതി മന്ദിരം, കളക്ട്രേറ്റിന് സമീപം, കുയിലിമല, ഇടുക്കി ഫോണ്‍: 04862 233010 എന്ന വിലാസത്തില്‍ സെപ്റ്റംബര്‍ 18നകം അപേക്ഷ സമര്‍പ്പിക്കണം.

വാത്തിക്കുടി ഗ്രാമപഞ്ചായത്തിന് കീഴിലുളള മന്നാത്തറ അങ്കണവാടിയിലേക്ക് മോട്ടോര്‍ ലഭ്യാമാക്കുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സെപ്തംബര്‍ 19 ന് പകല്‍ രണ്ട് മണി വരെ സ്വീകരിക്കും. തുടര്‍ന്ന് നാല് മണിക്ക് തുറന്ന് പരിശോധിക്കുന്നതുമാണ്. കൂടുതല്‍ വിവരങ്ങള്‍ക്ക് വാത്തിക്കുടി ഗ്രാമപഞ്ചായത്ത് ഐസിഡിഎസ് സൂപ്പര്‍വൈസറുമായി ബന്ധപ്പെടണം.

കേരള വനിതാ കമ്മീഷനില്‍ നിലവില്‍ ഒഴിവുള്ള ഒരു അസിസ്റ്റന്റ് തസ്തികയിലേക്ക്  ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സര്‍വീസില്‍ സമാന തസ്തികയില്‍ ജോലി ചെയ്യുന്നവരില്‍ നിന്നും അപേക്ഷ ക്ഷണിച്ചു. 39,300-83,000
 ശമ്പള സ്‌കെയിലില്‍ സേവനമനുഷ്ഠിക്കുന്നവര്‍ക്ക് അപേക്ഷിക്കാം.
നിശ്ചിത ഫോറത്തിലുള്ള അപേക്ഷ, നിരാക്ഷേപപത്രം സഹിതം , മേലധികാരി മുഖേന മെമ്പര്‍ സെക്രട്ടറി, കേരള വനിതാ കമ്മീഷന്‍, ലൂര്‍ദ്ദ് പള്ളിക്കുസമീപം, പി.എം.ജി, പട്ടം.പി.ഒ, തിരുവനന്തപുരം 695004 എന്ന വിലാസത്തില്‍ സെപ്റ്റംബര്‍ 30 നകം ലഭിക്കേണ്ടതാണ്.

2025-2026 സാമ്പത്തിക വര്‍ഷത്തിലെ ബ്ലോക്ക് പഞ്ചായത്ത് പ്രോജക്ട് ഫണ്ട് ഉപയോഗിച്ച് അടിമാലി താലൂക്ക് ആശുപത്രിയ്ക്ക് നെയിം ബോര്‍ഡ് സ്ഥാപിക്കുന്നതിന് താല്‍പ്പര്യമുള്ള വ്യക്തികള്‍/സ്ഥാപനങ്ങള്‍ നിന്ന് ദര്‍ഘാസുകള്‍ ക്ഷണിച്ചു. ടെന്‍ഡറുകള്‍ സെപ്റ്റംബര്‍ 27ന് ഉച്ചയ്ക്ക് 1 മണി വരെ സ്വീകരിക്കുകയും അന്നേ ദിവസം 3 മണിക്ക് തുറക്കുന്നതുമായിരിക്കും. കൂടുതല്‍ വിവരങ്ങള്‍ അടിമാലി താലൂക്ക് ആശുപത്രിയുടെ ഓഫീസില്‍ നിന്നും അറിയാം. ഫോണ്‍: 04864 222670

അടിമാലി താലൂക്ക് ആശുപത്രിയിലെ മാതൃയാനം പദ്ധതിയിലേക്ക് ഒക്ടോബര്‍ മാസം മുതല്‍ 2026 സെപ്റ്റംബര്‍ മാസം വരെ വാഹനം നല്‍കുന്നതിന് താല്‍പ്പര്യമുള്ള സ്ഥാപനങ്ങളില്‍/വ്യക്തികളില്‍ നിന്നും ദര്‍ഘാസുകള്‍ ക്ഷണിച്ചു. ടെന്‍ഡറുകള്‍ സെപ്റ്റംബര്‍  27ന് ഉച്ചയ്ക്ക് 1 മണി വരെ സ്വീകരിക്കുന്നതും അന്നേ ദിവസം 3 മണിക്ക് തുറക്കുന്നതുമായിരിക്കും. കൂടുതല്‍ വിവരങ്ങള്‍ അടിമാലി താലൂക്ക് ആശുപത്രിയുടെ ഓഫീസില്‍ നിന്നും അറിയാം. ഫോണ്‍: 04864 222670

കേരള സംസ്ഥാന യുവജന കമ്മീഷന്‍ ചെയര്‍പേഴ്സണ്‍ എം.ഷാജറിന്റെ അദ്ധ്യക്ഷതയില്‍ ഇന്ന് (16) രാവിലെ 11 മണി മുതല്‍ ഇടുക്കി കളക്ട്രേറ്റ് കോണ്‍ഫറന്‍സ് ഹാളില്‍ ജില്ലാതല അദാലത്ത് സംഘടിപ്പിക്കും. 18 വയസിനും 40 വയസിനും മദ്ധ്യേ പ്രായമുള്ള യുവജനങ്ങള്‍ക്ക് പരാതികള്‍ കമ്മീഷന്‍ മുമ്പാകെ സമര്‍പ്പിക്കാം. കൂടുതല്‍ വിവരങ്ങള്‍ക്ക്: 0471-2308630

150 കോടിയുടെ നിക്ഷേപം

മൃഗസംരക്ഷണ വകുപ്പിന് കീഴില്‍ ജില്ലാ കോഴി വളര്‍ത്തല്‍ കേന്ദ്രം കോലാനിയില്‍ ചിക്ക് സെക്സര്‍ തസ്തികയില്‍ താല്‍ക്കാലിക നിയമനം നടത്തുന്നതിന് സെപ്തംബര്‍ 16 ന് രാവിലെ 11 മണിക്ക് തൊടുപുഴ മങ്ങാട്ടുകവലയില്‍ പ്രവര്‍ത്തിക്കുന്ന ജില്ലാ മൃഗസംരക്ഷണ ഓഫീസില്‍  വാക്ക് ഇന്‍ ഇന്റര്‍വ്യൂ നടക്കും. വി. എച്ച്. എസ്. സി ലൈവ്‌സ്‌റ്റോക്ക് മാനേജ്‌മെന്റും അംഗീകൃത സ്ഥാപനത്തില്‍ നിന്നും ചിക്ക് സെക്‌സിംഗ് കോഴ്‌സ് 98 ശതമാനത്തില്‍ കുറയാത്ത മാര്‍ക്കില്‍ വിജയവുമാണ് യോഗ്യത.  ഇടുക്കി ജില്ലക്കാര്‍ക്ക് മുന്‍ഗണന ഉണ്ടായിരിക്കും.

        കേരള സംസ്ഥാന ജൈവവൈവിധ്യ ബോർഡ് വിദ്യാർഥികളുടെ 18-ാമത് ജൈവവൈവിധ്യ കോൺഗ്രസിന്റെ ഭാഗമായി സ്കൂൾ, കോളേജ് വിദ്യാർഥികൾക്കായി പ്രോജക്ട് അവതരണ മത്സരം, സ്കൂൾ വിദ്യാർഥികൾക്കായി പുരയിട ജൈവവൈവിധ്യ സംരംക്ഷണ അവതരണ മത്സരം, പെയിന്റിംഗ് മത്സരം, പെൻസിൽ ഡ്രോയിംഗ് മത്സരം എന്നിവ സംഘടിപ്പിക്കുന