കോന്നി ഗ്രാമപഞ്ചായത്തുതല 'സ്ത്രീ കാമ്പയിന്‍' ഉദ്ഘാടനം കോന്നി താലൂക്ക് ആശുപത്രിയില്‍ പ്രസിഡന്റ് ആനി സാബു തോമസ് നിര്‍വഹിച്ചു. സ്ത്രീകള്‍ക്കും കുട്ടികള്‍ക്കും പ്രത്യേക സേവനം, പരിശോധന എന്നിവ നല്‍കുന്നതിന് കുടുംബാരോഗ്യ കേന്ദ്രങ്ങള്‍ കേന്ദ്രീകരിച്ച് മെഡിക്കല്‍ സേവനവും ബോധവല്‍ക്കരണവും നല്‍കും. 'ആരോഗ്യമുള്ള സ്ത്രീ, ആരോഗ്യമുള്ള സമൂഹം' എന്നതാണ് കാമ്പയിന്റെ ലക്ഷ്യം.

അരുവാപ്പുലം ഗ്രാമപഞ്ചായത്ത് ഏഴാം വാര്‍ഡില്‍ നിര്‍മിച്ച അങ്കണവാടി കെട്ടിടം പ്രസിഡന്റ് രേഷ്മ മറിയം റോയ് ഉദ്ഘാടനം ചെയ്തു. പഞ്ചായത്തിലെ എല്ലാ അങ്കണവാടിയും മികവിന്റെ കേന്ദ്രങ്ങളായി മാറിയതായി പ്രസിഡന്റ് പറഞ്ഞു. സ്വകാര്യ വ്യക്തിയില്‍ നിന്നും 2022 ല്‍ പഞ്ചായത്ത് വാങ്ങിയ വസ്തുവിലാണ് അങ്കണവാടി നിര്‍മിച്ചത്. പഞ്ചായത്തംഗം റ്റി.ടി സന്തോഷ് അധ്യക്ഷനായി. ജില്ലാ പഞ്ചായത്ത് അംഗം വി.റ്റി അജോമോന്‍, കോന്നി ബ്ലോക്ക് പഞ്ചായത്തംഗം വര്‍ഗീസ് ബേബി, സ്ഥിരം സമിതി അംഗങ്ങളായ വി. ശ്രീകുമാര്‍, പി. സിന്ധു, ഗ്രാമപഞ്ചായത്തംഗങ്ങളായ ശ്രീലത, വി.കെ രഘു, എസ്.ബാബു, മിനി രാജീവ്, സ്മിത സന്തോഷ്, ജി.

മണ്ണഞ്ചേരി ഗവ.ഹൈസ്‌കൂളിൽ  2025-26 അധ്യയന വര്‍ഷത്തിലേക്ക് 1061 വിദ്യാര്‍ഥികള്‍ക്ക് സ്‌കൂള്‍ യൂണിഫോം വിതരണം നടത്തുന്നതിനായി അംഗീകൃത കരാറുകാരില്‍ നിന്നും ടെൻഡറുകൾ ക്ഷണിച്ചു.  അവസാന തീയതി സെപ്റ്റംബര്‍ 24 ഉച്ചകഴിഞ്ഞ് രണ്ട് മണി. ഫോൺ: 9633619572, 0477- 2292209.

2024 ലെ സ്വാമി വിവേകാനന്ദന്‍ യുവ പ്രതിഭാ പുരസ്‌ക്കാരത്തിന് നോമിനേഷന്‍ സമര്‍പ്പിക്കുന്നതിനും  മികച്ച യുവജന ക്ലബ്ബുകള്‍ക്കുള്ള അവാര്‍ഡിന്   അപേക്ഷിക്കുന്നതിനും ഉള്ള  തീയതി സെപ്റ്റംബര്‍ 23 വരെ ദീര്‍ഘിപ്പിച്ചു. 

ആധുനിക നൈപുണ്യ പരിശീലനം നൽകി വനിതകളെ പുതിയകാലത്തെ തൊഴില്‍മേഖലയിലേക്ക് കൈപിടിച്ചുയര്‍ത്തുന്നതിന് എഴുപുന്നയിൽ വനിത നൈപുണ്യ പരിശീലന കേന്ദ്രം ഒരുങ്ങുന്നു. പട്ടണക്കാട് ബ്ലോക്ക് പഞ്ചായത്ത് വികസന പദ്ധതിയിൽ ഉൾപ്പെടുത്തി 37 ലക്ഷം രൂപ വിനിയോഗിച്ച് എഴുപുന്ന ശ്രീനാരായണപുരത്ത് ആരംഭിക്കുന്ന കേന്ദ്രത്തിൻ്റെ തറക്കല്ലിടൽ ബ്ലോക്ക് പഞ്ചായത്ത് പ്രസിഡൻ്റ് മേരി ടെൽഷ്യ നിർവഹിച്ചു. 
ബ്ലോക്ക് പഞ്ചായത്തിന് കീഴിൽ പ്രവർത്തിച്ചിരുന്ന 1950കളിൽ ആരംഭിച്ച മഹിളാ സമാജത്തിൻ്റെ സ്ഥലത്താണ് പരിശീലന കേന്ദ്രം ആരംഭിക്കുന്നത്. 

കേരള സംസ്ഥാന യുവജന കമ്മീഷൻ ചെയർപേഴ്സൺ  എം.ഷാജറിന്റെ അധ്യക്ഷതയിൽ  ഇന്ന് രാവിലെ 11 മണി മുതൽ കളക്ട്രേറ്റ് കോൺഫറൻസ് ഹാളിൽ  ജില്ലാതല അദാലത്ത് സംഘടിപ്പിക്കും. 18 വയസ്സിനും 40 വയസ്സിനും മധ്യേ പ്രായമുള്ള യുവജനങ്ങൾക്ക് പരാതികൾ കമ്മീഷൻ മുമ്പാകെ സമർപ്പിക്കാവുന്നതാണ്. ഫോൺ: 0471- 2308630

കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡിന്റെ ആലപ്പുഴ ജില്ലയില്‍ അംഗങ്ങളായ തൊഴിലാളികളുടെ മക്കള്‍ക്ക് 2025-2026 വര്‍ഷത്തെ വിദ്യാഭ്യാസ ആനുകൂല്യത്തിനുള്ള അപേക്ഷ  ഒക്ടോബര്‍ 10 വരെ സമർപ്പിക്കാം.

എസ്.എസ്.എല്‍.സി പാസ്സായ ശേഷം കേരള സര്‍ക്കാരിന്റെ അംഗീകാരമുള്ള സ്ഥാപനങ്ങളില്‍ റഗുലര്‍ കോഴ്സിന് ഉപരിപഠനം നടത്തുന്ന കുട്ടികളുടെ രക്ഷിതാക്കള്‍ ഓണ്‍ലൈനായി അപേക്ഷിക്കണം. http://services.unorganisedwssb.org/index.php/home എന്ന വെബ്‌സൈറ്റിലൂടെ അപേക്ഷിക്കാം. ഫോണ്‍: 0477-2241455.

വനിത ശിശു വികസന വകുപ്പിന് കീഴില്‍ പ്രവര്‍ത്തിക്കുന്ന ഇളംദേശം ഐസിഡിഎസ് പ്രോജക്ടിലെ 7  പഞ്ചായത്തുകളിലെ 140 അങ്കണവാടികളില്‍ സന്ദര്‍ശനം നടത്തുന്നതിനും മറ്റ് ഓഫീസ് ആവശ്യത്തിനുമായി ഒക്ടോബര്‍ 1 മുതല്‍ 2026 സെപ്തംബര്‍ 30 വരെയുള്ള ഒരു വര്‍ഷത്തേയ്ക്ക് കാര്‍ വാടകയ്ക്ക്  നല്‍കുന്നതിന് തയ്യാറുള്ള വ്യക്തികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സെപ്റ്റംബര്‍ 18 ന് പകല്‍ 1.30 വരെ സ്വീകരിക്കും. തുടര്‍ന്ന് 3 ന് തുറന്ന് പരിശോധിക്കും. കൂടുതല്‍ വിവരങ്ങള്‍ ഇളംദേശം ബ്ലോക്ക് പഞ്ചായത്ത് കെട്ടിടത്തില്‍ പ്രവര്‍ത്തിക്കുന്ന ഇളംദേശം  ഐസിഡിഎസ് പ്രോജക്ട് ഓഫീസില്‍ നിന്നും ലഭിക്കും. ഫോണ്‍: 9447588064

വനിത ശിശു വികസന വകുപ്പിന് കീഴില്‍ പ്രവര്‍ത്തിക്കുന്ന തൊടുപുഴ ഐസിഡിഎസ് പ്രോജക്ടിലെ 6 പഞ്ചായത്തുകളിലും ഒരു മുന്‍സിപ്പാലിറ്റിയിലുമായുള്ള 142 അങ്കണവാടികളില്‍ സന്ദര്‍ശനം നടത്തുന്നതിനും മറ്റ് ഓഫീസ് ആവശ്യത്തിനുമായി ഒക്ടോബര്‍ 1 മുതല്‍ 2026 സെപ്തംബര്‍ 30 വരെയുള്ള ഒരു വര്‍ഷത്തേയ്ക്ക് കാര്‍ വാടകയ്ക്ക്  നല്‍കുന്നതിന് തയ്യാറുള്ള വ്യക്തികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ അപേക്ഷകള്‍ സെപ്റ്റംബര്‍ 30 ന് പകല്‍ 1.15 വരെ സ്വീകരിക്കും. തുടര്‍ന്ന് 3 ന് തുറന്ന് പരിശോധിക്കും.

ഡി റ്റി പിയില്‍ രണ്ട് വര്‍ഷത്തില്‍ കുറയാത്ത പ്രവര്‍ത്തന പരിചയമുള്ളതും അഡോബ് ഇന്‍ഡിസൈന്‍, ഫോട്ടോഷോപ്പ്, പേജ് മേക്കര്‍, കോറല്‍ ഡ്രോ എന്നിവയില്‍ പരിജ്ഞാനവുമുള്ള ഉദ്യോഗാര്‍ത്ഥികളെ കരാര്‍ വ്യവസ്ഥയില്‍ ആവശ്യമുണ്ട്. താത്പര്യമുള്ള ഉദ്യോഗാര്‍ഥികള്‍ ജില്ലാ പ്ലാനിംഗ് ഓഫീസര്‍, ജില്ലാ പ്ലാനിംഗ് ഓഫീസ്, ജില്ലാ ആസൂത്രണ സമിതി മന്ദിരം, കളക്ട്രേറ്റിന് സമീപം, കുയിലിമല, ഇടുക്കി ഫോണ്‍: 04862 233010 എന്ന വിലാസത്തില്‍ സെപ്റ്റംബര്‍ 18നകം അപേക്ഷ സമര്‍പ്പിക്കണം.