കെൽട്രോൺ തലശ്ശേരി നോളജ് സെന്ററിൽ സർക്കാർ അംഗീകാരമുള്ള ഒരുവർഷത്തെ പ്രൊഫഷണൽ ഡിപ്ലോമ ഇൻ ലോജിസ്റ്റിക്‌സ് ആൻഡ് സപ്ലൈ ചെയിൻ മാനേജ്‌മെന്റ് കോഴ്‌സിന്റെ ഒഴിവുള്ള സീറ്റുകളിലേക്കുള്ള സ്‌പോട്ട് അഡ്മിഷൻ നടക്കുന്നു. പ്ലസ് ടു പാസായവർ യോഗ്യത തെളിയിക്കുന്ന സർട്ടിഫിക്കറ്റുകളുമായി നേരിട്ട് എത്തണം. കൂടുതൽ വിവരങ്ങൾക്ക് കെൽട്രോൺ നോളേജ് സെന്റർ, സഹാറ സെന്റർ, എ വി കെ നായർ റോഡ്, തലശ്ശേരി എന്ന വിലാസത്തിൽ ബന്ധപ്പെടാം. ഫോൺ: 0490 2321888, 9400096100

വനിത ശിശുവികസന വകുപ്പ് കൊണ്ടോട്ടി ഐ.സി.ഡി.എസ്  പ്രോജക്ടിന് കീഴിലെ കൊണ്ടോട്ടി മുൻസിപ്പാലിറ്റിയിലെ പതിമൂന്നാം നമ്പർ ഡിവിഷൻ പരിധിയിലുള്ള സെക്ഷൻ നമ്പർ 74 കോടങ്ങാട് അങ്കണവാടി കം ക്രഷിലേയ്ക്ക് അങ്കണവാടി ക്രഷ് ഹെൽപ്പറെ നിയമിക്കുന്നു. യോഗ്യരായ വനിതകളിൽ നിന്നും അപേക്ഷ ക്ഷണിച്ചു. അപേക്ഷകർ ഈ വർഷം ജനുവരി ഒന്നിന് 18 വയസ്സ് തികഞ്ഞ വരും 35 വയസ്സ് കവിയാത്തവരുമായിരിക്കണം .
ഫോൺ: 0483 2713315,9188959785

ദേശീയാരോഗ്യദൗത്യം മലപ്പുറം നിലമ്പൂര്‍ മുമ്മുളളി അര്‍ബന്‍ നഗര കുടുംബാരോഗ്യകേന്ദ്രത്തില്‍ ഗൈനക്കോളജിസ്റ്റ്, പീഡിയാട്രീഷന്‍, സ്പെഷലിസ്റ്റ് ഡോക്ടര്‍ ജനറല്‍ മെഡിസിന്‍ എന്നീ തസ്തികയിലേക്ക് ഓണ്‍ലൈനായി അപേക്ഷ ക്ഷണിച്ചു. അപേക്ഷ ലഭിക്കേണ്ട അവസാന തീയതി സെപ്റ്റംബര്‍ 30. കൂടുതല്‍ വിവരങ്ങള്‍ക്ക് ആരോഗ്യകേരളം വെബ്‌സൈറ്റ് www.arogyakeralam.gov.in സന്ദര്‍ശിക്കുക. ഫോണ്‍: 0483 2730313, 9846700711

മലപ്പുറം അര്‍ബന്‍ പോളിക്ലിനിക്കിലെ സൈക്യാട്രി വിഭാഗത്തില്‍ ഡോക്ടര്‍മാരുടെ ഒഴിവുണ്ട്. അപേക്ഷ ലഭിക്കേണ്ട അവസാന തീയതി സെപ്റ്റംബര്‍ 25. കൂടുതല്‍ വിവരങ്ങള്‍ക്ക് ആരോഗ്യകേരളം വെബ്‌സൈറ്റ് www.arogyakeralam.gov.in സന്ദര്‍ശിക്കുക. അപേക്ഷിക്കേണ്ട ലിങ്ക്: https://forms.gle/fJBpEvQvhzeEvLpm9. ഫോണ്‍: 0483 2730313, 9846700711

കണ്ണൂർ അർബൻ ഐ.സി.ഡി.എസ് പ്രൊജക്ടിന്റെ പരിധിയിലുള്ള കോർപറേഷൻ സോണൽ ഡിവിഷൻ നമ്പർ 46 (തെക്കി ബസാർ) ലുള്ള സെന്റർ നമ്പർ ഒന്ന് സൗത്ത് ബസാർ അങ്കണവാടിയിൽ അങ്കണവാടി കം ക്രഷിലേക്ക് ഹെൽപ്പറെ നിയമിക്കുന്നു. അപേക്ഷകർ 18 വയസ്സ് പൂർത്തിയായതും 35 വയസ്സിന് ഇടയിൽ പ്രായമുള്ളതുമായ നിശ്ചിത യോഗ്യതയുള്ള വനിതകൾ ആയിരിക്കണം. കോർപറേഷൻ സോണലിലെ സ്ഥിര താമസക്കാരിയായിരിക്കണം. ഡിവിഷൻ നമ്പർ 46 (തെക്കി ബസാർ) ലെ സ്ഥിരതാമസക്കാർക്ക് മുൻഗണന. അപേക്ഷകൾ തളിക്കാവ് കണ്ണൂർ അർബൻ ഐ.സി.ഡി.എസ് കാര്യാലയത്തിൽ സെപ്റ്റംബർ 20ന് വൈകീട്ട് അഞ്ചിനകം ലഭിക്കണം. അപേക്ഷാഫോമിന്റെ മാതൃക കണ്ണൂർ അർബൻ ഐ.സി.ഡി.എസ് കാര്യാലയത്തിൽ ലഭിക്കും.

വനിതാ ശിശു വികസന വകുപ്പ് മിഷന്‍ വാത്സല്യ പദ്ധതിക്ക് കീഴിലുള്ള ജില്ലാ ശിശു സംരക്ഷണ യൂണിറ്റില്‍ പ്രവര്‍ത്തിക്കുന്ന ഒ ആര്‍ സി (ഔവര്‍ റെസ്‌പോണ്സിബിലിറ്റി റ്റു ചില്‍ഡ്രന്‍) പദ്ധതിയുടെ ഭാഗമായ ജില്ലാ റിസോഴ്‌സ് സെന്റര്‍ വിദഗ്ദരുടെ (ക്ലിനിക്കല്‍ സൈക്കോളജിസ്റ്റ്, സ്‌പെഷ്യല്‍ കണ്‍സല്‍ട്ടന്റ്/എഡ്യൂക്കേറ്റര്‍, ഫാമിലി കൗണ്‍സിലര്‍, ഒക്ക്യൂപ്പേഷണല്‍ തെറാപ്പിസ്റ്റ്/സ്പീച്ച് തെറാപ്പിസ്റ്റ്) പാനലിലേക്ക് അപേക്ഷ ക്ഷണിച്ചു.

സംസ്ഥാന വിവരാവകാശ കമ്മീഷണർ ഡോ. കെ.എം ദിലീപ് സെപ്റ്റംബർ 18ന് രാവിലെ 10 മണി മുതൽ വൈകീട്ട് അഞ്ച് മണിവരെ കലക്ടറേറ്റ് കോൺഫറൻസ് ഹാളിൽ ഹിയറിംഗ് നടത്തും.

ഗതാഗത നിയന്ത്രണം

രാമനാട്ടുകര വൈദ്യരങ്ങാടിയിലെ ആലുങ്ങല്‍-കിഴക്കേപട്ടായിക്കല്‍ റോഡ് നവീകരണം നടക്കുന്നതിനാല്‍ സെപ്റ്റംബര്‍ 17 മുതല്‍ പ്രവൃത്തി അവസാനിക്കുന്നത് വരെ ഭാഗികമായി ഗതാഗതം നിരോധിച്ചതായി എക്‌സിക്യൂട്ടീവ് എഞ്ചിനീയര്‍ അറിയിച്ചു.

അസി. പ്രൊഫസര്‍ നിയമനം