വികസന പ്രവർത്തനങ്ങൾക്ക് ആവശ്യമായ ഭൂമി ഏറ്റെടുക്കൽ നടപടികൾക്കുള്ള സർവെ വേഗത്തിൽ പൂർത്തിയാക്കാൻ സർവെയർമാരുടെ കുറവ് പരിഹരിക്കുമെന്ന് റവന്യൂ വകുപ്പ് മന്ത്രി കെ രാജൻ. തിരുവന്തപുരം ജില്ലാ റവന്യൂ അസംബ്ലിയിൽ അധ്യക്ഷത വഹിച്ചു സംസാരിക്കുകയായിരുന്നു മന്ത്രി.

സർവെയറുടെ അഭാവത്താൽ പദ്ധതി നിർവഹണം മുടങ്ങാനാവില്ല. വേണ്ടിവരുന്ന സർവെയർമാരുടെ എണ്ണം റിപ്പോർട്ട് ചെയ്യാൻ ജില്ലാ കളക്ടർക്ക് മന്ത്രി നിർദേശിച്ചു. റവന്യൂ സെക്രട്ടേറിയറ്റ് തീരുമാനം അനുസരിച്ച് വില്ലേജ് ഓഫീസർമാർ അടക്കം ജീവനക്കാർക്ക് അവധി അനുവദിക്കുന്നതിൽ നിയന്ത്രണം കർശനമാക്കണമെന്നും അദ്ദേഹം പറഞ്ഞു.

കേരളത്തിൽ നടപ്പാക്കിവരുന്ന രാജ്യത്തെ ആദ്യ സമഗ്ര ഡിജിറ്റൽ ഭൂവിവര സംവിധാനമായ (ILIMS) എന്റെ ഭൂമി സംയോജിത പോർട്ടലിനെ കുറിച്ച് പഠിക്കുന്നതിനായി തെലുങ്കാനയിലെ നാഷണൽ സർവെ റവന്യു ഉദ്യോഗസ്ഥരും ഇൻഫോർമാറ്റിക്‌സസ് സെൻറർ (NIC) ഉദ്യോഗസ്ഥരും ഉൾപ്പെടുന്ന സംഘം രണ്ടു ദിവസത്തെ സന്ദർശനത്തിനായി തിങ്കളാഴ്ച തിരുവനന്തപുരത്ത് എത്തി.  സംഘാംഗങ്ങൾ റവന്യു മന്ത്രി കെ രാജൻമായി  ആശയ വിനിമയം നടത്തി.  റവന്യു,  സർവെ, രജിസ്‌ട്രേഷൻ വകുപ്പുകൾ സംയോജിപ്പിച്ച് കേരളത്തിൽ നടപ്പാക്കിവരുന്ന എന്റെ ഭൂമി ഡിജിറ്റൽ സർവെ മാതൃകയിൽ തെലുങ്കാന സംസ്ഥാനത്തും നടപ്പിലാക്കുന്നതിന് പ്രയോജനകരമായ സമഗ്രമായ ധാരണ നേടുകയും സമാനമായ മികച്ച രീതികൾ സ്വീകരിക്

മുളക്കുഴ പഞ്ചായത്ത് രണ്ടാം വാർഡിലെ അങ്കണവാടി കെട്ടിടം നിർമ്മാണോദ്ഘാടനം ഫിഷറീസ്, സാംസ്കാരികവകുപ്പ് മന്ത്രി സജി ചെറിയാൻ നിർവഹിച്ചു. പിരളശ്ശേരി മലയിൽ റോസ്മേരി വില്ലയിൽ മാത്യു വർഗീസ് മുളക്കുഴ പഞ്ചായത്തിന് സൗജന്യമായി നൽകിയ അഞ്ചു സെൻ്റ് സ്ഥലത്ത് പഞ്ചായത്തിൻ്റെയും, ബ്ലോക്ക് പഞ്ചായത്തിൻ്റെയും തൊഴിലുറപ്പ് പദ്ധതിയിൽ നിന്ന് 16 ലക്ഷം രൂപ ചെലവഴിച്ചാണ് കെട്ടിടം നിർമ്മിക്കുന്നത്. 

ഒക്ടോബർ രണ്ട് ഗാന്ധിജയന്തി വാരാഘോഷത്തോടനുബന്ധിച്ച് ജില്ലയിൽ രണ്ടാഴ്ച നീണ്ടുനിൽക്കുന്ന ശുചിത്വ കാമ്പയിൻ 'സ്വച്ഛതാ ഹി സേവാ 2025' ശുചിത്വ യജ്ഞത്തിന്  തുടക്കമാകുന്നു. സെപ്റ്റംബർ 17 മുതൽ ഒക്ടോബർ രണ്ട് വരെ രണ്ടാഴ്ചക്കാലം നീളുന്ന പരിപാടിയിലൂടെ ജില്ലയെ കൂടുതൽ വൃത്തിയുള്ളതാക്കി മാറ്റുകയാണ് ലക്ഷ്യം. ജില്ലാ ശുചിത്വ മിഷൻ്റെ നേതൃത്വത്തിൽ എല്ലാ സർക്കാർ-സ്വകാര്യ സ്ഥാപനങ്ങളെയും പൊതുജനങ്ങളെയും പങ്കാളികളാക്കിയാണ് ശുചീകരണ പ്രവർത്തനങ്ങൾ സംഘടിപ്പിക്കുന്നത്.

*പുതുക്കിയ മെനു നടപ്പാക്കൽ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡൻ്റ് നിർവഹിച്ചു 

ജില്ലയിലെ എല്ലാ അങ്കണവാടികളിലും പുതിയ പോഷക സമൃദ്ധമായ ഭക്ഷണ മെനു നടപ്പാക്കുന്നതിന്റെയും പോഷണ മാസാചരണത്തിന്റെയും ജില്ലാതല ഉദ്ഘാടനം മാരിക്കുളം തെക്ക് പഞ്ചായത്തിലെ 75-ാം നമ്പർ അങ്കണവാടിയിൽ ജില്ലാ പഞ്ചായത്ത് പ്രസിഡൻ്റ് കെ ജി രാജേശ്വരി നിർവ്വഹിച്ചു. കുട്ടികളുടെ ആരോഗ്യ സംരക്ഷണത്തിലും സമഗ്ര വികസനത്തിലും അങ്കണവാടികൾക്ക് വലിയ പ്രാധാന്യമുണ്ടെന്നും പെൺകുട്ടികളുടെ വിദ്യാഭ്യാസം, പ്രതിഭ എന്നിവയുടെ വികസനം സമൂഹത്തിന്റെയും രാജ്യത്തിന്റെയും വളർച്ചക്ക് നിർണ്ണായകമാണെന്നും ജില്ലാ പഞ്ചായത്ത് പ്രസിഡൻ്റ് പറഞ്ഞു.

വനിത ശിശു വികസന വകുപ്പും ജില്ലാ ശിശുക്ഷേമ സമിതിയും ചേർന്ന് സംഘടിപ്പിക്കുന്ന ശാസ്ത്ര-ചരിത്ര ജില്ലാ ശില്പശാലയ്ക്ക് സംഘാടകസമിതി രുപീകരിച്ചു.  കൈത്തത്തിൽ ആശാൻ സ്മാരക ഗ്രന്ഥശാലയിൽ ചേർന്ന സംഘാടകസമിതി രൂപീകരണ യോഗം ആലപ്പുഴ സഹകരണ കാർഷിക ഗ്രാമവികസന ബാങ്ക് പ്രസിഡന്റ് അഡ്വ. കെ ആർ ഭഗീരഥൻ ഉദ്ഘാടനം ചെയ്തു. ആര്യാട് ബ്ലോക്ക്‌ പഞ്ചായത്ത് പ്രസിഡന്റ് കെ ഡി മഹീന്ദ്രൻ അധ്യക്ഷനായി. ശിശുക്ഷേമ സമിതി ജില്ലാ സെക്രട്ടറി കെ ഡി ഉദയപ്പൻ, ശിശുക്ഷേമ സമിതി ജില്ലാ ട്രഷറർ കെ പി പ്രതാപൻ, വൈസ് പ്രസിഡന്റ് ശ്രീലേഖ , പി സി രഘുനാഥ്‌, അഭിരാം രഞ്ജിത്, എ പ്രേംനാഥ്‌, അശ്വിൻ എ ബി എന്നിവർ സംസാരിച്ചു. 

പുരസ്കാര വിതരണം ഇന്ന്(16) തിരുവനന്തപുരത്ത് മുഖ്യമന്ത്രി നിർവഹിക്കും

വൈ.ഐ.പി-ശാസ്ത്രപഥം എട്ടാം പതിപ്പിൽ വിദ്യാർഥികളുടെ രജിസ്ട്രേഷനും ആശയസമർപ്പണവും സെപ്റ്റംബർ 14 നു പൂർത്തിയായി. സംസ്ഥാനത്തെ ഹൈസ്‌കൂൾ മുതൽ ഗവേഷണതലം വരെയുള്ള വിദ്യാർഥികളാണ് യങ് ഇന്നൊവേറ്റർസ് പ്രോഗ്രാമിൽ (വൈ.ഐ.ഡി) പങ്കെടുക്കുന്നത്.

        ഇൻസ്റ്റിറ്റ്യൂട്ട് ഓഫ് ലാൻഡ് ആൻഡ് ഡിസാസ്റ്റർ മാനേജ്‌മെന്റ്‌ നടത്തുന്ന  എം.ബി.എ ഡിസാസ്റ്റർ മാനേജ്‌മെന്റ്‌ കോഴ്സ് നടത്തിപ്പിനായും സെന്ററിലെ മറ്റു പ്രവർത്തനങ്ങൾക്കുമായി ദുരന്തനിവാരണ വിഷയത്തിൽ ബിരുദാനന്തര ബിരുദമുള്ളവരെ യങ് പ്രൊഫഷണലായി നിയമിക്കുന്നു. പ്രതിമാസം 30000 രൂപ വേതനത്തിൽ ഒരു വർഷത്തേക്കാണ് നിയമനം. രണ്ട് ഒഴിവാണുള്ളത്.

ഇൻസ്റ്റിറ്റ്യൂട്ട് ഓഫ് ലാൻഡ് ആൻഡ് ഡിസാസ്റ്റർ മാനേജ്‌മെന്റിന്റെ കീഴിലുള്ള റിവർ മാനേജ്‌മെന്റ്‌ സെന്ററിലെ ഗവേഷണ / പഠന പ്രോജക്ടുകളിലും മറ്റ് ഐ.ഇ.സി പ്രവർത്തനങ്ങൾക്കുമായി ജിയോളജിയിൽ ബിരുദാനന്തര ബിരുദമുള്ള ഒരു യങ്ങ് പ്രൊഫഷണലിനെ നിയമിക്കുന്നു. പ്രതിമാസം 30,000 രൂപ വേതനത്തിൽ ഒരു വർഷത്തേക്കാണ് നിയമനം. അപേക്ഷ സ്വീകരിക്കുന്ന അവസാന തീയതി സെപ്റ്റംബർ 19.