* പാലക്കാട് ജില്ലാ റവന്യൂ അസംബ്ലി

നാഷണൽ മെഡിക്കൽ കമ്മീഷനിൽ നിന്നുമുള്ള നിർദ്ദേശത്തിന്റെ അടിസ്ഥാനത്തിൽ വിദേശത്ത് മെഡിക്കൽ വിദ്യാഭ്യാസം പൂർത്തിയാക്കിയ വിദ്യാർഥികളിൽ നിന്നും സംസ്ഥാനത്തെ സർക്കാർ മെഡിക്കൽ കോളേജുകളിലും സ്വകാര്യ സ്വാശ്രയ മെഡിക്കൽ കോളേജുകളിലും ക്ലിനിക്കൽ ക്ലർക്ക്ഷിപ്പും തുടർന്ന് ഇന്റേൺഷിപ്പും ചെയ്യുന്നതിനുള്ള അപേക്ഷ ക്ഷണിച്ചു.

പ്രവാസി കമ്മീഷൻ അദാലത്ത് ഇന്ന്‌ (സെപ്റ്റംബർ 16) രാവിലെ 10 മുതൽ എറണാകുളം കളക്ടറേറ്റ് കോൺഫറൻസ് ഹാളിൽ നടക്കും. കമ്മീഷൻ ചെയർപേഴ്സൺ ജസ്റ്റിസ് സോഫി തോമസ് അദാലത്തിന് നേതൃത്വം നൽകും. കമ്മീഷൻ അംഗങ്ങളായ പി. എം. ജാബിർ, ഡോ. മാത്യൂസ് കെ. ലൂക്കോസ്, എം. എം. നയീം, ജോസഫ് ദേവസ്യ പൊന്മാങ്കൽ എന്നിവർ പങ്കെടുക്കും. *എല്ലാ ജില്ലകളിൽ നിന്നുള്ള പരാതികളും അദാലത്തിൽ സ്വീകരിക്കും*.  

പ്രവാസികളുടെ സ്വത്തിനെയും ജീവനെയും സംബന്ധിക്കുന്നതുൾപ്പെടെ അവരുടെ ന്യായമായ ഏതു വിഷയവും പ്രവാസി കമ്മീഷൻ മുമ്പാകെ ഉന്നയിക്കാവുന്നതാണ്.

  ഐ.എച്ച്.ആര്‍.ഡി 2025 ജൂണില്‍  നടത്തിയ പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ്,  പോസ്റ്റ് ഗ്രാജ്വേറ്റ് ഡിപ്ലോമ ഇന്‍ സൈബര്‍ ഫോറന്‍സിക്‌സ് ആന്‍ഡ് സെക്യൂരിറ്റി, ഡിപ്ലോമ ഇന്‍ ഡാറ്റാ എന്‍ട്രി ടെക്‌നിക്‌സ് ആന്റ് ഓഫീസ് ഓട്ടോമേഷന്‍, ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ്, സര്‍ട്ടിഫിക്കറ്റ് കോഴ്‌സ് ഇന്‍ ലൈബ്രറി ആന്റ് ഇന്‍ഫര്‍മേഷന്‍ സയന്‍സ് കോഴ്‌സുകളുടെ   പരീക്ഷാഫലം പരീക്ഷാകേന്ദ്രങ്ങളിലും, www.ihrd.ac.in ലും പ്രസിദ്ധപ്പെടുത്തി. പുനര്‍മൂല്യനിര്‍ണയ ത്തിനുള്ള അപേക്ഷകള്‍ സെപ്റ്റംബര്‍ 22 വരെയും   200 രൂപ പിഴയോടുകൂടി സെപ്റ്റംബര്‍ 29 വരെയും സമര്‍പ്പിക്കാം.

  വിദ്യാഭ്യാസ വകുപ്പില്‍ പാര്‍ട്ട് ടൈം ഹൈസ്‌കൂള്‍ ടീച്ചര്‍ (സംസ്‌കൃതം) (കാറ്റഗറി നം.443/23) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടവര്‍ക്ക് സെപ്റ്റംബര്‍ 17, 18  തീയതി കളില്‍ ജില്ലാ പി.എസ്.സി ഓഫീസില്‍ അഭിമുഖം നടത്തും.  അറിയിപ്പ് ലഭിച്ചിട്ടില്ലാത്തവര്‍  (എസ്.എം.എസ്, പ്രൊഫൈല്‍ മെസേജ് മുഖേന) ജില്ലാ പി.എസ്.സി. ഓഫീസുമായി ബന്ധപ്പെടണം. ഫോണ്‍: 0474 2743624.

കൊട്ടാരക്കര എംപ്ലോയ്‌മെന്റ് എക്‌സ്‌ചേഞ്ചിന്റെ പരിധിയിലുള്ള ഉദ്യോഗാര്‍ഥികള്‍ക്ക്   സബ്സിഡിയോടുകൂടി  വായ്പ അനുവദിക്കുന്ന കെസ്‌റു, മള്‍ട്ടി പര്‍പ്പസ് / ജോബ് ക്ലബ് സ്വയംതൊഴില്‍ പദ്ധതികളിലേക്ക് അപേക്ഷിക്കാം.   കുടുംബവാര്‍ഷിക വരുമാനം ഒരു ലക്ഷം രൂപയില്‍ താഴെയായിരിക്കണം.  കൊട്ടാരക്കര എംപ്ലോയ്‌മെന്റ് എക്‌സ്‌ചേഞ്ചില്‍ അപേക്ഷ നല്‍കണം.  ഫോണ്‍ :0474 2457212, 9495267847.

മെഴുവേലി സര്‍ക്കാര്‍ ഐ.ടി.ഐ(വനിത)യില്‍ ഡ്രാഫ്റ്റ്‌സ്മാന്‍ സിവില്‍, ഫാഷന്‍ ഡിസൈന്‍ ടെക്‌നോളജി   ട്രേഡുകളില്‍   സീറ്റൊഴിവുണ്ട്.   അസല്‍ സര്‍ട്ടിഫിക്കറ്റ്, ടി.സി, ഫീസ്   സഹിതം സെപ്റ്റംബര്‍ 30 നകം  ഹാജരാകണം. പ്രായപരിധി ഇല്ല. ഫോണ്‍ : 0468 2259952, 9961276122, 9995686848, 8075525879.
 
 
 

  കെട്ടിടനിര്‍മാണതൊഴിലാളി ക്ഷേമബോര്‍ഡ് പെന്‍ഷന്‍ വാങ്ങുന്ന മസ്റ്ററിംഗ് പരാജയപ്പെട്ടവര്‍, 85 വയസ് കഴിഞ്ഞവര്‍, സ്ഥിരമായി രോഗശയ്യയിലുള്ളവര്‍ അവതെളിയിക്കുന്ന രേഖകളും ആധാര്‍ കാര്‍ഡിന്റെയും ബാങ്ക് പാസ്ബുക്കിന്റെ പകര്‍പ്പും കേരള കെട്ടിട നിര്‍മ്മാണ തൊഴിലാളി ക്ഷേമബോര്‍ഡ് ജില്ലാ ഓഫീസില്‍ ഹാജരാക്കണമെന്ന്  ജില്ലാ എക്‌സിക്യുട്ടീവ് ഓഫീസര്‍ അറിയിച്ചു.