കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്‌മെന്റ്  സെപ്റ്റംബര്‍ 22 മുതല്‍ 24 വരെ ഹ്യൂമന്‍ റിസോഴ്‌സ് വര്‍ക്‌ഷോപ്പ് സംഘടിപ്പിക്കും. പരിശീലനത്തില്‍ സംരംഭകര്‍ക്കും ജീവനക്കാര്‍ക്കും പങ്കെടുക്കാം. കളമശ്ശേരി കിഡ് ക്യാമ്പസിലാണ് പരിശീലനം.  ജനറല്‍ /ഒ.ബി.സി വിഭാഗത്തിന്  താമസം ഉള്‍പ്പെടെ 2950 രൂപയും താമസം  ഇല്ലാതെ 1500 രൂപയും എസ്.സി/എസ്.ടി വിഭാഗത്തിന് താമസം ഉള്‍പ്പെടെ 1800 രൂപയും താമസം  ഇല്ലാതെ 800 രൂപയുമാണ് ഫീസ്. തിരഞ്ഞെടുക്കപ്പെടുന്ന 35 പേര്‍ ഫീസ് അടച്ചാല്‍ മതി   www.kied.info ല്‍ സെപ്റ്റംബര്‍ 17 നകം അപേക്ഷ സമര്‍പ്പിക്കണം. ഫോണ്‍: 0484 2532890,   9188922785.
 

വ്യവസായ-വാണിജ്യ വകുപ്പിന്റെ ആഭിമുഖ്യത്തിൽ പുതിയ സംരംഭം തുടങ്ങുന്നവർക്കും നിലവിൽ സംരംഭം നടത്തുന്നവർക്കുമായി തലശ്ശേരി താലൂക്ക് കോൺഫറൻസ് ഹാളിൽ സെപ്റ്റംബർ 18 മുതൽ 15 ദിവസത്തേക്ക് സൗജന്യ സംരംഭകത്വ വികസന പരിപാടി നടത്തുന്നു. പരിശീലനം പൂർത്തീകരിക്കുന്നവർക്ക് വ്യവസായവകുപ്പ് നൽകുന്ന സർട്ടിഫിക്കറ്റ് ലഭിക്കും. ഇവ ബാങ്ക് ലോണിനും പി എം ഇ ജി പി പോലുള്ള പദ്ധതികൾക്ക് സബ്‌സിഡി ലഭിക്കുന്നതിനും ഉപയോഗിക്കാം. താൽപര്യമുള്ളവർക്ക് https://forms.gle/efbVncXibTEGnbvFA ലിങ്ക് വഴി അപേക്ഷിക്കാം. ഫോൺ: 7012948486,  9946946167, 9744991079

  കളള്‌വ്യവസായ തൊഴിലാളിക്ഷേമനിധി അംഗങ്ങളുടെ മക്കള്‍ക്ക് സ്‌കോളര്‍ഷിപ്പിന് അപേക്ഷിക്കാം. സര്‍ക്കാര്‍ സ്ഥാപനങ്ങളിലോ സര്‍ക്കാര്‍ അംഗീകരിച്ച സ്ഥാപനങ്ങളിലോ എട്ടാം ക്ലാസ് മുതല്‍ പ്രൊഫഷണല്‍ കോഴ്‌സുകളില്‍ പഠിക്കുന്ന വിദ്യാര്‍ഥികള്‍ക്കാണ് അവസരം. അവസാന തീയതി  ഒക്‌ടോബര്‍ 15.  ഫോണ്‍:  0474 2799845.  

ചെങ്ങന്നൂര്‍ സര്‍ക്കാര്‍ വനിത ഐ.ടി.ഐയില്‍  ഒഴിവുള്ള സീറ്റുകളിലെ പ്രവേശനത്തിന് സെപ്റ്റംബര്‍ 30നകം ഹാജരാകണം. ഫോണ്‍ : 0479 2457496, 9747454553.
 

കേരള മോട്ടോർ തൊഴിലാളി ക്ഷേമനിധി ബോർഡിൽ തൊഴിലാളികൾ അടച്ച തുക കാണാനില്ലെന്ന പ്രചാരണം വാസ്തവ വിരുദ്ധമാണെന്ന് ചെയർമാൻ സി.കെ ഹരികൃഷ്ണൻ അറിയിച്ചു. 2005 ൽ കേരള കേരള മോട്ടോർ ട്രാൻസ്‌പോർട്ട് തൊഴിലാളി ക്ഷേമനിധി ഭേദഗതി പദ്ധതി നിലവിൽ വരുമ്പോൾ നാമമാത്രമായ തൊഴിലാളികളാണ് അംഗങ്ങളായുണ്ടായത്. വാർത്തയിൽ സൂചിപ്പിച്ച 5.35 ലക്ഷം ഓട്ടോറിക്ഷ തൊഴിലാളികളിൽ ബഹുഭൂരിപക്ഷം പേരും 2019 ൽ പദ്ധതി പരിഷ്‌കരിച്ചശേഷം അംഗങ്ങളായവരാണ്. 2019 നവംബറിന് ശേഷമാണ് ഓട്ടോറിക്ഷ തൊഴിലാളികളുടെ വിഹിതം 50 ൽ നിന്ന് 60 ആയി ഉയർത്തിയത്. നിലവിൽ 12 ലക്ഷത്തിലധികം തൊഴിലാളികൾ ബോർഡിൽ രജിസ്റ്റർ ചെയ്തിട്ടുണ്ട്.

കുളക്കട അസാപ് കമ്മ്യൂണിറ്റി  സ്‌കില്‍ പാര്‍ക്കില്‍  ജി.എസ്.ടി യൂസിംഗ് ടാലി കോഴ്‌സിലേക്ക്  പ്രവേശനം ആരംഭിച്ചു. ഫോണ്‍: 9495999672, 9496232583.
 

പായം ഗ്രാമപഞ്ചായത്തിന്റെ സമഗ്ര ചരിത്ര രചനയുടെ ഭാഗമായി ചരിത്ര രചന സമിതി തയ്യാറാക്കിയ 'കാലം സാക്ഷി ചരിത്രം സാക്ഷി' എന്ന ഗ്രന്ഥം പ്രകാശനം ചെയ്തു. മാടത്തിൽ നടന്ന പരിപാടിയിൽ മുൻ എം എൽ എ എം.വി ജയരാജൻ ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബിനോയ് കുര്യന് കൈമാറി പുസ്തക പ്രകാശനം നിർവഹിച്ചു. പായം ഗ്രാമപഞ്ചായത്ത് പ്രസിഡന്റ് പി രജനി അധ്യക്ഷയായി. ആറളം പഞ്ചായത്ത് പ്രസിഡന്റ് കെ.പി രാജേഷ്, വൈസ് പ്രസിഡന്റ് അഡ്വ.

സംസ്ഥാന സർക്കാരും തദ്ദേശ സ്ഥാപനങ്ങളും കൈവരിച്ച നേട്ടങ്ങൾ അവതരിപ്പിക്കുന്ന വികസന സദസ്സുകൾ ജില്ലയിലെ എല്ലാ തദ്ദേശ സ്ഥാപനങ്ങളിലും സെപ്റ്റംബർ 20 മുതൽ ഒക്ടോബർ 20 വരെ ഒരുമാസത്തിനിടയിൽ സംഘടിപ്പിക്കാൻ ജില്ലാ ആസൂത്രണ സമിതി യോഗം തീരുമാനിച്ചു.

മനുഷ്യ-വന്യജീവി സംഘർഷം ലഘൂകരിക്കുന്നതിനുള്ള തീവ്രയജ്ഞ പരിപാടിയുടെ ഭാഗമായി ജില്ലയിലെ തെരഞ്ഞെടുക്കപ്പെട്ട തദ്ദേശ സ്വയംഭരണ സ്ഥാപനങ്ങളിലും വനംവകുപ്പ് റേഞ്ച് ഓഫീസുകളിലും ഹെൽപ്പ് ഡെസ്‌കുകൾ സെപ്റ്റംബർ 16 ചൊവ്വാഴ്ച ആരംഭിക്കും. 
വന്യജീവി ആക്രമണം അതിരൂക്ഷമായ കൊട്ടിയൂർ, കേളകം, അയ്യൻകുന്ന്, കണിച്ചാർ, ചെറുപുഴ, ഉദയഗിരി, പയ്യാവൂർ, ഉളിക്കൽ, പരിയാരം, ചിറ്റാരിപ്പറമ്പ്, പാട്യം, തൃപ്പങ്ങോട്ടൂർ, കോളയാട്, ആറളം പഞ്ചായത്തുകളിലാണ് സെപ്റ്റംബർ 30 വരെ ഹെൽപ്പ് ഡെസ്‌കുകൾ പ്രവർത്തിക്കുക.