സുരക്ഷിതഭക്ഷണം ഉറപ്പാന്‍ വിവിധ പദ്ധതികള്‍ നടപ്പാക്കി തൊടിയൂര്‍ ഗ്രാമപഞ്ചായത്ത്. രാസവളങ്ങള്‍ പരിമിതപ്പെടുത്തി ജൈവകൃഷി പ്രോത്സാഹിപ്പിക്കുകയാണ് ലക്ഷ്യം. ‘മണ്‍ചട്ടിയില്‍ പച്ചക്കറി കൃഷി’ പദ്ധതിയിലൂടെ 200 കുടുംബങ്ങള്‍ക്ക് മണ്‍ചട്ടിയില്‍ നടീല്‍മിശ്രിതം നിറച്ച് പച്ചക്കറി തൈകള്‍ നട്ടാണ് വിതരണംചെയ്തത്. നാല് ലക്ഷം രൂപയാണ് പദ്ധതിക്കായി വകയിരുത്തിയത്. ഒരു കുടുംബത്തിന് 75 ശതമാനം സബ്‌സിഡി നിരക്കില്‍ 10 മണ്‍ചട്ടികള്‍ വീതമാണ് നല്‍കിയത്.

പട്ടികജാതി വികസന വകുപ്പിനു കീഴിൽ പ്രവർത്തിക്കുന്ന ആലുവ കീഴ്മാട് മോഡൽ റസിഡൻഷ്യൽ സ്‌കൂളിൽ പഠിക്കുന്ന വിദ്യാർത്ഥികളുടെ രാത്രികാല പഠനത്തിന് മേൽനോട്ടം വഹിക്കുന്നതിന് മേട്രൺ കം റസിഡന്റ് ട്യൂട്ടർമാരെ കരാറടിസ്ഥാനത്തിൽ (2026 മാർച്ച് വരെ) നിയമിക്കുന്നതിന് അപേക്ഷ ക്ഷണിച്ചു. ബിരുദവും ബി.എഡ്.ഉം ഉള്ള പട്ടികജാതി വിഭാഗത്തിൽപ്പെട്ട ഉദ്യോഗാർത്ഥികൾക്ക് അപേക്ഷിക്കാം. 

വനിതാ ശിശുവികസന വകുപ്പിന് കീഴിലുള്ള ഇടപ്പള്ളി ഐ.സി.ഡി.എസ്. പ്രോജക്ടിനു കീഴിലെ തൃക്കാക്കര നഗരസഭയിലെ 59 അങ്കണവാടികളിൽ പോഷകാബാല്യം പദ്ധതി പ്രകാരം ആഴ്‌ചയിൽ മൂന്ന് ദിവസം പാൽ വിതരണം ചെയ്യുന്നതിന് ടെൻഡർ ക്ഷണിച്ചു.  

 പ്രാദേശിക ക്ഷീര സൊസൈറ്റികൾ, ക്ഷീര കർഷകർ, മറ്റു പ്രാദേശിക പാൽ വിതരണ സംവിധാനങ്ങൾ, മിൽമ, കുടുംബശ്രീ സംരംഭകർ എന്നിവരിൽ നിന്ന് ടെണ്ടർ സ്വീകരിക്കും.ടെൻഡർ സ്വീകരിക്കുന്ന അവസാന തിയതി സെപ്തംബർ 30.

ഫോൺ -7306414135

കാക്കനാട് സ്ഥിതിചെയ്യുന്ന സൈനിക റെസ്റ്റ് ഹൗസിൽ പാർട്ട്‌ടൈം സ്വീപ്പറുടെ തസ്‌തികയിൽ താത്കാലിക നിയമനത്തിന് അപേക്ഷ ക്ഷണിച്ചു. വിമുക്തഭടന്മാർ/വിമുക്തഭടന്മാരുടെ ആശ്രിതർ എന്നിവർക്ക് മുൻഗണന ഉണ്ടായിരിക്കും. സൈനികക്ഷേമ ഓഫീസർ, സിവിൽ സ്റ്റേഷൻ, കാക്കനാട്, എറണാകുളം-682030 എന്ന വിലാസത്തിൽ അപേക്ഷകൾ സെപ്റ്റംബർ 25-ന് മുമ്പ് ലഭിക്കണം. 

ജില്ലാ ശിശുക്ഷേമ  സമിതിയുടെ നേതൃത്വത്തില്‍ ജില്ലാതല ശാസ്ത്ര-ചരിത്രശില്പശാല സെപ്റ്റംബര്‍ 27, 28 തീയതികളില്‍ ശ്രീനാരായണ ഗുരു സാംസ്‌ക്കാരിക സമുച്ചയത്തില്‍ നടത്തും. കുട്ടികളുടെ അറിവുകള്‍ കാലഘട്ടത്തിന് അനുയോജ്യമാകുംവിധം വികസിപ്പിക്കുകയാണ് ലക്ഷ്യം. പഠനഘടകങ്ങള്‍ രൂപപ്പെടുത്തുന്നതിനാണ് ജനകീയവിജ്ഞാന സദസുകള്‍ പ്രയോജനപ്പെടുത്തുകയെന്ന് സമിതി സെക്രട്ടറി ഡി. ഷൈന്‍ ദേവ് അറിയിച്ചു. സംഘാടകസമിതി രൂപീകരണ യോഗം സെപ്റ്റംബര്‍ 17 വൈകിട്ട് അഞ്ചിന് കടപ്പാക്കട സ്‌പോര്‍ട്‌സ് ക്ലബില്‍ ജില്ലാ കലക്ടര്‍ എന്‍. ദേവീദാസ് ഉദ്ഘാടനം ചെയ്യും.

കേരള മോട്ടോർ തൊഴിലാളി ക്ഷേമനിധി ബോർഡ് 2025 ഒക്ടോബർ മൂന്നു മുതൽ 31 വരെ സംസ്ഥാനത്തെ 200 കേന്ദ്രങ്ങളിലായി നടത്തുന്ന കടിശിക നിവാരണ കാമ്പയിന്റെ ഭാഗമായി വാഹന പ്രചാരണയാത്ര ആരംഭിച്ചു. ബോർഡ് ചെയർമാൻ സി.കെ.ഹരികൃഷ്ണൻ ഫ്ലാഗ് ഓഫ് ചെയ്തു.

 എറണാകുളം ജില്ലാ ഓഫീസ് അങ്കണത്തിൽ നടന്ന ചടങ്ങിൽ ജില്ലാ ഉപദേശക സമിതി അംഗം പി.ആർ പ്രസാദ് അദ്ധ്യക്ഷനായി. വിവിധ ട്രേഡ് യൂണിയൻ നേതാക്കൾ, ഉപദേശക സമിതി അംഗങ്ങൾ, ജില്ലാ എക്സിക്യൂട്ടീവ് ഓഫീസർ എം.ഡി ആശാലത, അഡീ.ജില്ലാ എക്സിക്യൂട്ടീവ് ഓഫീസർ ബിന്ദു. കെ. തങ്കപ്പൻ എന്നിവരും പങ്കെടുത്തു.

മദ്യത്തിനും ലഹരിക്കുമെതിരെ ക്യാമ്പയിന്‍ ശക്തമാക്കുമെന്ന് വനിതാ കമ്മീഷന്‍ അംഗം അഡ്വ. ഇന്ദിരാ രവീന്ദ്രന്‍.  കടപ്പാക്കട ജവഹര്‍ ബാലഭവനില്‍ നടത്തിയ സിറ്റിംഗിലാണ് അറിയിച്ചത്. കുടുംബവ്യവസ്ഥയുടെ പ്രാധാന്യം യുവതയിലേക്കെത്തിക്കാന്‍ വിവാഹപൂര്‍വ കൗണ്‍സിലിംഗും  വിവാഹശേഷമുള്ള കൗണ്‍സിലിംഗും നല്‍കും.

ഹരിത കേരള മിഷൻ സംഘടിപ്പിച്ച ജില്ലാതല പച്ചത്തുരുത്ത് മത്സരത്തിൽ ഒന്നാം സ്ഥാനം നേടി മഹാരാജാസ് കോളേജിൻ്റെ പച്ചത്തുരുത്ത്. കൊച്ചി കോർപ്പറേഷൻ ഹരിതകേരള മിഷൻ മഹാരാജാസ് കോളേജ് ബോട്ടണി വിഭാഗത്തിന്റെ നേതൃത്വത്തിൽ ഒരുക്കിയ പത്മശ്രീ ഡോ എ.കെ. ജാനകിയമ്മാൾ സ്മാരക പച്ചത്തുരുത്താണ് ഒന്നാം സ്ഥാനം നേടിയത്. 

2022-ലെ ലോക പരിസ്ഥിതി ദിനത്തിൽ ആരംഭിച്ച പച്ചത്തുരുത്ത് വിദ്യാർത്ഥികൾ, അധ്യാപകർ, ഭൂമിത്രസേന, നേച്ചർ ക്ലബ്‌ എന്നിവരുടെ പ്രവർത്തനങ്ങളിലൂടെ 10 സെന്റ് വിസ്തൃതിയിൽ 29 ഇനങ്ങളിലായി 78-ലധികം സസ്യങ്ങളുമായി 

സര്‍ക്കാര്‍ ആശുപത്രികളില്‍ രണ്ട് വര്‍ഷത്തെ അപ്രന്റീസ് നിയമനം നല്‍കുന്ന ജില്ലാ പഞ്ചായത്തിന്റെ 'മാലാഖക്കൂട്ടം'പദ്ധതിയിലേക്ക് പുതുതായി 23 പേര്‍ക്ക്കൂടി നിയമനം. നവീന സാമൂഹ്യാരോഗ്യ പദ്ധതിയിലൂടെ ജനറല്‍ വിഭാഗത്തില്‍പ്പെട്ട ബി.എസ്.സി. നഴ്‌സിംഗ് ബിരുദധാരികള്‍ക്കാണ് 2025-26 ലേക്കുള്ള അവസരം ലഭിച്ചത്. ജില്ലയിലെ വിവിധ സര്‍ക്കാര്‍ ആശുപത്രികളിലാണ് പ്രവേശനം.